Bahan Jamita, November 2009

EVANGELIUM Minggu 1 Nopember September 2009 (21 Dung Trinitatis)

Nats : Roma 12: 1-3

UNANG SAROMBANG DOHOT PORTIBI ON

Patujolo

Halak Kristen tongtong dope mian di portibi on sahat tu na ro Kristus paduahalihon. Ndada naung di banua ginjang maringanan nuaeng angka ruas ni huria i alai rap dope mangolu, marsaor siganup ari dohot angka jolma na so siihuthon Tuhan Jesus di portibi on. Isarana molo laho hita tu tongatonga ni torop jolma (khalayak ramai), ndang boi botoon isi do nasida halak Kristen dohot ndang, ianggo holan sian pardalanna dohot paheanna. Antong boha do bahenonta laho mambedahon ise do halak Kristen dohot na so Kristen, jala boasa sai di portibi on dope bahenon ni Tuhanta nasida?

Tung di tongatonga ni portibi na gok hasusaan, partangisan, jolma na gok pargadombuson on disi dope huria i maringann. Sai tapaidaida dope ganup ari lan pangunjunan i. Songon jolma biasa hita, na olo tartogu do rohanta tu elaea na mansai godang i. Tu situasi na songon i ma halak Kristen i disuru Tuhan Jesus borhat mambaritahon Barita na Uli i. Hira na so margogo do hita tahilala dibahen godang ni hamaolon i songon na masa di huria Rom, tarlumobi torop dope sian nasida na imbaru mananda Tuhan Jesus.

Hatorangan ni turpuk
Di bagasan turpuk on, Apostel Paulus mamodai halak Kristen na di huria Rom asa:

1. Pasahat dagingna bahen pelean na mangolu, na badia, i ma na hinalomohon ni Debata.
2. Unang gabe sarombang dohot portibi on, alai gabe imbaru, dung muba pingkiranna, asa tau manimbangi lomo ni roha ni Debata, na uli, na hinalashonna dohot na sun denggan.
3. Unang torbang dirajumi dirina, lobi sian na patut, alai intap ni na tama ma parrohaon nasida : Ganup marguru tu godang ni haporseaon na tinurpukkon ni Debata tu ibana.

I do inti ni parngoluon ni halak Kristen, marparange na badia jala na tama di Tuhan i. Sasahalak diukur hadirionna sian parangena do. Nang pe targoar ibana halak Kristen, Naposo ni Tuhan Jesus (Hamba Tuhan), Pangula ni huria, partangiang ganjang, na badia ni Israel, alai parangena tongtong dope songon parange ni parjahat, tontu sisoada do haporseaonna disi. Asa parange na badia jala na tama di Tuhan i i do pangalaho na tutu siihuthon Tuhan Jesus, naung mamelehon dirina tu Tuhan i. Nang pe di portibi on dope hita, tatadingkon ma bangkobangko ni portibi on. Ima naung tutu Kristus mangolu di bagasan dirina. Asa boi tarpelehon hita dagingta on gabe pelean na mangolu tu Debata, na badia, na hinalomohon ni Debata, didok Apostel Paulus di bagasan turpuk on ima marhite paubahon diri : Unang sarombang dohot portibion.

Mamelehon pamatangta tu Debata, ima sada pangidoan na mansai arga tu halak Kristen. Ia pamatangta on Debata do nampunasa ndada hita be ai nunga tapelehon tu Ibana. dibahen i ingkon pangkeonta do pamatang on laho mangulahon lomo ni roha ni Tuhan i. Pamatang i do joro ni Tondi Porbadia na di bagasan hita (l Kor 6: 19). Daging i tu Tuhan do i, jala tu daging do Tuhan i ( l Kor 6: 13). Alani i do, dipakke Tuhan do pamatang ni jolma i gabe dalanNa pasahathon sangkapNa di portibi on. Na nanal boi idaonta ima na gabe jolma Debata di bagasan Jesus Kristus, asa dihamonangkon daging ni jolma naung mardosa mulai sian si Adam. Dipangke Debata do nang angka Apostel, Pandita, Guru, Evangelis, Bibelvrouw, Diaken, Diakones laho pasahathon pasupasuNa tu jolma i. Ndang ro Ibana mangampehon tangan tu angka jolma na usouso di Ibana, alai marhite angka pamatang ni naposoNa i sahat pasupasuNa tu jolma i.

