Friday, December 18, 2009

Cover Edisi Desember 2009 - Januari 2010


Editorial Bina Warga Edisi Desember 2009 - Januari 2010

Peristiwa Kasih

Bulan Desember, bulan yang dinanti-nantikan semua orang Kristen, kenapa? Tentu alasannya karena sebentar lagi kita akan menyongsong hari Natal, hari peringatan kelahiran Tuhan kita, Yesus Kristus. Natal memang sudah menjadi peristiwa tahunan yang selalu dirayakan setiap menjelang akhir tahun, di mana orang-orang mulai mempersiapkan diri, ada yang mulai merencanakan perayaan Natal, ada yang sudah merencanakan untuk membeli barang-barang pernik-pernik Natal, atau bahkan ada yang sudah mulai belanja Natal. Natal tidak hanya dirayakan di gereja dan tidak hanya diprakarsai oleh pelayan gereja bahkan muda-mudi di kampung/ STM, Punguan Marga dan organisasi/ lembaga lebih bersemangat dan sibuk untuk mempersiapkan perayaan Natal.Namun, Apa sebenarnya makna dari Natal itu? Apakah Natal harus selalu disambut dengan semua perayaan yang meriah, semua yang baru, semua yang penuh gegap gempita?Apakah dengan banyaknya perayaan Natal yang di lakukan memberikan makna Natal bagi kita atau hanya sekedar perayaan atau supaya tidak ketinggalan dengan STM, Punguan Marga atau kampung lain ?
Sayangnya perayaan Natal yang selalu sibuk dirayakan dibanyak tempat dengan acara yang meriah, meski diringi lagu syahdu Natal, drama Natal yang bertujuan untuk menyentuh hati agar yang hadir semakin merasakan makna kelahiran Yesus tidak begitu membawa banyak dampak yang positip. Lihat saja perayaan-perayaan yang dilakukan diluar gereja dengan penuh sukacita berubah menjadi pesta semalam suntuk. Dan orang yang begitu banyak datang pada perayaan itu hanya beberapa saja yang datang ke gereja.
Arti Natal bagi umat Kristiani sejak kapanpun dan sampai kapanpun akan selalu berbeda dengan cara perayaan orang-orang dunia. Kita umat percaya memahami dan menghormati makna Natal karena Allah telah sudi lahir sebagai manusia, Allah Yang Maha-tinggi itu telah merendahkan diriNya, serendah-rendahnya menjadi manusia, lahir sebagai manusia biasa bahkan terhina mati di kayu salib. Natal bagi umat Kristiani bukan sekedar perayaan, kumpul-kumpul, atau mengadakan kegiatan-kegiatan, tetapi Natal adalah lebih kepada peringatan akan kasih karunia Allah yang dasyat.Kasih yang sudah diberikan Allah Bapa untuk kita, 2000 tahun yang lalu dengan kelahiran Putra-Nya sendiri, Yesus Kristus. Kelahiran Kristus menyediakan pemulihan bagi mereka yang di masa lalu "tercemar " oleh kelamnya dosa. Arti Natal juga meruntuhkan tembok pemisah antara "ras unggul" dan "rasa rendahan"; sekaligus meniadakan sekat penghalang antara suku bangsa. Karena, dihadapan Tuhan kita semua adalah orang-orang yang sudah diselamatkan. Inilah kabar baik yang dibawa Kristus ke dalam dunia.Kita harus dapat memaknai Natal dengan lebih jauh dan lebih rohani. Selain pernak-pernik Natal yang sedap dilihat mata, juga kita refleksikan ungkapan hati, bahwa suka cita Natal yang sesungguhnya berawal dari hati yang tulus menerima keselamatan yang dibawa oleh Yesus Juru selamat manusia, dan merefleksikannya lewat perbuatan dan cara berfikir.Orang yang dapat menerima keselamatan ialah orang yang merendahkan diri dihadapan Tuhan dan mau melayani sesama tanpa pamrih, sesuai kehendak Tuhan. Yesus telah memulai nya sejak ia lahir dan sampai hari Yesus terangkat naik ke sorga. Tugas kita sebagai umat kristiani adalah meneruskannya !Natal merupakan manifestasi cinta kasih yang harus kita syukuri. Dengan berbagi damai dan kasih kepada orang-orang di sekitar kita, saat itu lah makna Natal bisa terasa di hati setiap orang yang kita temui. Berbagi damai, berbagi kasih, bisa kita mulai dari hal yang sederhana, seperti di tengah keluarga kita, atau dengan teman-teman kita, atau boleh dengan setiap orang yang kita temui, di manapun kita berada. Semoga dengan berbagi damai dan kasih, kita bisa terus mengobarkan semangat Natal di hati orang-orang dan di hati kita masing-masing.Selamat Natal. Tuhan berkati.
Pemred

Evangelium Januari 1010

Jamita Evangelium tu Advent 2 Minggu,
06 Desember 2009
Maleakhi 3: 1-5.
Naeng Roma Tuhan i
I. Patujulo

Kitab Maleakhi ima kitab na mansai ringkas ala holan 3 pasal do, alana dua pasal na parpudi digabung do gabe sada. Kitab on pe ditempathon di ujung ni Padan na Robi. Alani i ma gok halak na cenderung mandok Kitab on ndada pola porlu, ala termasuk kitab Nabi kecil parpudi jala inganan kitab on pe, hurang tangkas do. Alai boi do hita mandok, hurang tangkas pe inganan ni kitab on, dison ma tarida ajaran na mansai porlu taringot tu sikap dohot sangkap ni Debata na umuli tu angka ruasNa.

Di taon 722 SM Israel Utara ditaluhon bangso Asyur, akhirna halak Israel diangkut tu habuangan. Di taon 587 SM Jehuda /Isarel Selatan ditaluhon Babilonia dohot halak Jehuda diangkut tu habuangan. Di antara tahun 538-444 SM, angka halak Jehuda mulak ma sian habuangan. Hape Maleakhi manggurithon buku on di taon 440 SM do. Sian on ma boi botoonta, Maleakhi manurat buku on tu angka halak Jehuda na mulak sian habuangan. (hata 'Israel' di ayat 1 patuduhon mansai tangkas, ditujuhon tu angka halak na mulak sian habuangan).
II. Hatorangan

Turpukta na pinasahat ni panurirang Maleakhi ima taringot tu pangaradeaon ni na porsea na laho manomunomu haroro ni Tuhan i. Adong manang na piga sipamanathonta umboto aha na masa andorang so harorona i, ise na ro manjoloani, jala songon dia ma sikap ni jolma na lao manjangkhon i jala sadihari ma masa haroroNa i.

1. Na porlu taingot, sian mulana nunga disuarahon panurirang Maleakhi hian, ia holong ni roha ni Debata manongtong do tu bangsoNa. Dipaingot do bangsona marhite na manggargai sejarah pambahenan ni Debata. Nasida do dihaholongi, jala dipillit Debata marhite pamilliton Debata tu bangso ni si Jakkob. Jala molo diida sian Padan na Imbaru, lumbalumba ni si Maleakhi on nunga di gohi di na ro Debata tu portibi on dibagabaga hatutubu ni si Palua di bara ni pinahan na di Betlehem i. Holan i do haroroNa, dipatuduhon jumolo marhite suruanNa, dungi haroroNa tu bagas Joro.

Sian i adong na menarik botoonta. Ise do suruan na i, jala aha ma ulaonna. Beasa Tuhan i ro mamongoti bagas joro? Jala songon dia do sikap ni bangso i marnida i, jala boha bangso i margogo manjalo haroro ni Tuhan i? Dison digombarhon ia haroroNa, hapapatar ni holong ni rohana ndang patupa haluaon na universal tu portibi on, tu saluhut manusia dohot tu saluhut na tinompa, alai terbatas holan tu angka na badia na maimaima dibagas joro. ”Suruangku” ima sahalak suruan na manotas angka dalan, padohon angka abatabat di haroroni Debata.

2. Tangkas do dipatorang, ia harororo ni Tuhan i na manggohi sihol ni roha ni angka na porseai. Halak na porsea sian dirina patuduhon sihol ni haporseaonna naso margogo manjalo haroro ni Tuhan i, na ro paiashon jolma sian hatigoran ni portibi on. Domu tuson, denggan do ingotonta ende ni si Simeon, na targoar halak na bonar, jala na daulat, na maimaima di pangapul ni Israel, na niinganan ni tondi porbadia, na mandok di ngoluna, ” naso idaonna hamatean, ia so jolo diida Kristus, Tuhan i. Jala sumuang do sihol ni rohana dung diabing si Simeon posoposo ni Jesus i, dipuji ibana ma Tuhan i”. Haroro ni Tuhan i, boi do ditingki masa na jonok, di tingki na binuhul ni Tuhan i, di tingki na pinabotohon ni Tondi Porbadia. Jala halak na sahat manjangkon haroro ni Tuhan i, ima halak na rade mangaramoti habadiaonna, sihol ni rohana. On ma sikap ni na porsea na tangi di haroro ni Tuhan i. Haroro ni Tuhan i, songon panangko borgin do, ndang taboto sadiharina. Di ngolu si songonon ma ringkot sikap na dungo/waspada, dohot sikap na papitahon diri.

3. Di haroro ni Tuhan i, dijoloani do diharoro ni surusuruan ni Tuhan i, asa marhite haroroNa dirgak panaili ni bangsoNa, jala mangula ulaon na mangarade diri. Dison ma panurirang Maleakhi nunga mangalumbahon haroro ni patujolo ni Tuhan i. Tugas ni surusuruan i, padiri dalan ni Tuhan i (bdn. Johannes, patujolo ni Jesus), ” dungi tompu ma ro tumopot Joro ni Tuhan i, naniluluan muna dohot suruan ni parpadanan na hinalungunmuna.

4. Haroro ni Tuhan i ima papitahon halak na porsea asa songon sere dohot songon perak, siboan sipanganon tu Jahowa dibagasan hatigoran( ayat 3). Pelean na pita, ima pelan na dipelehon tu Jahowa dibagasan hatigoran. Pangantusion di na managam haroro ni Tuhan i, naeng ma ditogihon hita, asa mulak tu pangantusion naung adong hian sian mulana. On ma nian naeng mangula di ngolu ni angka na porsea na mamelehon peleanna tu Debata dibagasan hatigoran.

5. Molo lam jonok hita tu Debata, ingkon lam tahasiholi ma uhum, ingkon sialooonta ma angka pangarupa, angka parsibalik mata, dohot angka na asing ma maralo tu hata ni Debata. Ingon lam tahasiholi ma pajongjong uhum na tingkos tu angka na buro, tu na pogos dohot tu na mabalu di bagasan ngoluna.

III. Panimpuli

Haroro ni Debata sebagai panguhum di bagian kiasan Tradisional. Sungkun-sungkun taringot haroro ni Tuhan, ima gombaran kiasan perang (ay. 2a, lih. 2 Raja 10:4, Amos 5: 120, songon api, tukang, penatu, sabun panunsi dohot na asing, ima umpama na godang tarida di angka panurirang (bdn. Jes. 1:25); Jer. 6: 29-30; Jeh. 22: 17-22). Di buku Maleakhi, gambaran on patuduhon na Debata na naeng pamagohon sude kenajisan jala paiashon angka dakdanak Levi (ay. 2b-3; bdk. Za 13:9).

Sai dibandingkon panurirang do masa na naeng ro kurban para Levi demi Yehuda dohot Yerusalem dohot angka korban na pasonanghon Debata di tingki naung salpu. Masa ni Musa ima masa identifikasi na hurang denggan di hatiha i (bdn. Jer. 2:2; Jes. 63:9, bdk. Ams. 5:25; Jer. 7:22). Pemurnian dohot panjaloon korban Levi (ay. 2-4) patoranghon marasing tu ayat panimpuli di turpuk on, na mandok asa siula hajahaton diadili (Ay. 5; lih. 2:17c).

Debata gabe saksi sekaligus panguhum (pat. 2:14). Di haroroNai, masa ma angka panguhumon tu angka Malim na di bagas ni Debata, jala paiasonna ma nasida laho mangula ulaon na pinasahat ni Debata tu Nasida. Marasing do tu angka parsibalik mata manang partondung (bdn. 5 Musa 18:10-11; Jer. 27:9), sude kelompok na bertanggungjawab di hajahatan sosial digoari ma pangalangkup na manghatindanghon naso tingkos (bdn. 2: 11-16); angka uluan na paeleng uhum (bdn. 3 Musa 19:13; 5 Musa 24:14-15); angka halak na menindas angka na mambalu dohot na tading di lampin (bdn. Za 7:10); manang halak pangarupa (ay. 5b). Angka siula hajahatan sosial digombarhon sebagai halak naso mabiar mida Debata (ay. 5c).

Torop do halak nuaeng paimaima na binagabagahon ni Debata, ima suruan nanaeng ro lao paiashon manang papulikhon na ias sian naso ias. Apalagi tingki on hita Maradvent paduahon na manomunomu hatutubu ni Jesus. Nunga songon dia haradeaonta manjangkon partingkian i. Manang asal marpesta. Adong do tapanghilalahon haroro ni Jesus di rohanta ? Antong binsan sadihari dope ? Taparade ma dirinta na laho manjangkon Sipalua i laos manomunomu haroro ni Tuhan i. Tapaholang ma dirinta sian angka ulaon na maralo tu lomo ni roha ni Debata asa dibagasan roha na dame nang serep hita manjangkon haroro ni Sipalua i tu tongatonganta. Posma rohanta na sai donganan ni Debata do hita na lao manomunomu haroro ni Tuhan i. Amen.

Jamita Minggu Advent 3
Tgl. 13 Desember 2009
Lukas 13 : 23 - 30
Pdt. M. Lumban Gaol, S.Th
Parhobas di Kantor Pusat
Siulahon Hata i ma Hamu
Patujolo:
Matua sai dilului jolma do mangula ulaon na umneang, mardalan di nalapang laho manjalahi si dapothononna. Ise ma tutu olo marsompitsompit molo adong dope nalapang. Alai tung andul marasing do pardalanan ni halak naporsea mandapothon tumpal hangoluan i di banua ginjang, songon nanidok ni Tuhan Jesus di turpuk on. Sian pintu na gogot i do dalan tu haluaon i. On ma bagian sian pangarimpunan ni Jamita ni Jesus na di dolok i.
Hatorangan:
Gok do hamaolon dohot parungkilon manghangoluhon haporseaon i, tung godang do pengorbanan. Godang do halak nalosok rohana laho mangadopi pengorbanan, tumorop do namanghalomohon paihutihut/mandalani dalan nalapang, mura, hombar tu lomoniroha. Boha do hita, rade do mardalan di nagogot i ? Didok Jesus: Marungkil ma hamu, asa masuk sian pintu na gogot i; ai hudok ma tu hamu: Torop do na marsangkap naeng masuk nian, alai ndang tarbahensa.(ay.24)

Marungkil: Godang halak mangantusi ndang pola maol dapotan haluaon i, holan boi pe didok porsea tu Tuhan Jesus nunga taruli ibana di haluaon i, jala olo marminggu, manopoti dosa nunga sae i. Ndang hape songon i.

Dung tajalo haluaon i, ringkot do parsitutuon laho mangadopi angka hamaolon manghangoluhon haporseaon i: mansoadohon diri dohot angka haradeon naasing dope "namangharugihon" parngoluon pardagingon i. Di ayat 24 di dok "marungkilma" (Ind. ‘Berjuanglah’, Heber: agonizomai). Hata on do tongtong didok di Kolose 4:12 (Ind. "bergumul" manang "laboring fervently"). Marlapatan do i, di na mardalan hita di dalan na gogot i, sai marungkil do hita, marungkil ala ni namasa diportibi on. Alai naeng ma tongtong halak naporsea i boi marparbue, songon na ni dok ni Ap. Paulus: marsangap Kristus marhite sian dagingku, mangolu manang mate pe ahu, Ai Kristus do hangoluan di ahu, jala laba nang hamatean.(Filipi 1:20-21)

Gotgot do dalan tu haluaon i, gok hamaolon, jala porsuk (pat. 1 Pet. 2:20-21) jala dijou do hita manaon haporsuhon bahen di Kristus asa lam patar hamuliaon ni Kristus di ngolunta. Alai ndang marlapatan ala ni gogonta asa taruli haluaon i. Sitaonon naingkon porsanonta ima alus ni naung tajalo do haluaon napinatupa ni Kristus. Godangan halak naeng mamora jala naeng marsonangsonang do diportibion. Alai tutu godang do na berusaha naeng mardalan di dalan na sompit i, alai godang do gabe sumurut ala ndang manahan, ido umbahen didok "ndang tarbahensa.

