Cover Edisi April-Mei 2010

Editorial Edisi April - Mei 2010

PASKAH

Paskah biasanya hanya diadakan dalam ruang gereja dalam bentuk kebaktian, perjamuan kudus dan sebagian jemaat melakukan aksi sosial dan mungkin acara rutin mencari telur Paskah bagi anak-anak.Paskah Kristen berpusat pada kebangkitan Kristus yang adalah puncak dari karya penyelamatan yang dikerjakan Kristus. Bagi iman Kristen, hal itu amat vital dan mendasar. Sedemikian pentingnya, Paulus bahkan mengatakan: tanpa Kebangkitan Kristus, iman Kristen runtuh dan tidak ada apa-apanya. Jadi, apabila pemahaman dan penghayatan akan Paskah kurang berkembang dan tidak mendalam, maka mudah diduga bagaimana nasib dari iman Kristen.Dengan ungkapan yang keras mungkin dapat dikatakan bahwa kita masih tetap tinggal dalam kematian dan belum merasakan kebangkitan.

Sebelum Yesus menampakkan diri kepada para murid sesudah kematianNya, para murid hidup dalam keputusasaan dan kehampaan. Iman mereka, hidup mereka, sikap mereka, menggambarkan betapa mereka dikuasai oleh kematian, keputusasaan, dan ketakutan.Namun, ketika mereka menerima pernyataan dan kenyataan bahwa Yesus sudah bangkit, hidup mereka, sikap mereka, keberanian mereka demikian berubah, telah terjadi perubahan hidup yang revolusioner. Di depan mahkamah agama yang mengadilinya, mereka bahkan dengan tegas berani bersaksi: Dan keselamatan tidak ada di dalam siapapun juga selain di dalam Dia, sebab di bawah kolong langit ini tidak ada nama lain yang diberikan kepada manusia yang olehnya kita dapat diselamatkan (Kisah Rasul 4: 12). Suatu keberanian bersaksi yang belum pernah terjadi sebelumnya. Dulu mereka takut bersaksi, sekarang mereka secara terbuka dan dalam risiko tinggipun dapat dengan tenang melakukannya.

Dampak dari kebangkitan Kristus tampak nyata dalam seluruh aspek kehidupan manusia, bukan dalam kehidupan rohani semata, namun juga dalam kehidupan sehari-hari. Orientasi hidupnya tidak lagi ke bawah, namun ke atas (Kolose 3: 1-3). Dan itu bukan sekadar slogan.Melalui kebangkitan Kristus, kita menjadi ciptaan baru. Sedemikian berbedanya, sehingga bagaikan hidup dan mati. Yang lama sudah berlalu, sudah mati, sudah berakhir dan baru sesungguhnya sudah muncul, sudah hidup.

Manusia yang lama diciptakan kembali menjadi manusia yang baru. Ya, Paskah adalah penciptaan kembali di dalam Kristus manusia baru. Dengan kata lain, manusia lama dengan segala dosa dan kesalahan, sudah dikubur, dan muncul manusia baru yang memenuhi syarat untuk masuk ke dalam kerajaan kekekalan. Meski itu masih dalam proses menuju kepada kesempurnaan, namun ia berjalan dengan nyata dan pasti.

Apakah semangat Paskah masih menjiwai kita bersama dan mendorong perjalanan hidup kita? Sampai dimanakah kita sekarang ini? Jangan gila Mesir sehingga ingin kembali ke Mesir atau kembali menjadi budak Mesir (dosa). Atau maju ke depan tetapi hatinya masih tertambat di Mesir. Atau malah kita belum keluar dari Mesir?

Nah, kalau kita sudah menuju hidup baru, mesti bisa dirasakan oleh orang lain. Yesus Kristus mengistilahkan hidup orang percaya harus menjadi garam dan terang di tengah-tengah lingkungannya.Di tengah-tengah kehidupan yang tidak jujur (korupsi), kehadirannya harus membawa kejujuran yang tulus. Di tengah-tengah masyarakat yang hipokrit (munafik), kehadirannya harus membawa ketulusan. Pendek kata, sesuatu yang berdampak positip harus keluar dari kehidupan anak-anak Tuhan.

Melalui momentum hari Paskah tahun ini, kita dipanggil untuk hidup dalam dimensi memberkati orang lain di sekitarnya. Tidak ada pilihan, karena hidup memberkati adalah norma yang harus dilakoni dan dijalani.

Jadilah terang di tengah kegelapan, jadilah garam di tengah ketawaran hidup ini.
Untuk mewujudkan hal ini, umat Kristiani harus senantiasa bersandar dan meminta pertolongan Tuhan Allah. Setiap hari, harus membina hubungan yang harmonis dengan Roh Kudus melalui kehidupan doa dan mentaati Firman Allah. Selamat Ber-Marturya !! pemred

Evangelium Edisi April 2010

Jamita Kamis Putih
Tgl. 01 April 2010
Nats : Lukas 22 : 19 - 23
Oleh : Pdt. Dr. Batara Sihombing
Dosen Univ. Silliman, Filiphina

Parningotan di Ahu

Dipatupa Jesus do mangihuthon hasomalan ni Yahudi laho marningot ari Paska dohot ari mangan roti na so niasoman (Lukas 22:7). Disuru Jesus do si Petrus dohot si Johannes paturehon birubiru na laho sipanganon nasida di ari Paska i. (ay 22:8). Sada parningotan na arga do di halak Yahudi songon na tarsurat di Padan na Robi (2 Musa 12:27) taringot tu ari Paska, ima ari parningotan na pinalua ni Jahowa bangso Yahudi manang Israel sian tano Misir. Ala marjogal do raja Firaun manang raja Misir na so olo paluahon bangso Israel sian parhatobananna, gabe dibunu ma anak buhabaju ni halak Misir di sada borngini alai molo bagas ni halak Israel dilaosi Debata do na marlapatan dipalua Debata do anak ni halak Isreal (2 Musa 12). Di hata Heber (Ibrani) digoari do Pesah mandok “dilaosi”, jala sian i do ro hata Paska. Jadi ala dipalua Debata do halak Israel sian Misir, gabe diseat nasida ma biru-biru na laho mandok mauliate tu Debata. Birubiru Paska na marlapatan do i sipanganon mandok mauliate tu Debata siala naung pinaluana halak Israel sian parhatobanan Misir. Tuhan Jesus pe satia do patupahon Paska laho mandok mauliate tu Debata Pardenggan basa i.

Paska di Padan na Imbaru

Ndung dapot tingkina, hundul ma Jesus dohot angka siseanna di ari Paska i. Pola didok Ibana na mansai masihol rohaNa na naeng mangan birubiru Paska dohot angka siseanna tagan so songgop dope sitaononi tu Ibana (Lukas 22:15). Tangkas do diboto Tuhan Jesus na naeng songgop nama sitaononi tu Ibana. Mansai parir do dihilala Ibana mangadopi sitaononi. Alai songon pandokNa ditangiangNa sangkap ni Debata ma saut jala unang sangkapNa (Lukas 22:42-44). Tarida do hasatiaon ni Jesus laho pasauthon sangkap ni Debata. Ndang dipingkiri laho pasidinghon sitaononi manang hamateani sian diriNa. Ndang pola sungut-sungut rohaNa manolsoli ulaonNa. Alai di bagasan serep ni roha dohot hasatiaon dioloi Ibana Debata Ama na laho paluahon jolma manisia sian parhatobanan ni dosa, ima marhite mudar dohot dagingNa sandiri. Dison ma boi berengonta na porlu sitiruon sian Tuhanta Jesus. Satia mangoloi Debata Jahowa jala pola mangadopi sitaonon na porsuk dohot parungkilon na mansai borat. Jesus ma tutu sahalak pemimpin sitiruon, pemimpin na siap mengadopi resiko penderitaan, cercaan, makian, penolakan, dohot na asing dalam rangka mangoloi sangkap ni Debata. Porlu gomos hita martangiang asa tubu angka uluan manang pemimpin na satia, parserep roha, jala rade menderita dalam rangka mangulahon hata ni Debata di hurianta nang di negaranta. Tapangido tu Debata asa dipadao sifat pengecut, sifat suka tampil jala suka populer, sifat suka kuasa dan jabatan sian angka uluanta manang parhaladonta di hurianta HKI dohot di negaranta on. Alai sai ditiru ma Tuhan Jesus na rade dihina, rade mangula, jala rade menderita alani mangulahon hatigoran, holong, habonaron, manang sangkap ni Debata na asing.

Ai diboto Jesus do naung dibongoti sibolis siseanna si Judas Iskariot jala naung martutup ibana dohot sintua ni malim na naeng pasahatonna Jesus tu angka sintua ni malim ala ni hepeng (Lukas 22:1-6). Tarida ma bahaya ni hepeng na boi membahen jolma ndang satia laho mangula di ulaon ni Tuhan Jesus Kristus. Porlu gomos hita martangiang asa dao pengaruh ni perak manang hepeng na mambahen halak ndang satia mangihuthon Tuhani. Ai hepeng, perak, manang mammon na sinonggopan ni sibolis do hagogoon na jotjot papeolhon manisia manimbil sian Debata jala mambahen jolmai gabe hatoban ni hepeng manang mammon, songon pandok ni Tuhan Jesus (Matius 6:24).

Pola didok Jesus di pesta Paska i hataNa songonon, “Tangan ni na manjehehon Ahu do hape rap dohot Ahu di atas meja on!” (Lukas 22:21). Pola do ujungna gabe masitangkasan angka siseani laho umboto ise sian nasida na laho menjehehon guru nasida, ima Jesus (Lukas 22: 23). Jadi tangkas do diboto Jesus taringot tu sangkap ni angka siseanna, songon tangkasna di pamerengonNa taringot tu dirinta di tingki on. Ndang pola tahabunihon dosanta sian Debata, alai taboan ma tu Ibana asa dilehon tu hita hasesaan ni dosa. Dilehon tu hita tiur ni pingkiran dohot ulaon na marpadomuan tu sangkap ni Tuhan Jesus Kristus. Unang pola borat manang maila hita paboahon dosanta tu Debata ai pardengganbasa do Ibana. Asi do rohani Debata tu angka halak pardosa na ro manopoti dosana. Molo tu dongan jolma ra olo do hita maila paboahon hagaleonta manang dosanta, alai unang pola maila hita tu Debata. Diboto Debata sude suhisuhi ni ngolunta on, jala songon dia ulaonta. Dijou do hita asa ro hita paiashon dirinta sian gambo ni dosa i. Taalo ma hagogoon ni hepeng na laho pajepolhon hita di ngolu on. On do didok Tuhani tu si Judas Iskariot na unduk tu huaso ni hepengi, “Tong do nian langka ni Anak ni jolma i, songon naung diaturhon tu Ibana; alai marjea do halak na manjehehon Ibana!” (Lukas 22:22).

Di pungka Jesus ma hataNa di pesta Paska I tingki laho marsipanganon nasida (Lukas 22:19). Dihindat Ibana ma roti i, dipasupasu ma, diponggoli jala diparlehon ma tu angka siseanna, jala didok Ibana: “Dagingku do on, na nilehon humonghop hamu”. Jadi roti na pinalehonna laho panganon nasida ima daging ni Kristus sandiri. Ima daging na pinasahat laho humonghop manang paluahon ngolu ni angka na porsea. Di Padan na Robi tiap taon do halak Yahudi mangan daging ni anak birubiru di pesta Paska laho marningot dohot mandok mauliate ala dipalua Debata nasida sian parhatobanan Misir. Jadi di Padan na Imbaru, tangkas ma berengonta gabe Jesus ma anak birubiru ni Debata na gabe mate laho paluahon jolma manisia sian parhatobanon ni dosa. Marhite na didok Jesus na pinasahatna dagingNa humonghop sieanNa na marlapatan do i na pinasahatNa dagingNa, daging ni birubiru ni Debata, bahen haluaon ni jolma pardosa. Pola ma muse diuduti Jesus mandok, “ula hamu ma i, bahen parningotan di Ahu!”. Jadi molo taula mangan daging ni Kristus di ulaon na badia, na marlapatan do i na dohot hita marningot manang manghaporseai na Kristus pasahat dagingNa manang ngoluNa laho paluahon manang manobus hita sian sumbia ni dosa. Ibana na so mardosa alai rade mangalehon dagingNa humonghop hita. Tarida ma balga ni holong ni Kristus humonghop hita asa malua hita sian dosa jala dapotta hangoluan na saleleng ni lelengna.

Dung sidung nasida mangan roti i, dihindat ma panginuman jala didok Jesus ma: “Ia panginuman on, padan na imbaru do i, marhitehite mudarhu, na durus humonghop hamu!” (Lukas 22:20). Tangkas ma na gabe padan na imbaru mudar ni Kristus, i ma mudar na naeng durus di dolok Golgata humonghop jolma manisia. Jadi nunga tarida dipasahat Jesus dagingNa dohot mudarNa di pesta Paska i tu hamatean humongkop jolma pardosa. Dipasahat Jesus diriNa, daging dohot mudar manang ngoluNa hibul laho tarsilang di dolok Golgata laho paluahon jolma manisia. On ma padan na imbaru manang on ma pesta Paska na imbaru di halak Kristen, marningot na pinasahat ni Kristus ngoluNa, daging dohot mudarNa, tu hamatean laho paluahon jolma pardosa sian sumbia ni dosa i. Jesus do mandok di Yohanes 15:13 songon on, “Na sumeahon hosana humonghop angka alealena, i do parholong ni roha na so halompoan”. Nunga disumeahon Jesus hosana humonghop hita, jadi Ibana parholong ni roha na so halompoan i. Antong tama hita unduk jala mandok mauliate tu Ibana parholong roha na so halompoan i, jala tapangido asa di togu holongNa na so halompoan i ngolunta laho masihaholongan. Hita ditobus sian dosa alani holong, jala dapotta hangoluan na saleleng ni lelengna tong alani holong. Antong tama hita mangolu masihaholongan. Sada tanda ni holong ima satia tu Debata. Amen.

Jamita Jumat Agung
Tgl. 02 April 2010
Nats : Lukas 23 : 26 - 32
Oleh : Pdt. R. Simanjuntak, BD
Parhobas di Kantor Pusat

Marsitaonon Huhut Mate Tuhan JesusI. PATUJOLO

Sude do jolma ingkon hea mangadopi sitaonon dohot parungkilon. Molo tung mabiar pe jolma i tu sitaonon; jala dibahen sian nasa gogo dohot malona pasidinghon sitaonon i, alai anggo di sada tingki ndang boi so ro sitaonon i. Turpukta, marsitaonon Jesus sahat ro di na mate Ibana. Alai ndang dos sitaonon ni jolma dohot sitaonon ni Jesus. Ianggo Jesus tumaon na bernit sahat ro di na tarpajal jala mate Ibana di hau pinarsilang i, laos disi do patar balga ni holongNa tu jolma manisia i. Ai aturan jolma i hian do na ingkon hona uhum ala dosa i. Hape gabe ro Jesus. Gabe Ibana ma singkat ni hita manisia gantung di silang i. Olo Ibana tumaon na bernit huhut sumeahon hosaNa humophop jolma pardosa. I ma balga ni holong ni Debata dibagasan Jesus Kristus. Jala i ma na tauhirhon di ngolunta di parningotan hamamate ni Tuhan Jesus sadarion.

II. HATORANGAN NI TURPUK

1. Mulai sian porlak Getsemane dope Jesus, nunga tung marungkil huhut dokdok sitaononNa. Tamba dope bernitna dung sahat di jolo ni angka malim, si Latus, dohot Raja Herodes. Ai sai dilinsingi, dipastap, ditijuri huhut dipalealea Tuhanta i. Dungi dionjathon muse sungsang duri tu simajujungNa. Gabe manirisi mudar sian i. Naeng borhat ma Jesus tu dolok Golgata rap dohot angka parangan i. Nunga diparade hian hau pinarsilang na ingkon porsanonNa mulai sian habangsa ni si Latus tu Golgata, dolok partangkurahan i. Hape tompu ma diida angka soldadu i ro si Simon sian Kirene. Ditogu ma si Simon i huhut diampehon tu ibana hau pinarsilang i. Nuaeng, gabe dohot ibana marungkil huhut marsitaonon manuhuk silang na dokdok i. Nian, anggo harorona, na naeng mandohoti pesta paskah do tu Jerusalem. Nunga ro ibana sian luatna, dao pardalanan dohot tujuan mandohoti pesta Paskah i. Hape sian na so panagaman, gabe mamorsan silang. Alai atik pe suhar tu pingkiran ni si Simon namasa i, adong do segi positipna, pangkorhon nauli, tu hadirion ni si Simon sian Kirene i. Ai uju rap ibana dohot Jesus, disi do ro gogo mamorsan silang i – atik pe ndang torus ibana mamorsan sahat tu Golgata. Dungi, dipudian ni ari, gabe tartompa do di hadirionna gabe pasidohot pahembang hakristenon.

2. Ndada holan si Simon i. Dohot dope torop halak nang angka boruboru i mangihuthon Jesus tu dolok Golgata. Sai tumatangis do nasida huhut mangandungi paidaida hinadangol ni natinaon ni Jesus. Alai diombasi, didompakhon Jesus do nasida huhut didok: “ Hamu angka boru Jerusalem, unang ma ahu tatangisi hamu, dirimuna dohot anakhonmuna ma ! “ (ay.28). Lapatanna, dosamuna i dohot dosa ni angka anakhonmuna na borat i, ima tatangisi hamu. Ai ditaon Tuhanta pe i sude, ima patuduhon asi ni rohaNa i tu hajolmaon. Gabe Ibana singkatta tarpajal di hau pinarsilang i. “ Diporsan Ibana do dosanta di bagasan dagingNa tu hau i, asa malua hita sian dosa, gabe mangolu di hatigoran i … (1 Pet.2:24).

III. POKOK RENUNGAN:

1. Dipardalananta, ndang boi so ro sitaonon. Rap/ siihuthon Jesus pe hita tong do ro hamaolon dohot sitaonon i. Sandok, ganup siihuthon Jesus, ingkon dituhuk silang na tu ibana. Holan on, ndang dipasombu Tuhanta hita. Dilehon do gogo gabe mampu mangadopi dohot mangatasi hamaolon dohot sitaonon i. Boi do muse sian na masa naung taadopi – atik pe suhar tu roha dohot hagiotniba, adong panghorhonna na uli tu diriniba. Mambahen lam tang diparrohaon dohot dipanghobasion di huria, ditongatonga ni masyarakat dohot di keluarganiba. Asa ndang oloan gabe mandele, alai tetap optimis huhut percaya diri. Ai sitaonon dohot hamamateNa i ro di haheheonNa, laos ido jaminan paboa Ibana do mandongani hita. Ibana pahot rohanta manang galumbang dia pe na ro.

2. Tauhirhon ma di rohanta, balga ni holongNa i na patupahon haluaon i di saluhut jolma. Songon dia holong ni Debata dibagasan Jesus Kristus, laos songon ima hita tu dongan jolma. Unang be sai tadatdati mardosa, alai taihuthon ma Ibana. Hamamate dohot haheheonNa i, ima na gabe ojahanta mamaritahon Barita Nauli i saleleng dipaloas Debata hita mangolu di portibion. Amen.