Di na mangula hita di portibi on mangalului na ringkot di ngolu siganup ari, tabahen ma ngolu i gabe pelean tu Debata. Ima na pabotohon ia hadaulaton ni na marroha ndada marhite sian liturgi (ibadah) manang upacara keagamaan alai tung marhite sian ngolu siganup ari do. Ai boi do halak holan mulak sian parmingguon (ibadah) di gareja nunga mangulahon hajahaton. Dibahen i, mamelehon pamatang on tu Debata ima marhite nasa pambahenan dohot nasa panggulmiton ni ngolu na hombar tu lomo ni roha ni Debata. Ngolu na songon i, ingkon ditundalhon ma nasa bangkobangko ni hajolmaon (sifat-sifat daging), ndang be sarombang dohot portibi on nang pe di portibi on dope hita. Nang pe dagingta on dos dope songon pardagingon ni hajolmaon na di hasiangan on alai roha nang pikkiran (kepribadianta) ingkon do muba ala ni Tondi Porbadia. Ai ”molo di bagasan Kristus halak, na tinompa na imbaru ma i. Nunga salpu pangalaho na robi, gabe ro ma na imbaru ( Kor 5: 17). Ndada pikkiranna sandiri be na gabe ojahan dohot tujuan i ngoluna alai Hata ni Tuhan i nama sitiopanna. Molo ndang songon i, dang tarpelehon i dope pamatangna gabe pelean na mangolu tu Debata.

Dipaingot Apostel Paulus do ruas ni huria i asa unang gabe manenganengahon hadirionna. Di na boi ibana manggulmithon dagingna, mamelehon pamatangna tu Debata marhitehite pambahenan, unang ma dietong i halobian sian donganna. Asa unang torbang dirajumi dirina lobi sian na patut. Suang songon i do nang sebalikna, molo otik pe na boi tarbahensa unang gabe metmet rohana. Ai marguna do sude na denggan i di jolo ni Debata. Marhitehite ulaon na metmet i do saut angka ulaon na balga. Na metmet nang na balga silehonlehon na tu hita (karunia) tongtong do i marharoroan sian Debata. Digoari do i di bagasan turpuk on sebagai charismata. I ma silehonlehon tu jolma na so boi dapotsa molo holan mangasahon dirina sandiri isarana, ia seseorang nunga loja martaontaon marsiajar melukis, alai ibana, holan satongkin do diguruhon nunga malo jala ui situtu lukisanna. Berarti, karunia (charisma) tu ibana ima melukis. Dohot lan angka na asing dope charisma di jao jolma i. Molo adong do pangarjuman ni diri, tubu ma hiras ni roha mamangke silehonlehon na di ibana i (charisma i) laho mangulahon na denggan bahen pelean na mangolu tu Debata, ndada na laho mangalului sangap tu dirina sandiri.

Halak Kristen disuru Debata tu portibi on gabe sitiruon (teladan) songon pambahen ni Kristus di haroroNa tu portibi on. Hira birubiru do hita na disuru tu tongatonga ni babiat, alai nunga dilehon Tuhan Jesus sada jaminan ima : “Sai na donganKu do hamu ganup ari, rasirasa ro ajal ni hasiangan on” (Mateus 28: 20). Disuru do TondiNa Tondi Parbadia laho mandongani hita. Asa i do umbahen na didok : “Marguru tu Tondi i ma hamu parparange: unang pasaut hamu hisaphisap ni daging” (Galatia 5: 16). Parange na badia na niigil ni Tuhan i, ima na naeng sitiruon ni portibi on, ai godang dope jolma i na so umboto “parsirangan ni siamunna dohot sihambirangna” songon na masa ujui di huta Ninive di tingki ni panurirang Jona (Jona 4: 11).