Alai molo pinarrohahon dipartingkian sisaonari on godang do pangajarion na marbagabagahon las niroha, hamoraon, hademahon, kesuksesan. Gabe sai hira na murah meriah hakristenon i. Godang angka "naposo ni Debata" gabe hira "datu" na boi parohon hamoraon, las niroha dohot kesuksesan laho patagashon pardagingon. Torop halak Kristen mamillit dalan nalapang, ala tumabo jala sumonang. Naeng nian sude hatop, ulaon di Gareja pe (marminggu) naeng hatop, jamita jempek jala tabo begeon ni sipareon so pola ditimbangi. Pamanatonta do, nunga godang nang angka jamita na tabo begeon i marisihon rasun na pamenakhon, gabe marlaok pangidoan ni portibion na gabe manegai haporseaon so disadari angka namanjalosa.

Tudosanna boi idaonta, molo adong konser musik manang pertandingan sepakbola na favorit, sai dipadati pengunjung nanaeng marnida langsung idolana bermain. Jala somalna olo do nasida marsosaksosak di jolo ni stadion berebut masuk. Alhasil, jotjot ma masa, konser musik merenggut korban penonton namarsisosahan masuk stadion. Songon i tingki musim mudik lebaran. Marratus halak marsiadu asa boi masuk tu bagas Bus manang kereta api sian sada pintu.

Songon i ma nang tu harajaon banua ginjang, didok Jesus asa marungkil hita laho mamongoti dalan nagogot. Doshon gombaran taringot tu na manonton konser musik manang manonton bola, manang tradisi mudik, godang halak nanaeng berusaha masuk, alai otik do boi masuk. Adong syarat-syarat naingkon si gohanna asa boi masuk stadion manang tu bus dohot kereta. Na pasti, asing sian na berusaha masuk sian pintu na sesak, holan na martiket do na boi masuk! Nunga dilehon tu hita tiket tu Harajaon Banua Ginjang i, boha dohot do hita marsiadu jala mardalan di dalan laho tusi ?

Manat hita sotung sanga papos hu rohanta mangarajumi hita naung dijanghon di Banua Ginjang i. Adong sahalak natung las situtu rohana ala naeng pajumpang dohot sahalak namarsangap jala nunga hundul di sada jabatan na timbo. Nunga tung marsigorgor rohana naeng pajumpang laho manghatahatai dohot namarsangap i. Najolo, uju marsingkola namarsangap i, hea do ibana marborngin dijabu ni amanta on. Hape, aha do namasa dung pajumpang nasida ? Ngalingali do panjanghonon ni namarsangap i tu amanta i, sai hira naso marsitandaan. Nang pe dipasunggulhon amanta i di na hea do ibana marborngin di jabuna, alus ni namarsangap i "ndang
huingot i". Tung maila situtu do amanta. Atik pe ndang apala tung dos namasa i dohot na nidok ni jamita on, alai boi do i gabe tudosan ringkot ni panandaon natangkas jala parsaoran na denggan antara dua pihak, songon na ni dok ni Jesus di turpuk on (ay.22-30). Merasa kenal jala merasa dekat, ndang sae laho patandaphon naung masitandaan dua pribadi (ayat 26). On ma namasa tu angka naso di pabongot masuk i. Umpama on tudutudu ni bahaya "gede rasa" rohani. Olo do tarajumi, ala naung godang hita mangula bahen di Tuhan i, mangalean tingki tu gareja, gabe parhalado, ringgas tu punguan ni huria nunga mamboan hita tu parsaoran na denggan dohot Tuhan i (Kristus). I ma ‘gede rasa’ rohani, jala ndang tuk mamboan hita tu haluaon i. Ringkot hita manjanghon secara pribadi jala marsitutu patupa parsaoran pribadi dohot Ibana asa lam tangkas hita mananda lomo nirohaNa.

Sipahusorhusoron

Adong do peribahasa mandok, "Berakit-rakit ke hulu, berenang-renang ke tepian, bersakit-sakit dahulu, bersenang-senang kemudian. Lapatanna, "untuk hidup mulia dibutuhkan perjuangan". Tung poda na denggan do peribahasa on hombar tu pandohan ni Tuhan Jesus di turpuk on na naeng sihangoluhononta. Asa dapotan ngolu hasonangan na sasintongna i di porluhon perjuangan dohot pengorbanan. Pada umumnya, kesuksesan harus ditempuh melalui proses yang panjang, butuh waktu dan kesabaran. Kesuksesan dan kebahagiaan tidak diperoleh secara ‘instan’ atau dengan jalan pintas. Meskipun dapat diperoleh melalui jalan pintas, kesuksesan dan kebahagiaan itu biasanya bersifat semu dan temporer. Isarana, papurguk arta dohot hamoraon marhite korupsi dohot angka dalan naso sintong sai hira na sonang do idaon ngoluna gok las niroha. Alai sasintongna ndang tutu ibana marhasonangan ala sai dilelei haliluna. Nunga godang taida i di angka ari parpudi on angka pejabat na korupsi ditangkupi jala dipenjarahon. Ila nai panghilalan songon i dohot sude keluarga maila. Alani i naeng ma unduk hita diaturan, jala tarlumobi manangihon hata ni Debata na sai manghatai ganup tingki di ngolunta marsadasada.

Turpuk on paingothon hita angka naporsea asa tongtong manghangoluhon dohot mangulahon haluaon i, songon na nidok ni ap. Paulus "Mardongan biar dohot lomos ni roha ulahon hamu ma haluaonmuna! (Filippi 2:12b)

Naung diungkap Debata dalan haluaon i marhite Jesus Kristus, torop halak nanaeng bongot, alai Ndada saluhut halak, na mandok Ahu Tuhanna, bongot sogot tu harajaon banua ginjang i, holan angka na mangulahon lomo ni roha ni Damang na di banua ginjang i do!(Mat.7:21), Ai songon daging i na mate, anggo so martondi; songon i do mate haporseaon na so marulaon. (Jak. 2:26), I do huhalojahon mardongan parungkilon, marguru tu hagogoonna, na gogo situtu manghorhon di bagasan ahu. (Kol. 1:29). Alani, taparrohahon ma songon natarsurat di Jakobus 2:24 "Asa diida hamu do: Sian angka pangulaon i do gabe tigor jolma, ndada holan sian haporseaon." Ai pananginangi di hata i, anggo so diulahon, tudos ma i tu halak na paberengbereng rupa ni bohina di sorminan. (Yakobus 1:23). Selamat Advent. Amen !


Jamita tu Minggu Advent IV
Tanggal 20 Desember 2009
Jangkon ma Ibana na patongon dalan hangoluan i
Jesaya 30: 18-26
Pdt.Marhasil Hutasoit, MTh

Ndang holan di tingki hurang sipanganon tagamon dauk haporseaon, di tingki maduma, di tingki marhuaso, di tingki rade pe haporluan pardagingon, godang do na lintun sian dalan na sintong. Naeng tangkas auhonon, ia sipanganon dohot siinumon ndang tuk gabe partogi manontuhon dalan hangoluan. Mual dohot dalan ni hangoluan i ma Jahowa na manompa jala na manogihon ganup jolma na unduk tu hataNa anggiat jaloonna andul sumurung sian naung dapot huhut dumenggan sian naung binolusna na sailaon.

Andorang so tartaban dope bangso Israel dipalumbahon Debata marhite panurirang Jesaya turpuk on. Rade do Jahowa manopot jolma i mangalehon tua lumobi ma mangalusi nasa angguk-holso. Di bonapasogit, di hutana sandiri pe tahop do hagogotan, jala mangalantap do nang pangarupaon (ay 20.a) lumobi ala ndang ringkot be roha ni jolma i marsiajar nang masipodaan. Buni jala holip do angka guru sian parnidaan ni angka halak na holan mangasahon gogo dohot pingkiranna mangatasi hamaolon na sonson tu ngoluna. Bangkol do roha ni halak marguru manang marsiajar molo so ringkot rohana pajonok diri tu Debata.

Ndang tarpature jolma ngoluna so padohot Debata, ai gari mangalapati naung patar di adopan ni mata ndang sai sude diboto; gari mangantusi na masa di tingki naung mamolus ndang sai tolap; boha muse ma mangantusi dohot manontuhon dalan na tepat mangatasi nasa na naeng ro? Mametmethu do utokutok jala maotikhu do gogo molo so Jahowa na patukhonsa.

Dibahen i ma tung tangkas do didok: “dibahen i sai maimaima Jahowa”. Paimahon ima haradeon mangongkuhon na so tau jala ndang tuk jolma i sandiri manontuhon na marguna tu ngoluna. Ndang boi holan hita sandiri na patupahon na ringkot di ngolunta ai ndang holan hita na mangolu di tano on jala ndang holan haporluanta na ringkot sioloan ni Debata. Nang pe jotjot jolma i marlomolomo huhut mangulahon na so patut (lupa marningot Jahowa do Debata ni uhum, ay 18) alai tongtong do rade Ibana manjangkon halak na naeng ro asa taruli manjalo andul dumenggan sian naung adong. Asa ganup halak na so olo pasiat Debata tu ngoluna, ima halak na manulak na denggan. Na mangorui tuana do halak na so mangharingkothon Debata.

Boasa haringkothononta Debata? Ndada holan asa malua hita sian sitaonon; ndada holan asa tulus saluhutna na tapangidohon alai asa ajaranNa hita marroha nang mangalangka uju ro hamaolon i. Tuhan tidak saja menerima kita setelah lepas dari kesulitan tetapi Dia ada untuk kita di dalam berbagai kesulitan. Sialani i do dipasunggulhon: “nang dilehon Tuhan i tu hamu roti hagogotan dohot aek pangarupaon, alai ndang be martabuni angggo angka gurum” (ay. 20). Ndang holan ala tahop sitaonon, ndang holan ala sungkot sibahenon asa ringkot pajonok diri tu Tuhan alai asa margogo jala dohot hita manghamonangkon sitaonon i. Di bagasan parsorion nang marhite parungkilon dapot do “parsiajaran” na mararga. Boi ma dohonon ni angka na porsea i, sitaonon i pe gabe “guru” do manambai bohal mangeahi na dumenggan asa unang tinggang.

Marhite Jahowa do lam torang idaon dalan hasintongan. Nang pe dapot ragam ni dalan hira na unlambas, ummuli idaon alai di bagasan Jahowa do jumpa dalan na sintong. Panindangion ni halak na porsea tuk do mandok: “tumagon do marhansithansit, marlea di dalan na sintong sian marlanggelangge, marlasniroha di dalan naung putor”. Dalan ima sipatudu manopot sieahan (“arah dan orientasi hidup”). Molo pilit langka binahen ni dalan na sala ndang holan suda tingki jala tamba loja mangihuthon alai ala ndang marguna halojaon i pajumpang dohot na pinarsinta ni roha. Ndang na so godang dalanna dipatupa na deba pahembangkon ngoluna; ndang na so ganjang dalan dibolus na deba alai ndang tuk manggohi na ringkot di ngoluna molo so Jahowa dipangasahon. Sebalikna, ndang tagamon marisuang manang manolsoli roha mangihuthon Tuhan nang pe so pintor suksuk bohal sian na niulana ai diboto do “ndang marlaba papunguhon manang pagukgukhon na niluluan anggo so mararga”.

Molo dipapillithon “mas” dohot “boneka” tu dakdanak dohot na na magodang, boi suraon anggo dakdanak pintor boneka i do pillitonna alani balgana manang ala pintor boi parmeammeamonna. Alai na magodang pillitonna ma “mas” ai nunga tuk ibana mamereng godang ni parsaulian di balik ni arga mas nang pe metmet. Laos i do nang siauhononhon asa unang holan mamereng habalgaon, habongaton manang holan na ringkot tu solo ni roha sambing talului di ngolu on.

Barani ma hita manulak haulion sipatinda rupa (wajah yang menyesatkan) dohot pabahirhon pangela na naeng mangalithon roha (ay.22). Naeng ma lam tangkas ingotonta ndang holan mangalului na uli dohot na godang hita di tano on alai “na mararga huhut marguna”. Ringkot bongot Tuhan i tu ngolunta asa mararga jala marguna ngolunta di na humaliang tano on laos tuk pangkeonta mangalangka manopot Surgo na hot ro di salelengna.

Molo naung tiur haporseaon jala dauk roha na denggan manjangkon Tuhan i, gabe marpangkorhon ma saluhut na niula ni tangan, di huta nang di balian marpanumpak tu udut ni na naeng masa. Tangkas ma botoonta, ia udan, hauma, roti, pahanpahanan nang parsorion ni jolma manisia mangihut ma marpanumpak tu angka naung mardalan raphon Jahowa. Saleleng mardongan Jahowa ndang tagamon onding manang sompol dalan ni pasupasu ai sian Ibana do dalan jala ragam do dalan patupaonNa mangurupi angka na sai masihol manjangkon Ibana.

Antong tagogo ma mangula huhut tahaburjuhon ma mandalanhon ruhutruhut ni ngolu partondion ai nunga dipahembang di hita dalan; nunga jumolo Ibana mamolus dalan i nang godang hamaolon jala nunga laos rade Ibana maimaimahon dohot mangjangkon.

Advent ima sunggulsunggul pasiat haroroNa laos tingki mangarajumi na so tarpature hita ngolunta sandiri so padohot Jesus. Molo tajangkon Ibana jaloonta ma gogo jala ajaranna ma hita mamangke dohot manghangoluhon parsaulian na di tano on pataru langka manopot surgo na manongtong. Amen.


Jamita tu Pesta Natal / Umum ( Malam Natal )
Bodari ,Tgl .24 Desember 2009

“JESUS DO PANGKIRIMONTA NUAENG NANG SOGOT PE”
Turpuk Evangelium : Lukas 1:26-33.
Pdt. Jansen Simanjuntak, STh

Anderang so tasigati dope turpuk jamita on ,Tumolo ma pinasahat “Selamat Hari Natal ” tu hamu sude na manjaha Bina Marga on .
Nunga Opat Minggu taputupa jala tadohoti Pesta Advent ,jolo nunga godang naung taputupa manang tadohoti angka Pesta Natal di Huta,Parmargaon ,Arisan ,di Kantor ,songoni nang di tongatangga ni Huria, Las ma rohata disi .

Sasintongna mamestahon Advent natarangkai dohot Pesta Natal, ndada holan mamestahon na naeng ro, ndada holan paimahon, alai dohot do mamestahon naung masa. Ai ma ngolu do hita saonari di dunia zaman, ima zaman nai paimahon do hita, ima pairibu taon na salpu, alai naung manaek tu banua ginjang, jala na tapaima harorona paduahalion di ari parpudi.

- Jadi disi ma hinatobao ni namar –Advent dohot Namar –Natal .

Advent dohot Natal mamboan rohanta manghirim tujolo, ala naung taida buktina di na salpu. Advent dohot Natal manogu rohanta manghirim na dummengan di masa depan .Alai panghirimon i ndada holan panghirimon boti, ndada holan sogon anganangan manang utopi, alai pangkirimon ala naung adong do buktina di tingki na salpu .Mesias natapaima di Advent, nungaro ro ibana, ima dibangasan jesus naung tubu di Betlelem. Alai huhut na naeng ro dope, jala nuga sedang ro nuaeng laho manopot hita. I do na tapaima, ima harorona padua halihon .Dibagabagahon I Gana hasingkopon ni haluan I naung pinatupana di tingki nasalpu uju ngoluna di partition .I do na tapaima nuaeng, nunga di tonga dalan, nunga “sedang” rot u hita (Ibana do pangkirimonta nuaeng nang sogot pe).
- Hamu angka dongan sahaporsea on ! Nuang tauji ma mani gati turpuk jamita di pesta Natal Umum borgin on.