Jamita Minggu Paskah 1
Tgl. 04 April 2010
Johannes 20 : 1 - 10
Pdt. Dr. Burju Purba
Ephorus

Nunga Ditaluhon Tuhanta i Hamatean

1. Holong ni roha di Tuhan Jesus patubu pangantusion dohot haporseaon di ulaon ni Tuhan Jesus.

Di pinggir Kota Jerusalem, adong do sada lokasi tanoman na pineop ni si Josep na sian Arimatea, sahalak bangsawan Jahudi do ibana. Dung hira botari, di ari Jumahat i, dipamasuk si Josep na sian Arimatea i ma bangke ni Jesus tu sada liang batu naung adong hian di lokasi kuburan i. Dungi, ditutup ma pintu ni liang i dohot batu. Dung ditutup, disahap ma dohot sahap ni si Latus (Mat 27:66), asa unang adong namambuka. Angkup ni i, ala dirajumi Pamarenta Rom do sialo Kesar Rom Tuhan Jesus, jala torop angka pengikut Na, dijaga angka soridadu do kuburan ni Jesus i.

Di ari patoluhon, dung ditanom Jesus di kuburan i, pas di ari parjolo dung salpu Sabat i, ima sogot di ari Minggu (istilah Gorik na dipangke ima “proi”, mandok sekitar pukul 3.00-6.00 manogot), lao ma Si Maria Magadalena manopot kuburan i. Ia si Maria Magdalena, na ro do i sian kota Magdala di pesisir pantai Tao Galilea. Ibana ma sahalak na hea dipamalum Jesus sian panggosagosa ni pitu tondi na hodar dohot sian parsahiton naung mansai leleng diae (Luka 8:2). Ibana ma sahalak pengikut ni Jesus na mansai burju jala na satia.

Tujuan ni si Maria Magdalena manopot kuburan ni Jesus, ima laho mamiahi bangke ni Jesus dohot angka miak na hushus (Luk 24:1). Hasomalan do di Palestina manopot kuburan ni naung tolu ari dikubur. Mangihuthon haporseaon nasida, di bagasan na tolu ari i, tongtong dope mangareapreap tondi ni na mate i di atas kuburan i. Alai dung salpu tolu ari, ditadinghon tondi ni na mate i ma kuburan i, alana bangke ni na monding i pe nunga mulai busuk, ndang boi be tandaon.

Dung sahat si Maria Magdalena tu kuburan i, diida ma naung dihindat batu tutup ni tanoman i (ayat 1). Ro ma tu roha na mandok, naung ditangko halak bangke ni Tuhan i. Ia so i, naung dibuat soridadu i bangke ni Tuhan i asa dileai, alana ndang sombu dope roha nasida molo holan mamparsilangkon Tuhan i sahat tu na mate. Dipingkiri roha ni si Maria Magdalena, ndang taratasan na be na masa i. Gabe marlojong ma ibana manopot si Petrus dohot tu si Johanes, paboahon tu nasida:” Nunga dibuat namambuat Tuhan i sian TanomanNa: ndang binoto manang tu dia ditaruhon” (ayat 2c).

Dung dipaboa si Maria Magdalena tu si Petrus dohot si Johanes, na so di tanoman i be Tuhan Jesus, pintor marlojong do nasida na dua manopot tanoman ni Jesus (ayat 4). Parjolo do sahat si Johanes. Mungkin, ala umposo ibana sian si Petrus. Gumogo ibana marlojong. Parjolo do masuk si Petrus tu tanoman i. Alai anggo si Johanes, holan dipaunduk do jolo dirina mandulo tanoman i. Parpudi do si Johanes masuk tu udean i. Satongkin, longang do roha ni si Petrus mamereng tanoman na rumar i, alai anggo si Johanes nunga mulai marpinggkir. Pingkiran ni si Johanes:”Molo adong na mambuat bangke ni Tuhan i, boasa ndang dibuat angka sekka panaputi ni uluna dohot angka pangalilit i. Tongtong do dibalun di inganan na. Sekka panaputi ni uluna, tongtong do di inganan ni uluna hian. Marhite i, dipingkiri rohana ma, ndang na dibuat namambuat Tuhan i, alai na hehe do, gabe tinggal ma angka sekka panaputi ni uluna dohot pangalilit na i.

Mansai patar do taida di jamita on gogo dohot huaso ni holong ni roha. Hinorhon ni holong ni roha ni si Maria Magdalena di Tuhan Jesus, sisi do sian ibana nasa habiaran laho papatar holong na tu Tuhan Jesus. Laho do ibana manopot kuburan ni Jesus nangpe holom dope sahat ibana tu kuburan i. Hinorhon ni holong ni roha ni si Maria Magdalena di Tuhan Jesus, ibana do parjolo sahat tu udean i. Hinorhon ni holong ni si Maria Magdalena di Tuhan Jesus, boi do ibana mangoloi Tuhan Jesus sian nasa roha dohot gogo na, nangpe so apala tangkas diantusi ibana sude na hinatahon ni Tuhan Jesus (ayat 9) dohot angka na masa na ni ida na di tanoman i. Hinorhon ni holong ni roha ni si Johanes di Tuhan Jesus (ayat 2), ibana do na parjolo porsea di hahehehon ni Tuhan Jesus sian na mate (ayat 8). Holong ni roha ni si Johanes di Tuhan Jesus mangalehon tu ibana “mata” laho manjaha angka tanda-tanda i, dohot pikiran laho mangantusi na ni idana i. Holong boi do manangkup hasintongan, molo pikiran ndang boi mangalehon kepastian. Holong boi mangantusi lapatan ni angka na masa, molo pingkiran ndang boi mangantusi.

2. Tutu situtu do hehe Tuhanta i, hita pe ingkon hehe do.

Nunga rumar tanoman i diida si Maria Magdalena dohot diida dua halak sisesean ni Tuhan Jesus, ima si Petrus dohot si Johanes. Haheheon ni Tuhan Jesus sian na mate, ima sada bukti na hot rodi saleleng ni leleng na, paboa “pilot project” na so ada tudosan, ima haluaon tu saluhut jolma manisia, nunga sidung diula Jesus dohot singkop. Marhite hamamatena di hau pinorsilang, dipelehon do hosana bahen hasesaan ni dosanta. Marhite haheheon na sian na mate, ditaluhon do musu na jumorbut di hita, ima hamatean i. Disurathon Apostel Paulus do hinauli ni panobuson ni Tuhanta Jesus on di hita, di nanidok na:”Ai molo porsea hita, naung mate Jesus dohot hehe, sandok togihonon ni Debata do rap dohot Jesus nang angka naung monding marhitehite Ibana” (1 Tess 4:14).

Ganup hita na hea mangolu di portibion, ingkon haporseaanta do hasintongan on. Molo tanoman i do ujung ni saluhut na, ndang marasing hita sian bungabunga na di ladang i. Mangerbang satongkin, dungi malos. I do ujung na. Ndang adong sihirimon be udut na. Hata ni Tuhanta na namamaritahon haheheon ni Tuhan Jesus sian na mate sadarion, tutu situtu do Barita Nauli (Berita Kesukaan-Good News) di hita saluhut na. Tung sintong do nabinaritahon ni Hata ni Tuhanta sadarion tu hita. Peristiswa Paskah (haheheon ni Tuhanta Jesus sian na mate) tutu situtu do masa (authentic), sungguh-sungguh terjadi (genuine).

Hasisintong ni Barita Nauli namamaritahon haheheon ni Tuhanta Jesus on, ndada holan dihatindanghon si Maria Magdalena, si Petrus dohot si Johanes di jamita on, alai nunga dibuktihon secara ilmu sejarah (history), ilmu purba kala (archaeology). Disiplin-disiplin ilmu on nunga membuktikan paboa tanoman nampuna ni si Josep na sian Arimatea i, rumar do di ari Paska, manang di ari Minggu manogot i. Ndang adong namamaritahon (dohot alasan mendukung manang mangalo barita i) na so rumar tanoman i di Minggu Paska i.
Alai, mansai porlu do parrohahononta. Paboa ndada holan hasisintong ni tanoman na rumar i na ringkot di hita. Ai molo holan i do, ndang marlapatan i tu haporseaonta. Tu dos do i tu lapung ni eme na rumar. Manang tu ampelop ni surat na rumar, na so adong surat na. Ndang marimpola i. Molo holan barita ni tanoman na rumar do, ndang margogo i patubuhon Huria. Alai, barita ni tanoman na rumar i, diuduti do dohot barita ni Tuhan Jesus Kristus napatuduhon diriNa manang pigapiga hali. Tarhira 25 taon dung peristiwa hahehehon ni Tuhanta i sian na mate, dihatindangkon Apostel Paulus do, mandok: “Jadi dipataridahon do dirina tu si Kepas, dungi tu na sampuludua i. Dungi dipataridahon dirina sahali tu lobi lima ratus dongan; na tumorop sian angka i mangolu dope, deba do naung monding. Dungi dipataridahon dirina tu si Jakobus, dungi tu angka apostel i sudena. Alai di pudi ni saluhutna i, dipataridahon do dirina nang tu ahu, na tardok tubu di na so tingkina”.(1 Kor 15:5-8).

Marpardomuan tu angka saksi mata on, tung mansai godang dope bukti paboa na hehe do Tuhanta i sian na mate. Boi do idaonta i sian hamubaon ni angka sisean i, sian sisean na so porsea, manang sian sisean na ganggu, gabe siseanna porsea?. Ndada holan porsea tahe, alai sahat do tu na olo maneahon hosana alani haporseaonna i. Ndang hea turiturian (barita mitos) mangarahon sasahalak olo gabe mate martir songon angka sisean i. Namangalehon gogo tu saluhut na i, ima “hasisintong ni haheheon ni Tuhan Jesus sian na mate”. Tutu situtu do hehe Tuhanta i sian na mate. Marhite i do, nang angka Malim alo ni Jesus hian gabe porsea tu Tuhan Jesus (Ul. Ap. 6:7).

Boruboru, Maria Magdalena, parjolo sahali marnida tanoman na rumar i, manghatindangkon Jesus na hehe i, di Minggu Paska parjolo i. I do manguba ngolu nasida, dohot manguba tujuan (arah) sejarah ni ngolu nasida dohot ngolunta. Ala naung singkop ulaon na paluahon hita diula Tuhanta Jesus Kristus, gabe ngolu na marpangkirimon di hangoluan sogot nama ngolunta. Hamatean, ndang be ujung ni saluhut, ndang be musuh parpudi, alai “harbangan” mamongoti hangoluan saleleng ni leleng na rap dohot Sipalua, ima Tuhan Jesus Kristus naung hehe i. Hehe do Tuhanta i. Tutu situtu do Ibana hehe.

Haheheon ni Tuhanta i sian na mate, ndang tarsirang i sian haheheonta angka na porsea di Ibana. Haheheon ni Tuhanta i sian na mate, ihuthononta do muse hehe sian na mate. Tuhanta Jesus Kristus do “patumonaan” (“buah sulung”) ni angka na porsea hehe sian na mate. Mauliate ma di Tuhanta na mangalehon hamonangan on di hita marhitehite Tuhanta Jesus Kristus. Amen.

Jamita Paskah 2
Senin Tgl. 05 April 2010
Johannes 20 : 24 - 29
Pdt. M. Saragi
Praeses Drh I. Sum.Tim. I

Martua ma angka Naporsea Atikpe so Diida.

Patujolo:

Torop do angka amani huria naporsea di hata ni Tuhan i, na mambahen ngolu dohot ulaonna marojahan tu haporseaon na. Unduk do nasida mangulahon parsuru ni Tuhani, songan si Noak hinorhon ni haporseaonna do di jalo poda taringot tu aek nasumar naso dapot idaon dope, gabe dipauli ibana parau gabe dalan haluaonna sian uhum ni Debata ( Heber 11:7). Hinorhon ni haporseaon do mangoloi si Abraham, saut do ibana bungkas sian tano hagodanganna dohot sian hatubuanna dohot sian bagas ni amana tu tano sipatuduon ni Debata, borhat do si Abraham atik pe so diboto tano sitopotonna ( 1 Muse 12.1-8, Heber 11:8). Porsea do angka jolma naporseai di hata ni Tuhan /Diparsuru ni Tuhani, gabe di jalo nasida do bukti ni haporseaon i hombar tu janji/baga-baga ni Tuhani.

Haporseaoni marsisuharan doi dohot rationalisme nasoboi manjalo si jaloon, manolopi sitolopan molo soboi di buktihon, di antusi hombar tu pingkiran/akal/logika. Angka nasoboi dapot roha, nasoboi dapot pingkiran ni jolma ndang tarjaloi gabe hasintongan. Pingkiran rationalisme on ma na mangula dipingkiran ni si Thomas umbahen naso diparhatutu ibana jala naso tarjalo ibana taringot tu barita ni angka donganna sisean namandok “Nunga huida hami Tuhani, nunga tutu hehe IbaNa sian namate hombar tu angka lumba-lumbaNa.

II. Hatorangan ni turpuk.

1. Si Thomas sahalak sian sisean ni Jesus na sampuluduai, tung tangkas do ibana manghaholongi Jesus gurunai. Dipapatar si Thomas do puncak ni holongna tu Jesus dinadiarahon Jesus angka sisean i naeng borhat tu Betania dungkon mate si Lazarus ale-alenai. Sian hata ni si Thomas na mandok tu angka danganna sisean “Antong, borhat ma hita, asa rap mate hita dohot IbaNa, hata on hata ni jolma na mandele do ala so tarsundatan ni si Thomas sangkap ni Jesus na ing­kon borhat tu Betania, huta ni si Lazarus na jonok tu Jerusalem (Johannes 11.16). Nunga tangkas diboto si Thomas dohot donganna sisean naung mangonggop angka sintua ni mal.im naeng manangkup Jesus jala pamatehon, alani dipingkiri si Thomas haboborhat ni Jesus tu Betania sarupadoi laho mandapothon sitaonon dohot hamatean. Dung tartangkup Jesus, diparsilanghon di dolok Golgata, mate jala ditanom, madabu ma si Thomas tu roha namagopu, arsak namansai bagas jala tu ngolu namandele; ai si Thomas porsea jala kagum tu Jesus na mangoludo, anggo tu Jesus naung mate, naung ditanom ndang porsea ibana namulak mangolu di ari patoluhon. Roha ni si Thomas naung tarrahut tu Jesus naung mate, ido mambahen ibana gabe kecewa, menyen­diri, mandele, naso olo be pasaorhon dirina tu angka donganna, atikpe diboto ibana angka donganna si­sean namarpungu do disada jabu di huta Jerusalem.

2. Dung hehe Tuhan Jesus sian namate, ro do angka siseani tumopot si Thomas paboahon naung hehe Jesus; “nunga huida tangkas Jesus i. Alai didok si Thomas mangalusi ; “ na so tupa porsea ahu, molo so huida di tanganNai bogas ni labangi, laos dijama jarijaringku bogas ni labangi, jala so dijama tangangku andorana.”

Alai sai marhusari ma roha ni si Thomas dung dibege panindangion ni angka donganna siseani, alani dung adong holang saminggu sian parjumpangan ninasida, laho ma si Thomas manopot donganna tu Jerasalem, ima ari paualuhon dung hehe Tuhan Jesus sian namate, ai marpungu di Jerusalem dope angka donganna sisean na sampulu halak i.

Ia bangko ni si Thomas tung analistis, kritis, alai jujur jala terbuka, namansai andul sian bangko/sifat ni si Simon Petrus nagorsogorso, spontan jala nabarani, alai mura do meoleol dipengaruhi panghilalaan dohot panggora ni rohana tindakanna, mambahen ibana jotjot manolsoli: manang mangido maaf ala naung sanga terlanjur/ala naungsala (Markus 14:66-72).

Dung pe dipasaorhon si Thomas dirina tu parsaoran tu angka donganna sisean, asa saut pajumpang dohot Tuhan Jesus, mago ma roha ganggu diganti roha panghirimon na idaonna do Tuhani, naung hehe sian tanomanna. Songon ido nang hita, molo sai mamulik manang maminjil sian dongan sahaporseaon ummura do dirinta di dondoni biar, holso dohot hagangguon. Unang tinggalhon hamu angka parpunguanta, hurianta, partangianganta, tung masipaingotan ma hita, ala lam jonok di ida hamu ari i (Heber 10:25).

Ai saleleng mengembara si Thomas di haporseaonna di bagasan pandelean, mambahen holom ni naholom mangalinggomi rohana, pingkiranna dohot panghilalaanna, marsak so marhasoan, mambahen panghirimon ni rohana naeng mintop sian ngoluna. Alai tuani ma ro angka donganna sisean manopot ibana laho paboahon naung hehe Tuhan i sian tanomanna. Tarapul do nian rohana saotik dibahen haroro ni angka donganna sisean i, lumobi di bahen barita hamonangan ni Tuhanta naung manaluhon sorop nai hamatean i; alai ndang rimpas dope las ni rohanai dibahen haporseaonna naganggang i, saleleng so diida bugang ni Tuhan Jesus di tanganNa dohot di andoraNa. Diboto do nian, naso Tuhan ni na mate Jesus i, alai Tuhan ni na mangoludo. Saleleng punjung ibana, mate ma haporseaonna, sirang sian donganna sahaporseaon dohot sian Tuhan Jesus Kristus (Lukas 20:30). Alai Tuhan ni ganup jolma parhaporseaon na mangoludo. Ari paualuhon sian ari haheheon ni Tuhani, dung ro si Thomas pasaorhon dirina tu donganna sisean, punguma nasida di jabu ni si Johannes Markus di Jerusalem, nunga borngin, sude pintu, jendela nunga sordak, alai nasida ndang modom dope hatiha i.

Tompu ma di ida nasida Jesus jongjong di tongatonga ni nasida, huhut didok: “ Dame ma di hamu” Dungi didok ma tu si Thomas: “Boan tuson jarijarimi jala ida ma tanganku”. Surdukhon ma tanganmi manjama andorangku”, unang ganggu roham; sai porsea ma ho”, ninna Tuhan Jesus tu si Thomas. Gabe ninna si Thomas ma mangalusi Tuhan i: “Tuhanku jala Debatangku”. Jadi didok Jesus ma tu­ibana; “Ala di ida ho Ahu, umbahen na gabe porsea ho, martua ma angka naporsea, atik pe so di ida. Tongkin i do harhar hagangguon dohot sahit holso, arsak, pandelean ni si Thomas naung sanga mandondoni ngoluna na saminggui, disi diida ibana Jesus naung hehei tompu jongjong di jolo ni nasida so sian panagamannasida. Diida Tuhani do sahat tu bagasan pusupusu ni si Thomas mulai sian panonggor ni matana torus tu pingkiranna, umbahen didok Tuhani tu ibana: Martua ma angka naporsea, atik pe so diida..(Heber 11:1, Johannes 20:29) Godang dope angka tanda na asing na pinatupa ni Tuhan Jesus di jolo ni angka siseanna, angka na so sinurat di buku on. Alai umbahen naung sinurat angka on, asa porsea hamu, Jesus do Kristus Anak ni Debata; jala hamu angka naporsea i dapotan hangoluan marhitehite goarNa,

III. Sipahusorhusoron ni roha.

1. Ganup jolma na pasaorhon dirina tu hata ni Debata, dohot tu donganna sa haporseaon di ganup tingki, ido ditopot Tuhan Jesus dohot Tondi Porbadia. Ai Jesus naung hehe sian namate, Anak ni Debata na sasadai, mandok: “Ai molo pungu hamu dua manang tolu pe marhitehite goarhu, sai donganangku do nasida” (Mateus 18:20; 28:20). Halak namarsada ni roha dibagasan Tuhan Jesus, tusi do dilehon dameNa, Tondina, napangoluhon haporseaon na marojahaa di holong ni roha nasian Debata. Jala ganup jolma naung maruloshon dame ni Debata, ido parhaporseaon na sintong dohot marpanghirimon namangolu dinasa hata dohot bagabaga ni Debata. Maringanma di dirina tondi habengeton dohot las niroha, ai mangolu haporseaonna dohot pangkirimonna di bagasan haholongon nang pe mamolus godang sitaonon di portibion.