Panimpuli

Dohot hata na jempek didok Hata ni Tuhan i do tu hita marhite turpuk on : Unang gabe sarombang hamu dohot portibi on. Nang pe di portibi on dope hita, alai ndang prinsip manang bangkobangko ni portibi on be sitioponta, alai Kristus do. Hatana na mansai denggan i ima naeng hangoluhononta ai hangoluan do Hata i. Asa boi tarpelehon hita dagingta on gabe pelean na mangolu tu Debata, na badia, na hinalomohon ni Debata ingkon gabe imbaru do hita (bertobat) marhite na paubahon diri : Unang sarombang dohot portibion. Halak Kristen disuru Debata tu portibi on gabe sitiruon (teladan) songon pambahen ni Kristus di haroroNa tu portibi on. Ingkon pos do rohanta di jaminan na sian Tuhanta i, ai halak na marpos ni roha tu Tuhan, i do na tutu siihuthon Ibana. Amen.

Pinatomutomu ni
Pdt. TL. Hutagalung, MSc

Jamita Minggu 22 dung Trinitatis

Tgl. 08 November 2009

Nats : Jesaya 58 : 4 - 12

Pdt. E.J.P. Simanullang, S.Th

Parhobas di Kantor Pusat

Mardiakonia ma Hurianta

I. Pendahuluan:

Michelle Singletary dohot keluargana mamutushon asa mangorui/menghemat angka pengeluaran di Minggu Trinitatis asa boi nasida merayakan pesta Natal di Panti Asuhan. Dipatupa do acara pengumpulan dana dohot mambahen hadiah buatan sendiri dohot mamingkiri ide-ide kreatif na gabe naeng dipangke nasida tu panghobasion tu halak na asing.

Dibagasan kolom surat kabar na mambahas masalah parhepengon pribadi, Michelle manggurithon tujuan nasida taringot : boasa menghemat pengeluaran nasida tu masa Natal ? "Mambangun dohot mampartahanhon hubungan, na sangat porlu di tingki liburan ganup taon. On ma sasintongna ulaon na ingkon taulahon nang pe sai jotjot tarhalang ala ni angka ulaon na asing."

Haputusan na lao mangorui angka pengeluaran di masa minggu Trinitatis tu menyambut Natal ima pilihanta ganup marsadasada. Alai dibagasan hubungan dohot sesama, on ma na gabe prioritasta, boi ma ta putushon, mangalehon gumodang tu halak na membutuhkan bantuan. Songon di turpuk on, dipatorang si Jesaya do pengorbanan pribadi na hombar tu lomo ni roha ni Debata, ima manghobasi halak na asing. "Jala dilehon ho asi ni roham tu na male, jala dipasabam ho roha ni na dangol, jadi binsar ma hatiuronmu dibagasan haholomon, jala hagolaponmu tudoshon hos ni ari. " (Jes. 58:10).

Jesus Sipalua hita, hatutubuNa jotjot dirayahon di tingki Natal, dihatindanghon Ibana do : , "Anak ni jolma i pe, ndada asa dioloi halak Ibana, umbahen na ro; Ibana do balik pangoloi jala mangalehon hosaNa bahen tobus ni torop jolma " (Markus 10:45). Di tingki ngolunta on ma nian godang hita mangulahon ulaon diakonia. Asa tanda ma hita angka huria na berdiakonia.

II. Hatorangan :

Di Padan Na Robi, di hata Heber, puasa digoari tsum, tsom dan inna nafsyo na marlapatan’merendahkan diri dengan berpuasa’ (adong didok 45 hali). Di hata Gorik didok " nestesia" na marlapatan: ndang mangan. Ulaon on dilaksanahon di Ari pardamean (3 Musa.16:29, 31; 23:27-32; 4 Musa.29:7). Dung habuangan, opat puasa tahunan na asing diulahon (Za. 8:19). Na gabe tambahan adong puasa na sewaktuwaktu bersifat perorangan (2 Sam 12:22) dan kadang bersama (Panguhum.20:26; Yl.1:14). Parpuasaon ima bukti lahiriah dukacita (1 Sam 31:13; 2 Sam 1:12; Est 4:3; Mzm 35:13-14) dan pernyataan pertobatan (1 Sam 7:6; 1 Raj 21:27; Neh 9:1-2). Marpuasa jotjot diulahon asa dapotan panorangion dohot pangurupion sian Debata (2 Musa.34:28; Ul.9:9). Adong do halak na porsea, parpuasaon i gabe sada jaminan Debata tangi di hita (Jes.58:3-4). Di Padan Na Imbaru, hata gorik, puasa ima ’nesteia’, dan ’nestis’ (adong 30 hali, di Ulaon ni Apostel digunahon ’astia dan asitos’, Ul. 27:21,33). Hata nesteia sian ne astuanna: ndang, jala esthio lapatanna mangan (boi ma tadok: nesteia; ndang mangan). Angka Parise mangulahon parpuason i ditingki ari Senen dohot ari Kamis (Luk.18:12).