Dilumbahon Debata do marhite pardisurgo, surusuruan Gabriel tu si Maria na gabe gabean ma ibana .Tondi parbadia do napajadihon i ( ay .35 ) .Molo dung sorang di bahen ma goarna ,Jesus ( ay .31 ). Tung so hasigatan do tahe misteri ( rahasia ) na robi. “Ai ndang adong na so tarpatupa Debata ” ( ay .37 ).

Suman do soara songon na tarbege tu si sara andorang so hatutubu ni si Ishak (Musa 18 : 14)

- Manungkun do Maria tu misteri i, di dok ma : Boha ma gabegabean ahu, so adong hutanda baoa? (ay.34) Marasing do sungkunsungkun i tu na sinungkunhon ni sakira .Disungkun ma sakira ma surusuruan : “ Sian dia do tandongkui ? (Lukas 1: 18) .Tadaho marasing sungkun sungkun i, ai na mangido hatorangan ( Penjalasan ) do Maria, hape anggo sakira na mangindo bukti do.
- Dung tarbege hatorangan i, porsea ma si Maria, adong ma hape

Masa tu dirina ,ima pambahenan ni naibata nag ok halongangan. Sorang si palua ni Israel marhite sian dirina .Marlas ni roha ma tondia manuji pasangap Debata .
Rade ma ibana songon naposo (doulos)jala berpasrah diri tu adopan ni Debata. Haradeon misi Maria manjakhon Jesus i masuk tu bagasan dirina, ido ianggo na gabe impola ni Jamita on. Jala rumang na suman tusi ma na ingkon hagoluhonon ni nasa na porsea tu Jesus Krstus. Magodang jala mangolu Kristus i di ngoluna.On ma na ni dokna, Debata masuk tu eksistensi dohot sejarah ni jolma i secara pribadi nang Huria pe. Mesias mian di bagasan diri ni ganup halak dohot pribadi, Debata, na masuk tu eksistensi dohot sejarah ni jolma i ndang holan di tingki na salpu, alai berlanjut dope i tu masa depan, di milinium patuluhon.Tu ahu saonari, ima tadok ganup.
- Molo di si Maria ,di alami ibana do parsorang ni Jesus marhite

dirina, dung I magodang Jesus di tonga ni bagas na sahat rodi na tarsilang Jesus di golgatha .Ianggo di tonga ni Huria marasing do bentukna,nang pe hot do isina “Magodang jala mangolu Kristus” dibagasan diri ni angka na posea i, sorang Kristus tu bagasan rohana, marpangalaho ibana maniru masiasi ,jala porsea na roh do pe Jesus Kristus paduahalihon. I do haporsea on I. Ndang holan mamereng tu pudi haporsea on, mencangkup do tu ngolu saonari,nang sogot pe . Haporsea on di bagasan sada dohot pangkirimon . I do umbahen di dok Apostel Paulus = “ Asa tolu do na hot, ima haporsea on, umbalga “(1korintus 13 : 13 )”.

- Dung masuk Jesus Kristus tu eksitensi dohot sejarah ni jolma i, marlapatan doi na Jesus Kristus do gabe norma di ngoluna. Taringot tu norma (ukuran) didoh sahalak pande bisuk na margoar Bierstedt, songonon = 1/ Norma mempunyai berbagai bentuk antara lain : hukum (law), ketetapan (Statute), peraturan (Rule), keteraturan (Regulation), kebiasaan (Custom), kelaziman (Folkway), adat istiadat (Mores), taboos, rites, ritual, Ceremony, Convention, etiquettes”. Molodung Kristus na gabe norma ni ngolu ni jolma, diisi ma dipangkilalaho ibana hajong-jongan na diadopan ni debata, laos ditanda ma dirina sandiri.
- Jadi siingotanta Sian Jamita Pesta Natal umum dibornginon, ima:
1) Dialami Israel do debata menerobos eksistensi dohot sejarah ni hajolmaon. Godang halongangan dipatupa debata sude do Israel porsea? Ndang! naboi terulang do na songoni di ngolu ni halak Kristen saonari on. Nunga leleng ibana naung Kristen, nunga godang halongangan na pinatupa di Debata najolo, nang ni sejarahna saonari, alai sai adong do na haru so haru, na marungut ungut pola sahat tu na memberontak tu adopan ni debata.
2) Nunga salpu (alai ndatung namago) sejarah hasosorang ni Jesus Kristus di si Maria, termasuk na tu hita. Saonari, rade do hita mandok nagabe naposona do hita ganup? molo tadoh naposona hita, namarlapatan doi Kristus na gabe norma ni ngolunta di haunduhon tu debata, Jesus na gabe Pangkirimondi hita nuang na sogot pe.

Asa tingkos pangkirimanta saonari, taulahon marholong. Ai haholongan I do na umbalga. Dungi gabe ngolu na parindangion ma ngolunta di tonga tonga ni huria, di rumah tangga, di tonga tonga masyarakat, banso dohot negaratta songon inang lumobi di nahumaling hita.
AMEN
Selamat Natal
P.Siantar, Mei 2009 .

Jamita Natal, 25 Desember 2009
Evangelium: Lukas 2: 15-20
NATAL MANGHEHEI DOHOT PAUBA NGOLUNTA.

Pdt. Dr. B. Purba
Ephorus HKI
Manang boha pe hamaloon ni jolma na di tano on, ndang boi ibana maeakhon diri na di duru ni inganan naginohan ni holong ni roha ni Debata. Songon dia pe timbo ni singkola ni sasahalak, ndang boi dohonon na, naung mansai bisuk ibana, alani ndang ringkot be ibana mangguruhon hata ni Debata na mandok:”Ai songon ondo holong ni roha ni Debata di portibion, pola do Anak na nasasada i dilehon, asa unang mago ganup na porsea di Ibana, asa hangoluan na saleleng ni lelengna di Ibana” (Joh 3:16). Didia pe hita maringan, di pesawat udara, di kapal laut, di istana na megah, di jabu na sederhana, di toru ni jambatan, dna, tung saluhut do hita mangharingkothon holong ni roha ni Debata na pinpatar na di Ari Natal on. Angkup ni i, tung mansai ringkot do papataronta pasupasu ari natal i di ngolunta siganup ari.
1. Diloi angka Parmahan i do Hata ni Debata.
Tabege do angka parmahan i di jamita on, dioloi nasida do hata ni Debata. Tabege do didok nasida:”Beta ma hita tu Betlehem, taida ma na masa on, napinabotohon ni Tuhan i tu hita”(ayat 15b).Dung didok nasida songon i, pintor hatop do nasida borhat, “gabe jumpangsa si Maria dohot si Josep dohot posoposo i, na peak di panggagatan i”(ayat 16ยช). Tung luar biasa do pangoloion ni angka Parmahan i. Dung dipaboa surusuruan i hata ni Debata tu nasida mandok:”On ma partinandaan di hamu: Posoposo do dapotonmuna, na binorhos peak di panggagatan” (ayat 12), pintor diparrohahon nasida do hata i, jala diulahon. Sasintong na, tung mansai godang alasan bahenon nasida asa unang diula nasida hata i, manang asa dipalambat (ditunda) nasida mangulahon hata i. Boi do dohonon nasida:” Tudia ma luluan i, dihaliangi ramba do hita, dungi mansai golap marimpotimpot do di duru ni soponta on nuaeng”. Alai ndang adong sidalian na songon i di nasida. Hata ni Debata na mandok: ”On ma partinandaan di hamu: Posoposo do dapotonmuna, na binorhos peak di panggagatan” (ayat 12), i do gabe sipatudu dalan (petunjuk), manang panogunogu di nasida mangulahon na nidok ni Debata tu nasida marhite surusuruan i.

Molo dung dibege angka pardosa namangalului hasesaan ni dosa dohot dame hata ni Tuhanta di ari natal on, ndang adong tingki laho mandiskusihon i dohot sibuk ni pardagingon on. Alai, dibagasan las ni roha dohot olopolop mangoloi hata ni Debata, manjangkon Barita Nauli namamaritahon holong ni Tuhanta Jesus Kristus Sipalua i napinasahatna tu saluhut jolma manisia. Di jou do hita manjalo asi ni roha na marhite Barita Nauli di dibaritahon tu hita, marhite sakrament ualaon na badia,dna.
2. Mansai lomo roha ni Parmahan i mamaritahon Barita Nauli i.

Unduk tu hata ni Debata, mangkehei dohot manguba ngolu ni ganup jolma. Didok di turpuk on:”Asa dung diida”, posoposo na peak di panggagatan, Tuhan jala Sipalua i, ”dibaritahon nasida ma boaboa, naung dihatahon tu nasida taringot tu Dakdanak i” (ayat 17). Pasupasu las ni roha naung masuk tu roha nasida, ndang dipogo nasida, alai dibaritahon nasida do i tu masyarakat nasida, tu halak na asing, tu ganup jolma na jumpang nasida. Dibaritahon nasida na niida dohot na binege nasida. Hapapatar ni Surusuruan, barita na binaritahon ni Surusuruan, ende ni Surusuruan, halalao nasida hatop tu Betlehem, Posoposo na peak di panggagatan. Saluhut na i, ima hagogok ni bagabaga haluaon sian dosa, napinatupa ni Debata holan marhitehite Anakna na Sasada i, Jesus Kristus. Surusuruan ni parbanuaginjang i mandok, paboa barita nauli nabinoan na i, ima ”parsaulian ni sandok bangso i”(ayat 10c). Ndang tarlambat nanggo satongkin angka Parmahan i mamaritahon Barita Halalas ni roha Godang i, ima holong ni roha ni Debata di bagasan Jesus Kristus tu saluhut jolma (bangso). Dibaritahon nasida tu saluhut jolma na jumpang nasida, pribadi tu pribadi olat ni na boi tarbege soara nasida.
Molo nunga tutu situtu diingani Barita Natal i rohanta, ndang boi moru sian naniula ni angka parmahan di jamita on ulaonta. Tu saluhut jolma na di portibion do holong ni roha ni Debata di bagasan Jesus Kristus. Alai ulaon ni angka Sisean ni Tuhanta Jesus Kristus do mangarahon saluhut jolma i asa porsea di Debata, jala marhatopothon Jesus Kristus do Birubiru ni Debata namamorsan dosa ni portibion. Marhite huaso dohot hagogoon na tajalo sian Debata marhite Jesus Kristus, ingkon marsigogo do hita manoarahon Barita Nauli i tu portibion, marhite tangiangta na marpartondion, marhite peleanta tu ulaon zending, marhite silehonlehonta tu dongan namangharingkothon, dohot marhite kesaksian pribadinta tu donganta jolma na di masyarakat ta be.

3. Mamparbuehon ngolu na pasangap Debata.
Tung tutu situtu so dihehei jala diuba Barita Natal i ngolu ni angka Parmahan i. ”Mulak do angka Parmahan i, dipasangap jala dipapujipuji do Debata alani sasude nabinege jala naniida nasida, songon naung dihatahon tu nasida” (ayat 20). Ndang be songon ngolu na somal ngolu ni angka parmahan i. Ndada holan namarmahani dorbia i be ulaon nasida. Ndada holan na mandalani dolok dohot rura na mansai ganjang paihutihut dorbia i be nasida. Nunga muba ngolu nasida, gabe ngalu namarpanindangion. Nunga dohot nasida mempengaruhi halak na asing di inganan nasida be. Dipapatar nasida hasatiaon, kejujuran di ulaon nasida siganup ari. Dipapatar nasida ngolu napasangap Debata marhite uloan nasida siganup ari. Lam denggan angka dorbia napinarmahan nasida i dijaga. Angka Parmahan naung marnida Tuhan i, mamangke ngolu nasida gabe ngolu napasangap Tuhan i. Angka Parmahan naung diuba Debata ngolu nasida, marlas ni roha manguba ngolu ni dongan nasida na asing tu Debata marhite ulaon/parbue ni ngolu na denggan. Marsinondang ”palito” nasida, ngolu nasida gabe ”surat” ni Debata, dipapatar nasida ngolu na pasangap Debata naung manjou nasida sian haholomon tu hatiuron halongangan i (1 Petrus 2:9).
Molo diargai, dijalo, dihangoluhon jolma do silehohonlehon ni Debata na so hasuhatan i di Ari Natal i, ndang boi so muba ngolu na. Di na mangan, manang minum, manang aha pe diula nasida, bahenon na do i gabe pasangap Tuhan i. Manang aha ulaon na dihaporseai nasida mangarahon jolma mamuji dohot pasangap Debata, ulaon na ma i sian nasa roha, huhut dibagasan las ni roha. Ngolu na di jabu, di pasar/di partigatigaan, di parsingkolaan, di kantor, manang didia pe tahe, gabe ngolu napasangap dohot mamuji Debata. Di na mangula/bekerja/berusaha, rekreasi, olah raga, tingki sehat manang tingki marsahit pe, tingki sukses manang tingka hurang sukses pe, tongtong do ibana pasangap Debata. Unang hu roham, manang unang lea roham mamereng dirim di bagasan sinondang ni Ari Natal on. Joro ni Tondi Porbadia do pamatang mi, pangke ma i laho pasangap dohot mamuji Tuhan i. Dok ma di bagasan ngolum, ala nunga ditobus Jesus Kristus ahu sian gomgoman ni dosa dohot hamatean marhite mudar na na durus di dolok Golgata. Ahu, rap dohot angka nahuhalongi, nang dohot angka donganhu Kristen, dohonon nami ma songon nanidok ni angka Parmahan i:”Beta ma hita tu Betlehem”. Tabaritahon ma ”boaboa naung dihatahon tu hita taringot tu Dakdanak i”; jala marhite panggulmit ni ngolunta, ”tapasangap jala tapujipuji ma Debata, songon naung itabege jala taida”. Amen.


Pesta natal II, 26 desember 2009
Ev = 1 joh. 1 : 9 – 14
Thema : “tajangkon ma panondang na sintong naung ro tu portibion”
Pdt N. Br. Manalu, S.Th
HKI Asuhan Stadion Pem. Siantar

1. Sai somal do tabege di angka ojahan ni Perayaan Natal taringot tu panondang ni portibion. Sai dienet ma i sian jes. 60:1, “hehe ma ho, marsinondang ma ho”, joh. 8:12 “ahu do Panondang ni portibion”, dohot mat.5:14 “hamu do panondang ni portibion”, dna. Ima na laho patoranghon paboa hatiuron do na binoan ni tuhan Jesus na tubu i tu portibion.

Si Johannes mandok : nunga mandok ro ujui tu portibion panondang na sintong i na manondangi nasa jolma. Di portibion hian do Ibana, jala marhite sian ibana do manjadi portibion (ay.9-10). Asa ndang na baru tubu di Natal on be Panondang i.

Panondang na nidokna dison ima sada hadirion na marhuaso jala na marhagogoon, na so tarsirang sian Debata na manompa portibion. Dibagasan hadirion ni Debata do sondang hatiuron i, ima hangoluan ni portibion.

Tung singkop do parjadi ni portibion, maratur jala marture sude dibagasan hatiuron na sian Debata. Alai ndang leleng manahan portibion/jolma i mian di aturan ni Debata, ala tuminggil tu elaela ni sibolis gabe dipillit jolma i do madabu tu haholomon (di luar ni aturan ni Debata)
Di na mardalan torus tingki, songon i do sian na so sinadaran ni jolma i jotjot sai dionggop haholomon i asa naeng rajaanna. Bangko haholomon i nama na manggunjal di roha ni jolma i gabe ndang siat be tu rohana manjangkon hatiuron i, ima hata ni Debata. Setiap kesempatan yang kita beri dalam hidup kita jauh dari kebenaran Tuhan itu membiarkan hidup kita berada dalam kegelapan yang menuju kebinasaan.