2. Haporseaon na songoni do na rumingkot di hita saluhut angka naung porsea, ai didok Tuhanta tu hita: “Martua ma hamu, angka naporsea, atikpe so diida dope na hinaporseaanna, manang alus ni tangiangna, manang parbue ni na hinirimna dohot ulaonna”. Alani i sabar jala benget ma paimahon tingki hapapatar ni na hinaporseaanna di bagasan Tuhan i. Alai sian haporseaon namangolu partigori jala ndang di halomohon roha ni Debata, molo sumurut hita ala so di ida panonggorta sude naung hinatahon ni Tuhan i di hataNa, manang so tarjalo pingkiranta namasa tu dirinta, molo dipasombu Debata masa saluhutnai laho manguji haporseaon dohot holong ni rohanta tu Ibana doi (Heb,10:38). Amen

Jamita Minggu Quasimodogeniti
Tgl. 11 April 2010
Nats : I Yohanes 2 : 1 - 6
Pdt. M. Lumban Gaol, STh

Hidup Seperti Kristus

Yohanes menyapa pembaca suratnya dengan sebutan “anak-anakku” (ay. 1). Secara usia, Yohanes memang sudah lanjut, tetapi panggilan ini lebih menunjukkan kedekatan hubungan Yohanes dengan pembacanya. Ketika barangkali ada sebagian orang penerima suratnya kedapatan telah berbuat dosa atau sempat bimbang dengan iman mereka karena pengaruh ajaran-ajaran sesat, Yohanes menegur mereka seperti seorang Bapa terhadap anak-anaknya. Yohanes tidak menegur dalam kebencian tetapi dalam kasih. “Hal-hal ini” (ay. 1) menunjuk pada ajaran-ajaran Yohanes pada perikop di atasnya. Pada perikop sebelumnya Yohanes mengatakan bahwa seseorang tidak mungkin bersekutu dengan Allah sambil tetap mempraktekkan hidup dalam kegelapan. Yohanes menegaskan hal ini dengan maksud supaya tidak ada anggota jemaat yang jatuh dalam kesalahan ini. Namun jika ada di antara mereka yang tanpa disadari telah berdosa dalam hal ini Yohanes mengingatkan kembali agar ia bertobat dan segera kembali ke jalan yang benar.

II. PENJELASAN

Yohanes menggambarkan Kristus sebagai seorang pengantara pada Bapa dan pendamaian untuk segala dosa kita. Kata “pengantara” (Yunani: parakletos) yang digunakan di sini mengandung arti seperti seorang pengacara (advokat) dalam pengadilan. Tugas seorang pengantara adalah menjadi seorang pembela bagi orang yang tertuduh. Sebagai seorang yang berdosa, kita adalah seperti seorang yang tertuduh di hadapan Bapa. Kristus dalam kasih-Nya yang besar berperan sebagai pembela kita di hadapan Bapa. Kata “pendamaian” (Yunani: hilasmos) berarti mengandung arti penghapusan dosa. Murka Allah tertuju kepada orang-orang yang berbuat dosa. Kristus telah menanggung murka Allah karena dosa manusia di atas kayu salib. Murka Allah atas dosa telah dicurahkan kepada Kristus, dengan jalan demikian Kristus telah mendamaikan kita dari murka Allah sehingga kita beroleh keberanian untuk datang kembali mendekat kepada Tuhan.

Yohanes mengatakan bahwa tanda seseorang sungguh-sungguh mengenal Kristus adalah orang tersebut akan menuruti perintah-perintah-Nya. Seseorang yang mengatakan mengenal Kristus tetapi tidak melakukan Firman-Nya, Yohanes menyebutnya sebagai seorang pendusta. Yohanes menggarisbawahi dengan menambahkan bahwa di dalamnya tidak ada kebenaran. Yohanes mengakhiri bagian ini dengan menyimpulkan bahwa jika seseorang ada di dalam Kristus, ia wajib hidup seperti Kristus. Hidup seperti Kristus telah hidup merupakan sebuah kewajiban, bukan pilihan, bagi orang yang mengaku hidup di dalam Dia.

Di sini Rasul Yohanes mengatakan dengan tegas bahwa kalau kita memang sudah menerima kedatangan Tuhan Yesus dalam kehidupan kita, maka kita pasti akan mengikuti segala perintah-Nya. Kalau tidak maka kita adalah pendusta. Permasalahannya, dapatkah kita hidup seperti Kristus? Dalam bahasa Inggris, ayat ke 3 tersebut berbunyi: “And hereby we do know that we know him, if we KEEP his commandments.”

Kata “keep” di sini merupakan kunci dari ayat ini. Kata ini berasal dari kata Yunani “tereo” yang antara lain memiliki arti “to watch over” atau memperhatikan. Kata ini dipakai oleh para pelaut di zaman dahulu ketika pada saat itu belum ada radio komunikasi yang bisa memandu mereka, tetapi mereka sudah bisa berlayar kemana-mana tanpa tersesat. Pada saat itu mereka memakai bintang di langit sebagai sistem navigasi mereka.

Mereka memperhatikan (to watch over) bintang di langit sebagai petunjuk arah yang harus ditempuh. Kadang kala mereka tertiup angin keluar dari jalur pelayaran mereka, akan tetapi mereka selalu bisa kembali lagi ke jalur semula dengan memperhatikan bintang di langit. Hal seperti itulah yang dimaksudkan oleh rasul Yohanes dalam ayat 3 tersebut.

Seringkali kita berbuat sesuatu yang tidak sesuai dengan perintah Tuhan Yesus, tetapi kita akan selalu kembali kepada-Nya dan memperbaiki hidup kita. Karena kita memiliki hati yang selalu tertuju kepada Dia dan selalu ingin mengikuti perintah-Nya. Kita bisa mulai dari hal-hal yang kecil dan sederhana; apakah kita seringkali menyakiti hati orang lain, apakah kita masih seringkali sombong dan selalu menganggap diri kita benar, apakah kita peka terhadap sesama kita, dsb.

Kita perlu mengingat bahwa sebagai manusia yang sudah ditebus-Nya, kita memiliki karakter Tuhan di dalam diri kita, yaitu kasih. Kita sudah masuk dalam keluarga-Nya dan memiliki saudara-saudara seiman dengan siapa kita bisa saling mengasihi dan bersama-sama mengasihi sesama kita yang tidak seiman. Pertama-tama saling mengasih di antara saudara seiman kita, di dalam gereja kita, dan kemudian kita juga mengasihi sesama kita yang lain yang kebetulan tidak seiman.

Dalam konteks mengasihi saudara seiman, kita patut untuk merenungkan apakah benar kita sudah melakukannya. Apakah kita sudah melakukan persekutuan di dalam lingkungan gereja kita, apakah kita sudah mendukung pelayanan yang dilakukan dalam gereja kita? Pertanyaan-pertanyaan tersebut perlu untuk kita renungkan karena kalau benar kita telah menerima kedatangan Tuhan Yesus dalam hidup kita, berarti kita juga akan mengasihi Dia. Mengasihi Tuhan Yesus berarti kita juga akan mengasihi gereja-Nya (bukan gedungnya secara fisik) dan akan rindu untuk terlibat di dalam kegiatannya. Nehemia 2: 18 mengatakan; 18 “Ketika kuberitahukan kepada mereka, betapa murahnya tangan Allahku yang melindungi aku dan juga apa yang dikatakan raja kepadaku, berkatalah mereka: ‘’Kami siap untuk membangun!’’ Dan dengan sekuat tenaga mereka mulai melakukan pekerjaan yang baik itu.” Bangsa Israel memberikan tanggapan yang positif ketika Nehemia mengajak mereka untuk membangun kembali tembok kota Yerusalem yang telah roboh. Kalau kita baca dengan teliti ayat selanjutnya, dalam Nehemia 3:1-32, kita bisa melihat bahwa karya Tuhan melalui nabi Nehemia tersebut dilakukan dengan melibatkan banyak pihak.

Renungan:

Dalam ayat 9-10 (Filipi 3) Rasul Paulus memberikan petunjuk bagaimana bisa serupa dengan gambaran-Nya. Ada empat hal yang harus kita lakukan untuk bisa memperoleh Kristus, mengenal Dia dan hidup lebih intim lagi bersama-Nya: mengenal Kristus secara pribadi, harus berada di dalam Dia, harus mengenal kuasa kebangkitan-Nya dan harus mengambil bagian dalam penderitaan-Nya. Kita harus mengambil ke-empat-empat-nya! Tidak boleh kurang dari itu.

Untuk bisa mengenal Kristus secara pribadi kita harus: mendengarkan dan membaca firman Tuhan, mengikuti tuntunan Roh-Nya, menggenapi semua tuntunan dari firman Tuhan, tuntunan secara Roh, ditanggapi dengan iman, kebenaran dan ketaatan, dan harus memakai pikiran dan perasaan Kristus.

Kalau Tuhan masih mengijinkan kita hidup sampai saat ini, maka itu berarti Tuhan ingin agar kita mempunyai hidup yang berdampak bagi keluarga kita, komunitas kita, kota kita, bangsa Indonesia bahkan sampai ke bangsa–bangsa di mana melalui hidup kita banyak orang yang mengasihi Tuhan dan sesama. Amin.

Jamita Minggu Miserekordias Domini
Tgl. 18 April 2010
Nats : Lukas 17 : 11 - 19
Pdt. S. br. Nainggolan, S.Th
Praeses Drh. III Tobasa

Mandok Mauliate Diasi Niroha ni Jesus

Patujolo:

Dicatatan sejarah gereja sekitar taon 200 Masehi digoari do panurat Evanggelium Lukas sahalak tabib, dokter aleale ni Apostel Paulus dipardalananna marbarita nauli mamungka angka huria naparjoloi. Pandohanon taridado dipigapiga surat ni apostel Paulus ima di Kolose 4:14,24 (manongos tabe tu hamu pandaoni Lukas haholongani).

Di Kolose 4:10-11 digoari do pigapiga goar ni halak Kristen narap dohot Apostel Paulus namarharoroan sian halak Jahudi, Lukas pulik digoari diayat 14 sahalak na so sian Jahudi namarharoroan sia huta Antiokhia di Syria. Sahalak natangkas mamboto jala mangantusi bahasa Yunani (Ilmu dohot Filsafat natimbo) dohot denggan. Panangkasion on tarida do di susunan tata bahasa dohot pangantusion ni panurat Lukas. Panangkasionondo tong napapatarhon ia buku Ulaon ni Apostel sarupa tu panurat ni bukku Evanggelium Lukas, sian tata bahasa dohot alamat surat ima tu angka halak Kristen non Jahudi nadigoari tu luar ni Jahudi (universal = tu sude jolma). Digodang suratna sai tajumpai do Barita nauli dipapatar tu jolma di luat ni halak Jahudi, papatarhon nadohot do sude bangso, sude jolma tarmasuk halak Samaria taruli, dapotan, partohap di harajaon ni Debata dohot di asiasi ni Tuhan Yesus Kristus. Jala sude bangso/ jolma talup mananda jala manghamauliatehon asiasi dohot denggan basa ni Debata dibasan Jesus Kristus.

Hatorangan ni turpuk:

Ay 11, Uju mardalan Ibana (Jesus) dompak Yerusalem dibolus ma sian tongatonga ni luat Samaria dohot Galilea. Urutan ni goar ni luat na di ay 11 on parjolo Samaria baru Galilea. Urutan on pataridahon Lukas i ndang halak Jahudi natangkas mangantusi jala mamboto peta ni Palestina. Seolaholah Jesus mardalan tu (dompak) Jerusalem melalui Samaria dungi tu Galilea, mulak muse tu Perea dohot Kota Jerikho (Band Peta Palestina). Manurut angka penafsir; peta pardalanan ni Jesus nabinaritahon ni si Lukas urutanna sala, nasasintongna ingkon: Jesus mardalan mamolus luat ‘antara’ Samaria dohot Galilea ima daerah perbatasan antara keduanya ke jurusan Perea dan Yerikho melalaui Yerikho ke Yerusalem. Alai di si Lukas ndang petaon naringkot alai songondia barita nauli patar tu bangso/halak di luar ni halak Jahudi khususna digoari dison halak Samaria. Jadi ringkot manggoari luat Samaria baru Galilea namandok luat i boi dibolus boi tolhas barita nauli nangpe diholangi dohot perbatasan.

Ay 12-13, Laho bongot tu sada huta, pajumpang ma Ibana dohot 10 halak nahuliton. Sahit huliton (lepra) ima sada sahit kulit namassai parah naboi malala sude hulit (melepuh) nahatop bali tu hulit ni jolma naasing. Alani i, tung dihabiari halak Jahudi nang godang hajolmaon do sahiton ala boi hatop bali tu halak naasing. Ido umbahen angka jolma namarsahit sisongonon dipaduru do tubalian ni huta (dipisahkan dari komunitas umum). Keadaan sisongonon mambahen nasida merasa dikucilkan,rendah diri, hina dan tidak dihargai. Umbagas siani muse sahit si songononi dipahami jala di vonis nasida do ala ni dosa (uhuman ala ni dosa). Alani do nasida (na sampulu nahuliton) ndang barani jonok tu Jesus, alai sian nadao do nasida joujou. Jala ingkon marhite soara nagogo do nasida manjou, asa tuk gogo ni suara ni nasida sahat tu jesus mangimbangi suarasuara nahumaliangna. Dibagasan turpuk on panurat Lukas marhite namanggoari Samaria dohot Galilea boi taantusi ia si sampulu halak nahulitoni, adong halak samaria; nasian paradaton dohot parugamoon ndang adong pardomuanna dohot Jahudi. Alai di punguan ni namarsahiti nasia marsada/mardomu, ndang pinadomu ni adat dohot ugamo alai pinadomu ni sitaonon, parsahiton dohot haleaon. Dipunguan ni namarsahit huliti ndang adong be perbedaan ni Jahudi dohot non Jahudi (Samaria) alai nunga rap mamorsan nasida disitaonon dohot habuangani alani do rap manjou rap mangido jala manghirim do nasida dihamamalum ni sahitna sian Tuhan Jesus. Soara namansai gogo manjou Jesus songon Guru (Rabby) marlapatan doi namanghirim do nasida Jesus margogo paluahon nasida sian uhum ala ni dosa jala margogo pajongjong hasintongan dibagasan asinirohana tu nasa jolma.

Ayat 4-19, Jesus marsuru nasida patuduhon diri tu angka malim (jamak) hombar tu aturan ni ugamo naung somal diulahon (3Musa 13,14). Hata angka malim (jamak = imam-imam), boi diduga ia halak Samaria namarsahiti patuduhon dirina tu malimna na di Samaria sedangkan halak Jahudi patuduhon diri tu malim na di Jerusalem.

Sahalak sian nasampulu halak nahulitoni (halak Samaria) mulak patuduhon dirina naung malum tu Jesus jala mamuji pasangaphon Jesus (papatar mauliate niroha dohot Pujianna pasangaphon Jesus songon haroroan ni pasupasu, asi ni roha di hamamalum ni sahitna). Naumbagas siani halak Samaria namananda asiniroha dohot basabasa ni Jesus natuk margogo pamalum sahitna sampe malum situtu (pate). Nagabe sungkunsungkun, sampulu disuru Jesus papatarhon dirina naung ias (malum) tu angka malim alai boasa holan sahalak (ipe halak Samaria natargoar nasomanjanghon/marsaor dohot Jahudi) namulak mandok mauliate, marsomba dohot pasahat pujipujian tu Jesus. Boasa holan Samaria namananda asiasi dohot denggan basa ni Jahowa, didia nasianai ? Sungkunsungkunon papatarhon ugamo, suku, marga ndang gabe jaminan mananda, manjalo dohot manghamauliatehon asiasi dohot denggan basa ni Jesus alai haporseaon dibagasan haserepon niroha. Dipatarida halak Samaria ido haporseaon ni rohana tu Jesus, Ibana mual ni hamamalum nisahit, pola manungkap marsomba tu Jesus. Unduk dohot serep nirohana marhite namanungkap marsomba tu jolo ni Jesus Kristus ima tanda naporsea ibana Jesus pargogo nasohatudosan natuk mandaoni sahit naumparah, nanihagigihon ni sude jolma diportibion. Jaminan haporseaonmi do paluahon ho (Patudos tu bindu 8: 48; 18:42). Rumusanon marlapatan: parjolo, ia halak naung berangkati nunga malum. Paduahon, di bindu 7:50 jelas rumusanon berhubungan dohot pengampunan dosa. Dohot hata naasing marhite hamamalum ni sahit i halak Samariaon nunga manjalo Dame nasumurung (Syalom) dingoluna (2:14). Sian haporseaon nagok nasongonima ibana ro pasahathon pujipujian dohot mauliate nirohana ro marsomba tu Jesus.

Sipahusorhusoron:

Halak Samaria naso masuk horong Jahudi alai ala ni parsahiton dohot sitaonon gabe sada dohot bangso ni Debata ima bangso Jahudi. Sitaonon dohot parsahiton jotjot boi do pajongjong dohot membangun solidaritas (rasa sapanghilalaan) natimbo di jolma. Nihonjar ni sitaonon, parungkilon, parsahiton nasarupa jotjot pajongjong panghilalaan (perasaan nasarupa) mangkonjar jolma togu marsada laho mangalului dalan haluaon sian keadaanna. Jala togu, timbo do rasa solidaritas ni nasida mangadopi tantangan-tantangan namasa.

Samaria naung manjalo jala mananda asiasi dohot basabasa ni Tuhan Jesus Kristus mangauhon, manghamauliatehon jala patolhashon pujipujian tu silehon hamamalum ni sahitna. Hamamalum ni sahit ditanda ibana songon sada haluaon nabalga natuk paluahon ibana sian rante ni sitaonon, sahit dohot pangunjunan. Dipanandaon natangkas i do ibana talup ro tu Jesus marsomba (tungki dibagasan unduk serep niroha) mamuji pasangap Debata dibagasan Jesus Kristus. Sian lasniroha, olopolop ni rohana ro pasangap Debata, jala masihohot manjalo haluaon nagok dibagasan syalom namenyangkut kesejahteraan pardagingon nang partondion. Tarpuji jala marsangap ma Debata dibagasan Jesus Kristus sadarion ro di saleleng nilelengna. Amen

Jamita Minggu Jubilate
Tgl. 25 April 2010
Nats : Ul. Apostel 15 : 6 - 18
Pdt. Dormen Pasaribu, S.Th
Pdt.Res. Patane – Porsea

Kristus Mangatasi Krisis

1. Patujolo

Dung mate Stepanus masa do pangaleleion tu angka sisean ni Jesus. Alani marserak do nasida sian Jerusalem tu Fenisia, Siprus, Antiokia jala laos ihut do nasida marbarita nauli di parserahan i, holanon tutu holan tu halak Jahudi do (pat. 11:19). Torop halak Jahudi gabe porsea tu Jesus alani nasida. Alai anggo di Antiokia nunga dohot halak sipelebegu gabe porsea tu Jesus. Asa anggo ruas ni huria na di luat Antiokia ndada holan halak Jahudi be, alai nunga dohot sian duru ni halak Jahudi. Tamba ari lam martamba do ruas ni huria i ala ni panindangion ni angka naung jumolo porsea.