1. Berpuasa holan na gabe rutinitas sambing ( 4-5)

Mura do bangso Israel mangalapati taringot tu parpuasaon i, holan pingkiran nasida nama diondolhon dibagasan ngoluna. Molo sai marpuasa nasida, tung songon dia pe parulaon nasida nang hajahatonna, sai marpanganju jala marasi roha do Debata. Di tingki marpuasa nasida, sesa ma dosana, jala Debata pe ndang be ro rimasNa tu nasida. Marhite parpuasaon nasida, dirimpu do sai tongtong, didongani Debata nasida, songon piningkiran nasida, hape, holan hasomalan sambing do, ndang songon na niula ni ompu nasida najolo.

Rutinitas nasida na marpuasa i, holan na lao mangalului hasonangan ni diri, mamparateatehon ngolu ni angka na humaliangna, manang beha i, ndang na gabe las ni roha ni Debata, alai tahe gabe mangonai hata do nasida sian Debata. Ndada mangalului hapintoran na marpuasa i, jala ndang ala ni parpuasaon i, mombun rimas ni Debata tu nasida. Ndang tarpajadi guru tu diri ni jolma i, padaohon roha holong ni Debata. Partuktuhan do ujung ni angka parpuasaon na songon i, ala ndang dihalomohon Debata i, alana sai tartuju tu pingkiran nasida tu praktek diri bahen balga dohot asa idaon ni halak na niradotanna do adat parpuasaon na hombar tu ruhut ni ugamo nasida.

2. Na marpambahenan di Ulaon Parasirohaon do andul Ummarga sian Parpuasaon i (ayat 6-12).

Parpuasaon na nihalomohon ni Debata, ndada holan tartuju tu pangaoromoan diri naso mangan, naso minum jala naso jadi bonduton sian pamangan bolas tu siubeon, alai pangoroman diri sian angka pangalaho na humurang/hageduhan do sahat tu pangoromon diri asa unang gabe marlaok. Apala on ma pangalaho parpuasaon na pita na ingkon siparrohahononthon jala sipamasaon nasida di adopan ni Debata marhite ulaonna si ganup ari.

Praktek parpuasaon i, ingkon patar marhasintongan tu lomo ni roha ni Debata. Ndada holan parsuruon parugamaon sambing ianggo parpuasaon na nirajuman ni bangso i, alai panghangoluhononthon di muatan ni parpuasaon i do. Ima roha na concern manang peduli mardiakonia tu halak na humaliang. Songon dia cara na dumenggan asa parpuasaonta i ndada holan pinatikhon sambing i, alai gabe bangko na mangolu i mangihuthon nasa pambahenan na hinalomohon ni Debata. Halak na marpuaso ima halak na rade jala olo rohana gabe pasupasu tu donganna. Angka ulaon na sai pangoluhon do na sai ni datdatan ni angka parpuaso, tanda panghaholongion ni rohanta mida Debata.

Sian turpukta on adong 3 hal ruhut parpuasaon na hinalomohon ni Debata, ima: a. Mangharhari angka ihot hajahaton sian diri. b. Gabe pangurupi bahen haluaon di dongan. C. Rade sumarihon na ringkot di parngoluon ni dongan jolma.