Sian tingki tu tingki lam mangerbang do di ngolu ni jolma angka ragam ni haholomon (bangko portibi manang hagiot ni roha). Sahat tu tingkinta saonarion, mangadu ragam ni halumlamon i nama dipingkiri torop jolma di portibion. Na ro do Ibana manopot na di Ibana i hian gabe ndang dijangkon na di ibana i Ibana (ay.11). Hamatean nama jambar ni ngolu ni jolma i dung madabu tu dosa.

2. Nang sian mulana holong do impola ni ngolu ni Debata tu portibion.

Hangoluan do program kerja ni Debata na sai tongtong lehononna tu angka na niasianna. Ndang sonang roha ni Debata sai mian di haholomon ni portibi. Alai ingkon dipatupa do parbue ni Panondang i ima haluaon. Dipapatar Debata do holong ni rohana patupa haluaon marhite haroro ni anakna tu portibion marhite Natal : “Hatutubu ni Sipalua ima Jesus”. Ai tung so tarambatan jala ndang tarhungkupan ni agia aha pe Panondang na sumurung i. Ndang boi so adong hasahatan ni hatiuron i, jala ndang boi so adong nang angka sipapatar hatiuronNa di portibion.
Marhite natal on terjadi “immanuel” na marlapatan “Donganta ma Debata”. Ai manang piga na manjangkon ibana, tusi do dilehon huaso asa gabe anak ni Debata nasida angka na porsea di goarNa (ay.12).

Manjalo huaso haanahon manang gabe anak ni Debata do angka na rade manjangkon Jesus di ngoluna. Manjangkon dohot manghaporseai impola ni Natal i, ido dipangido turpuk on sian hita huria ni Tuhanta. Tarjalo hita goar anak ni Debata jala boi taulahon lapatan ni goar haanahon na sian Debata ndada status anak sian ruhut pardagingon. Alai status anak partondion do na mewarisi ngolu dohot bangko ni Jesus na mamboan sondang hatiuron tu portibion.

Angka anak ni Debata marhuaso jala margogo si pencetus hatiuron di sude angka parsaoran dohot ulaon. Unang gabe siintopi hatiuron i. Di Mat.5 : 14-16; “Hamu do do panondang ni portibion …….. “ Panondang na marsinondang na boi patiurhon sude angka ulaon ni Debata di portibion. Panondang na gabe sitiruon ni halak marparange na denggan ima marsinondang tu sandok humaliang hita. Angka na porsea di Jesus naeng ma haroroan ni angka pingkiran na denggan laho patiurhon di angka permasalahan ndang gabe sumber ni permasalahan di angka parsaoran. Apapun yang dilakukan setiap orang percaya harus menjadi terang bukan sebaliknya menjadi sumber kegelapan.

Di jamita ni Jesus di atas dolok, Mat.5:9; “Martua ma sibaen dame ai goaron do nasida anak ni Debata”. Angka anak ni Debata naeng ma siboan dame tu portibion na patubuhon pardamean tu Debata nang pardamean tu dongan jolma.

3. Pandohan gabe daging ma hata i jala maringanan ditongatonga ni hita on lam pahothon pos ni roha ma i di hita laho manghangoluhon dohot mangulahon parbue ni Panondang i. Jesus na ro tu tongatonganta mardaging jolma ima patuduhon hajojonok ni Debata dohot jolma. Saluhut na masa di ngolu ni hita jolma nunga dihilala tuhanta Jesus mulai sian partubuna. Ndang tarasam hita balga ni asi ni roha ni jesus di haradeonna maninggalhon hasangaponna holan asa boi mardomu jala mardame dohot hita.
Las ma rohanta ai sun sangap do Jesus na ro tu portibion, ai atikpe gabe jolma ibana alai debata situtu do ibana. Laos hasangapon ni hita angka na porsea di ibana do hasangaponNa i. Amen !

Evanggelium Minggu Set. Natal – 27 Desember 2009
Oleh : Pdt. Gom F.H Tampubolon, S.Th
LUKAS 2 : 27 – 35

“NUNGA DIIDA MATANGKU HALUAON NA SIAN HO”


1. Borhat sian pangalapation di parhataan evanggelium, marharoroan sian hata gorik “euangelion”, lapatanna barita las ni roha, saihot do Matius dohot Markus, evanggelium Lukas mangondolhon barita nauli na gabe sintuhu haroro ni Jesus tu portibion. Pangumpolan ni evanggelium Lukas ima barita nauli diondolhon tarlumobi tu angka na pogos, na metmet dohot angka na dangol. Ido umbahen digoari evanggelium Lukas on, Injil Sosial. Asa mansai nalnal do barita las ni roha i dijalo jala dipanghilalahon angka na porsea di Jesus. On do na gabe sintuhu dohot dasor las ni roha na gabe pamujion ni angka na porsea di Debata, songon las di roha ni si Simeon diturpuk on alani i dipujipuji ibana do Debata naung ro manopot bangsoNa jala napatupa haluaon. Asing ni ende pujipujian ni si Simeon on, memang ditradisi ni huria bona pola do dipahembang 2 (dua) ende pujipujian ima, Magnificat (Nyanyian Maria) di Lukas 1:46-56 dohot Benedictus (Nyanyian Zakaria) di Lukas 1:67-79. Siala na mansai nalnal pangondolhonon di pamujion tu Debata di evanggelium Lukas on, digoari pande bisuk padan naimbaru do evanggelium Lukas on “Injil Pujipujian”.

Sada hapunjungan ni evanggelium Lukas on sian evanggelium na asing ima pangondolhononna di pangulaon ni Tondi Parbadia. Panindangion ni si Simeon di pujipujianna i ndada haruar sian dirina sandiri manang sian tahitahi ni rohana alai marhitehite pangulaon ni Tondi Parbadia do(band. tu panindangion ni si Sakarias di Lukas 2 : 67).

2. Uju diboan natorasNa Jesus i tu huta Yerusalem laho mambahen tu Ibana mangihuthon adat na niaturhon ni patik i, disima pajumpa Jesus dohot si Simeon, sahalak na bonar jala na daulat namaimaima pangapul tu Israel. Adong 3 (tolu) ragam hasomalan hombar tu Patik ni si Musa na ingkon ulahonon ni halak Israel diparsorang ni anak buhabajuna, ima “pasunathon” dohot “pasurathon goar” (ayat 21) ala ramun do ina na imbaru manubuhon posoposona, ndang jadi haruar sian jabuna saleleng pitu ari (bd. 3 Musa 12:2); dung pe diari paualuhon asa boi boanon posoposo i tu Bagasjoro di Jerusalem jala ndang mansalai nang pe di ari Sabath. Songoni ma si Josep dohot si Maria borhat mamboan posoposo i i Bagasjoro laho “pasunathon” dohot “pasurathon” goarna ima Jesus, hombar tu tona na jinalo ni si Josep dohot si Maria sian surusuruan (Lukas 1:21;31). Napaduahon ima ari pangiasan/pentahiran ni si Maria (ayat 22). Alai nang pe naung dipasunathon dohot dipasurathon Jesus, posoposo i, hot dope si Maria rajumon “ramun” alani i ndang jadi manjama angka ulaula na badia mannag mamongoti Bagasjoro saleleng 33 ari nari sian ari papituhon i ala dakdanak baoa ditubuhon, asing muse dope molo dakdanak boru ditubuhon sada ina, ramun 80 ari lelengna. Boi do ina i isara martandang tu hombar jabuna manang mangulahon aktivitas si ganup ari, alai na so jadi mandohoti kegiatan parugamoon di Bagasjoro (bd. 3 Musa 12:1-8). Jadi dung mulak si Josep dohot si Maria tu Nazareth hot dope si Maria “ramun”, paima gok ari pangiasonna (pentahiran). Napatoluhon pasahat pelean pardengganan (ayat 22-24). Asa dung gok ari pangiasannasida mangihuthon patik ni si Musa, lapatanna 33 ari dung tarunat manang 40 ari dung sorang Jesus, borhat ma muse si Josep dohot si Maria mamboan Jesus tu Bagasjoro laho “paishon” (mentahirkan) si Maria sian haramunonna, sekaligus “manobus” posoposona i sian Debata, ala diparhatopot sandok halak Israel do nasa buhabaju baoa termasuk dohot anak ni pahanpahanan, Debata do nampunasa (bd. 2 Musa 13:2). Jadi pelehonon ni ina ma birubiru bahen “pelean situtungon” asa ias sian haramunonna dohot sada anduhur (darapati) bahen “pelean pardengganan” asa sesa dosana. Dungi gararonna ma 5 (lima) shekel tu malim songon “tobus” ni posoposona (bd. 4 Musa 18:15). Upacara on ma na ginoaran “panobusion anak buhabaju”. Molo keluarga na pogos na so mampu manuhor birubiru, boi ma anduhur songon singkat ni birubiru i (bd. 3 Musa 12:8). Songon si Hanna uju pasahathon si Samuel tu Debata dipelehon do anak ni lombu dohot itak (1 Sam 1:11,21-25), songoni ma si Maria dohot si Josep dipasahat peleanna hombar tu patik ni si Musa. Diari “pangiason” dohot “panobusion” di si ma pajumpa Jesus dohot si Simeon di Bagasjoro i.

3. Si Simeon ima sada sian ruas ni sekte na patoluhon sian 3 (tolu) ragam pangantusion ni halak Israel (sekte) taringot tu haroro ni Mesias manang hasasaut ni Harajaon ni Debata. Ai dihaporseai halak Israel do mansai gomos paboa nasida do “bangso na pinillit ni Debata” jala disada tingki gabe “tuan” ni sude bangso di portibion. Naparjolo : Namanghirim di hasasaut ni “era Daud”, lapatanna pomparan ni si Daud ma na manggomgomi partibion (penguasa dunia) jala tunduk ma saluhut bangso tu nasida. Umumna panghirimon na si songonon ma nanianut ni kalangan kelas bawah ima sekte Esseni dohot Sikhari. Ima rakyat kebanyakan na tongtong margerilya manggorgori paraloan dompak panggomgomi Romawi dibagasan sangkap patupa “revolusi besar-besaran” na langsung niuluhon “Mesias Nasionalis” na sian pomparan ni si Daud. Napaduahon ima na manghirim “Debata sandiri do na langsung” mamasuhi sejarah portibion dohot sejarah ni hajolmaon dibagasan pangantusion “na supranatural”. Disi ma Debata sandiri songon “Mesias” patuduhon huaso dohot hagogoonna na pahothon harajaonNa ditongatonga ni bangso Isarel dohot nasa bangso. Pandangan on dianut angka aristokrat. Patoluhon ima horong na minoritas na paimahon haroro ni Mesias manang hapataran Harajaon ni Debata ndada dibagasan rumang kekerasan, huaso manang hagogoon ni pasukan manang penaklukan bangsobangso alai “ngolu partangiangon na torus menerus” ima ngolu na marhabonaron dohot namarhadaulaton laho mangulahon lomo ni roha ni Debata sahat tu haroroNa. Horong on ma nanigoari “Orang-orang saleh di tanah suci” (angka halak na bonar jala na daulat). Mansai benget do nasida paimahon haroroni Mesias i sahat ro di na matua. Ia si Simeon, sahalak sian horong on do, na laho tu Bagasjoro martangiang secara intens huhut meneraphon ngolu na marhabadiaon dohot marhadaulaton. Digoari nasida do ari haroroni Mesias i “ari ni Tuhan” ima sada tingki diantara ni dua zaman na berbeda jala kontradiktif, “zaman na jahat” dohot “zaman na denggan”. Menurut si Simeon nunga marbagabaga Debata tu ibana marhite Tondi Porbadia paboa na so idaonna hamatean so jolo diida ibana Kristus Tuhan i. Diida jala dihaporseai si Simeon paboa Jesus do napinarbagabaga ni Debata i tu ibana. Las ma rohana uju diida ibana Jesus, posoposo i. Ndang adong petunjuk di evanggelium Lukas on taringot tu “aha alana” umbahen pintor porsea ibana, Jesus do posoposo na binagabagahon ni Debata. Ra adong “gerakan” ni Tondi Porbadia dibagasan dirina mambahen pintor pasti jala spontan ibana mandok, “Paluaonmu ma nuaeng, ale Raja, naposomon di bagasan dame, songon na nidokmi; ai nunga diida matangku haluaon na sian Ho i, na pinaradem di jolo ni bangso sudena, bahen panondang sumondangi angka parbegu, bahen hasangapon ni Israel, bangsomi” Marhite sian i boi antusanta paboa Tondi Porbadia do na “menuntun” (mandasdas) ibana asa ruar sian inganan partangianganna jala bongot tu Bagasjoro umbahen gabe pajumpang dohot si Maria/Josep nang posoposo i..

4. Di pelaksanaan pesta-pesta Natal ditingki na parpudi on, jotjotan do marrumang tradisional-seremonial. Ai lam matua jolma, lam leleng marhuria jala lam jotjot mamestahon ari hatutubu ni Tuhan Jesus, ganup taon olo do ra sampe 3 sahat tu 5 hali, isarani natal huria (singkola minggu, naposobulung, ama, ina, sektor, umum), natal parsahutaon, natal margamarga, natal kantor, natal oikumene dohot angka na asing na so hagoaran, alai ternyata secara umum lam tu pejelna do pangantusion ni jolma laho manghaporseai paboa Jesus do realitas hapapatar ni Harajaon ni Debata. Terbukti sian angka sungkunsungkun, isara : Boha do parjadina Debata gabe jolma dibagasan diri ni Jesus ? Secara umum hariburon dipamestahonon di ari hatutubu ni Tuhan Jesus i na rumingkot, ndada pangauhonon dohot panindangion “nunga huida haluaon na sian Debata”, sian angka na parsidohot di pesta natal i. Nunga torop be jolma ndang be didasdas (dituntun) Tondi Porbadia laho mandohoti pesta natal huhut laho manghaporseai hapapatar ni Harajaon ni Debata, alai nunga didominasi nalar manang parbinotoan ni jolma. Ingkon marhite Tondi Porbadia do boi antusan jala haporseaan : “Debata gabe jolma dibagasan Jesus Kristus”. Alani i ingkon tubu do roha parsitutuon marhite ngolu habonaron dohot na marhadaulaton asa boi panghilalahonon “pandasdasan” (tuntunan) ni Tondi Porbadia laho marnida manang mamestahonon Hatutubu ni Tuhan Jesus, baru pe asa jumpang pangantusion haporseaon dohot panindangion songon na nidok ni si Simeon, ‘nunga diida matangku haluaon na sian Ho”, paboa na tutu do Jesus i hapapatar ni Mesias dohot Harajaon ni Debata.

Dimingguta sadarion ma minggu parpudi di taon 2009 alani i dina laho mangujungi taon 2009 on ingkon lam marsitutu do hita mamujimuji Debata huhut manghatindanghon “nunga diida matangku haluaon na sian Ho”, na marmudumuduhon pardalanan ni ngolunta mandalani ariari di taon 2009 on. Songoni nang dina laho mamasuhi sada taon naimbaru paboa naung “taida haluaon na sian Debata” marhite Jesus Kristus, ingkon lam papataronta ma Harajaon ni Debata tu na humaliang hita ima marhite ngolu partangiangon na manontong dohot marhite parange nang parulaan na “marhabonaron” dohot “namarhadaulaton” maradophon dongan jolma. Ngolu na sisongoni do na nidasdas (dituntun dan dikendalikan) Tondi Porbadia.. A m e n.
BAHAN JAMITA UJUNG TAON
PSALMEN 103: 8 – 18
Tanggal, 31 Desember 2009
Pinotomutomu ni: Pdt. Eben Hutasoit
“Parasi roha jala Pardenggan Basa do Jahowa”

1. Asi ni rohaNa do mambahen mangolu hita sahat tu sadari on.
Marisi joujou mamuji Debata. Joujou tu dirina sandiri do. Namanghatai do parpsalmen on tu dirina sandiri. Marrujiruji do ibana tu dirina jala sian i ma gabe tubu sada ende pamujion tu Debata. Naeng pujionna Tuhan i sian nasa gogona. Dungi dipasingot do dirina asa unang hea manghalupahon denggan basa ni Debata. Singotsingot i patuduhon hadirion, rohana na umbagas marningot asi ni roha ni Debata Jahowa. Ndang hasuhatan denggan basa ni Debata. Manghalupahon denggan basa ni Debata i ma mula ni hasesega di hadirion ni jolma i. Di jou Tuhan i do hita laho mamuji Debata, ala denggan basa ni Debata naung tajalo di bagasan ngolunta. Digoari dison pambahenan na denggan na binahen ni Debata i ma: manesa dosa, asi ni roha, martumpalhon denggan basa.