Tarbarita do hasadaon ni roha ni huria na di Antiokia (11:22). Parsidohot do nasida papungu tumpak tu dongan na maringanan di Judea di na sinuriranghon ni Agabus masa haleon (pat. 11:27-30). Denggan situtu do parsaoran ni huria na di Antiokia dohot si Paulus. Tarida do i di panjanghononnasida tu si Paulus. Leleng do si Paulus raphonnasida di Antiokia (pat; 14:26-28).
Dung di laon ni ari, masa ma sada persoalan na borat di huria Antiokia. Mangihuthon ayat 1 dohot 5 sian tonga ni halak Parise, angka naung porsea mandok; “ingkon tarsunat do angka halak sipelebegu naung masuk tu huria i asa taruli haluaon, jala ingkon apoan nasida mangaradoti patik ni si Musa”.Gogo do si Paulus dohot si Barnabas mangalo poda i. Di hata Indonesia didok; “Paulus dan Barnabas dengan keras melawan dan membantah pendapat mereka”. Lapatanna, angka sipelebegu naung manjanghon Jesus jala naung masuk tu huria i ndang pola be ingkon marsunat. Alani masa ma parsalisian di huria i na mambahen bingung di roha ni angka ruas i; “dia do na tingkos”. Laho patotahon poda/ pandapot na marasing i, dipaborhat huria i ma si Paulus dohot si Barnabas tu Jerusalem laho mandapothon angka apostel dohot sintua na adong di Jerusalem. Laho paturehon parsoalan i, dipatupa ma rapot, ima turpuk jamitantaon.

2. Eksegese Ayat Ayat 6; Laho paturehon parsoalan na masa di Antiokia (antara Kristen berlatarbelakang Jahudi dohot non-Jahudi) marrapot (ht. indo; bersidang) do angka apostel, pangituai rap dohot rombongan ni si Paulus dohot Barnabas na ro sian Antiokia di Jerusalem. Materi ni rapotnasida ima; “Ingkon marsunat do halak sipelebegu naung/ naeng masuk tu huria i asa partohap nasida di haluaon i?” Materi na sangat prinsipil do materi ni rapot i. Marpardomuan tu unok ni haporseaon ni halak Kristen di bagasan Jesus (Gal. 5:6, 6:15, pat. 1 Kor 7:18, 7:19). Pola do lelengnasida masitungkar pingkiran (Bibel ht Batak; marsual; Indo, bertukar pikiran). Namarlapatan do i, tung di bagasan roha na marsitutu do nasida laho mambuat haputusan. Mangihuthon 15:28, haputusan na tinotophonnasida denggan do di roha ni Tondi Parbadia nang di rohanami, ninna (di Hata Indonesia didok; “Sebab adalah keputusan Roh Kudus dan keputusan kami”). Naeng dohonon di si; dibagasan Tondi Parbadia do parrapoton i mardalan. Sude do hak ni na dohot di parrapoton i di hargai, ndang pangumpolan ni sasahalak/ kelompok rapot i. Tarida do i parnampuna hak do peserta rapot mandok hata; rade nasida tumangihon angka ise na manghatai. Hohomnasida tumangihon dongan na manghatai. Ndang adong rapot di bagasan rapot.

Ayat 7-11; Di tonga ni parrapoton i hehe ma si Petrus mangalehon pandangan. Dibuhai ibana do pangkataionna sian na ni ula ni Debata marhite ibana maradophon halak sipelebegu. Didok ibana; “Diboto hamu do naung tibu dipillit Debata ahu di tongatongamuna, laho patubegehon tu halak sipelebegu barita na uli i asa porsea nasida”. Tutu nunga jumolo dipangke Debata si Petrus pasahathon barita na uli tu halak (bangso) na di balian ni halak (bangso) Jahudi, ima si Kornelius rap dohot pangisi ni bagasna (10 - 11:1-18). Halak sileban (sipelebegu) do i anggo di halak Jahudi. Halak na so marsunat. Halak na so partohap di padan na ni ihot ni Debata tu si Abraham. Alai diusehon Debata do silehonlehonNa tu nasida, ima Tondi Parbadia. Tardidi nasida tu bagasan Goar ni Jesus gabe partohap di haluaon i. Marhite fakta sejarah i, naeng dohonon ni si Petrus, sarupa do di adopan ni Debata angka na porseai, baik halak sian sipelebegu na so marsunat dohot halak Jahudi naung marsunat, rap taruli haluaon marhite asi ni roha ni Tuhan Jesus ala ni haporseaonna.

Mangihuthon panatapan ni si Petrus i, satolop do ibana tu si Paulus dohot Barnabas na manghajongjonghon; “Na so pola ingkon marsunat na sian bangso sileban/ sipelebegu, mangihuthon patik ni si Musa manjanghon haluaon”. Ndang dia imbarna halak sipelebegu dohot Jahudi di adopan ni Debata. Tu na dua horong i, asi ni roha do haluaon i, ndada sian na berusaha mangulahon patik (Rom 3:23-24, Gal 2:16, Eps 1:7, 2:5, 8, Titus 3:5,7, dna). Asi ni roha (ht. indo; kasih karunia) lapatanna, “sebuah tindakan kebaikan dan kemurahan hati yang lahir dari kasih yang tulus, kemauan yang baik dan maksud yang baik dari seorang yang lebih tinggi/ mulia kepada yang lebih rendah tetapi yang amat dikasihinya”.

Marhite pandangan ni si Petrus i, halak Jahudi naung bongot tu huria i naeng tangkas mangarajumi asi ni roha do haluaon i tu nasdia, ndada sian upaya nasida mangulahon patik. Songon i ma tongtong naeng rajumanna angka donganna sahuria na marlatar belakang sian sipelebegu (sileban). Ala asi ni roha do haluaon i baik tu halak Jahudi dohot tu na so Jahudi, sarupa ma na dua horong i penikmat haluaon di adopan ni Debata.

Antong molo songon i do sangat begitu keliru do molo ingkon sai bersitegang halak Jahudi mamaksahon ingkon sunaton halak sipelebegu naung/ naeng masuk tu huria i dalan manjanghon haluaon i. Didok si Petrus na mangunjuni Debata do i marhite na mangampehon auga tu rungkung ni angka sisean, na so tarusung angka amanta i nang hitape. Kejujuran do i sian si Petrus patoranghon kegagalan ni bangso Jahudi laho manjangkon haluaon i marhite konsep na tinawarhon ni Debata, ima marhite tanda sunat dohot patik.

Ndang adong na boi rimpas mangula patik i. Molo ingkon harimpason mangulahon patik do dalan taruli haluaon, ndang adong nanggo sada taruli haluoan. Alani i do umbahen didok si Petrus, “boban na so tarusung angka amanta (ht. indo; nenek moyang) nang hita do” i. Tung na so jadi ampehonon i tu angka ruas ni huria na sian sipelebegu.

Inisiatif ni Debata do haluaon i na ni ulaNa di bagasan Jesus Kristus. Alani i ungkap do haluaoan i manang na tu ise, sian dia margana, sian dia luatna asal porsea tu Jesus Kristus (keselamatan yang universal). Haporseaon do dalan manjangkon haluaon i (Gal 2:16, 3:7, 11, Eps 2:8, Pilp. 3:9, Rom 4:5, 5:1-2). Sarupa do nilai ni haluaon na jinanghon ni manang isepe jolmana.

Ayat 12;
Dung manghatai si Petrus, mandok hata ma si Paulus dohot Barnabas pajojorhon angka na ni ula ni Debata marhite nasida di tongatonga ni angka sipelebegu. Dipajojor nasida ma angka na pinatupa ni Debata saleleng pardalanan penginjilan na parjolo (perjalanan PI pertama) hinobasan nasida di tonga ni luat sipelebegu. Rute Pardalanan PI parjolo ima; ANTIOKIA (sentral); mamungka sian Seloki – Pulo Siprus; Salamis, Papos – Perge (derah Pampilia) – Antiokia (daerah Pisidia), bukan Antiokia titik berangkat – Ikonium –Daerah Likaonia; Listra, Derbe dohot na humaliang – Mulak muse tu Antiokia, daerah Pisidia – Daerah Pampilia; Perge dohot Atalia – ANTIOKIA (Daerah keberangkatan Semula, pat. Ul. Ap. 13:4 s/d 14:26).
Saganjang ni pardalanan i mangula do Debata di ulaon panghobasionnasida, isarana; mapitung parsibalik mata, gabe porsea Sergius Paulus (13:6-13), torop gabe porsea angka halak sipelebegu (13:43, 48), gabe porsea halak Junani (14:1), gabe mardalan na pangpang sian hatutubuna (14:8-10).

Kesaksian nasida i sada bukti na so terbantah di tonga ni rapot i, tamba ni na hinatindanghon ni si Petrus, paboa dijanghon Debata do halak sipelebegu na olo porsea di bagasan Jesus Kristus. Mangula do Debata marhite si Paulus dohot Barnabas manogihon angka sipelebegu asa parsidohot jala parjambar di haluaon na salelenglelengna di bagasan Jesus Kristus.
Molo Debata nunga manjanghon angka halak sipelebegu jala mambasahon haluoan i tu nasida dalan haporseaon marhite asi ni rohaNa; talup dope halak Jahudi naung porsea i mangambatisa? Talup dope halak Jahudi naung porsea i mambahen syarat tu nasida, ima boban na so tarusung nasida nang ompunasida? Alusna; “Ndang be”. Songon panjanghonon ni Debata di nasida di bagasan Jesus Kristus dalan haporseaon; songon i ma ingkon janghononnasida angka halak sipelebegu/ non Jahudi di tonga ni parsaoran ni huria i.

Ayat 13-18;
Dung sae si Paulus dohot Barnabas pasahathon panindangionna, manghatai ma si Jakobus sian panatapan teologis. Sian panatapan teologis ditolopi ibana do na hinatindanghon ni si Petrus. Tarida do i sian na ni dokna; “Jala mardomu do i tu hata ni angka panurirang, songon na tarsurat: …”. Dipeakhon ibana do ojahan ni pandapot/ panatapan i di bagabaga ni Debata sian narobi. Di si do sasintongna nilai ni haputusan na tinotophonnasida.
Sian na robi pe nunga disuriranghon angka panurirang paboa ingkon “paulion ni Debata undungundung ni siDaud naung maloha i” (Amos 9:11-12). Nunga be digohi Debata na sinuriranghon ni angka panurirang i, ima di bagasan Jesus Kristus; nunga be dipauli harajaon ni si Daud na imbaru. Harajaon i mangalompoi batas-batas dalam artian wilayah politik harajaon Daud na parjolo, alai manghamham sude jolma na di portibion.
Asa sude jolma na di portibion sian nasa suku, parhataan, inganan dohot angka parasingan na asing dijanghon Debata do gabe parripeNa. Dalan mangarahon jolma masuk tu harajaon i ma parbarita na ulion, songon na hinobasan ni si Paulus dohot Barnabas tu angka jolma sipelebegu. Ungkap do pintu tu harajaon i dalan haporseaon. Manang na ise na porsea tu Jesus Kristus bongot ma ibana tu harajaon na imbaru i.
Jadi keliru do halak Jahudi naung porsea, molo sai dirajumi pangumpolan haluoan i, alai nunga be riperipe di bagasan Jesus Kristus.

1. Pangabahan
Saonari sahat ma hita tu pangabahan ni turpuk. Adong piga-piga hal ni usulhon tu hita angka na parade jamita; Naparjolo; Nunga taruli ngolunta di asi ni roha i. Singkop situtu tajalo asi ni roha i di bagasan Jesus Kristus naung mate humonghop ngolunta. Taruli hasesaan ni dosa dohot hangoluan na manongtong hita. Nunga sahap tu daging dohot tondinta i marhite pandidion naung tajalo di bagasan Goar ni Debata Sitolu Sada i.
Holong ni roha ni Debata do na mambasabasahon asi ni roha i tu hita. Ndada ni alap ni parangenta manang alani hasingkoponta mangulahon patikNa, alai pita do i nionjar ni holongNa. Mamungka sian na robi nunga disuriranghon angka panurirang asi ni roha i. Haroro ni Jesus ima hasisingkopna. Hasasaut (penggenapan) ni asi ni roha i di bagasan Jesus papatarhon Debata parbagabaga tulus. Dipatulus do sude bagabagaNa. Janji Tuhan sangat teruji. Asa naung manjangkon asi ni roha i, ima jolma na selalu optimis manatap ari na naeng ro. Di ragam ni angka hamaolon, di ragam ni angka parungkilon na manosak tongtong marpanghirimon na uli di ari sieahanna.

Napaduahon; Masijanghonan di bagasan asi ni roha i. Napasti godang do angka parasingan na dapot di angka hita ruas na marsaor di tonga ni huria i (dalam skop lokal) lumobi ma di skop na lam umbidang (antar denominasi, antar negara). Sada na arga na ingkon sipahusorhusoronta, sarupa do nilai ni haluaon naung tajalo ganup. Ndang marasing nilai ni haluaon na jinalo ni hita Batak tu halak Afrika, halak Timur Tengah tu halak Borneo. Ai sada do Debata na paluahon hita sian dosa dohot hamatean; na umbasabasahon hangoluan na manongtong di hita ganup. Alani i tung sarupa do hita saluhutna di adopan ni Debata. Antong masijanghonan ma hita saluhutna di bagasan asi ni roha i.

Songon i ma tongtong di tonga ni huria dalam arti skop lokal. Jotjot masa di angka ruas ni huria na masiososan diparsaoran parsahutaon gabe mamparhorhon tu huria. Maol situtu mamolushon hahurangan ni dongan ala naung sanga hansit rohanta dibahen. Nangpe naung unduk dongan mangongkuhon hasalaanna, sai tong mamais hita maradophon Ibana. Luarbiasa timbona egoista. Lupa hita, jolma na ni asian ni Debata; disesa hahuranganta, mate Ibana alani pangalaosionta.
Tangkas hita dipaingot marhite turpuk jamitaon asa gabe membudaya di hita, di tonga ni parsaoranta – di huria, di parsahutaon – na masijanghonan di bagasan asi ni roha i, ala naung taruli asi ni roha hita di adopan ni Debata marhite Jesus Kristus. Unang tahasomalhon manjangkon dongan mardongan syarat, ingkon songonon ma ibana, ingkon songonan ma ibana, alai masijanghonan ma hita ala naung tajalo asi niroha ni Debata.

Napatoluhon; Parsaoran na ungkap mardialog jala manghargai hak ni dongan. Mardialog ima sada dalan/ sarana laho mangatasi perbedaan pandapot, dohot angka ragam ni parsoalan. Laos sadalan ma tusi na manghargai hak ni dongan di proses ni na mardialog i. Sada parsiajaran na arga do pinatupa ni angka apostel, pangituai dohot ruas na di turpuktaon. Gabe marhaujungan tu hadengganon perbedaan pandangan/ pandapot di tonga ni huria i. Di pardalanan ni huria di tonga ni portibion, na boi tubu do di tonga ni huria angka parsoalan-parsoalan na mangganggu huria manghobasi misina. Alani i, ingkon rade do hita duduk bersama laho mangatasi i marhite dialog. Jala di proses ni dialog i ingkon ma masihargaan di angka hak ni dongan.

Tarlumobi ma di konteks pluralitas agama na adong di Indonesia on. Ingkon ungkap do hita (dalam arti huria) mardialog dohot angka ugamo na asing laho mangatasi angka parsoalan-parsoalan kehidupan. Laho mangeahi ngolu na lam tu dengganna, lam tu harmonisna di angka ugamo na marasing di tonga ni negarantaon.

Evangelium Edisi Mei 2010

Jamita Minggu K a n t a t e
Tgl. 02 Mei 2010

Nats : 2 Korint 4 : 13 - 18
Pdt. H.R. Panjaitan, S.Th
Pdt. Res. Kampung Pon

Tondi Haporseaon na Marhagogoon, Manghamonanghon nasa parungkilon

Huria ni Tuhanta na marolop-olop di Minggu sadarion Minggu parolop-olopon do di hita sadarion, ima minggu parningotan di naung boho 83 taon HKI naung manjujung baringinna marbarita nauli di tonga ni bangsonta na marragam rumang ni jolma, rumang ni haporseaon, rumang ni suku, rumang ni haboion nang parbinotoan dohot angka rumang naasing. Nang pe hita marolop-olop sadarion, alai godang dope sian kelompok ni masyarakat di bangsonta na jotjotan mangambat pardalan ni barita nauli huhut na mambahen godang hamaolon tu panghobasion ni huria. Nasomal siganupari, jotjot do marungkil angka parbarita nauli laho manghobasi pasahat barita nauli nang tu angka na olo manjalosa ala ni ondam-ondam ni angka na manghasogohon barita naulii songon na masa di Binjai, Barumun, Depok, Bekasi dohot angka luat naasing na so hagoaran dohot na so tarbege. Siparungkilhononta dope situasi na songoni.

Tutu, ingkon taonon jala adopan ni huria do na songoni sahat ro di ujungna di haroro ni Tuhanta Jesus Kristus paduahalihon. Dung pe di haroroNa paduahalihoni, na digoari Parousia huhut na mamboan jaman naimbaru na digoari Aeon naimbaru asa pasohotonNa nasa na mangambati Barita Nauli i. Jala ingkon songoni do asa hot goar ni huria huria manang gareja na digoari ek-klesia na mandok dijou haruar. Haruar sian hagolapon dohot harunduton ni portibi dohot hajolmaon taripar tu hatiuron dohot hadameon na pinatupa ni Tuhanta. Tu si do diparbaga Tuhanta na mandok: …sai na dongananKu do hamu ganupari rasirasa ro ajal ni hasiangan on. Turgas ni huria manang gareja do tongtong marbarita nauli mamboan sinondang ni Tuhanta tu nasa bangso na di tanoon. Lam martamba halak na olo manjalo barita nauli, tontu gabe angka barita nauli ma barita nasida, lam manghorhon hamauliateon na sumurung, bahen hasangapon ni Debata (ayat 15 ni turpuk on!). Hinaadong ni huria manang gareja di tanoon ima laho pasangaphon Debata marhite na manghangoluhon haluaon na pinatupa ni Tuhanta Jesus Kristus. Asa mansai ringkot ma nian ganup huria manang gareja na mandalani ganup sataon panghobasion parbaritanaulionna songon hita na marulang tahun sadarion mambahen ruji-ruji manang evaluasi: Nunga sadia bolon hasadaon dohot parsitutuonta mambaritahon Barita Nauli i jala nunga sadia bidang naung dibolus Barita Nauli i sian panghobasionta? Tontu parbarita naulioni do pusat ni nasa ulaon ni huria. Huria na maninggalhon ulaon parbarita naulion ( na marlapatan parbarita naulion di bagasan huria nang tu duru ni huria) ala ni angka usaha manang kegiatan naasing, tontu nunga munsat be sahala parbarita naulion nanilehon ni Tuhanta tu huriai. Ndang gabe barita nauli be jambar ni huria na songoni alai barita na buruk nama. Asa tung ingkon siharingkothononhon ni huria do parbarita naulioni asa lam bidang hinangham ni sinondang ni Harajaon ni Debata di portibi na golap jala na rundut on.