Alai tutu naeng antusanta, di sudena ulaon parpuasaon i, ndada patudu gogo manang patudu sinadongan, alai singkat ni panghamauliatehon ni rohanta do i, di angka pasupasu na jinalo sian Debata jala disi ma bagas botoonta lapatan ni panompaon ni Debata tu dirinta. Ditompa Debata, bahen asi ni rohaNa tu dongan jolma na tinompaNa i.

Sumuang roha ni Debata mida bangsoNa. Ngolu parpuasaon ima parange hamubaon ni roha do. Binsar ma hatiuron dibagasan haholomon jala hagolapon tudoshon hos ni ari. Dipabotohon Debata do sasintongna, songon dia ulaon parpuasaon i: " Nda on do parpuasaon na Huhalomohon: Harhari angka ihotihot ni hajahaton, palua angka tali ni auga; jala palua halak na nirupa, jala ropuhi nasa auga? Nda on do, molo * diponggoli ho rotim tu halak na male, jala ditogihon ho tu jabum halak na dangol dohot panangkarnangkar? Molo diida ho halak na marsaemara, gabe diabiti ho ibana, jala ndang martabuni ho maradophon sibukmu. Dasar sian saluhut na dihalomohon Debata ima: asa patorukhon dirinta hita, ndada patujolohon na porlu di diri jala rade lao mangalehon pangurupion tu angka na gale jala membutuhkan bantuan sian hita. Disonma tarida holong na sai masihaholongan.

III. Panimpuli:

Denggan do angka na pasauthon angka ruhutruhut ni parugamaon, alai naeng dibagasan ni i sudena ndada lao pasintonghon diri manang patuduhon siula parugamoon hita disi alai si pasaut lomo ni roha ni Debata ma. Marisuang do angka praktek parugamoon na tabahen i molo ndang mampanghorhon i tu angka pangalaho na pangoluhon. Joujou gabe pasupasu ima na sai tongtong marsaringar di angka na porsea siganup ari. Mardiakonia ma Huria, ala Jesus mandok tu hita asa gabe siula misi ni Debata jala sitindangi ni Debata do hita (bdn. Mat. 28: 19-20). Molo tanggap na jonok do hita tu Debata, sai taradoti ma angka na denggan i dibagasan ngolunta. Unang ma talu hita mangulahon na denggan (bdn. Roma 12:21). Sai rade ma hita sibahen angka haimbaruon na hombar tu lomo ni roha ni Debata dibagasan pos ni roha nang asi ni roha ni Debata. Ai, sai donganNa do hita laho patupahon saluhutna i.

Disisi na asing sian hangoluan si saonari , ima gok angka donganta na gale na mengalami ketidakadilan sian angka halak na gogo na mangulahon ketidakadilan. Kritik na tumajom ima, gareja hurang mangalehon roha tu ngolu ni angka sosial ni ruasna jala angka persoalan sosial digareja holan sebatas panghataion dope gumodangan. Ala sai panghobasion seremonial dope na diutamahon gareja i.

Mansai porlu do hita marpuasa, ala parpuasaon i boi mangalatik dohot mempertajam, mampartogu jala lam tang haporseaonta. Alani i, sahalak na nunga berpuasa ingkon adong ma nian hamubaon ni diri dohot parubahan ni ngolu tu lam dumenggan. Mardiakonia ma huria molo dung marpuasa, boi mangulahon na hombar tu lomo ni roha ni Debata. Amen !

Evanggelium, Tanggal 15 Nov 2009

SITINDANGI BARITA NA ULI

II Timoteus 1:6-12
Redaksi

a. Manahan ma hamu di sitaonon muna, ala ni barita nauli i.