Porlu do hita patupahon rujiruji taringot tu godang ni denggan basa dohot asi ni roha ni Debata naung tajalo sian na jolo sahat tu sadarion. Marjea do jolma na so olo marningot denggan basa ni Debata Jahowa di bagasan ngoluna. I ma halak na mangarajumi ngoluna dohot nasa na adong di ibana holan ala ni gogona sambing. Unang lupa hita nanggo sada angka asi ni rohaNa i di hita. ParPsalmen on tung tangkas panindangion ni haporseaon na ima: Parjolo, Jahowa do mambela halak naung tertindas marhite na pajongjong hatigoran dohot uhum tu nasida. Nunga dipapatar hian tu si Musa dohot bangso Israel. Mungkin haluaon na sian Misir do deba di ingot parpsalmen i dison. Panindangion haporseaon na paduahon i ma: “Parasiroha jala pardenggan basa do Jahowa, lambat tarrimas jala parasi roha godang” (Pat. 2 Musa 34:6; Psalm 86:15; Neh 9: 17).

2. Disesa do dosanta di babagasan holongNa

Par-Psalmen on sai tontong do mangendehon denggan basa dohot asi ni roha na pinatupa ni Jahowa di bagasan ngoluna. Di patudohon Debata do hasatiaon na tu jolma marhitehite naso tarrimas Ibana marnida pangalaho dohot pardosaon na niula ni jolma i. Ndang di baloshon tu jolma i angka pangalaosion dohot hajahaton na ni ulana. Dosa dohot hajahaton ni jolma naung ni rajaan ni sibolis, ndang tarbahen na tinompa i be patubegehon pujipujian tu Debata. Ise do na martanggungjawab disi, tontu hita jolma do. Alai sai tongtong do Ibana di bagasan hasabaron manganjuanju jolma i asa anggiat nian marhamubaon ni roha jala sai tongtong mian jala mangolu di bagasan goar ni Debata Jahowa. Songon asi ni roha sahalak amaama do marnida ianakhonna holong ni roha ni Debata di angka jolma na tinompaNa. Sai tongtong do parPsalmen i marolopolop mangendehon dohot mamuji Jahowa sian nasa rohana, gogona taringot pambahenan ni Debata di bagasan ngoluna.Tung tangkas do dihatingdanghon parPsalmen on ia ngolu ni jolma i di portibion sagombas, parsatongkinan do alai ianggo holong dohot asi ni roha ni jolma ndang mansohot i sahat ro di saleleng ni lelengna. Tangkas do ia ngolu ni jolma i songon duhutduhut na diladang i satongkin margerbang alai satongkin nari nunga melos jala madudus. Alai ianggo holong ni roha ni Jahowa sai tongtong do i marsundutsundut. Di pataridahon Jahowa do holongNa i tu angka jolma na mian di bagasan pardosaon. Asa unang mago jolma i didok roha ni Jahowa di suru do Jesus Kristus ro tu portibion laho patupahon haluaon nang hatuaon (Pat. Yoh 3:16; 1 Yoh 4:10). Di patuduhon Jesus Kristus do asi dohot holong ni rohana di na laho manghophop jolma i sian pardosaon (Pat. Mat9: 9-13;Luk 7: 36-50;Yoh: 1-11), Sampe mate tarpajal Ibana di hau pinorsilang. Nang pe gantung Ibana di hau pinorsilang i tongtong do di patuduhon holong dohot asi ni rohaNa marhite pandohan na mandok: “Ale Amang! Marpamuati ma roham mida nasida, ai ndang diboto nasida na binahen nasida i” (Mat 23: 34). I ma sada bukti di ngolu ni jolma i paboa na torus do Jahowa mian di bagasan holongNa. Ai umbalga do holongNa sian rimasNa. Di pangalaho na songon i ma lam boi hilalaonta arga ni haroro ni Jesus Kristus tu portibi on. Ibana Sipalua hajolmaon sian pardosaon i. Ala ni i do dipaborhat Jesus angka siseanNa dohot sude angka na porsea i mambaritahon barita na uli taringot haluaon na binoan ni Jesus tu saluhut bangso. Marhite i ma gabe sude na ulu ni tot manghatindanghon paboa Debata di bagasan Jesus Kristus mangalehon haluaon dohot hatuaon di bagasan ngolu ni jolma i.

Tapatogu ma rohanta mandok mauliate sian nasa gogo tu Debata marningot sude asi ni rohaNa tu hita. Marhitehite angka ende, pujipujian, tangiang dohot mangula ulaonta di bagasan lomo ni roha ni Tuhan i. Naeng ma mulak rata ganup semangatta mamuji dohot mangulahon lomo ni rohaNa. Sai taarahon rohanta ganup ari mandok: “Puji ma Jahowa ale tondingku jala unang halupahon denggan ni basaNa sudena”.

3. Taarahon ma angka dongan mananda asi ni roha ni Debata.

Dung tangkas tahangoluhon jala tahamauliatehon asi ni roha dohot denggan basa ni Debata, tarjou do hita manogihon angka dongan na sing asa dohot nasida mananda asi ni roha ni Debata. Gabe rap dohot hita pangasaphon Debata di bagasan pardalanan ni ngolunta. Saluhut naung mananda Tuhan i gabe dongan ni Tuhan i mangula lomo ni rohaNa. Alani i adong do turgas manogihon, mangarahon halak na asing gabe si puji Debata.Turgas na niulahon sian las ni roha dohot roha mauliate tu Debata, ala sanga dipangke ngolunta mangarahon angka donganta. Ingkon rap mamuji jala pasangaphon Debata do hita do hita dohot saluhut na tinompa ni Debata di portibion. Ingkon sude do jolma i manghatindanghon paboa Debata do sitompa ibana. Ndang adong haluaon nang hatuaon so dunghon sian Debata. Ndang boi halupahonon ni jolma i nanggo satongkin pe di bagasan ngoluna laho mangarahon donganna laho mamuj dohot pasangaphon goar ni Debata.

Pardalanan ni ngolu ni jolma i boi do sarupahononta songon sada solu na metmet na mardalan di tongatongah ni laut na bidang jala na bagas. Dison boi berengonta mansai godang ancaman na boi mangharomhon solu i. Ima sian galumbang na balga jala gogo dohot alago na mansai gogo situtu. Na di setiap tingki boi ro jala mangauphon solu dohot pangisina. Pardalanan ni jolma i pe suang songoni do, bahat jala godang do angka na masa siboluson di na laho mandalani ariari ngolunta. Mansai godang sangkap ni portibion, sibolis laho mangaithon jolma i asa mian, mangolu di bagasan pardosaon. Jotjot di lehon sibolis i hasonangan parsatongkinan di ngolu ni jolma i dohot maksud asa mian di pardosaon jala mago jolma i sian adopan ni Debata. Mansai godang masa jala songgop parungkilon dohot hasusaan dibagasan ngolunta on. Alai molo tung songgop pe tu hita parungkilon i ndada dalan ni Debata i laho manguhumi, pamatehon jolma i. Alai boi do parhatopotonta dalan ni Debata laho patoguhon haporseaonta. Ndada molo ro haporsuhon, sitaonon i gabe mandate, maheu pangkilalaanta, alai merhitehite sitaonon i gabe lam pita mata ni haporseaonta jala lam solhot hita tu adopan ni Debata. Kita tidak ingin pulang karena ada gelombang yang besar, akan tetapi mamfaatkanlah gelombang tersebut untuk mencapai tujuan. Marhitehite na masa tu hadirionta hagogotan i, boi do i mambaen sada semangat asa lam margogo hita mangula angka na denggan jala joujou hita tu Debata asa ro pangurupionNa.

Satongkin nari salpuhononta na ma taon na buruk on jala eahanta ma sada taon na imbaru i ma taon 2010. Ndang taboto dope manang aha ragam ni siadopanta disi. Alani do dibagasan partingkian on dipaingot Debata do hita marhite hataNa na mandok: Parasi roha jala Pardenggan Basa do Jahowa. Taparhatop ma na tongtong do asi rohaNa mida hita asal ma tongtong hita mian di bagasan hoprseaon jala mamrpangkirimon na mangolu tu Ibana. Marrujiruji ma hita tu dirinta tarlumobi ma tu adopan ni Debata, boha do parangenta, pangoloionta tu Ibana na sai laonon. Nunga tapuji Ibana marhite ulaonta nang parangenta? Manang angka ulaon na maralo tu rohaNa do tongtong taulahon. Unang halupahon sude pambahenan ni Debata di bagasan ngolum, puji jala olophon ma pambahenan ni Debata na so hasuhatan i. Selamat Taon Baru 2010. Amen.

Evangelium Januari 2010


JAMITA TAHUN BARU 2010.
5 Musa 31:1-8.
Epistel: Heber 12: 1-3.
Oleh Pdt. Dr. B. Purba (Ephorus HKI)

Huria ni Tuhanta na hinaholongan di bagasan Goar ni Tuhanta Jesus Kristus. Selamat Taon Baru ma di hamu saluhut na. Tapuji ma Amanta Debata napatariparhon hita sian taon na salpu, taon 2009, tu taon naimbaru, taon 2010 on. Nunga mangalangka hita nuaeng tu taon 2010 on. Ndang taboto dope songon dia rumang ni angka na masa siadopanta di taon on.. Mamereng situasi parngoluon siganup ari, na digoari krisis ekonomi global, dohot ragam ni sahit na masa nuaeng, olo do hita lomos. Sai songon na so margogo hita tahilala mangadopi saluhut na i. Alai, mauliate ma di Debata Amanta I, na so hea manadingkon hita. Marhite jamita on, dipapos rohanta. Didok tu hita nuaeng.

UNANG TAHUTAN JALA UNANG GODORON HAMU
Ndang hea maradian Debata manguluhon hamu.
Dung mandonok 40 taon leleng na diuluhon si Musa bangso Israel mardalan manuju Tano Kanan, Tano Bagabaga i, dung haruar nasida sian Tano Misir, Tano parhatobanan i, manghatai ma Debata tu ibana, ninna ma:” :”Ndang tarbahen ho be manaripari Jordan on!” (ayat 2). Alai ni i, diparade ibana ma bangso i manorushon pardalanan i, dohot mamongoti Tano Kanan, Tano Bagabaga i. Dipapungu ibana ma bangso i, didok ma tu nasida:”Boho saratus duapulu taon ahu marumur sadarion, ndang tarbahen ahu be laho ruar dohot laho bongot, ai nunga pola marlumba Jahowa tu ahu:”Ndang tarbahen ho be manaripari Jordan on!” (ayat 2). Dihatindanghon si Musa, paboa na laho salpu nama angka ari, bulan, dohot taon na. Ndang tarbahen ibana be manorushon pardalanan i rap dohot bangso i. Tinggal nama ibana. Alai, nangpe salpu ari, bulan, dohot taon ni si Musa, anggo asi ni roha ni Debata di bangso i, ndang salpu. Nangpe so dohot be si Musa manaripari aek Jordan i, anggo Debata torus do mangula patariparhon bangso i. Tangakas do i dihatindangkon ibana di nanidok na:”Jahowa Debatam sandiri taripar manguluhon ho”(ayat 3).

Huria ni Tuhanta nahinaholongan di bagasan Goar ni Tuhanta Jesus Kristus. Nunga salpu muse sada taon tabolus. Nunga tading deba donganta di taon na salpu. Songon si Musa di jamita on, na so dohot be manorushon pardalanan na rap dohot bangso i, songon i do angka donganta naung maradian i. Ndang dohot be nasida manorushon pardalanan i di taon 2010 on. Nunga dipaujung nasida parlojongon nasida i (2 Tim 4:7). Nunga rade di jolo nasida tumpal hangoluan sijaloon nasida sogot (2 Tim 4:8). Alai tu hita namanorushon pardalananta on dope, didok Debata do: Ndang maradian asi ni roha na tu hita. Amanata Debata do pataripar hita sian taon na salpu, taon 2009, laos Amanta Debata do mandongani hita manorushon pardalananta di taon 2010 on. Salpu pe ari, minggu, bulan, dohot taon tabolus, anggo asi ni roha ni Debta, tongtong do paihutihut hita.

Singkop do panogunoguon ni Debata di hamu.
Ndada holan patariparhon bangso i mangalaosi aek jordan Debata, alai dohot do manguluhon bangso i mardalan manuju tano kanan, tano bagabaga i. Dipabangkit Debata do si Josua gabe naposona mangganti si Musa laho manguluhon bangso i. Marhite naposona si Josua, ingkon sahat do bangso i uluhonon ni Debata mamongoti tano bagabaga i. Didok Debata marhite si Musa tu si Josua: :”Pir ma tondim jala marsihohot, ai sahat ma anggo ho rap dohot bangso on masuk tu tano naung niuarihon ni Jahowa tu ompu nasida...,jala ho do managihonsa tu nasida..”(ayat 7).
Marhite hata on, tung mansai tangkas dipapatar Debata hasatiaonna manguluhon bangso i sahat tu tujuan. Ai marhite hata on, dipasahat Debata dua ulaon na balga tu si Josua, ima: manguluhon bangso i manorushon pardalan i dohot mansagihon tano i, tu ganup marga ni bangso i, gabe peopon (milik) nasida be, songon naung niuarihon ni Debata hian tu nasida. Laho margogoihon si Josua mangulahon ulaon i, dibohali Debata do ibana marhite hata ni Debata. Didok Debata tu si Josua marhite si Musa:”Pir ma tondim jala marsihohot”(ayat 7). Lapatan na: Di namangula ulaon i si josua, ingkon holan marhaposan tu Debata Jahowa sambing ibana.
Huria ni Tuhanta nahinaholongan di bagasan Goar ni Tuhanta Jesus Kristus. Debata napalua bangso Isarel sian parhatobanan Misir dohot namanguluhon mardalan manuju Tano Kanan, Tano naung niuarihon ni Debata tu nasida, laos i do Debata na paruar hita sian parhatobanan ni dosa, sian haholomon, tu hatiuron halongangan ni Debata (1 Pet 2:9) marhite panobuson ni Tuhanta Jesus Kristus. Diarahon Tuhanta do hita marudur manuju “Tano Kanan Naimbaru”, ima Surgo sambulo ni tondinta.
Dipardalananta on, mansai godang dope hamaolon siadopanta dohot sibolusonta. Alai, marhite jamita sadarion, dipapatar Debata tu hita, paboa Taon parasinirohaon ni Debata do taon 2010 on di hita. Songon pangalean ni Debata di bangso Israel hamonangan, songon i do lehonon ni Debata hamonangan tu hita. Dung dipataripar hita sian taon 2009, didongani do hita mardalan mandalani taon 2010 on. Debata Jahowa mardalan di jolonta, manjoloani hita di pardalanan ni ngolunta. Debata Jahowa marmahani hita, asa unang lilu hita, asa unang marmara hita; manogunogu hita tu “jampalan na lomak dohot mual hangoluan”, asa unang anturaparon hita. Antong, di namangalangka hita mamongoti taon 2010 sadarion, dipapos Debata rohanta, didok tu hita ganup marsadasada:”Pir ma tondim jala marsihohot, unang tahutan hamu jala unang godoron, ai Jahowa Debatam sandiri donganmu mardalan” . Amen.