Ise do huria, manang ise do HKI ? jotjot doi gabe sungkun-sungkun molo nunga manghatai turgas ni huria. HKI, ima sude halak naung marsada mardomu di gareja HKI manghangoluhon haluaon sian Tuhanta marhite huria HKI. Sian nasida do dipabangkit angka parhalado hombar tu horongna be. Ruas ni huria na manjalo panghobasion ni parhalado, tupa ma pararathon barita nauli i di ngoluna, di rumatanggana dohot na humaliang ibana. Angka parhalado na manghobasi ulaoni hombar tu horongna be managihon angka ulaon parbarita naulion i tu nadao nang tu na donok. Huria na hot di ulaon na songoni do na boi marende markantate di Jahowa, ai marsangap ma Debata marhite huria na manghobasi dohot na marpanindangi. Ido Marturia, na mandok marpanindangi.dang holan di bagasan huria alai ingkon dohot ma tu balian ni huria.
Aha do sindehononta sian turpuk jamita sadarion?

1. Tondi haporseaon na marhagogoon jala marpanindangi Digoari do Tondi haporseaon songon Tondi hasintongan manang Tondi hatutuon.

Tontu ndang na marbagi manang marragam Tondi i, alai ulaon manang panghorhon ni Tondi i do na marragam hombar tu parbue siboanonna bahen hasangapon ni Debata. Asa molo digoari Tondi haporseaon ima Tondi ni Debata na manubuhon haporseaon na togu dohot na sai mangalehon gogo manang semangat mangulahon haporseaoni di angka aposteli nang di angka na porsea. Marhite Tondi haporseaon na mangalehon haporseaon na togu, asa boi angka aposteli nang angka parjamita na parjoloi mamereng sude angka na masa tu nasida sian mata ni haporseaon. Mamereng sian mata ni haporseaon, tontu sude na masai, las ni roha arsak pe, pinarhatopot doi sian pamotoan ni Debata jala tarlumobi dope, dipatupa Debata doi di angka naporsea laho patupahon hasangapon na sumurung, na lumobi hamuliaonna na salelenglelengna (ay. 17 ni turpuk on). Asa masa pe hasusaan manang arsak ni roha, ndang dilului rohana ise na mambahen sala manang na gabe “kambing hitam” sibonsiri. Mata ni haporseaon mamereng (manailihon) na so tarida na manongtong ro di salelenglelengna di balik ni angka na masa di hasiangan on. Ido dihatindanghon aposteli maradophon:

a. Mara dohot hasusaan, parungkikon nang siarsakhononhon

Tangkas do diboto apostel Paulus, ia upa manang risiko ni ulaon parbarita naulion ima panulahon manang penolakan ni portibion. Jala ujung manang tindak lanjut ni panulahoni ima pangaleleon sahat tu hamatean ni angka parbarita nauli. Ala ni ido asa ditariashon aposteli mandok: Alai di bagasan inganan na mura matapor do artanami on…Di na saluhut do hami marhaporsuhon, tarsosak, tarlele dohot pinantingganghon. Tongtong do hupausungusung hami di daging nami hamamate ni Jesus (ayat 7 – 10). Umbidang muse taringot tu mara nang hasusaan naniadopanna ala na marbarita nauli molo tajaha dohot 2 Korint 11, 23-28. Ala ni aha do? Boasa gabe hira ulaon mangeahi hamatean ulaon parbarita naulion? Di ayat 4 didok: Ai dipapitung debata ni portibion do pingkiran ni angka na so porsea, asa unang nasida dipatiur sondang ni barita nauli i, na taringot tu hasangapon ni Kristus, na tardok suman ni Debata. Di Johanes 3, 19-20 didok Tuhan Jesus: Nunga ro natiuri tu portibi on, jadi holongan do roha ni angka jolma di na holomi asa di na tiuri, ai na jahat do parulaan nasida. Ai ganup na mangulahon na roa, hosom do rohana di na tiuri, jala dang didapothon na tiuri, asa unang gabe patar angka ulaonnai. Jala muse: Alai dang tarbaen so hona lele nasa nanaeng marparange na daulat marhitehite Kristus Jesus ( 2 Tim.3,12). Sian na tolu turpuk on taboto, na hosom do roha ni angka na so olo porsea, angka na jahat dohot na mangoloi debata ni portibion marnida angka parbarita nauli dohot umbege barita nauli. Asa debata ni portibion na papitung roha ni hajolmaoni do sialoon dohot siadopan ni angka parbarita nauli asa songon di bagasan inganan na mura matapor arta parbarita naulioni, na jotjot mangadopi hasusaan sahat tu hamatean. (Najoloi, umumna, hudon tano do inganan ni mual di bagas ni godangan halak di Toba Holbung. Molo ni hunti hudon tano mangalap mual, ingkon mansai jamot do iba mangalakka manang mameakhonsa asa unang matapor. Ima ala ni mura na matapor) Tu kondisi na songoni do digombarhon apostel Paulus ulaon parbarita naulion, asa ingkon do mansai jamot, asa unang tarurak parbarita nauli jala unang tarila dohot barita nauli i.

b. Panghirimon di angka naung manjalo barita nauli

Tamba do halalas ni roha ni apostel Paulus mangulahon ulaon parbarita naulioni ala naung adong na manjalosa, di turpuk on ima halak Korint. Di filosofi ni Barita Nauli, talu do proses haberniton naung tinaon (nyata) dibahen sihirimon (yang diharapkan) naung rade di jolo, sijaloon di tingki halehetansa. Ido dihatindanghon aposteli di Pilippi 3,14. Di turpuk on, panghirimon ni aposteli, na rap jongjong do aposteli dohot ruas ni huria na manjalo barita nauli i di haheheon sogot (ay. 14). Alai saluhutnai, ala ni hamu do, asa asi ni rohai na lam tu gandana, dibahen na torop, manghorhon hamauliateon na sumurung, bahen hasangapon ni Debata (ay.15). Ima las ni roha na sumurung di angka parbarita nauli, molo lam gumodang jolma na manghamauliatehon barita nauli na jinalona, jala I do dalan pasangaphon Debata. Las ni roha di angka na manjalo barita nauli, molo nunga boi marsangap Debata di hangoluanna. Angka ima sihirimon huhut sipataridahononhon, jala ala ni panghirimon na mangolu na songoni do asa nang angka parbarita nauli nang angka ruas na manghangoluhon barita nauli, dipaimbaru do ngoluna parbagasani ariari (ganup tingki).

2. Hamonangan maradophon nasa abat-abat

Siendehononta paduahon marhite turpuk on ima hamonangan maradophon nasa abat-abat dohot parungkilon. Di ayat 18 didok apostel Paulus: ala hutailihon hami na so taridai…na manongtong ro di salelenglelengna. Hira na maralo do nian pandohani, ai boi tailihononhon na so tarida. Alai songoni ma pamangkeon pandohan na paradoks, hira na maralo hape sada do, jala ingkoni do pangkeon asa hona manang pas pamangkena. Manailihon na so tarida ima panghirimon na pasti. Molo nunga tinailihon ngolu na manongtongi, nunga mangolu di bagasan hatoguon haporseaoni. Didok di Heber 11,1: Alai anggo haporseaoni, pos ni roha doi di angka sihirimon, jala pamotoan na tontu taringot tu na so niida. Molo nunga niida tontu dang sihirimon be (Rom 8,24). Manailihon na so taridai ima na marnida marhite mata ni haporseaoni, ai sude do Barita Nauli i dihaporseai jala dihaposi. Ido mambahen hamonangan di angka na porsea.

Sihirimon na so taridai dope, alai naung boi ditailihon mata ni haporseaoni, ido na manongtong na hot salelenglelengna, jala tusi do angka na porseai diboan. Alai anggo angka na taridai parsatongkinan do, pardagingon jala haportibion. Mamoto taringot tu upa hangoluan sisalelenglelengnai, ima hasangapon na sumurung na lumobi hamuliaonna, ima parbue ni Tondi haporseaon na manaluhon nasa abat-abat ni Barita Nauli i na mamparbuehon halalas ni roha na manongtong bahen hasangapon ni Debata Amanta.

Sirimanganta di pesta olop-olopon

Huria na hinaholongan ni Tuhanta Jesus Kristus, Nunga tajalo jala tahangoluhon Barita Nauli i marhite hurianta HKI. Ndang na neang situhuhon ni angka amanta na parjoloi laho pajongjong HKI. Ndang songon nuaeng, molo adong hepeng boi mamukka huria. Angka amantai, ditaon do hamaolon sian pamarenta panjajah, laos humansit dope sian dongan angka naung huria tingki i. Diinsahi do HKI (HChB do goarna di mulana!) tingki i mandok; Huria mamulik, Huria Sitandik, dohot naasing. Tupa do rehe-rehe mandok: HKI hko, parhaladonai haohao. Diburahon huria induk ido najoloi HKI mandok: hona bura ganup na mangihuthon HKI. Ala dietong nasida do gabe huria mamulik na gabe alo ni haporseaon ni huria do gareja HKI, gabe ditingtinghon do di ganup huria, manang ise na marpardomuan tu HKI gabe hona ban sian huria. Ndang holani siadopan ni angka na pajongjong hurianta, dohot do nang hasadaon nasida songoni nang sumber daya manusia laho mambaritahon hasintongan na binaritahon ni HKI. Aha do halobian ni hasintongan na pinajongjong ni HKI? Parjolo, hasadaon ni angka parhobas di huria. Ndang mardia imbar Eropa nang Indonesia, Jerman dohot Batak. Sude do nasida rap pangula ni Tuhanta na manghobasi Barita Nauli na so adong na tumimbo jala na tumoru. Paduahon, sude do ruas ni huria sarupa hakna dihobasi di huria. Ndang mardia imbar na dao manang na jonok, parsinadongan dohot na so parsinadongan. Patoluhon, nunga tingkina angka anak ni huria Batak diajari asa boi gabe tang manjae manang mandiri laho marbarita nauli tu halak Batak. Ima tolu sian angka naasing dope sihajongjonghonon ni HKI dimulanai.

Nunga dapot hita na talului? Nunga sude ulaning parhalado ni HKI nuaeng manghilalahon hasadaon? Nunga sude duduk sama rendah berdiri sama tinggi sesuai porsi dan posisi masing-masing? Adong dope na boi mengkel alai naasing tumatangis? Manang adong dope na boi manortor hape naasing mangandungi? Nunga sude nasida mandapot keadilan sian pihak pengambil keputusan di HKI? Nunga sude ruas ni huria rap mandapot panghobasion na sarupa? Nunga sude parhalado ni HKI tang manjae mangulahon panghobasioni? Nunga boi tapauba rehe-rehe na mandok: HKI hko parhaladonai haohao, gabe HKI hko, parhaladonai malo-malo? Alai taingot, biar mida Jahowa do parmulaan ni parbinotoan. Unang pamalohu asa unang gabe so mabiar tu Jahowa. Misi ni HKI na parjoloi tongtong doi siradotan laho mangeahi misi na sasingkopna di misi ni Tuhanta Jesus. Manghobasi misi ima sada sian ulaonta laho pataridahon Tondi haporseaon na mangula di bagasan hita laho manghamonanghon pardalan ni Barita Naulii bahen hasangapon ni Debata Amanta. Amen

Jamita Minggu R o g a t e
Tgl. 09 Mei 2010
Nats : 4 M U S A 14 : 11 - 20
Pdt. Rinto Nainggolan, S.Th
Pdt. Res. Khusus Pk. Baru

Tangiang Dalan Patolhashon Pangidoan tu Debata I.

Patujolo

Turpuk evangelium di Minggu Rogate on dipaherbang di atas ceritera hatangkangon ni bangso Israel maradophon Jahowa. Marmula ma i sian parsuru ni si Musa di 12 halak laho manghahapi tano Kanaan. Dung sun dihahap nasida tano Kanaan, marbarita ma muse nasida taringot tu hagogoon dohot huaso ni angka pangisi ni luat i. Godoron roha ni bangso i umbege barita i. Alai ianggo si Kaleb & Josua diujuni nasida do laho paposroha ni halak Israel, huhut dibaritahon hinauli ni tano nanaeng simasuhan nasida i(habaoran ni susu dohot situak ni loba). Ndang pos roha ni bangso i. Dipapir do rohana mandok mulak tu Misir. Naeng do pampeon nasida sahalak uluan bahen ihutan mulak tu tano Misir. Muruk Jahowa marnida pangalaho ni bangso i. Dung i ro ma hataNa tu si Musa naposona i laos manghatai ma nasida, i ma turpukta di ombas on.

II. Hatorangan ni Turpuk

ayat 11-12 Dua ayat na parjolo pabotohon hata ni Jahowa tu si Musa. Hata dia do dipasahat tu naposona i ? Murukna maradophon hajugulon ni bangso Israel. Rimas rohana mida pangalaho no so olo porsea sian Israel. Ndang porsea nasida di hagogoon ni Jahowa. Hapengani nunga marulakulak diidanasida angka tanda binahen ni Jahowa papatarhon hagogoonna.

Tontu marpiarpiar do muruk ni Jahowa di ombas on. Ai pola do begu antuk dohot harendepon paadoponna tu tongatonga ni bangso i. Molo muruk iba tu dongan boi do ra holan songgahan ibana patuduhon paboa naung muruk iba. Alai ianggo di turpuk on pola do naeng siaphononna bangso Israel. Begu antuk lapatanna bala no so tartulak na so hadaonan. Di hata Indonesia didok “penyakit sampar”. Rendephonongku nasida di hata Indonesia didok “melenyapkan mereka”; lapatanna ndang tarida be nanggo bogasna. Nunga boi ra taauhon beha muruk ni Jahowa di turpuk on. Alai nang pe muruk Jahowa ndada na gabe mantak pingkiranna (hilang akal sehat). Tongtong do dipatuduhon dalan (solusi) laho patulushon sangkapna. Didok tu si Musa: “bahenongku ho gabe bangso na balga, jala gumogo sian nasida”. Tongtong do patubuonna jala pabangkitonna sada bangso gabe parhitean ni hasasaut ni bagabaga marhite si Musa naposona i. Dia do alus ni si Musa ?

ayat 13 - 19

Alus ni si Musa boi sagihononta tu 2 bagian bolon: Parjolo: Dipaulak Ibana sude na masa i tu Jahowa, i ma marhite na manaringoti parbungkas ni Israel sian tano Misir (tradisi keluaran). Di natinogihonna i bangso Israel sian Misir tarsar do barita taringot tu hagogoon ni Jahowa tu halak Misir nang angka bangso sileban. Marhite tangan na toltol ditogihon Israel sian Misir tu tano parpadanan ! I do isi ni barita i. Hape ndang tolhas nasida...beha maon dohonon ni halak taringot tu Jahowa ? Nda gabe balik ma annon barita i ? Gabe tubu panindangion na so tuk gogona hape patolhashon bangso i tu tano habaoran ni susu dohot situak ni loba i ? Adong do hape debata na gumogo dungkon ni Jahowa, i ma annon dohonon hata i. Hape tangkas do paboa paralealeon ni Jahowa dohot Israel dipadiri di atas ni panindangion: “Jahowa do Debata Pargogo na so hatudosan, na so adong dungkon ni Ibana !” Dohot hata na asing, ndang dioloi si Musa solusi sian Jahowa ala tongtong dope dihaposi hagogoon ni Debata Jahowa i sandiri. Paduahon:Laos diuduti si Musa do muse manghatindanghon hagogoon ni Jahowa na marmulia. Hamuliaon na tarida di bagasan lambas ni roha. Hagogoon ndada holan haboion pajolo botohon dohot huaso sambing. Hagogoon patubu hangoluan i do tutu hadirion ni Jahowa, nang pe hansit diae di bagas rohana. Debata na sun hinagogo, na mamangke gogona i pangoluhon angka na tangkang marroha (pardosa) marhite lambas ni roha.

Tutu ndang paluaonna uhum tu angka parsala, sai na luluhononna do hajahaton ni amaama tu angka anakna ro di sundut patoluhon dohot paopathon. Ndang sundat uhum ni Debata Jahowa tolhas manorusi saluhut sundut (generasi). Alai taingot ma nunga diampehon / dipaporsanhon i tu Anakna na sasada i, i ma Kristus Jesus Tuhan i. Alani i dibaranihon si Musa do mangido tu adopan ni Jahowa asa tongtong diloas mian bangso i di jolona.

ayat 20

Alus ni Jahowa tu si Musa mansai tangkas jahaonta: “Nunga marpamuati rohangku ala pangidoanmu”. Dipatulus Jahowa pangidoan ni si Musa. Marpamuati rohaNa mida bangso Israel. Dioloi pasohothon murukna maradophon Israel. Boasa ? Tung mansai tangkas didok: “... ala pangidoanmu”. Ala pangidoan ni sahalak uluan na martangiang (marpangidoan). Tangiang na dao sian roha na holan manarihon dirina sambing; di ginjang ni hagigiotna jumolo mangido haluaon tu saluhut bangso na tangkang marroha. Tangiang pangondianon.

III. Sipahusorhusoron

Molo tapaihutihut turpuk di Minggu on sai ditungkoli do hita asa jongjong gabe uluan na olo mangondihon angka na niuluhonna. Sitiruon na tangkas dipatuduhon turpukta sian sahalak na margoar Musa. Napinabangkit ni Jahowa laho manguluhon bangso na pinillitna I ruar sian parhatobanan Misir. Ndada marhite botohon dalan laho mangondihon angka dongan, alai tangiang do dalanna jumolo. Ai di Debata do ianggo hagogoon. Ingkon marhite tangiang do jumolo. Tangiang do tutu dalanta manghatai dohot Debata laho patolhashon pangidoan. Laos di bagasan tangiang i do tarida pangondihonta di angka naung pinasahat i tu hita. Angka ianakonta, masyarakat, huria dohot angka parsaoran na asing pe na ingkon ondihononta. Sian sude partording ni partangiangon naung sahat tu Debata, tangiang ni Jesus do na tongtong tama siihuthononta. Di bagasan tangiangNa do singkop saluhut pangondianon. Alani sai tahangoluhon ma tangiang na pinodahonna i tu hita.Amen

Jamita Ari Hananaek
Kamis Tgl. 13 Mei 2010
Nats : Lukas 24 : 44 - 53
Pdt. Gom. Tp.bolon, S.Th
Pdt. Res. Balata

Gabe Sitindangi ni Jesus ma Ho

1. Ganup taon do dipestahon angka Huria Parningotan di Hananaek ni Tuhan Jesus, ima angka Huria na mamangke taon parhuriaon (kelender gerejawi). Laos songoni do Hurianta HKI nunga sian mamungka tubu Huria di tongatonganta sian sundut tu sundut mamestahon Parningotan di Hananaek ni Tuhan Jesus. Molo sian sudut partingkian pajonokjonok do parro ni pesta parningotan di Hamamate ni Tuhan Jesus dohot parningotan di Haheheon, Hananaek dohot Haroro ni Tondi Porbadia. Jala lapatanna pe marsirainrainan do. Ndang sirang nasida sian na sada ima na opat pesta parningotan i, laho paingothon hita do dipambahenan ni Tuhan Jesus tingki ngoluNa laho manghohop jolma pardosa i asa malua nasida sian gomgoman ni sibolis dohot hamatean i.