Ragam do parsorion na ni hilala ni halak Kristen na parjolo I, uju di pamarentaon ni kaisar Nero. Marragam do nang usaha, dohot pambahenan ni Kaisar Nero, laho pasohon hakristenon na lam rarat di bangso Rom hatiha i. Laos ditingki on ma Si Paulus di Penjarahon gabe tahanan ni bangso Roma hatihai. Sian bagas penjara on ma Si Paulus manurathon surat on tu Si Timoteus. Songon dongan sapelayanan ni ibana, naung di haporseai si Paulus. Di ida si Paulus do tong si Timoteus nungga mulai gale alani parnehapan na niaeni nasida di Roma. Hombar tu na masa I, ro ma si paulus paingot si Timoteus, namandok asa diparatarata silehonlehon ni Debata na Tu ibana. Diparatarata dibagasan bahsa indonesia di terjemahon, mengobarkan, memberitakan, mewartakan. Singotsingot ni si Paulus tu si Timoteus paboahon asa unang mabiar ibana di nalaho mangkatahon barita nauli i. Manang aha pe namasa, pos ma roham na Debata do mandongani ho. Boaboa na Debata do mandongani si Timoteus mahitehite tondi ni Debata asa lam marsigogor rohana mamaritahon barita nauli i.

Adong do ungkapan na mandok, “seseorang yang mengungkapkan sesuatu dengan penuh semangat ketika ia menyadari apa yang ia ungkapkan itu adalah benar dan oleh siapa ia mangatakannya”. Pandohan on, marpardomuan tu turpukta sadarion. Ima taringot tu panindangion di hata ni Debata. Molo ta sadari do hata ni Debata na tingkos tung so maila do hita mangkatindangkon i. jala molo tasadari ise namarsuru hita mangkatindangkon I margogo situtu ma hita. Dang pandita, ndang jolma na mora, dang raja manang Presiden jala dang napistar na adong di portibi on na marsuru hita, alai na masuru hita ima sitompa saluhut portibi on, Debata na ta tanda di bagasan Yesus Kristus Tuhantai, tungtangkas do panuruonon na didok si Paulus na poso ni Debata, na mandok “jamitahon hata I, hajongjongkon ditingki na une nang so une, pinsang, paingot, apoi marhite-hite nasa lambas ni roha dohot pamodaiaon” (lht. 2 Tim. 4: 2). Pandohan on patorangkon asa unang hita mabiar mangkatindangkon hata ni Debata molo tung pe ro angka naso mangkalomohon barita I laho mangambati hita. Di masa sonnarai on ndang sian luar ni punguan be, na gabe alo di nalaho mamabritahon barita na uli. Alai na gabe alo, ima sian tongatonga ta, na lobi jumonok tu hita. Isarana suami manang istri, ianakkon, natuatua, nang songoni angka keluarga dekat. Nungga adong nuaeng on suami manang Istri na gabe pangambati di nalaho margareja, partangiangan. Dohot pandohan, ai ro indahan sian na marminggu i? manang, ai holon na partangiangan do di ulaho?. Ambatambat ndang songon si najolo ibe sian luar ni hakristenon alai sian bagas ni hakristenon I nama, ima angka naso pir dope haporseaonna. Jala ingkon angkuanta do, dao do untimbo pengaruh ni pangambati na ro sian keluarga dekat dari pada sian na di luar ni kelaurgantta. Na olo ma didok, apala suamim ma au dang di bege ho? Manang didok apala Istrim ma ahu dang di bege ho?. Marnida on, nungga tung malo be si bolis I mangela naporsea I asa unang mangihuthon Jesus I. Asa si bolis I mangarajai angka keluarga manang huria ni Tuhan i. ala ni I, asa manat hita manangihon saluhutna, jala tapangido tu debata asa di pargohoi hita mangalo ragam ni cara na binahen ni sibolis I mangela hita.

B. Asi ni roha bolon do molo manaon hita di sitaonon naso patut hita manaon alani barita na uli I, songon Jesus na manaon na porsuk naso patut sitaonon na i.