JAMITA MINGGU DUNG TAON NA IMBARU
TANGGAL 3 JANUARI 2010
JOHANNES 16 : 20 – 24
ARSAK NI ROHA MUBA GABE LAS NI ROHA
( Pdt. Firman Sibarani, M.Th )

P a t u j o l o
Perikop jamita on marbonsir sian boa-boa ni Jesus na marsirang nama Ibana sian siseanNa, (ay. 1-7, 16-19). Tingki parsirangon i didok “satongkin nari” (ay. 16). Ia parsirangon i dua periode do. Parjolo, antara parsilangon tu haheheon (ay. 16). Paheba bentuk pandohan na asing, “Na hehe ma Ahu di ari patoluhon” (Mat. 27:63). Paduahon, antara hananaek tu haroroNa paduahalihon (pah. Joh. 16:5-7). Dipabotohon Jesus, na songgop ma arsak ni roha di ngolu ni sisean di periode parsirangon i. Alai didok do muba do i gabe las ni roha. Alani i diapoi do sisean i mangido marhite goarNa asa manjalo jala gok halalas ni rohanasida (ay. 23-24).

H a t o r a n g a n
Ayat 20 – 22 : Masa Arsak Ni Roha Alai Muba Do i Gabe las Ni Roha
Dipabotohon Jesus do paboa di tingki parsirangon i tumatangis jala mangandungi ma sisean i. Marsak roha nasida ala haporsuhon jambar nasida (pah. Ay. 33). On do haporsuhon i : a. punjung sisean i di portibi on, ai borhat ma Jesus sian portibi on (pah. Joh. 17:11). b. Las roha ni portibi on disi. Ai molo borhat Jesus sian portibi on ido las ni roha ni portibi on. c. Hosoman ni portibi on do sisean i (Joh 15:19). Pola do pabalion ni musu nasida sian huria, pusaonna ala ni Kristus (Joh 16:2-3). Hinorhon ni arsak i pola marserak sisean i masitondong dalanna (ay.32).
Alai diapoi Jesus do siseanNa. Didok. muba do arsak ni roha i gabe las ni roha. Satongkin do masa arsak ni roha i. Digombarhon do i tu boruboru laho manubuhon posoposona. Dokdok diae saleleng gabegabean dohot manubuhon. Alai dung sorang dang diingot be i dibahen halalas ni rohana. Tudos tusi do arsak ni roha ni sisean. Ai rodo muse Jesus. Berengon ni sisean i do muse Jesus. Ai pajumpang dohot Jesus ido patubu las ni roha. Di ayat 22 didok “idaonku do hamu muse”. Tu tolu partingkian hamamasa ni i. Parjolo, na hehe do muse Kristus sian namate jala mangula ditongatonga ni siseanNa. Paduahon, dung manaek tu banua ginjang, na rodo muse Kristus mangondihon sisean i marhite kehadiranNa dibagasan Tondi Parbadia (pah. Ay.7-15). Patoluhon, na rodo muse Kristus paduahalihon mangalap sisean tu habangsaNa (pah. Joh 14:1-3). Jala nang pe so diida sisean i Jesus (pah. Joh. 20:29), diida Tuhan i do nasida. Tongtong do diramoti Tuhan i nasida maralohon na jahat (pah. Joh. 17:15). Sirang di pardagingon, alai ndang tarsirang manang aha holong ni Kristus sian siseanNa (pah Joh. 15:1-8; Rom 8:38).

Ayat 23 – 24 : Mangido marhite Goar Ni Jesus Manjalo Gok Halalas Ni Roha
Di na sadari i (ay. 23) mandok tingki haroro ni Kristus mangida sisean, na gabe tingki halalas ni roha. Hubunghonon do i tu tingki haheheon ni Tuhan Jesus, haroro ni Tondi Parbadia dohot haroro ni Jesus paduahalihon. Di ganup partingkian i tangkas jala lam tangkas panandaon ni sisean i di Jesus songon i pangantusion nasida di sude na masa di ganup periode ni parsirangon i. Asa nang pe sirang di pardagingon dihaporseai sisean ido na tongtong Jesus mangondihon nasida. Diantusi nasida penyataan ni Kristus i ndada holan dibagasan daging alai dibagasan Tondi, huaso dohot hataNa. Diantusi ma Jesus na ro sian Debata Ama (ay. 25-30). Gabe martangiang nasida tu Ama i marhitehite goar ni Jesus.
Diapoi Jesus ma siseanNa asa mangido marhitehite goarNa tu Ama i. Ai dibagasan Jesus do hubungan ni sisean tu Ama i jala disi do hagogok ni las ni roha (ida 15:11 dohot 17:13). Sisean na manaon arsak ni roha ala manghatindangkon ngolu dohot hamamate ni Jesus tama do mangido las ni roha. Na mangido las ni roha tu Debata Ama ala goar ni Jesus manang ala ni na sitindangi ni ngolu dohot hamamate ni Jesus manjalo las ni roha (pah. Mat. 7:7; Luk 11:9).

Hahonaan Tu Jamita
1. Na manaon haporsuhon do huria (Joh 16:33), tumatangis jala mangandungi dibagasan arsak ni roha siala hapunjunganna di portibi on, dihosomi jala dipusa portibi on (anti Kristus) ala ni Kristus. Sai godang do hamaolon, parungkilon dibolus huria. Nang so sude huria i di ganup luat mangae arsak ni roha alai na masa do i di pardalanan ni godang huria. Jala na jadi masa do i nang di taon on manang tu angka taon naro. Alai nunga dipabotohon Jesus paboa satongkin do masa arsak i, sangombas sambing do tingkina. Taboto ma, dibagasan arsak ni roha i tubu do las ni roha. Diondihon Tuhan i do huriaNa marhite Tondi parbadia, diramoti maralohon na jahat gabe mangerbang di liat portibi on. On do las ni rohanta, sai na donganan ni Tuhan i do huriaNa ganup ari rasirasa ro ajal ni hasiangan on (Mat. 28:20).
2. Sengsara membawa nikmat do haporsuhon, arsak ni roha ala ni Kristus. Ai martua do na hona insak, na pinaburuburu ni halak ala ni Kristus. Molo manaon haporsuhon ala ni Kristus, pola tumatangis jala mangandungi unang ma mandele, unang frustrasi, unang murtad. Las ma roha disi. jala marolopolop. Boasa? Ai godang do upa di banua ginjang i (Mat. 5:11-12) jala songgop Tondi hasangapon na sian Debata (1 Pet. 4:14).
3. Adong peribahasa, “Berakit-rakit ke hulu, berenang-renang ke tepian, bersakit-sakit dahulu, bersenang-senang kemudian”. Tudos tusi do na marhuria, na mar-hki. Ai Kristus na tarsilang do raja ni hurianta, Tuhan na manaon na porsuk jala hehe sian na mate. Dung i manaek Ibana tu banua ginjang, tu hasonangan. Namangihuthon Kristus i do hita na marhuria, na mar-hki. Saleleng marhuria, mar-hki, na manuhuk silang ni Kristus ido hita. Silang ni Kristus do na tatuhuk di na parsidohot manuhuk ulaon marbarita nauli, mambangun gareja dohot pelayanan na asing di huria i. Lam maju ma hurianta, lam marsangap Debata di portibi on. Tontu lam tamba do las ni rohanta disi. Las ma roha ni sude ruas ni huria ala parsidohot disi. Ai dapotan upa (pahala) di banua ginjang. Ndang holan di banua ginjang, dohot do di portibi on. Ai hasonggop ni Tondi hasangapon na sian Debata i patubu las ni roha, parolopolopon naso tarlehon portibi on (pah. 1 Pet. 4:12-14).

4. Unang ma hita manaon na porsuk ala na marjahat. Jala sotung ma adong marsak, tumatangis jala mangandungi huria manang ruas ni huria ala na marsihosoman jala marjahat huria tu huria, ruas tu ruas. Unang ma adong sian hita marjahat na mambahen huria manang ruas ni huria manaon na porsuk.
5. Molo adong manaon na porsuk ala na kristen manang ala ni Kristus, unang ma hansit rohana. Molo diarsahi halak unang balos niarsahan halak i. Molo tumatangis jala mangandungi iba dibahen halak ndang gabe bahenon halak i tumatangis jala mangandungi. Aha do bahenon? Parjolo, dipasangap ma Debata di sudena i (1 Pet. 4:15). Paduahon, martangiang ma tu Debata marhitehite goar ni Jesus mangido hagogok ni las ni roha.

Jamita tu Binawarga, Minggu, 10 Januari 2010
Ev; 5 Musa 5: 6-7 (Ep. Mateus 4: 1-11)
Pdt. Dormen Pasaribu, S.Th
HKI Res. Patane Porsea

1. Patujolo
Bukku 2 Musaon, ima songan sada bukku perpisahan ni si Musa dohot Israel (1:1ff). Di bukkuon diparatarata si Musa do angka pambahenan ni Debata dohot patikNa tu bangso Israel asa angka sundut na so mamereng dohot manghilalahon peristiwa-peristiwa na salpu mamungka sian haruruanasida sian Misir tongtong manghaporseai Debata Jahowa.Di turpuk jamitantaon, dipaingot si Musa do Israel asa manghangoluhon patik na jinalonasida uju di Sinai, molo nungnga maringanan di tano Kanaan. Tongon ma turpuk jamitantaon, patik parjolo na jinalo ni Isarel marhite si Musa. Marhite patik na parjoloon, naeng tangkas dapot di bangso i, haporseaon na polin; marsomba holan tu Debata na mamboannasida haruar sian parhatobanon Misir. Antong, ta uji ma jolo manigatisa.

2. Hatorangan Ni Turpuk
1. Turpuk jamitantaon, ima patik parjolo sian patik na sampulu i na pinasahat ni Debata tu Israel marhite si Musa. Mangihuthon panindangion ni bukku 2 Musa 19:1ff, patolubulanhon dung ruar bangso i sian tano Misir, tongon posisi nasida di halongonan Sinai, di si ma dijalo nasida patik sian Debata marhite si Musa. Dung di taon pa opatpuluhon, tongon posisi ni bangso i di bariba ni Jordan, di tano Moab (posisi naeng bongot tu tano Kanaan) dipaingothon si Musa muse patik ni Debata (5 Musa 1:1ff) tu bangso i. Tontu maksud ni si Musa umbahen na pola dipaingot bangso i di patik i di taon paopatpuluhon, ima di na tongon naeng bongot Israel tu tano Kanaan asa sundut naeng mangingani tano i ingkon marparange di patik ni Debata. Ndada holan sasundut, alai sahat do tu angka sundut na so tarida dope ingkon marparange hombar tu patik dohot aturan ni Deba ta. Ido na pinarade ni si Musa di tonga ni bangso Israel. Dipaluhut ibana bangso i laho paingothon nasida di patik ni Debata. Nungnga torop sian bangso i, tarlumobi angkasundut na umposo, na so langsung mamereng dohot mangalami angka pambahenan ni Debata, mamungka haruar sian parhatobanan Misir, isarana; paskah na parjolo, peristiwa laut rara, peristiwa dolok Sinai, ima di na tuat Jahowa tu dolok Sinai. Di bukku 5 Musa on, saluhutna pambahenan ni Debatatarlumobi patik na pinasahatNa, diparatarata si Musa tu bangso i asa holan tu Debata nasida marsomba. Molo nungnga bongotnasida jala maringan di tano Kanaan asa tongtong marparange di patik dohot aturan ni Debata.Hasonangan nasida di tano na naeng sibongotan nasida ditontuhon haunduhonnasida tu patik dohot aturan naung jinalonasida sian Debata. Di bindu 28:1-2 didok; "Molo tung tinggil situtu roham tumangihon soara niJahowa, Debatam, mangaringgas roham mangulahon patikna, angka na hutonahon I tu ho sadarion, jadi pabangkiton ni Jahowa, Debatam ma ho tumimbul sian nasa bangso di tano on. Songgop ma huhut tu ho sude angka pasupasuon jala pasahatonna tu ho, molo ditangihon roham soara ni Jahowa, Debatam". Dung imamungka sian ayat 3-14 dirinci do angka pasupasu sijaloonnasida molo marparange di patikNa. Sabalikna, molo so marhaunduhon tagamonnasida ma torutoru sian Debata (ay. 15-69).

2. Dipaingot si Musa do bangso i asa holan tu Debata nasida marsomba.Holan Debata na paruarhon nasida sian Misir do alamat ni parsombaononnasida. Di tonga ni bangso pardebata sileban, unang munggil haporseraonnasida, holan Jahowa Debata do sioloannasida, sisombaonnasida, dungkon ni i ndang adong . Holan Debata na paruarhon nasida sian Misir do anggo Debata na mangolu. Ibana do Debata na mamboannasida haruar sian tano Misir, bagas parhatobanani. Pandohan 'na mamboan haruar sian tano Misir", ima na paingothon bangso I tu Debata na mangula di sejarah pardalanannasida, di tingki na salpu, sadarion, sahat tu ari na naeng ro. Sejarah pardalanannasida mamungka sian tano Misir sahat tu tano Kanaan na naeng siebatannasida, ima sada arena kegiatan Allah bertindak/ mangula. Saganjang ni pardalanan i gok angka pambahenan ni Debata na tung mansai balga. Patar do di si panganjuon ni Debata di nasida, patar do di si parmudumuduon dohot panangannanganon niDebata, tarlumobi patar do di si hagogoon ni Debata na marmudumudu nasida. Asa Debata ni Israel ima Debata na mangolu jala naung memerdekahon nasida sian parhatobanon. Marhite tangan na gogo Debata paluahon/ memerdekahon nasida. Ndang jadi marangkup Debata bahenonnasida di tano na naeng siebatannasida i. Diorai Debata bangso pinillitNa i marsomba/ beribadah tu debata sileban. Tuhan telah menetapkan diriNya menjadi Allahnya Israel (2 Musa 16:12, 20:2), telah mengangkat mereka menjadi anakNya (2 Musa 4:22-23), hambaNya (2 Musa15:13,16) atau umat milikNya (2 Musa 6:6, 5 Musa 4:20, 7:6 pat. 10:15, 14:2). Alani i tung so patut do bangso i marsomba tu Debata sileban. Ndada holan marsomba tu debata sileban tahe diorai Jahowa bangsoNa i, alai dohot do na pajongjongkonsa (5 Musa 27:15). Dan juga bukan hanya pembuatan patung-patung yang menggambrkan allah-allah asing 'di samping Allah' saja yang terlarang, tetapi juga membuat dan mendirikan patung-patung yang menggambarkan Tuhan sendiri. Allah Israel tidak berwujud kebendaan, tidak bertubuh seperti manusia, binatang ataupun mahluk apapun juga, bahkan secara prinsipil tidak kelihatan. Asa oraora mambahen marangkup Debata tung tangkas situtu do disosohon tu bangso i. Torang do i tarsurat di 2 Musa 20: 3,5, 34:14, 23:13; 3 Musa 19:4a; 5 Musa 5:7, 6:13. Jala manang ise na marsomba/ marsomba tu debata sileban ingkon siaphononkon (2 Musa 22:20 pat. 5 Musa 17:2-5).