Dung hehe Tuhan Jesus, pola dope 40 ari Ibana di hasiangan on pataridahon diriNa tu angka siseanNa (Ul. 1:3) dohot lobi 500 halak angka na torop (1 Kor 15:6). Molo taparrohahon Evanggelium ni si Matius, Markus, Lukas, Johanes, songoni nang Ulaon Apostel dohot 1 Korintus 15, maol mura do merekonstruksi na dipataridahon Tuhan Jesus diriNa saleleng 40 ari i secara kronologis, ala sipata ndang tarida parholangan ni namasa sada tu namasa na mangihut muse. Ingkon ingot do hita paboa angka panurat ni evanggelium i ndang apala detail dipabotohon nasida sude kronologi ni na masa i so holan mangondolhon tolu hal na penting, ima “hatutuon” ni hamamate, haheheon dohot hananaek ni Jesus Kristus i. Jadi molo tung pe hira na masisoluhan idaon angka informasi na dipataridahon Tuhan Jesus diriNa tu angka siseanNa i, na rumingkot tapamanat ma lapatan ni na masa i dohot angka tona/pangajaran na adong di bagasanna.

Hananaek ni Tuhan Jesus mangondolhon dua hal na ingkon taauhon jala tahangoluhon dipardalanan ni ngolunta songon siihuthon Kristus, ima, parjolo: hehe do Ibana sian hamatean, napaduahon : Hamu do manghatindangkonsa (Luk.24:48 bnd. Kis.1: gabe sitindangKu ma hamu).

2. Ayat 44 – 45 : “Ingkon jumpang sude na tarsurat taringot tu Jesus”

Mansai jotjot do Tuhan Jesus pasungulhon angkana tarsurat di buku na badia i tu siseanNa i. Jala nuaeng diondolhon nasa na tarsurat di Padan na robi (Buku Musa, Buku Panurirang dohot Buku Psalmen). Na tolu i do na somal dipangke halak Jahudi manggoari parbagi ni Buku Padan na robi. Godang do isi ni buku i marrumanghon angka bagabaga (panurirangion) taringot tu Kristus manang Mesias. Siala ni i dibuhai do roha (membuka pikiran) ni angka sisean i asa mangantusi nasida.

Asa tung tangkas do lomo ni roha ni Tuhan Jesus sian sisean i, ima asa mangantusi nasida di na tarsurat di buku na badia i. Gari Ibana, Tuhan, hatiha gabe jolma Ibana diharingkothon do manjahai, manaringoti hata na tarsurat di buku i. Mangihuthon hasomalan ni halak Jahudi, ditingki hadakdanahon dipasomal do nasida mangguruhon angka Hata ni Debata di bagas joro. Adong dua tingkatan pendidikan formal hatiha i di Sinagoge, ima Beth Hassepher (Sekolah Buku = Sekolah Dasar) dohot Beth Hammidrash/ Beth Talmud (Sekolah Lanjutan). Laos digoari ma angka dakdanak na parsiajar i “Anak Torah”.

Ndada holan mangguruhon dohot manaringoti Tuhan Jesus alai dohot do mamangke hata i di angka ulaonNa (ingot pandohanNa tu sibolis na mangunjuni Ibana di Mat 4:1-11). Laos dison do godang hagaleon ni jolma. Diboto do nian Hata ni Debata alai ndang di haporseai siala ni i ndang dipangke di bagasan ngoluna. Gabe mate ma Hata i di rohana. Tinggal huruf boti ma Hata ni Debata i. Isarani Bibel, jotjot holan kumpulan ni angka huruf dohot kata-kata ibana, ndang mangolu ala so dipangke manang dihangoluhon nampuna Bibel i.

Diantusi jala dihaporseai angka sisean i sude na tarsurat taringot tu Jesus ala Kristus naung hehe i mangalehon pengajaran dohot mambuha pingkiran dohot pangantusion nasida di hasintongan Hata ni Debata. Songon Lukas na manghatindanghon na dibuhai Kristus roha nasida asa diantusi nasida na tarsurat i, songoni ma Aps. Paulus manangianghon huria na di Efesus anggiat dilehon Debata Tondi Hapistaran dohot pangungkapon mananda Ibana jala dipatiur Debata mata ni roha nasida (ida ayat 16-18).

3. Ayat 46 – 47 : “Baritahon tu sude bangso”

Naung dilumbahon hian marhite panurirangion, paboa manaon na porsuk (Yun = panthein) do Kristus jala hehe sian na mate (Yun = anastenai ek nekron). Pandohan manaon na porsuk, ndada holan hansit ni daging alai sahat tu hamatean do. Alai ndada marujung di hamatean i, di ari patoluhon dipahehe sian na mate (sian bangke, Yun = nekron, a dead body). Barita las ni roha on ma sibaritahonon tu sandok bangso mamungka sian Jerusalem. Tutu do diayat 47 on, ndang tarsurat di Padan na robi be alai penugasan ma i tu angka siseanNa na mambege, namarnida haheheon i. Impola ni barita i, ima barita taringot tu Jesus naung mate, naung hehe jala manaek tu banuaginjang, na mamboan haluaon di jolma huhut padomuhon jolma naung mardosa i tu Debata jala marhite Goar ni Kristus dapotan hasesaan ni dosa ma halak na marhamubaon ni roha. Parjolo disosohon do asa olo muba roha. Alai ndada holan muba boti, ingkon dibagasan Jesus do ibana asa dapotan hasesaan ni dosa.

Tu sude bangso do barita i dipatolhas, ndang adong suku bangsa na eksklusif, ndang adong suku bangsa na khusus hasahatan ni barita nauli on jala ndang adong suku bangsa na so ringkot dapotan barita i. Holan haborhatanna do Jerusalem, alai ianggo hasahatanna ingkon sude bangso do. Na so jadi adong pembatasan holan tu halak Batak do borhat halak Batak pasahathon barita nauli.

Gabe parbarita nauli ima gabe sitindangi ni Kristus, dimulana didok do tu Jerusalem dungi tu sandok Judea dungi muse tu sandok liat tano on (ida. Ul.Aps. 1:8). Termasuk metode penginjilan do i, na parjolo dibagasan ma jolo hasasahat ni barita nauli i (Jerusalem do inganan parpunguan ni sisean i jala Jerusalem do na gabe pusat pelayanan di tingki i). Dungi muse sahat ma tu humaliang (Judea) dungi pe asa tu liat tano on. Asa ingkon sahat do barita nauli tu dirinta, na humaliang dohot sandok portibi on. Sian i idaonta ma ndang holan di sada inganan be habegean barita nauli i, ndang statis alai tu sude liat portibi on nama (dinamis). Hasasaut ni i ingkon adong partingkian na ganjang, sian tingki tu tingki. Mardalan do partingkian laos mardalan do barita nauli i, ndang boi mansohot.

4. Ayat 48 – 49 : “Dipasahat do hagogoon sian ginjang”

Tangkas do parsuru ni Jesus Kristus i, “hamu do manghatindanghonsa” (ayat 48). Parjolo sahali tu angka “saksi mata” do parenta on, ima angka sisean i. Alai ndang sadia leleng, ndada holan tu saksi mata na martugas tu si, alai “saksi iman” pe dohot do. Taingot ma angka sisean ni apostel, misalna si Timoteus, gabe panindangi do ibana holan sian panghaporseaion marhite pangajaran ni angka apostel i. Asa pandohan “hamu do” diturpuk on nunga berkembang di sejarah gareja, marlangku tu saluhut halak na manghaporseai Kristus Jesus.

Dibagabagahon Tuhan Jesus do haroro ni hagogoon songgop tu na sinuruNa gabe sitindangi. Ndang dipaboa patar manang dia do i, nda holan didok Hagogoon sian Ginjang. Molo taingot hata partadingan ni Tuhan Jesus di evanggelium ni si Johannes, botoon ma na nidokNa i, ima Pangondian sisuruon sian Ama i, ima Tondi Porbadia. Jala di buku paduahon naginurithon si Lukas ima Ulaon Apostel, tangkas do didok ia hagogoon na songgop tu angka sisean i ma Tondi Porbadia (ida 1 : 8).

Dipopai Tuhan Jesus do sisean i, andorang so songgop dope hagogoon i asa mian nasida di Jerusalem paimahonsa. Sada disiplin na arga do i. Asa unang jobo-jobo angka na naeng manghatindanghon. Paima jo jala diperlengkapi Debata jo. Dung pe disuru asa borhat, “unang pajolojolohon songon monis manang songon sobuon”. Selama tingki paimahon patingkos parsaoran dohot Tuhan i songon angka sisean i manontong martangiang, saparsaoran saleleng so ro dope tondi hagogoon i tu nasida. Panjaloon di hasasaor ni Tondi Porbadia sadalan do i tu panjaloon di sada tugas na balga ima mamaritahon barita nauli. Ganup na manjalo Tondi Porbadia ndang boi sirang ngolu ni i tu ngolu pamaritahonon di barita nauli i.

5. Ayat 50 – 53 : “Manaek huhut mamasumasu”

Ditongihon angka sisean i tungkan Betania. Di Ulaon Apostel 1 : 12a didok, “Dung i mulak ma nasida tu huta Jerusalem sian dolok na margoar dolok Jetun”. Molo taparrohahon ayat 50 dohot Ulaon Apostel i, hira na maralo hatorangan i hape sada do panuratna ima si Lukas, sahalak na bisuk jala dokter/tabib. Ndang na maralo hatoranganna i, sian Betania laho tu Jerusalem memang boluson do Jetun. Di inganan i dipaherbang ma tanganNa mamasumasu (Yun = euloghsen) nasida. Ia ulaon ni Kristus, pola disuru Ibana tu portibion laho “mamasumasu hamu” (ida/bnd. Ulaon 3:26). Mamasumasu jolma do impola haroroni Kristus i. Pasupasu (Yun = eulogia), ima : a) sibasabasa na mambahen denggan marhasil naniula (bnd. 5 Musa 28:12), b) kehadiran Tuhan bersama kita (bnd. 1 Musa 26:3), c) silehonlehon ni Tuhan i berupa kekuatan, kuasa dohot pangurupion (bnd. Ef 3:16; Kol 1:11), d) ulaon ni Tuhan dibagasan jala marhite hita laho patupahon angka na denggan (bnd. Fil 2:13). Jadi pasupasu ndada holan berupa material alai boi do i keadaan manang suasana ima keadaan na denggan.

Jadi dina mamasumasu i, sirang Ibana tarhindat tu ginjang. Molo taterjemahon “tarhindat” (Yun = anephereto) patuduhon adong sada huaso na so binoto ni panurat (dalam hal on si Lukas) haroroanna mamboan tu ginjang (sorga, di hata Yun = “uranon”; boi do diterjemahon ombun manang langit). Pandohan “tu ginjang”, unang gabe laho rohanta tu konsep “dunia” ni zaman tradisional na mandok, di toru ni portibion ima inganan hamatean, jala di ginjang ia sorga. John Calvin mandok, “apabila kita berbicara tentang sorga sebaiknyalah kita lebih mengingat kepada suatu keadaan daripada kepada salah satu tempat secara geografis. Satu hal menarik, ndang dipatorang si Lukas diturpuk on, dipaturun Tuhan Jesus tanganNa. Na torus do herbang tanganNa mamasumsu ? Na pasti Hata ni Tuhan Jesus mandok “sai na dongananku do hamu ganup ari, rasirasa ro ajal ni hasiangan on!” (Matius 28:20).

6. Haheheon ni Jesus Kristus dohot HananaekNa tu Banuaginjang do sada hal na mempengaruhi godang pingkiran ni jolma sian na jolo sahat tu nuaeng on. Ia olat ni hamateanNa do niantusan, tung hira sarupa do sude tu jolma biasa dohot penderitaan ni angka tokoh-tokoh na terkenal na memperjuangkan hak asasi jolma na metmet. Penyiksaan, vonnis “tidak adil” sahat tu eksekusi tanpa pembelaan somal do tu angka tokoh-tokoh i. Isarani Marthin Luther. Alai salah satu hal na membedahon Jesus Kristus sian angka pejuang hak asasi i, ima haheheonNa sian hamatean dohot hananaekNa tu banuaginjang.

7. Jamita on manogihon hita do tu panogunoguon ni Tuhan Jesus di tanggungjawab hakristenon. Marhite i lam tangkas ma botoon ia haheheon dohot hananaek ni Tuhan Jesus i ima patuduhon hamonanganNa maralohon sumbia ni hamatean i. Hamonangan ni Jesus i do hamonangan ni angka na porsea. Jala holan dibagasan panjaloonta di Tondi Porbadia do boi tangkas botoonta jala tandaonta hamonangan ni Jesus i gabe hamonanganta. Halak naung manjalo Tondi Porbadia i do na gabe sitindangi ni Kristus. Na tarjou do hita gabe sitindangiNa, ai nunga tajalo Tondi Porbadia i mulai sian tardidi hita, songon nanidok ni Johannes Pandidi, : “Ia ahu, aek do hudidihon tu hamu mandokkon paubahon roha; alai andul gumogo do na ro sian pudingku, gari mamboan sipatuna hurang tama dope ahu. Didihonon ni I do tu hamu Tondi Parbadia dohot api! “ (Mat 3 : 11, bnd Ulaon 1 : 5). Ala naung di hita do Tondi Porbadia gabe tarjou do sude angka naung tardidi gabe sitindangi ni Kristus di portibi on. Godang do cara dohot rumang na boi ulahononta laho marbarita nauli, isarani : “borhat secara phisik” tu inganan penginjilan manang boi do marhite na manangianghon huhut manumpahi ulaon penginjilan, manang pe i muse marhite pangulahonon dohot parange di ngolu si ganup ari. A m e n.

Jamita Minggu E x a u d i
Tgl. 16 Mei 2010
Nats : Panguhum 10 : 10 - 16
Pdt. EJp. Simanullang, S.Th
Parhobas di Kantor Pusat

O Debata, Tangihon ma Angguk anggukhon !

I. Patujolo

Buku panguhum on patoranghon songon dia do dosa ni Israel na mamboan nasida tu uhuman jala hamubaon ni roha mamboan nasida tu hasesaan ni dosa dohot haluaon. Angka panguhum i molo dipapungu ima 410 taon alai na mungkin holan 150 taon do (1200-1250 sM). Di partingkian on, nunga mangerbang peradaban ni angka bangso na humaliang Israel na boi patupahon angka alatalat sinjata laho marporang sian bahan bosi. Hinorhon ni ima, lam trop angka gerombolan pangarampok jala mangerbang nang usaha parmusuon na saling naeng pataluhon bangso di na humaliang Timur Tengah termasuk ma tu tano Kanaan. Harajaon Mesir na gogo situtu, nunga lam sumurut, na gabe patubuhon hagiot ni angka bangso na asing laho patundukkhon bangso na humaliangna. Pangalaho na songon ima diadopi Israel, dung matua si Josua, jala ndang adong dope partogi manang raja nasida. (17:6;18:1). Partingkian penyesuaian na humaliang jala perjuangan mempertahankan identitas baru songon sada komunitas naimbaru dope Israel di inganan i. Hombar tu kondisi onma, jotjot terela bangso Israel marsomba tu debata ganaganaan ni bangso na humaliang nasida, alai laos mangihut muse pangalaho na marhatobanhon Israel. Mangadopi na masa i, gabe tarjolma ma nasida, jala tumatangis mangangguhi maradophon Jahowa. Dipillit jala dipahehe Jahowa ma di nasida na gabe panguhum laho paluahon nasida sian parhatobanon i. Dibagasan turpuk jamita sadari on, dipatorang do parbalian ni Israel manomba pangupa/debata sileban, mara nasida dohot panolsolionna tu Jahowa.

II. Hatorangan

Ayat 10 : Mangangguhi bangso Israel tu Debata:

Debata patandahon diriNa, na margogo jala marhuaso di sejarah ni ngolu jolma, secara khusus bangso ni Debata ima bangso Israel. Asa Debata tangkas diboto nasida, Debata ndang holan mamarenta alai olo do mangalehon pangurupion sian banua ginjang. Diurupi Ibana do bangso Isarel dibagasan ngolu nasida. Marsaor, jala rap do Debata dohot bangso i, hape sai olo dope nasida manadinghon Debata na paluahon dohot pangoluhon nasida. Onma dosa na dianggukhon nasida tu Debata. Ndang sae holan pangukohononhon marhite hata ni anggukangguk dohot upacara seremonial. Alai ingkon tangkas do nasida mangakuhon dosa nasida secara jujur marhite anggukangguk sian roha na ias jala tangkas manghilalahon dosa na borat i tu Jahowa. Pola di dok di turpuk on, manganguhi halak Israel mangakuhon dosana dompak Jahowa. Ai ditadinghon nasida do Jahowa jala marsomba nasida tu debata baal. Laos on ma na sai dihasogohon Debata dompak bangso i. Ndang olo Debata diparmeammeam bangso Israel.

Ayat 11-14 : Debata paingothon bangso Israel.

Tangkas do dipaingothon Debata pambahenanNa tu bangso i, na paluahon nasida sian tangan ni halak Misir, Amori, Amon, Palistim, Sidon, Amalek dohot Maon. Di pangalaho i, tangkas do asi ni roha ni Jahowa di nasida. Mangangguhi do nasida mangido pangurupion ni Jahowa, ditangihon jala dioloi Debata do nasida marhite pangurupion ni Debata, paluahon nasida sian angka tangan ni bangso. Alai nuaeng, mangangguhi muse nasida mangido pangurupion sian Jahowa. Naeng dohononna disi: ndang diboto Israel magona. Ndang layak/suman be nasida mengido pangurupion tu Jahowa. Jolma hagigian ni Jahowa do nasida. Diurupi jala dipalua Jahowa nasida sian tangan ni pangarupa, hape dungkon ni i marsomba ma muse nasida tu debata ni bangso pangarupa i, ima debata baal, Astarot, debata ni Ram, debata ni Sidon, debata ni Moab, Amon dohot debata ni halak Palistim. Jahowa patundukhon bangso pangarupa i, asa malua nasida sian i, hape marsomba muse nasida tu debata pangarupa i.

Molo songon on do pangalaho ni bangso Israel maradophon Jahowa, boha nama Jahowa di mata nasida, dohot di mata ni angka bangso pangarupa i ? Hape manggangguhi muse nasida, mangido pangurupion tu Jahowa songon pangangguhi nasida najolo i, mangido pangurupion tu Jahowa. Toho do, na sian ias ni roha nasida do mangangguhi i, manang holan sipaula nasida disi.? Di ayat 12 on, Debata manungguli roha nasida, asa ias rohana jala mangakuhon dosa nasida tu Jahowa marhite na paingothon sejarah ni parngoluon Israel. Alai atik pe ias roha nasida mangakuhon dosa nasida tu Jahowa, ndang olo be Jahowa paluahon nasida (13b). Pernyataan sikap ni Jahowa maradophon Israel, patuduhon paboa ndang adong toleransi ni Jahowa maradophon pangalaho na songon i. Ndang adong be alasan ni Jahowa mangoloi pangidoan ni Israel. Baliksa tahe, disuru Jahowa nasida mangangguhi tu debata sileban na sinomba nasida. Debata sileban i ma nian paluahon nasida, ala tusi do nasida marsomba. Jahowa tangkas paingothon nasida paboa, ndang debata na mangolu debata sileban i, na boi paluahon jolma marsomba tu ibana. Ndang adong gunana/marisuang nasida molo marsomba tu debata sileban i.