3. Usul tu Pangabahan ni Jamita.
Jumolo ma tapatolhas hadirionta di adopan ni Debata. Bangso Isarel na imbaru do hita di adopan ni Debata marhite Jesus Kristus. Bangso Israel diparuar/ dimerdekahon Debata marhite tangan na gogo sian parhatobanan Misir. Hita Israel na imbaru nungnga diparuar Debata sian parhatobanan ni dosa marhite Jesus Kristus. Marhite tangan na gogo Ibana paruarhon hita sian sorop ni dosa dohot hamatean. Hagogoon ni Debata patar do i di na hehe Jesus Kristus sian na mate; haheheonNa i ma hamonanganta maralohon hamatean sorop ni dosa i. Asa bangso na pinillit ni Debata do hita di bagasan Jesus Kristus (pat. 1 Petrus 2:9). Ibana do nampuna hita jala nungnga diparbadia hita laho mamaritahon hadengganon ni rohaNa. b. Namangihut muse, songon Israel na di pardalanan dope manulus tano Kanaan, dipaingot Debata nasida marhite si Musa asa holan tu Jahowa Debata, na mamboan nasida haruar sian Misir, marsomba. Hitape na tongtong do dipardalanan manopot sada inganan, ima sambulon ni tondinta, surgo hasonangan. Di pardalanan ni ngolunta dipaingot hita asa holan tu Debata, na papatarhon hadirionNa di bagasan Jesus, hita marsomba. Ibana do nampuna hita, jala nungnga ditaluhon huaso na di portibion laho mangain hita asagabe anak dohot boruNa. Saonari didok tu hita; "Ahu do Jahowa Debatam., unang marangkup ahu bahen". Jotjot do marangkup tabahen Debata, ala hurang porsea hita di hagogoon ni Debata. Di sihapataran marsomba tu Debata, alai di inganan na soding lao hita mangido pangurupion tu huaso na di portibion. Unangbe dapot sian tongatonga ni hita halak Kristen nian na mardua tuan, manang na palaokhon haporseaonna, marhite na manghaporseai kekuatan-kekuatan gaib (okultisme) na adong di portibion. Tapahusorhusor ma di rohanta hagogoon ni Debata na luar biasa, na mangatasi hagogoon na adong di portibion, ima; "pahehehon Jesus Kristus sian na mate". Molo boi do dipahehe Debata na mate, ndang pola tulak hagogoonNa patupahon na ringkot di hita. Alani holan tu Ibana ma hita marsomba. c. Ingkon parbohalanta do angka sundut na umposo, dohot angka sundut na so tarida dope asa marhaunduhon tu tona dohot patik ni Debata. Tarlumobi ma asa porsea tu hagogoon ni Debata, asa unang gabe palaokhon haporseaonna. Tarlumobi ma di partingkianta saonarion, ingkon sian roha na marsitutu dohita mamparbohalinasida. Tartogutogu do angka sundut na umposo nuaengon manghaporseai kekuatan mistik/ gaib, marhite angka tayangan-tayangan ni TV, isarana; the master na di RCTI dohot angka na asing. Alani i, unangbe marnalemba hita laho manogunogu nasida. Gok halongangan do ngolu ni angka naholan marsomba Debata. Amen


DEBATA DO SISOMBAON JALA SIOLOAN
Jamita tanggal 17 Januari 2010;
Ev. Ulangan 5:8-10; Ep. Galatia 4:8-11
(Pdt.Hopol M.Sihombing,STh – Bandung)
Patujolo
a. Goar ni Bukku Nalima i (Pentateuhk)
Buku 5 Musa digoari do di Alkitab; ‘Ulangan’ namarlapatan; mangulahi naung hea, mangarata-ratai. Patar do antong tarida i ai di buku 5 Musa on ma patik/ tona i nang angka hata ni Debata diulahi muse dijamitahon, dihatahon naung hinatahon di angka ari naung salpu. Jala molo tapatudos tu: a) Biblia Hebraica (Alkitab berbahasa Ibrani/Heber), digoarima 5 Musa on; Debar manang Eleh Hadebbarim lapatanna; “On do angka hata i” (inilah perkataan-perkataan = 5 Musa 1: 1) maksudna angka naung hinatahon ni si Musa i hian. b) Molo Septuaginta (LXX) ima Padan Narobi (PL) na marhata (terjemahan) Gorik (Yunani), buku 5 Musa digoarima i; Deutronomion. Molo Vulgata (Alkitab: padan na robi dohot Padan naimbaru) namarhata (terjemahan) Latin digoarima i; Deutronomium, lapatanna: pangulakhonon di Patik/ tona i, paduahalihon dihatahon (pengulangan hukum Taurat).
Hape boasa di hata Batak digoari 1, 2, 3, 4 – 5 Musa? Holan di Bibel do i. Molo di Alkitab dohot Bible (hata Inggris) angka ondo do goarna: 1) Kejadian (genesis) = parjadi/ panompaon/ parmulaan, 2) Keluaran (exodus) = haruar sian Mesir, 3) Imamat (Leviticus) = hamalimon; 4) Bilangan (numbers/numeri) = hitungan, sensus, angka-angka/ nomor-nomor, jumlah; 5) Ulangan (Deuteronomy) = paduahalihon, mangulakhon.
Tung sura do adong sungkun-sungkun, atik ala dominasi do Musa? Ia si Musa napinillit ni Debata intap ni Horeb gabe uluan di bangso i mansai andul do tohonanna jala padompak-dompak manghatai tu Debata (theofanis = berhadapan muka dengan Tuhan), jala parhiteNa tu bangso i. Alani i gabe goarna ma goar ni bukku i. Alai molo tapamanat tu bukku 1 Musa, dang tardok ala ni dominasi, ai dang sorang dope si Musa. Baru pe di 2 Musa dipatorang partubuna di Mesir.
Hira on do alana umbahen digoari 1-5 Musa; Ponggol (bagian) parjolo di Padan Narobi i di goari do i Thora (Taurat), lapatanna a.) Pangajaron nasian pangungkapon (penyataan/ wahyu) ni Debata tu angka malim. b) Goar panimpuli ni nalima bukku parjolo di Padan Narobi (pentateuhk). Memang mangihuthon tradisi naparjolo (kuno) sai somal do di dok si Musa do namanurat lima bukku on. Atik pe di angka ari naparpudi dung lam diteliti, ndada holan si Musa namanurat na lima bukku i, ai tangkas do didok di 5 Musa 34, taringot tu parmondingna. Alani i tagamon do adong panurat na asing tamba ni si Musa, boi do i halak Kanaan sandiri, dohot angka panurat na sinuru ni Debata. Haru mangihuthon penelitian, adong do i si abad 7 SM ai mirip deba songon naskah Lakhis dohot hata (bahasa) bukku Jeremia. Alani i dang saluhut na lima buku i sian si Musa.

b. Bukku 2 Musa dohot 5 Musa (Keluaran dan Ulangan) Taringot tu Patik/ tona i
Sian bukku 2 Musa 19-20 taboto: tolu bulan dope bangso Israel haruar sian Mesir, sahat ma nasida di halongonan (padang gurun) Sinai jala marsaro (berkemah) ma disi tondonghon (dekat/ kaki gunung) dolok i. Jala di dolok Sinai i do si Musa majalo patik/ tona i. Debata do manjou ibana marhite suara asa nangkok-tuat pola opat hali ibana tu dolok i. Hatiha i holan dihatahon Debata (lisan) dope patik/ tona i tu si Musa. Dung pe di 2 Musa 24:12-18; 31:18 dijou Debata ma si Musa Muse nagkok tu dolok i manjalo patik/ tona/tona naung nisurat ni jari/ tangan ni Debata sandiri di batu le (tulisan). Opat pulu ari ma ibana di dolok i rap dohot Tuhan i manangihon luhut tonaNa dohot aturan parugamoon. Alai ala songoni lelengna pola 40 ari, gabe ro tu roha ni bangso i, mambahen ganaganaan debatana lombu tuangan sian sere. Laos disuru debatama si Musa tuat mandapothon bangso huhut diboan ibana dua batu le namarsurat i. Toho ma tutu diida ibana nunga manontori bangso i manomba lombu tuangan i. Tarrimas ibana laos didanggurhon ma batu le i, gabe mapuntar, songoni lombu tuangan i ditutungi ibana (2 Musa 32).
Alai nangpe songon i, disuru Debata do muse si Musa mandakdak (memahat) dua batu suman tu naparjolo i asa diboan tu dolok i. Di dolok i ma ibana muse 40 ari nai. Disuru Debatama si manurathon sude hataNa i dohot patik/ tona na sampulu i di dua batu le i. Jadi tangan ni si Musa ma manurat (2 Musa 34:27-28), ndada songon naparjolo i tangan ni Debata sandiri.
Alai ianggo perikope-ta sian bukku 5 Musa on, di dok do di 5 Musa 4:45-46; “On do angka panindangion dohot angka aturan dohot uhum, angka naung pinatolhas ni si Musa tu halak Israel, dung ruar nasida sian Misir. Di bariba ni Jordan, di rura tondong ni Betpeor, di tano ni si Sihon, raja ni halak Amori na maringan di Hesbon....” Sian taantusi, hata on dihatahon di tano Moab jonokhon ni tano Kanaan (nalaho sahat nasida). Maradi do nasida disi dung nasai leleng mardalan. Tangkas didok si Musa di 5 Musa 5: 5; “Ahu do uju i jongjong di holangholang ni Jahowa dohot hamu laho pabotohon tu hamu hata ni Jahowa;....” Alai ianggo nuaeng tu nasida nama hata i. (5:3 Ndada tu angka amanta, ....tu hita do, tu hita on angka na dison nuaeng, tu luhut hita angka na mangolu.)
Alani i ndang na dua patik/ tona i alai namangulakhon nama muse si Musa pasahathon, manjamitahon hata ni Tuhan i, ai nunga hea i dihatahon uju marsaro nasida di tondonghon ni dolok Sinai. Jadi secara umum ia bukku 5 Musa on, angka hata ni Debata napinasahat ni si Musa di adopan ni bangso Israel hatiha di tano Moab bariba ni Jordan manjonokhon Kanaan.

Patik/ tona parjolo dohot patik/ tona paduahon
Di tradisi ni Katolik dohot ‘katehismus besar’ Lutheran ianggo 5 Musa 5: 6 -10 sai somal do dipadomu jala didok ma i patik/ tona parjolo. Alai anggo tradisi Jahudi dibagi dua do i jala digoari ma i patik/ tona parjolo dohot paduahon. Jala atik pe saluhutdo patik/ tona nasampulu i marhadomuan, alai najumonok hadumuanna patik/ tona parjolo dohot paduahon do. Ai molo tung diorai manomba patung manang angka ganaganaan hombar dipatik/ tona paduahon i dos do lapatanni i asa holan Debata do sisombaon (patik/ tona parjolo). Jala nang parsiajaran taringot di patik/ tona i, dung sidung dijahahon ayat paduahon adong do sungkun-sungkun na; “Dia do lapatan ni i?” on do! Ingkon biar do rohanta tu Debata jala holong rohanta di Ibana asa unang olo hita marsomba tu debata sileban manang ganaganaan mangido hangoluan sian i, jala dang jadi sombaon angka begu, songoni manghaposi hadatuon nang angka homitan (benda-benda magic).
Molo di patik/ tona parjolo i ditonjolhon pribadi ni Debata, ise Debata, ise sisombaon; (Ahu do Jahowa Debata......). Alai di patik/ tona paduahon lobi ditonjolhon; cara marsomba tu Debata (Dang jadi marhite patung manang ganaganaan/ suman-suman).

Ganaganaan, Suman-suman nang homitan; Ndang jadi Sisombaon (8)
Di Alkitab didok; “Jangan membuat bagimu patung yang menyerupai apa pun......” (5:8), lapatanna tudos manang aha pe nadi langit, di banua tonga, di toru ni tano dohot aek, dang jadi sisombaan manang sioloan. Di hata Heber didok “Pesel” (patung dalam segala wujud dan bahan). Adong do patung na didakdak (dipahat) sian batu, hau. Adong patung tuangan sian logam/ emas/ perak jala adong diolah sian tano. Manang na marrupa aha pe i; dekke, pidong (unggas), ulok, marrupa jolma, suru-suruan, dna, dang jadi i gabe sisombaon. Songoni do nang homitan ima angka benda-benda magis, simbora nasian hadatuon dohot homitan nadiyakini boi mangalehon angka hagogoon, pelaris, parmanison, pitonggam, partahanan ni daging, pangaliluon, utian di tohang/ pintu ni ruma, dna, unang ma dipeop rohanta i. Ai manang ise namarsomba tu si songoni namarlapatan do i:
a. Marsomba (menyembah) tu najinama ni tangan (karya sendiri)
b. Manggeser Debata Panompa saluhut gabe natinopa ni jolma (bnd. tompa ><>
c. Mambahen Debata nabadia, namangolu jala nagogo i, gabe benda biasa, mati jala naso margogo
d. Mambahen Debata gabe silomo-lomo, sisuru-suruon. Jala uju i di Sinai diulahon bangso Israel do mambahen patung tuangan sian sere margombar anak ni lombu laos marsomba tu si. Alani tung mansai muruk jala tarrimas Debata marnida i (2 Musa 32). Nang di angka ari namangihut dohot di tingki angka raja sai olo do Israel namarsomba tu debata Baal. Alani ni sai jot-jot do dipataridahon Debata murukNa marhite angka hamaolon, talu marporang, ari logo naganjang, haleon potir, sahit narenge/ posa. Tarbuang pe nasida tu Babel tong do ala hatangkangon, ketidakadilan dohot ala manomba debata sileban. Alai dung masa sisongoni marhite panogihonon ni angka panurirang, mulak ma nasida tu dalan na tigor i ima manomba Debata Jahowa. Laos disi do nasida manjalo muse pasu-pasu sian Tuhan i ala ro mulak manomba Debata. Rimas ni Debata tu halak Nasogo Roha di Tuhan i (9) Molo di gareja sai tabege do, bagian on (....ro di sundut patoluhon, ro di sundut paopathon....) dung sidung patik/ tona na sampulu i di jahahon paragenda. Hape di son dung sidung patik/ tona paduahon do. Tontu adong do alasan ni, jala na boi dohonon taringot tu si; ia silaosi manang na dia pe sian patik/ tona na sampulu i, targoar do i parsogo roha tu Tuhan i, ai sian Debata do saluhut na patik/ tona i. Manang ise pe na olo mambahen angka patung, ganaganaan, suman-suman dohot homitan di bagasan haposeaonna manang sioloanna jala sisombaonna disimpuli ayat 9B ma i; “angka namarsogo roha tu Debata”. Jadi ndada pola angka silele halak Kristen, panegai bagas joro songon si Saulus (andorang so gabe Paulus) asa digoari parsogo roha di Tuhan i. Alai angka namanomba debata sileban dohot ganaganaan pe parsogo roha do i tu Jahowa. Didok; parrimas do Debata tu ibana, jala luluhononNa ma hajahatonna i ro tu pinomparna patoluhon ro di paopathon. Molo maretong (taksiran) secara mate-matika, pinompar patoluhon dohot paopathon sadia godang ma on jala piga taon ma on ulaning? Tagoarima jo: generasi parjolo (namarsomba tu ganaganaan i), pinompar paduahon angka anakhon ma i, pinompar patoluhon angka pahompuna ma i, pinompar paopathon angka nini/nono-na ma i. Nunga hatop ra di jaman nuaeng on molo marnini marnono jolma dung marumur 80 taon tu ginjang. Alai godang do jolma nuaeng dang sahat tu namarnini-marnono, jala adong do dang sahat tu namarpahompu. Molo songoni sahat tu namate pe ibana tong do dope jolma nanirimasan ni Debata ibana. Sian segi jumlah, molo nunga marnini-marnono sasahalak ra nunga adong torop ni pinompar i ro di 70-100 halak. Antong molo nanirimasan ni Debata do on, 100 halak ma na hona uhum. Aha do nanaeng sibandinghononta disi? Balga nai hape uhuman tu halak na olo mambahen patung gabe sisombaonna, manang ganaganaan sipeleonna, manang homitan (benda magis) nihaposanna.
Pasu-pasu dohot Asi ni roha tu angka Parholong di Debata (10)
Di ayat10 i didok; “Alai asi do rohangku di angka na marriburibu, angka na mangkaholongi Ahu, angka na mangaradoti angka patik/ tona”. Molo tabandinghon tu na diginjang i, pinompar patoluhon ro di paopathon tataksir antara 70-100 halak; berarti molo marribu (1.000 - < sepuluh ribu halak, mis 9.000 berbanding kelipatan dari setiap 4 generasi) mungkin 12 generasi/ keturunan. Boi dohonon; ganjang nai hape pasu-pasu sijaloon ni jolma ro di tu pinomparna marsundut-sundut molo marholong roha tu Jahowa. Jala sian pandohan ni Tuhan i di ayat 10 on dipatuduhon do sikapNa, umbalga do holongNa sian rimasNa. Dang apala lomo rohaNa nian mangarimasi jolma i, ai hira dang sabanding pasu-pasuNa i tu rimasNa. Ai rimasNa intap ni 4 generasi do hape pasu-pasuNa boi ro di 12 keturunan – dst. Manang ala ni asi ni rohaNa gabe marganjang do generasi i, alai ala ni dosa i, 4 generasi pe nunga mago ibana. Nda andul umbalga do asi ni roha dohot pasu-pasuNa i?