Ayat 15-16 : Pengakuan na jujur sian Israel tu Jahowa: “Nunga mardosa hami”

Dipanghilalahon Israel do, paboa sintong jala tigor do alus ni Jahowa tu nasida. Nasida do na so umboto magona. Ndang ala ni hahurangan nasida maradophon debata sileban umbahen na gabe diparsipal jala dirupa bangso Palistim dohot Moab nasida. Alai ala ditadinghon nasida do Jahowa gabe marsomba tu debata sileban. Alani diihuthon nasida hagiot ni daging dohot mamereng kepentingan sesaat do manghorhon/parohon uhum ni Jahowa tu nasida. Dosa i do na parohon uhum ni Jahowa. Alani i, ingkon rade ma nasida di uhum Jahowa hombar tu lomo ni rohaNa. Ima alus ni Jahowa. Dipatuduhon nasida disi, hahiason ni roha/pertobatan dohot haunduhonna tu Jahowa. Dihilala jala dihaporseai nasida do, paboa uhum ni Jahowa ndang gabe pamatehon nasida, alai paluahon dohot pangoluhon do. Ido umbahen didok nasida “nunga mardosa hami”, Ho ma mambahen tu hami hombar tu sandok lomo ni rohaM, asal ma dipalua Ho hami sadari on”.

Dipataridahon do paboa naung mulak nasida tu Jahowa marhitehite padaohon debata sileban sian tongatonga nasida. Sikap Israel na tangkas pataridahon panolsolion di pangalaho ni dosa i, mangangguhi nasida tu Jahowa, rade nasida diuhum Jahowa siala dosa nasida i; dipadao nasida debata sileban i sian tongatonga nasida, sian ngoluna jala mulak marsomba holan tu Jahowa, parohon emphaty ni Jahowa di nasida na mardangol i (ayat 16b). Dijalo Jahowa do pangidoan ni Israel, jala parsidohot (emphaty) Jahowa di pardangolan ni Israel, bangsoNa i. On ma patuduhon na umbalga do holong ni roha dohot asi ni roha ni Jahowa sian angka rimasNa.

III. Panimpuli

Minggunta sadarion digoari do Exaudi, lapatanna: Sai Tangihon ma, molo Joujou au tu Ho(Psalmen 27:7). Ingkon tu Debata do hita joujou mangaluhon angka saluhut parsorionta. Ndang adong na boi paombun rimas ni Debata, so holan asi ni rohaNa. Bangso Israel mananda Debata parrimas jala parasiroha sian pengalaman nasida di sejarah na rap nasida. Paubahon roha sian nasa roha dohot pangalaho manundalhon debata sileban jala mulak holan mangoloi dohot marsomba tu Debata. Parohon asi ni roha ni Debata manesa dosa, mangalehon haluaon dohot hangoluan.

Di partingkian si nuaeng on, adong do sumanna parngoluanta dohot parngoluaon ni bangso Israel di turpuk on. Parsaoran di tongatonga ni huria, gumodangan do holan manarihon dirina so padohot manarihon angka na pogos di Huria i. Nunga lam moru panghaholongionta tu angka dongan na sahuria tarlumobi tu angka na pogos. Tadok hita angka na saroha, hape pulikpulik do angka pingkiranta na laho manghaholongi angka donganta. Tarsosak do hita laho pajongjonghon hadameon, hatigoran dohot hasintongan di tongatonga dongan jolma, isarana: lam maol taruli hita di kesetaraan dohot jolma naso saugamo dohot halak kristen. Sai gumogo do pangantusion mayoritas sian hatigoran dohot hasintongan ni uhum. Uhum pe selalu berpihak tu angka na mora dohot na gogo, manang holan pasonangkon na gogo sambing do. Marhite na mamparungkilhon pangalaho na songon on, denggan ma hita paubahon rohanta di panghaporseaonta di Jesus Kristus.

Jolma na namanda hahurangan jala mulak tu Jahowa dohot roha na mangopu dibagasan roha na ias, mampasiding mangoloi hagiot ni dagingna dohot pangela ni hajahaton, sai marpamuati roha ni Jahowa dompak ibana. Rade do Jahowa parsidohot manghilalahon parsorionta. Jala monang ma hita dibagasan haluaon dohot hangoluan sian Debata na pinatupaNa dibagasan Jesus Kristus. Mangangguhi ma hita tu Jahowa mangido hasesaan ni angka dosanta, taparade ma rohanta manjalo uhum/konsekwensi ni Jahowa ala ni angka dosanta na tabahen i. Taingot ma, ai na paluahon dohot pangoluhon do uhum ni Jahowa. Tatadinghon ma sude hagiot ni dagingta dohot elaela ni sibolis di portibi on asa sai dihaholongi jala diasii Jahowa hita tongtong dibagasan ngolunta na jempek on. Amen.

Jamita Minggu Pentakosta 1
Tgl. 23 Mei 2010
Nats : J o e l 2 : 28 - 32
Pdt. Eben Hutasoit, S.Th
Pdt. Res. Panei Tongah

Saor Tu Tondi Porbadia i.

Tondi ni Debata ima sada hagogoanNa na so boi sirangon sian hadirionNa sandiri. Na mangula do Debata Jahowa marhitehite TondiNa na badia i. Sada persoalan teologis do taringot tu hasasaor ni Tondi i tu ganup jolma. Adong angka pandohan na mandok: tu jolma na sisongon dia do saor Tondi ni Debata. Deba sian angka na malo mandok: ia Tondi ni Debata saor holan tu angka jolma na mian di bagasan Debata. Alai laos adong do muse pandohan na mandok: ia Tondi ni Debata saor do tu saluhut jolma, ndada holan tu angka na porsea alai laos dohot do tu angka na so porsea tu Debata. Andorang so tapamanat taringot tu sungkunsungkun i, naeng nian porlu botoonta: Ia Tondi ni Debata ima Debata sandiri, marhite Tondi I do Ibana mangula jala laos Tondi I do pribadi ni Debata. Antong ingkon dohononta ma; guru jala huaso ni Debata sandiri do laho mangaturhon jala marsangkap hasasaorNa tu saluhut jolma. Saor pe Ibana tu angka na so porsea bahkan tu angka na mangalo lomo ni rohaNa asa nian gabe muba jala porsea jolma i. Ndang be lalap di hagolapon alai iringon jala parmuduon ni Debata ma antong jolma i asa bongot tu hatiuron na manontong. Molo saor pe Tondi i tu angka na porsea, dohononta ma; Tondi I do namargogoihon halak na porsea laho mangulahon anka na bonar jala na denggan tudos tu lomo ni roha ni Debata. Tuhan bebas berkarya kepada setiap orang melelui RohNya, dengan RohNya yang Kudus dia akan menerangi orang untuk melihat, mengenal dan masuk ke dalam keselamatan. Dan bukan hanya itu saja, dengan RohNya juga orang yang percaya dimampukan untuk melakukan yang benar/menghidupi keselamatan yang telah diterimanya. Antong ampit ma dohononta: Ia Debata ndada holan paluahon hita sian hagolapon alai laos dipargogoi do hita mangula di hatiuron.

II. Bangso Israel ima bangso hasudungan ni Debata, dihaholongi Debata do bangso i atik pe jotjot nasida mandao sian Debata. Nasa pambahenan ni bangso i ndang dibalos Debata asa unang mate nasida. Alai sai dipaingot, dipinsang do bangso i asa tung marhamubaon, maninggalhon angka hajahaton jala ro mandapaothon Debata. Ingkon uhumon ni Debata ma antong bangso Israel binahen ni hajahatonnasida. Ndang apala hantus dipatorang di turpuk on angka dosa jala pangalaho dia na diulahon nasida na so tudos tu lomo ni roha ni Debata. Ingkon gok ma iluilu di tonga ni bangso, angka malim pe di bagas joro mangandungi (1:8), ndang adong be na boi gotilon nasida sian angka poarbue na diladang. Angka boni pe gabe busuk, angka pinahan maheu nang angka jampalan pe mosok disoksok api sipangararati (1:16-18). On ma na masa ditongatonga ni bangso i. Molo songoni na ma hape; aha ma na boi panganon ni bangso i? Tu ise na ma bangso i mangalualu?

III. Debata parholong roha do ianggo Jahowa, ndang diparetonghon ulaon ni bangso i gabe pahothon murukNa tu nasida. Bangso Israel naung manirpang sian dalan Debata dihaholongi Debata sandiri. Ndang manontong be antong bangso i di sitaonon alani angka uhum na masa tu nasida. Di balik di angka uhum i, dipapatar Debata do holongNa marhite parohon sada partingkian na imbaru (zaman yang baru). Hinorhon i nian ingkon porsea do hita; ia uhum ni Debata ndada asa mago jolma alai asa nian marhamubaon bangso i. Di bagasan uhum ni Debata tarida sada pangajarion ni Debata dalan paingothon asa dihaporseai bangso i, ia uhuman ni Jahowa ima uhuman na nionjar marhite holong ni rohaNa. Di ari na imbaru i ma bahen ni Debata angka halongan di bangso i. Usehonon ni Deata ma TondiNa tu bangso i, mulai sian angka ianakhon, boru nasida dohot angka sintua (ayat 1). Hata diusehon (dicurahkan) patuduhon haburjuon jala na so marpangontik Debata dihaluaon nanaeng pamasaonNa di bangso i. Songon udan na matompas sian langit do haroroni Tondi tu bangso i, ndang adong na boi mangambati haroro ni Tondi i. Tondi (ruakh) gabe hagogoonma i di jolma, ai ndang tolap ianggo holan danging (nyawa) mangolu ianggo so adong tondi. Tondi ni Debata do na mangalehon hangoluan na imbaru tu bangso i. Nasa hisaphisap ni daging i gabe dipamate marhite Tondi i. Sada hataridaan do i, ia hajahaton dohot angka hagogon na di portibi on tung so margogo do molo maradophon hagogoon ni Jahowa.

Pangusehonon ni Jahowa ma TondiNa tu nasa sibuk (semua manusia), ima saluhut bangso Israel. Sada hal na imbaru do on antong di nasida, ai pangantusiaon nasida holan tu angka jolma na tertentu do biasana diusehon Debata TondiNa (bnd. 1Sam.10:6, 10; Yes.11:2). Luhutna i, patuduhon denggan basa ni Jahowa do di tongatonga ni bangso i. Asa gok jala suksuk ma pasupasu ni Debata jala ndang alang hinaburju ni Debata tu bangso i. Marhite Tondi I do dipasupasu Debata sude jolma di portibion. Ndada holan manaon diangka uhuman/sitaonon alai laos margogoihon hinauli ni sangkap ni Debata tu ari nanaeng ro gabe tarbahen jolma i manghirim di bagasan haporseaon.

IV. Hasasaor ni Tondi ni Debata tu bangso i di ari ni Tuhan I gabe manurirangi (bernubuat) angka ianakhonnasida, marnipi (mendapat mimpi) angka sintua jala maralatan (mendapat penglihtan) angka dolidoli. Patudohon asa nian marhangoluhon na imbaru bangso i diari ni Tuhan i. Sude bangso Israel ingkon ma marpangalaho songon panurirang na patuduhon pangalahonasida tudos tu lomo ni roha ni Debata. Molo sude hape nasida ingkon gabe panurirang berarti panghuling jala pangalaho nasida ingkon do manghatahon hata ni Debata. Bahkan dohot do tu angka naposo (hatoban/hamba) ni bangso i usehonon ni Debata TondiNa. Hape ianggo di halak Israel molo hatoban/budak ima golongan na so diparetongkon do on. Alai boasa dohot tu nasida diusehon Debata TondiNa. Sada bukti do i, ia Tondi ni Debata padomuhon nasa parsaoran marhitehite na mambolongkon nasa angka golatgolat na mangorui angka hinauli ni parsaoran (Roh Tuhan akan mendobrak segala perbedaan dalam masyarakat dan sekaligus menciptakan persekutuan yang baru di dalam Tuhan).

Andorang so jumpa tingki ni ari ni Tuhan i, masa do angka halongangan ima tanda ni angka langit dohot tano on. Debata do na manompa jala namangaturhon parpeak ni portibion dohot isina. Saguru tu hataNa do saluhutna gabe masa, jala holan Ibana sambing do na tuk pamasahon angka tanda halongangan na so tupa diulahon angka hagoon ni debata na adong di portibi on. Huaso ni Tondi ni Debata do on pola masa angka halongangan i. Jumpa ma mudar dohot api dohot timus na marsijongjong. Muba mata ni ari gabe haholomon, jala bulan gabe mudar (ayat 3-4), sude i masa andorang so ro ari ni Tuhan i. Saluhutna angka na masa i gombaran do i diangka na masa diportibion, ingkon masa angka parporangan na bolon gabe manghorhon hatahuton diangka joma. Alai nasa jolma na porsea tu Jahowa, na manjou goarNa di Sion dohot di Jerusalem ingkon malua do ibana sian nasa parmaraan i.

V. Hasasaor ni Tondi ni Debata tu hita margogoihon hita laho manatap hinauli dohot ragam ni angka ulaon ni Debata di ngolunta on. Ndang mabiar be hita antong laho mandalani ngoluon manang songon dia pe na masa molo nunga mian hita di Tondi ni Debata jala Tondi ni Debata di bagasan hita. Ai ndada holan sangkap ni Debata dilehon tu hita, alai laos dohot do nang pasupasuNa marhite TondiNa (The will of God will never lead you where the grace of God cannot keep you: kehendak Allah tidak pernah menuntunmu dimana anugerahNya tidak dapat memeliharamu. Artinya, Allah akan selalu memberi rancangan, kehendak bagi kita tetapi Dia juga sekaligus memberi anugerahNya kepada kita untuk hidup dalam rencanaNya itu).

VI. Marhite Tondi i gabe songon angka pangalaho ni panurirang ma hita namanuarahon jala manghangoluhon hata ni Debata. Tondi ni Debata mangonjar rohanta laho paturehon jala paulihon angka ulaon na denggan. Unang be antong lalap hita di hisaphisap ni portibion alai taparangehon ma hata ni Debata paboa naung malua hita sian nasa ragam ni parmaraan dohot huaso ni dosa. Ari Pentakosta ima ari hasasaor ni Tondi ni Debata tu hita, tu huriaNa asa unang mabiar be hita laho manghatindanghon barita taringot tu Kristus Tuhanta i. I do tona ni Tuhanta Jesus tu angka siseanNa i; atik pe lao Jesus sian tongatonga nasida, ndang be rap nasida tu dolok tu toruan alai na tongoson ni Tuhanta Jesus do TondiNa laho margogoihon angka naposoNa i laho pararathon barita na uli. Laos ampit do i diulaon ni hurianta di taonon, ima taon Marturia. Asa unang mabiar hita manghatindanghon hata ni Debata marhite parbaritaaon dohot parange na tama. Gabe pasupasu ma hita tu angka humaliangta, unang be adong perbedaan (status/jabatan) na manggotap parsaoranta dohot angka dongan. Antong mangolu ma hita di bagasan Tondi i, ai ragam na boi berengon, jala daionta molo mian hita di bagasan Tondi i. Antong nunga saor Tondi ni Debata tu hita, ingkon saor ma hita tu Ibana jala laos ingkon tapasaorhon ma Tondi i tu ganup rumatangganta nang humaliangta marhitehite pangulahon holong na sian Tuhanta i. Amen!!!

Jamita Pentakosta 2
Senin, Tgl. 24 Mei 2010
Nats : Kisah Para Rasul 2 : 1 - 13
Pdt. Happy Pakpahan
Parhobas di Kantor Pusat

Roh Kudus Yang Mempersatukan

I. PENDAHULUAN

Hari ini kita, umat kristiani, memperingati hari Pentakosta, yaitu hari turunnya Roh Kudus. Dalam kalender gerejawi, hari Pentakosta dihitung 10 hari sesudah hari kenaikan Tuhan Yesus ke Surga. Sedangkan hari kenaikan Tuhan Yesus ke Surga dihitung 40 hari sesudah kebangkitan Tuhan Yesus, Paskah. Jadi, hari Pentakosta adalah 50 hari sesudah Paskah. Sesuai dengan arti kata Pentakosta, yaitu “yang kelima puluh”. Nah, di Minggu ini baik rasanya jika kita kembali menggali makna Pentakosta sehingga kita semakin merasakan arti kehadiran Roh Kudus di tengah aktifitas, pergumulan, pengambilan keputusan dan aspek lain dalam kehidupan pribadi, keluarga, pekerjaan dan lingkungan lain dimana kita berada.

II. PEMBAHASAN NATS

Pada saat itu murid-murid sedang berkumpul di suatu tempat yang tidak diterangkan dengan pasti. Mungkin ruang atas yang ada dalam Kis 1:3 dan mungkin juga suatu tempat dalam Bait Allah (bdk. Luk 24:53). Pada saat itu terjadilah hal-hal sebagai berikut:

1. Tiupan Angin dan Lidah Api. Kitab Suci memang sering menggambarkan Roh Kudus sebagai angin (Yoh 3:8 Yeh 37:9,10,14 Yoh 20:22). Kata bahasa Yunani “pneuma” memang bisa diartikan sebagai ‘roh’, ‘angin’ atau ‘nafas’ (Ibrani : ruach). Karena itulah maka sebelum Roh Kudus turun maka Ia didahului oleh suatu bunyi seperti tiupan angin keras. Kemudian diayat 3 tampaklah lidah-lidah seperti nyala api yang bertebaran dan hinggap pada mereka masing-masing. Roh Kudus juga sering digambarkan sebagai api dengan makna menyucikan / menguduskan manusia.

2. Turunnya Roh Kudus dan Memenuhi Orang Percaya (ay 4). Terjemahan ay. 4a dalam bahasa Indonesia jika dibandingkan ke NIV: ‘All of them were filled with the Holy Spirit’, seharusnya ada kata ‘semua’. (= Mereka semua dipenuhi dengan Roh Kudus). Jadi, bukan hanya rasul-rasul saja yang menerima /dipenuhi dengan Roh Kudus, tetapi semua orang percaya yg hadir pada saat itu. Pemberian Roh Kudus ini adalah penggenapan janji Tuhan dalam Yoh 14:16,17,26 Yoh 15:26,27 Yoh 16:7-11,13,14 Mat 3:11 Kis 1:4,5,8.