Panutup

Holan sada do Debata Jahowa sitompa langit dohot tano nang nasa isina sudena. Di bagasan Jesus Ibana ro gabe Sipalua, laos ido na ro di bagasan Tondi Parbadia mangaramoti huriaNa. Antong dang adong na asing gabe sisombaon manang si haposan. Laos ido didok Tuhan Jesus di Mat. 22::37 “Sihaholonganmu do Tuhan Debatam sian nasa ateatem, sian nasa hosam dohot sian nasa roham!” Nang di Ul. Apostel 16:31 didok; “Haporseai ma Tuhan Jesus, asa malua ho dohot isi ni bagasmi!”. Unang ma adong hita naporsea tu angka gana-ganaan, homitan, hadatuon, ai dapot haluaon dohot hangoluan partondian sian i. Sian Jesus jumpang hita do las ni roha, hamamalum, tarlumobi hangoluan salelenglelengna di surgo. Antong tadokma songon nidok ni si Josua (24:15) “..alai anggo ahu dohot donganku sajabu, ingkon Jahowa do oloannami.” amen.


Bahan Jamita 24 Januari 2010
Nats : 5 Musa 5:11-15
Topik Patik III dan IV
Pdt.Suparman Simamora,S.Th HKI Labuhan Batu II

PASANGAP JALA PARBADIAI MA DEBATA
1. Patujolo
Ia Buku palimahon ni si Musa on ima buku namarisihon angka jamita parpudi dingolu ni si Musa. Ima angka jamita napinasahatna tu bangso Israel uju nasida di Tano Moab . Nungga 38 taon 9 bulan lelengna nasida na rap mardalan sian haluaran sian Misir. Angkup ni I muse nungga dipabotohon Debata hian naso parsidohot si Musa sahat tu tano baga-baga I, ima tano Kanaan. Disi ma disangahon si Musa papunguhon sude bangso I jala di tonai. Pola do adong 3 bagian tona manang jamita ni si Musa di bangso i. Naparjolo: Bindu 1:6-4:43 taringot tu angka napinamasa ni Debata di bangsona I dohot angka huta haporusan dibariba ni Aek Jordan . Napaduahon: Bindu 4:44 -26:19 taringot tu angka ruhut-ruhut ni uhum ni Debata. Napatoluhon: Bindu 29-30) taringot parpadanon ni bangso I dohot DebataNa.

Turpukta saonari ima sian horong paduahon i. Ima jamita ni si Musa paduahon, napaingothon muse taringot tu patik ni Debata nasampulu i. Secara khusus diturpukta on taringot tu patik patoluhon dohot paopathon. Naung jinalo nasida hian sian Debata marhite si Musa di dolok Sinai. Jala nungga marpadan hian bangso I diadopan ni Debata asa diulahon. Jala salelenng diulahon nasida patik ni Debata, pasupasuonNa ma nasida leleng mangolu di tano nanilehon ni Jahowa Debata tu nasida.

2. Hatorangan ni Turpuk
Sian turpukta saonari tarsurat :
Ayat 11) Dang jadi dohononmu goar ni Jahowa, Debatam, anggo sian neang ni roha. Ai sai na hona toru ni Jahowa do manang ise namandok GoarNa sian nenang ni rohana. 12)Ingot hamu ma pabadiahon ari Sabat I laho pabadiahonsa. Songon natinonahon ni Jahowa, Debatam tu ho. 13)Onom ari ma lelenngmu mulaulaon jala radotanmu nasa sibahenonmu. 14) Alai anggo ari papituhon I, ari Sabat (paradianan) ni Jahowa, Debatam do I, dang jadi ho radotanmu disi agia aha ulaon, nang ho, manang anakmu manang borum, manang naposom lahi-lahi manang naposom boru, ro di pinahanmu, nang nasorang tu ho dibagasan hutam, asa maradian naposom lahi-lahi dohot naposom boru-boru suang songon ho. 15) Ai tama ingkon ingotonmu naposo do ho najolo di tano Misir, gabe ditogihon Jahowa, Debatam ho ruar sian I marhite sian tangan nagogo dohot botohon na toltol; ala ni do umbahen didokkon Jahowa Debatam ho pabadiahonari Sabbat i.
On ma patik nadua I ima patik 3 dohot 4 naung jot-jot tadok siganup minggu i:
Patik 3 : Dang jadi dohononmu goar ni Debata ianggo so ture dalanna. Ai hona uhumNa do sogot angka namarsineang di goarNa.
Patik 4 : Ingot hamu ma pabadiahon ari minggu (Sabat) i. Onom ari ma ula hamu nasa siulaon muna . Alai anggo ari papituhon I, ari paradianan ni jahowa debatam do i. Dang jadi ho mangula anggo di nasadari I. Manang anakmu pe , manang borum, manang naposom lahi-lahi manang naposom boru, ro di pinahanmu, ro diisi ni huta ni halak pe namangebati hutam. Ai di na onom ari do ditompa Debata langit dohot tano dohot laut ro di nasa isina. Dungi maradian ma ibana di ari papituhon i. dibahen I do umbahen na dipasu-pasu debata ari paradianan na I jala diparbadia i.
Hata “..dohononmu… sian neang ni roha..” (ay.11) di turpukta on marlapatan mamangke dohot manjou manang mandok goar ni Debata tu/di angka naso denggan. Manang mamangke dohot manjou goar ni Debata tu/di naso ture dalanna. Hata lasaw (heber) namarlapatan : untuk kesiasiaan/kepalsuan. Tu sude panjouon di goar ni Debata tu angka naso tingkos berarti namamangke goar ni Debata secara sembarangan. Dang na manjaga habadiaon ni goari i.
Songon naung tangkas taboto dang jadi dohonon goar ni Debata tu namamburai (hujat atau kutuk: pat 2 Musa 22:28a; 3 Musa 24:16 ). Manang martolon/bersumpah (pat. 3 Musa 19:12a; Matius 5:34 -36). Manang bahkan tu angka praktek-praktek perdukunan songon na dipraktekkon adong sian halak kristen dope nuaengon.1) Sude I naparmeammeamhon goar ni Debata do i. Dibahen I naing ma mandok goar ni Debata sian dalan na ture. Ture lapatanna dang sian neang ni roha manang sian roha na leas. Ingkon dibagasan sangap dohot biar do dohonon jala jouan goar ni Debata. Ai nabadian goarNa I tudoshon habadiaonNa i. Angkup ni i pangkeon ma goar ni Debata laho mamuji jala pasangaphon Debata, laho martangiang tu ibana, jala mandok mauliate.
Namangihut muse didok “Ingot hamu ma pabadiahon ari Sabat I (ay 12-15). Kekudusan hari Sabbat adalah alasan yang terpenting bagi hukum ini. Ala ari paradianan jala Sabbat ni Debata do I (3 Musa 19:3) naung tinontuhonna jala diparbadiai. Songon Debata namaradian di na sadari I, naeng songon I ma jolma I dohot pabadiahon nasadari I songon paradianan. Dang jadi mangula ulaon dinasadari I manang ise/manang aha pe naadong di bangso ni Debata. Manang anakna manang boruna, manang naposona manang lombuna manang hodana, manang isi ni huta ni halak namangebati hutanasida. Alasan asa pabadiahon Sabbat ima natarsurat di ayat 15 ima taringot tu halauon ni bangso Israel sian parhatobanan Misir masuk tu ngolu naimbaru. Dibahen I do naing pabadion nasadari I di Debata. Jala dinamaradian nasida di ari Sabbat I dung sahat tu tano baga-baga i, laos ido paimbarhon nasida paboa naso bangso hatoban manang dang diparhatobanan be nasida.
3. Panimpuli
Sidohonon ni turpukta on ima asa badia jala sangap bahenon Debata dingolunta on. Sude I borhat sian angka namasa napinatupa ni Debata di bangsoNa nasailaon. Dinatinoguna bangso I sian parhatobanan Babel gabe tu haluaon (dari perbudakan menjadi umat yang merdeka). Sudena pambahenan ni Debata I di nasida ndada holan gabe sada parsiajaran dibangso I tu ari marsogot, alai gabe sumber namempengaruhi masa depan di bangso i. Aha napinamasa ni Debata saonari sai marudut (dang haru singkop dope) dope tuhasisingkopna. Dibahen I dang boe malua bangsoNa sian sangkap manang manimbil sian dalan naung tinontuhon ni Debata. Tung pe tardok adong kebebasan ni jolma I laho manontuhon dirina, alai sai sangkap ni Debata do na saut.
Dibahen I, borhat sian parpadanan ni Debata doho t bangsoNa, saleleng bangso Israel mian dibagasan hata /patik ni Debata jala sai tong-tong pasangap jala pabadiahon Debata dibagasan ngoluna dung sahat nasida tu Tano Kanaan, ramotan ni Debata ma nasida di tano hasonangan i.
Di ngolu padan naimbaru, ari minggu I gabe parningotan dihita diangka napinamasa ni Tuhan bahen haluaonta marhite Anak-Na Tuhan Jesus Kristus naung mate jala hehe sian hamatean i. Di ari nasasadai singkop diula Tuhan Jesus sangkap ni ama I paluahon jolma sian dosa. Alai datung I dope hasisingkop ni halauon sipamasaon ni Tuhan I dihita. Naro dope Ibana muse diarina mambahen hasisingkopna diangka nadiibana i. Dinamanagam hita disi, asa tong-tonng hita mian di hataNa dohot lomo ni rohana. Jala naing angka panghongkopon ni Jesus I jala angka napinamasa nai dihita patoguhon jala pahothon rohanta laho marhaporseaon tu Ibana.


Jamita Tanggal 31 Januari 2010
Septuagesima = 70 ari di jolo ni ari Haheheon
J a m i t a = Ulaon no Apostel 22 : 12 – 21
P a t u j o l o
Dr Lukas Naposos ni Debata, haholongan i, sada halak sian na ginoaran Partobo di Injil Synopsis manang na ginoaran Evangelium (Mateus,Markus,Lukas dohot Johannes) ; Dr Lukas on ma na manurat jala na manongoshon surat ulaon ni Apostel on tu na margoar Si Tiopilus (Ul Ap 1:1 ; band Kolose 4 : 14).


Surat on, menjembatani, antara surat Injil Synopsis dohot surat ulaon ni Apostel on, na saling melengkapi do na dua surat on,namanaringoti taringot tu dua bagian parhataan, ima Kesaksian manang panindangion na hinatindangkon ni angka Apostel ni Tuhan I na dibagasan Injil synopsis taringot tu hadirion ni Tuhan Jesus, lumobi ma saluhut angka ulaon napinatupaNa namanghatindanghon Hasintongan I di bagasan Harajaon ni Debata marhite-hite Tuhan Jesus Kristus, sian hatutubuNa, hamamateNa, habangkitanNa sian hamatean I, sahat tu na manaek tu Banua ginjang laho hondul di siamun ni Debata Ama; rodi nalaho ro Ibana muse tu Portibion na paduahalihon I ; sandok tung singkop situtu do diulahon Tuhan Jesus hombar tu parsuruni Debata tu Ibana.
Di surat Ulaon ni Apostel,on pe di hatindanghon angka Apostel nasinuru ni Debata do nasida taringot tu Barita Nauli, Barita hasintongan I, dibagasan goar ni Tuhan Jesus Kritus na sinuru ni Debata ro tu portibion laho patupahon haluaon I di saluhut jolma pardosa asa tu hangoluan i.
Pangulaon di panindangion na pinatupa ni angka Apostel on ma na gabe songon udut ni ulaon, manang angka Apostel ni Tuhan I na ma manguduti nasa ulaon naung pinatupa ni Tuhan Jesus di portibion.
Laos marhite ulaon ni angka Apostel on ma, di papatar nasida do taringot tu parmulaan ni sejarah hajongjongan ni hakristenon na parjolo I ( Gereja mula-mula ) Idaonta ma disi dohot peranan ni pangulaon ni Tondi parbadia ni Debata, ima ; Na margogoihon, mandongani, manogunogu dohot na manuturi nasida sahat tu na patulushon saluhut ulaon misi Gereja na niula nasida; lapatanna : Di saluhutna ulaon na pinatupa nasida I : Debata Jahowa do na patupahon bohal pardagingon nang partondion nasida, laho manjamitahon dohot papatarhon Barita Nauli, Barita Hasintongan dohot Barita Haluaon I, naung pinatupa ni Tuhan Jesus Kristus tu sandok portibion.

H a t o r a n g a n
1. Ia bindu 22: 1 – 30 ( secara khusus bd 22 : 12 – 21 ), sasintongna, saihot do panuturionna, umbahen namasilehonan do hatoranganna laho mangaratarata I parnigotanta taringot tu Mekanisme dohot Transparansi ni panjouon ni Debata tu Apostel Paulus.
Asa marmula do nauli jala marbona do na denggan. Ai andorang so tarhinsat dope Tuhan Jesus tu Banua ginjang, dung hehe Ibana sian na mate, martinading hata do Ibana jala di patihi do angka siseanNa i, mandok “ Alai jaloonmuna do hagogoon ni Tondi Parbadia na songgop tu hamu, gabe sitindangingku ma hamu, di Yerusalem dohot di sandok Yudea dohot Samaria, sahat ro di ujung ni tano on ( Ul Ap 1 : 8 ; band Ul Ap 5 : 32 ).

2. “ Panjouon ni Debata “ ( Ay 12 – 16 )
Taboto do, na ragam do “ Motivasi “ na boi idaonta taringot tu panjouon ni Debata tu angka naposoNa ( di PL dohot PB ), termasuk ma tu panjouon ni Debata di Apostel Paulus na di turpuk on. Si Saulus, na margoar Paulus ( vide : Ul.Ap 22 : 13 ), marhite si Ananias halak Damarkus, sada halak na daulat roha na ro manopot si Saulus (vide : Ul.Ap 22:12-13). Ibana do parhitean ni Tuhan I laho mambuha simalolongna asa marnida.
Ai andorang so ditangkup di jou Tuhan Jesus Ibana gabe ApostelNa, tardok : “ Anti Kristus” hian do ibana jala sahalak na Fanatik tu patik / Ugamo Jahudi ala di parsikolaan ni Gamaliel do ibana marsikola manguruhon i.
Beralaskan dukungan surat rekomendasi ni sintua ni malim dohot Sintua Bangso Yahudi, Ibana borhat tu huta Damarkus laho manangkup dohot mamboan tarihot / di tali angka halak Kristen tu huta Jerusalem asa manaon na porsuki, dilinsingi, diparsipal dihurungkon, dungi nadeba di pamate. Songon ima kronologis – sistematikana sahat tu panjouon ni Debata tu Apostel Paulus.
3. Di panjouon ni Debata tu Apostel Paulus on, adong do dapot hita impolana na gomos pardomuanna tu :
a. Sejarah hajongjongon ni Huria/ Gereja mula-mula.
b. Pangulaon ni Tondi Parbadia ni Debata di saluhut siseanNa.
c. Angka tanda-tanda halongangon bolon na pinatupa ni Debata laho papatarhon HasintonganNa i.
d. Dibohali Debata do angka siseanNa i di ulaonna i.
e.Hasadaon ni roha ni saluhut halak Kristen napatupahon angka ulaon lomo ni roha ni Debata, isarani : Martagiang patupa angka ulaon Asini Roha dohot lan naasing, dalan nasida mamuji dohot pansagaphon Debata.
II. Usul Ojahanna
Alusi jala oloima panjouon ni Debata na tuho”
Borhat ma ho tu inganan sipatuduhonon ni Debata doi tu ho.
Patupa, pajongjong, puji jala pansangap ma Debata marhite ulaonmu.
Pinatutomu ni :
Pdt.M.P.Siregar,MTh