3. Ayat kelima dikatakan saat itu orang – orang Yahudi yang saleh yang tinggal di Yerusalem yang berasal dari berbagai macam daerah di dunia terkesima dan terkejut akan hal yang terjadi. Mereka itu berasal dari Partia, Media, Elam, Mesopotamia, Yudea dan Kapadokia, Pontus dan Asia, Frigia dan Pamfilia, Mesir dan daerah-daerah Libia yang berdekatan dengan Kirene, Roma, Kreta dan Arab. Mengapakah mereka terkejut ? karena “mereka masing-masing mendengar rasul-rasul itu berkata-kata dalam bahasa mereka sendiri.” Orang - orang Yahudi ini dari berbagai macam daerah mengerti tentang apa yang diucapkan oleh para rasul tersebut. Sehingga mereka berkata, “Bagaimana mungkin kita masing-masing mendengar mereka berkata-kata dalam bahasa kita sendiri, yaitu bahasa yang kita pakai di negeri asal kita ?”. Sekarang perhatikanlah baik – baik : setiap orang mendengarkan mereka berbicara di dalam bahasa mereka sendiri. Rasul – rasul ini semuanya berbicara di dalam bahasa – bahasa yang lain dari bahasa yang mereka gunakan pada saat berkumpul, tetapi perlu diingat bahwa bahasa – bahasa yang diucapkan pada saat itu adalah bahasa – bahasa yang digunakan oleh manusia di bumi/di bawah kolong langit. Dan setiap orang yang berkumpul mendengarkan para rasul berbicara dengan bahasa asal mereka. Jadi, orang Partia mendengarkan semua rasul tersebut berbicara dengan bahasa Partia. Orang Media mendengarkan semua rasul tersebut berbicara dengan bahasa Media. Orang Yunani mendengarkan mereka semuanya berbicara dengan bahasa Yunani. Mereka mengerti apa yang sedang diucapkan. Dan perlu juga di perhatikan bahwa pengertian Alkitab tentang kemampuan “berbicara di dalam bahasa – bahasa” tersebut sesungguhnya adalah kemampuan yang diberikan oleh Roh Kudus Allah untuk memberitakan Injil kerajaan Allah kedalam bahasa lain yang digunakan oleh manusia di dunia. Marilah kita melihat peristiwa Pentakosta secara sungguh dan bukannya berusaha untuk meniru manifestasi yang terjadi pada hari itu.

4. Memberikan Waktu Bersaksi tentang Perbuatan Besar Allah. Setiap orang harus memberikan waktu dan tenaga bagi orang lain dan demi pewartaan kabar Injil, sebagaimana dalam peristiwa Pentakosta seperti dalam teks, banyak orang dari berbagai daerah berkumpul memberikan waktu dan tenaga untuk mendengarkan ‘perbuatan besar yang dilakukan Allah’ yang disampaikan oleh para rasul. Kita relevansikan, kita yang percaya kepada Tuhan Yesus tentu mengimani bahwa kita juga telah menerima anugerah Roh Kudus, Roh Penghibur dan Roh Kebenaran. Untuk itu kita juga dipanggil untuk memberikan waktu dan bersaksi mewartakan ‘perbuatan besar yang dilakukan Allah’. Mari kita renungkan berapa banyak waktu yang 24 jam sehari kita pakai untuk membicarakan firman Tuhan kepada keluarga atau orang-orang di tengah-tengah kita. Atas justru kita lebih banyak menghabiskan waktu untuk hal yg tidak benar, atau membicarakan kebohongan-kebohongan dan hal negatif lainnya? Marilah kita menjadi saksi Kristus dan memberikan waktu dan tenaga serta kesaksian hidup yang saling mengasihi, dengan saling membagikan pengalaman atau sharing perihal ‘perbuatan besar yang dilakukan Allah’, entah yang terjadi dalam diri kita maupun di dalam lingkungan hidup dan kerja kita setiap hari sehingga kita akan saling terhibur, saling menguatkan dan bersama-sama menemukan kebenaran-kebenaran. Dalam saling berbagi perbuatan besar Allah dalam kehidupan, kita dapat saling belajar dan mengajar. Berbagai kesalah-pahaman dapat diatasi dengan cuthat atau bercakap-cakap bersama didalam terang kuasa Roh Kudus.

5. Berdasarkan teks, pada hari Pentakosta yang istimewa tersebut, semua rasul itu memang secara tiba – tiba berbicara di dalam banyak bahasa – bahasa. Bahasa – bahasa tersebut bukanlah bahasa – bahasa yang tidak dimengerti oleh manusia melainkan bahasa – bahasa tersebut adalah bahasa – bahasa yang dapat dimengerti oleh manusia. Bahasa - bahasa yang diucapkan pada saat itu tidak membutuhkan seorang ahli bahasa untuk mengartikannya kepada orang lain, karena jelas diterangkan semua orang yg ada disitu mengerti apa yang terucap. Marilah kita sekarang mempelajarinya secara baik – baik. Penekanan dari Pentakosta. Banyak orang yang kalau membahas Pentakosta selalu menekankan bahasa roh. Dan anehnya bahasa roh yg di pahami sebagian rekan kita adalah bahasa yang tidak dimengerti (bahkan ybs banyak yg tidak mengerti). Padahal sebetulnya yang paling ditekankan dalam Pentakosta adalah Pekabaran Injil – terberitanya ‘perbuatan besar yang dilakukan Allah’ (ay.11). Bagaimana mungkin Pekabaran Injil dapat terjadi jika bahasanya tidak dimengerti oleh ybs hingga orang lain yg mendengarkannya.

Kemudian, Karunia bahasa roh adalah suatu karunia yang bersifat mujijat, sehingga tidak bisa dipelajari / dilatih. Dimanapun dalam Kitab Suci kita tidak pernah membaca orang mempelajari / melatih / mengusahakan bahasa roh. Karena itu semua bahasa roh yang dipelajari / dilatih / diusahakan adalah palsu dan berasal dari orangnya sendiri. Kalau saudara adalah orang yang mempunyai bahasa roh hasil latihan, ingatlah bahwa bisa saja saudara sedang memalsukan karunia Allah!

6. Hasil dari Peristiwa Pentakosta di Kis.2 ini adalah Allah yang telah memilih supaya mereka semua bisa mendengar Injil dan setelah itu mereka bisa kembali ke negaranya untuk menyebarkan Injil di negaranya masing-masing. Jadi semua ini jelas menunjukkan bahwa Pentakosta menekankan Pekabaran Injil. Perhatikan, pada saat itu, karena orang-orang Yahudi dari negara-negara lain itu mempunyai bahasanya masing-masing sudah tentu adanya banyak bahasa menghalangi Pekabaran Injil dan kalau Injil hanya diberitakan dalam 1 bahasa saja, maka orang akan beranggapan bahwa Injil itu memang ditujukan hanya untuk satu bangsa / bahasa saja (Yahudi). Allah tidak mau hal itu terjadi dan Ia melalui peristiwa Pentakosta dimana semua orang berbicara dan saling mengerti; maka batasan bahasa dihancurkan dan Injil bisa tersebar dan semua orang tahu bahwa Injil bukan hanya untuk satu bangsa/bahasa saja. Dengan demikian, bahasa roh di sini membuktikan panggilan Allah untuk semua bangsa-bahasa. Jika kita bandingkan, jika pada Kej 11 terjadi peristiwa menara Babel dimana Allah memberikan banyak bahasa untuk menyebarkan manusia yang tidak saling memahami karena berbeda bahasa di peristiwa Babel, maka dalam Kis 2 terjadi peristiwa Pentakosta dimana Allah memberikan banyak bahasa supaya manusia datang untuk kemudian bisa bersatu dan saling mengerti dalam Kristus. Jadi sekali lagi, semua hal-hal di atas ini jelas menunjukkan bahwa penekanan dari Pentakosta adalah Pekabaran Injil untuk semua suku bangsa. Roh Kudus itu mempersatukan.

7. Pada ayat 13 dikatakan : Tetapi orang lain menyindir: “Mereka sedang mabuk oleh anggur manis.” Dari sini bisa kita pelajari bahwa dalam Pemberitaan Injil bisa saja ada tantangan baik berupa cibiran, hingga aksi massa. Seperti reaksi negatif di ayat ay 13, orang-orang ada yang bukan sekedar menolak Injil tetapi bahkan mengejek orang yang memberitakan Injil dengan mengatakan mereka sedang mabuk.Untuk itu kita jangan menyerah dan putus asa, walaupun mendapat tantangan, Injil harus terberitakan melalui kata, doa dan perbuatan kita. Amin? Haleluya!

III. PENUTUP

Saudara terkasih, Tahun 2010 ini ditetapkan sebagai Tahun Pekabaran Injil (Marturia) di pelayanan HKI. Nats menyampaikan, Roh Kudus telah hadir bersama kita umat Allah. Roh Kudus ada untuk menjadi Roh Kebenaran, Penghiburan bagi setiap orang percaya untuk kemudian bersaksi tentang karya besar Allah ditiap medan kehidupan dan pelayanannya. Semua warga Gereja dipanggil untuk menjadi saksi Kristus, baik melalui kata, doa dan perbuatan. Kemudian, karya Roh Kudus telah meruntuhkan sekat pemisah antarbangsa dan bahasa. Ini tidak berarti perbedaan-perbedaan itu kemudian kita abaikan. Kita anggap semua sama. Tidak. Perbedaan-perbedaan yang ada tetap kita hormati, tetapi tanpa membelenggu kita dalam fanatisme sempit, sehingga kita melihat “sesama” hanya sebatas mereka yang “sama” dengan kita. Kuasa Roh Kudus justru membuat kita mampu menerima dan memperlakukan siapa saja—terlepas bangsa, bahasa dan agamanya—sebagai sesama. Semoga hari Pentakosta dapat memicu kembali semangat “kebersatuan” kita dalam hidup bermasyarakat dan bergereja secara khusus di HKI. Amin. (hp)

Jamita Minggu Trinitatis
Tgl. 30 Mei 2010
Nats : Lukas 12 : 1 - 12
Pdt. Hugo D G Nababan, S.Th
Pdt. Res. Simpang Opat

Hatindangkon Debata Sitolusada Marhite Parniulaon

1. Padao Ngolu Na Marpangansi

Adong do hata ni ende mandok: “Dunia ini panggung sandiwara ceritanya mudah berubah…setiap insan dapat satu peranan yang harus dimainkan, ada peran wajar, ada peran berpura-pura, mengapa kita bersandiwara”. Sian syair ni ende on boi antusan na jotjot marsandiwara (marpangansi) do hita di ngolunta. Jala sasintongna tung so lomo do rohanta molo marpangansi (marsandiwara) dongan tu dirinta sandiri. Boi do kecewa situtu hita molo marpangansi dongan tu hita. Ndang hea tahalomohon angka jolma na marpangansi. Maol do adopan jolma si songon i. Alai sai jumpangta do jolma na marpangansi, jala hita sandiri pe jotjot do mangulahon i. Ngolu na sipaulaula (hidup berpura-pura) sai masa do i. Pura-pura badia hape ramun, pura-pura parhaporseaon na togu hape na mura magopu. Pura-pura na pistar hape na oto, pura-pura na mora hape na pogos, sebalikna pura-pura pogos hape na mora, pura-pura dongan hape alo, dohot angka na asing dope kepurapuraan.

Tuhanta Jesus pe ndang dihalomohon na marpangansi (berpura-pura). Tajom do Tuhanta Jesus pasingothon angka siseanNa asa unang terpengaruh tu cara hidup ni halak Parise. Didok: Jaga ma hamu pasiding na niasoman na di angka Parise, ima pangansion i (ay. 1). Pangalo na marpangansi (Bhs Gorik: hipokrisi) ima permainan merangkai angka hata laho manungkun dohot mangalusi di sada permainan do di mulana. Alai ujungna gabe marpardomuan tu ulaon akting. Manang marpangansi sarupa ma lapatanna marsandiwara. Dasor ni ulaon na marpangansi manang marsandiwara ima pangalaho na so polin jala ndang sian nasa bulus ni roha.

Parugamaon ni halak Parise disibukkan angka ritual dohot mangkobasi angka hal na tetek bengek. Alai anggo impola ni haporseaon i ditadingkon. Sai marusaha do Parise asa ias jala badia dirina. Asa Kesan di loloan na torop tung uli, alai di parbagasan ndang binoto. Parugamaon si songon on tongtong do masa sahat tu tingki on. Burju do marminggu, Sholat pitu waktu, mangulahon angka patik. Badia berengon. Hape angka topeng do. Religius idaon. Hape di balik ni i, angka koruptor, penindas, penipu, Parugamaon si songon i do na di kritik Jesus. Jotjot do hakristenonta gabe holan mangurusi masalah tetek bengek. Isarana, olo do angka punguan di huria repot jala ribut bahkan sega holan mamutushon baju dinas ni punguan i. Ido hakristenon i?

Jotjot do tarimpu ndang adong na mamboto angka pangansionta. Angka hatanta nang ulaonta na tapandok manang na taulahon di nabuni. Hape, nangpe malo jolma manabunihon angka na busukna, jala samalomalona hita marpangansi, di sada tingki patar do luhutna. Ndang adong na hungkup, na so ungkap muse (ay.2). Lomoan do roha ni Jesus mida pardosa na jujur mangoku dosana sian halak na pura-pura mangulahon na denggan.

2. Umbiaran Ma Tu Tuhan Sian Tu Portibion.

Godang do ancaman dohot tantangan laho manghatindangkon Jesus Kristus Tuhanta i. Boi do agoan jabatan, arta, ulaon, bahkan sahat tu na tarbunu angka na mangatindangkon manang gabe saksi Kristus. Alani borat dohot godang ni ancaman i, sipata nangpe taboto na sintong jala ingkon hatindangkononta Tuhan, gabe taparsoada Tuhan .

Molo tapaihutihut sian mulana Pansus Angket century, mansai garang angka anggota Pansus i manungkun/ menyelidiki angka pejabat na berhubungan dohot kasus bank Centuryi. Alai ndung ro gertakan reshuffle dohot lan na asing gertakan, mombut do deba peserta i, tarida do sian keputusan akhir ni fraksi-fraksi di Pansus i. Mabiar do deba idaon angka fraksi-fraksi agoan jabatan di pemerintahan. Ndang marsihohot dihadirionna idaon ala ni ragam ni ancaman dohot tantangan na diadopi Pansus i. Laos songoni do nang di parngoluon hakristen on, godang do nuaeng halak Kristen na manadingkon dohot mansoadahon bahkan manggadis Tuhanna. Isarana ala ni hubungan “holong”, mabiar agoan na hinaholonganna i manang ndang gabe milikna, gabe digadis ma Tuhanna alias murtad tu ugamo na asing. Godang do muse do halak Kristen na Murtad alani mangalului karejo dohot kedudukan. Torop do halak Kristen na so barani manghatindangkon Jesus Tuhanta ala mabiar margeser posisi jabatan strategis, manang ala mabiar dihasogohon halak, dohot angka lan na asing dope.

Diajak Tuhanta Jesus do asa unang mabiar hita mangatindangkon Ibana na sintong i. Ai surat ni Kristus do hamu, ninna si Paulus. Lapatanna ingkon patuduhononta do hita paboa si ihuthon Kristus. Ingkon Barani do hita mangatindangkon Jesus Krsistus si palua i di ngolunta on, nangpe borat resikona. Habiari hamu ma Ibana, na marhuaso mabunu huhut mandabuhon tu api na roko, Ibana ma habiari hamu (ay.5). Molo margogope portibion mangago hita, alai holan mangago di pardagingon do i. Anggo Tondinta di Debata do. Jala tu hangoluan salelenglelengna do hita molo satia manghatindanghon Jesus si Palua i. Tutu, marragam ancaman tangtangan dohot rintangan molo naeng sitindangi Kristus, manang molo naeng tigor ngolunta. Alai di lehon Tuhan do bagabagana tu hita, disarihon Tuhan i do hita di ragam ni hamaolon na taadopi. Gari amporik na so mararga i ndang hea lupa sian adopan ni Debata (ay.6). Hape, ummangat do hita sian amporik i. Asa ndang hea lupa Debata manarihon hita di angka hamaolon na taadopi.
Manang ise na mangatindangkon Jesus i laos ido hatindangkononNa di adopan ni ni Debata. Alani tarjou do hita gabe halak Kristen tulen na tongtong gabe sitindangi Kristus nangpe ragam hamaolon taadopi.

3. Dosa Na So tarsesa: Mangaleai Tondi Parbadia

Pandohan ni Tuhanta Jesus taringot tu dosa na so tarsesa on dihatahon berhubungan do tu tingki na dipatupa Jesus ulaon hahomion marhite hagogoon ni Tondi ni Debata, ima pabali sibolis. Marhite pangarupion ni Tondi Parbadia do Jesus patupahon tanda halongangan i, hape halak Parise mandok hagogoon ni si Beelzebul do dipangke Jesus pabali sibolis i. Diida halak Parise do nian na marhite huaso Tondi ni Debata do Jesus patupahon hahomion i, alai pangurupion ni sibolis do didok. Ido na ginoaran na mangaleai Tondi parbadia. Tondi ni Debata do hape didok sibolis.

Molo porsea hita di Tuhanta Jesus Kristus, jala dapot hita haluoan, ala ulaon ni Tondi Porbadia do na mamuhai rohanta. Alani molo taalo manang taleai Tondi Parbadia, marlapatan ndang olo hita muba (bertobat). Gabe tatulak haluaon i, ai ingkon na tarjalo hita Tondi i asa dapot hita haluaon. Ido umbahen na didok dosa na so tarsesa. Manang dohot hatorangan na asing, Mangaleai Tondi Parbadia ima angka naung mananda Kristus dohot haluaon, alai paleahon Tondi Parbadia , ido dosa na so tarsesa. Boasa ndang tarsesa? Tontu molo halak na manulak Tondi Parbadia pasti do ndang mungkin olo martobat. Ai ndang mangula be angka na denggan di dirina. Alani ndang na Debata na so olo manesa, alai dirina do na sai manulak.

4. Urupan ni Tondi Parbadia do Hita di Angka Ragam ni Hamaolon i

Manontong do Tondi Parbadia mangurupi hita ganup tingki. Tondi Parbadia satia mambela nasa parsoalan ni ngolunta. Tingki ro hasusaan, hamaolon, unang tahutan hita, urupan ni Tondi parbadia do hita. Ragam do dalan ni Debata laho mangurupi hita, jala margogo situtu do Debata pamonang hita sian ragam ni hamaolon i. Sipata nunga taetong buntu jalan keluar ala ni maol ni parsoalan na taadopi. Hape na so panagaman sai dilehon Tuhan ido bisuk di hita laho mangalusi angka na maol I (ay. 12).

5. Trinitatis

Sadarion masuk ma hita tu minggu Trinitatis, minggu hasitolusadaon ni Debata. Sada do Debatanta alai tolu hataridaanNa. Na somal taboto Debata si tolu sada ima: Debata Ama, ima panompa nasa na adong di portibion. Debata Anak, ima Jesus Kristus Sipalua angka pardosa. Dohot Debata Tondi Parbadia, ima na mangajari, margogoihon angka na porsea. Asa sada do Tuhanta, alai tolu hataridaanna manang fungsiNa.

Di Minggu Trinitatis on dipaingot do hita asa tahatindangkon Tuhanta i, ima Debata si Tolu Sada i, marhite angka parange na tama jala marhaporseaon na togu di adopan ni Debata. Tangkas do taboto sian turpuk on, ulaon ni Debata sitolu sada i. Nunga mardosa hita tu Debata ama na sailaon, gabe ditongos ma AnakNa na sasada i, ima Jesus i laho paluahon hita sian pardoasaonta. Laos diajarajari huhut dipargogi Tondi Parbadia hita mangadopi hamaolon i. Asa ingkon patar do panghatindangkononta di Jesus si Palua i, asa dihatindangkon Jesus i muse hita di adopan ni Debata Ama. Jala hamolon di na manghatindangkon Jesus i donganan ni Tondi Parbadia do asa margogo hita. Sandok ingkon polin jala satia do hita Manghatindangkon Debata sitolu sada i. Amin