Pos ni roha, na ni lehon ni si Paulus tu si Timoteus ima sada jaminan pasahathon hata ni Tuhan I tu saluhut jolma na adong ditano hasiangan on. Tung tangkas di dok si paulus ndada tondi hatahuton di lehon Debata tu hita alai tondi hagogoon, haholongon dohot tondi pangarajaion diri do di pasahat asa unang gabe maila hita. Patut ma hita maslasniroha molo marsitaonon hita ala ni barita na uli i. Jala asini roha bolon doi molo manaon hita distaonon nasopatut sitaononta, songon si paulus naung tarhurung ala ni hata ni Tuhan I naung binaritahonnai. Molo masa pe hagogotan di hita alani barita na uli I, posmarohatta Debata do donganta. Molo Debata dongan ta ise be alonta? Naung di pasohot Jesus I do hametean jala di patupa hangoluan na manontong. Ala ni I, dang tama hita maila molo rope angka naso hinalomohon ala ni hata ni Tuhan I Tu hita ganup. Pos ni roha ni si Paulus, na tuk do huaso ni Debata laho mangaramoti naung pinalumehonNai tu si Paulus sahat ro diharoro ni Tuhan I tu portibion na paduahalihon.

Godang do halak kristen nuaeng on nunggga gabe maila pararathon hata ni Tuhan I, unang pola pararat hata ni Tuhan I, martangiang di rumah makan Islam pe nunggga gabe maila jala mabiar ala dang pos be roha, nungga mabiar mangoan hosa Ibana. Saluhut na masa sisongonon Ala ni haporseaon naso togu jala dang tutu di tanda ise na ni haporseaon nai. Molo tutu do ditanda ise na dihaporseaon nai, tung naso tupa masa sisongoni. Tung aha ma tarbahen jolma tu hita molo Tuhan ta do namangaramoti hita di portibi on? ala ni I, unang hita maila mangkatindangkon hata ni Tuhan i. Jala pos rohatta di Debata tung naso tupa hita maila ala ni hata nai. Ai nanaeng paluahon hosana, mangagohonsa do, alai na agoan hosana alani Ahu dohot alani barita na uli I, ido paluahonsa (Markus 8:35).

Mangkatindangkon barita nauli I, dang na marlapatan I holan mangkatahon tu saluhut jolma, manang na holan manjamitahon sian langgatan. Alai mangkatindangkon hata ni Tuhan ingkon saurdot do pandohan dohot parniulaon, asa gabe jamita na mangolu I di dongan ta jolma humaliang hita. Jala ingkon angkuanta do gumodang do pangkorhon ni na niulahon asa diihuthon sian na holan na mangkatindangkon marhite pamangan. Umbahen I, panindangion, panangion di hata ni Tuhan ni, ima haporseaon I, jala parniulaan I, ima parbueni haporseaon i. Jadi haporseaon I pe songoni do, anggo soadong pangulaonna, naung mate do hadirion na (Yak. 2:11).
Asa tarida do hau sian parbuena, tarida do imbo sian soarana. Asa tarida do naporsea di pangkatindangkonon na di hata ni Tuhan I marhitehite pambahenan. Tung so tardokdo jolmai porsea molo maila martangiang, apalagi ma ndang di boto ninna martangiang, hape mulai sorang ibana nungga targoar ibana halak Kristen. Molo songonon dang hita be na maila, alai Tuhan I ta paila alani pambahenanta. Marsak Tuhan I, jala tumatangis alani pamahenan ta, dang ta ingot nauang di tobus hita dohot hosana, tarsilang do Ibana, dileai, ditijuri holan humongkop hita. Hape tabalos ma, asiasiNa i do hot pambahenan nahumurang di adopanNa, na mangido Tuhan I asa tabaritahon barita las niroha I marhitehite parniulaaon hombar tu hata Nai. Hape tabalos do dohot pamabahenan na humurang songon anggur na niasoman i. Ala ni I, naung disuru Tuhan I hita pararat hata Nai, Songon si Timoteus na sinuru ni si Paulus asa taulahon di parngoluanta songon tanda hamuliateonnta tu ibana naung paluahon hita sian uhuman hadosaon i. Didok si Paulus, Ai arga do hamu di tobus, di bahen I pasanganp hamu ma Debata marhitehite danging muna, dohot mahitehite tondi muna, ai Debata do nampuna I (I Kor. 6: 20). Amen

Jamita Minggu Ujung Taon Huria

Tgl. 22 November 2009

Johannes 11 : 25 - 26
Redaksi

Na Mangolu do Naporsea Nang pe Mate ibana

Patujolo:

Tung denggan do paralealeon ni Jesus dohot keluarga ni si Lazarus ima Marta dohot Maria. Hobas do si Marta manghobasi na ringkot di Jesus dohot angka sisean i uju ro nasida tu bagasna. Ndang binoto be atik naung sadia gogo, tingki dohot sibahenon nasida din a ro i Jesus dohot angka sisean i tumopot nasida. Songon i nang si Maria, tung dilehon do tingkina mananginangi Jesus. Dihaporseai nasida do na adong hasurungan paralealeon ni Jesus tu Debata, asa manang aha pe napinangiodo ni Jesus tu Debata sai sai na saut do. Hape, dinamarsahit i si Lasarus, dipaboa do tu Jesus, ndang mamintor ro Jesus mandapothon. Gabe mate do si Lasarus i alani parsahiton i, nunga di 4 ari ditanoman jala nunga bau, asa ro Tuhan Jesus.

Digoari do minggu sadarion Ujung Taon Huria, Parningotan di Angka naung Mate. Jotjot do dimasa minggu on ro iluilu ni angka keluarga marningot anggota keluarga naung jumolo marujung i, sai gabe hira parigatrigat bulung parungkarrungkar tolong; pasigatsigat lungun mangarungkari sidangolon. Alai ndada i tujuan ni parningotan di angka naung mate songon sadari on.

Hatorangan ni Turpuk:

Naeng ma tajaha turpuk on mamungka sian ayat 1 bindu 11 on, Ima barita na pinangolu ni Jesus si Lasarus, iboto ni si Maria dohot si Marta. Di tingki na ro Jesus di naung mate si Lasarus, sian pandohan ni si Marta adong do panaritaanna tu Jesus : "Aut na dison Ho, ale Tuhan, ndang tagamon mate ibotongki!" (21). Di ayat 3, tangkas do naung adong boaboa tu Jesus naung dibagasan parsahiton si Lazarus, jala dipabotohon do ia si Lasarus "haholongan roha ni Jesus". Asa tarjalo roha do kekecewaan ni si Marta: targoar na hinaholongan roha ni Jesus, alai ndang dihalaputi Tuhan i laho ro mandapothon nang naung diboto dibagasan parsahitan nahinaholongan na i. Boi do on gabe sada gombaran di kekecewaan ni roha maradophon Tuhan i di naso pintor dihalaputi Tuhan i mangalusi angka pangidoan ni angka "naporsea". Jala boi do on jumpang di angka keluarga ni angka naung marujung ngolu angka nahinaholongan ni roha, nang pe naung diharugihon godang sipatupaon, godang martangiang laho mangalului hamamalum ni parsahiton, hape tong do marujung tu hamatean; hira namarisuang tangiang dohot halojaon i.

Di alus ni Jesus mangalusi si Marta: "na hehe ma ibotom" di alusi si Marta mandok: ": Olo, huboto do, na hehe do ibana di haheheon i, na di ari parpudi." (ay.24) (Ind: "Aku tahu bahwa ia akan bangkit pada waktu orang-orang bangkit pada akhir zaman."), adong dua pangantusion tusi. Parjolo: Alus pandelean. Sian pardagingon tung sai dihalomohon do naeng nian na hinaholongan unang mate, jala molo dibagasan parsahiton pintor malum ma. Hape si Lasarus nunga mate jala nunga 4 ari dung ditanom, nunga sanga bau, (ay. 39). Panghirimon ni si Marta, naeng ma mangolu iboto na nahinaholongan I jala bo nian rap nasida muse. Tapatudos muse, masa panumueon nasida di Jesus na rot u bagas nasida; panghobasion ni pardagingon do na diharingkothon ibana, pola dipaingot ibana ala ni i. Sai gumogo jala rumingkot dope pardagingon di pingkiri ibana. Songoni torop do nang halak naung mandaftarhon dirina gabe halak Kristen di partingkianta sinuaeng on, mambahen alasan sumarihon ngolu pardagingon on gabe so tarbahen tingkina laho mandapothon parsaoran dohot Tuhan i. Tutu tung mansai ringkot do ngolu pardagingon i, ala diportibion dope hita. Jala gabe alasan na boi dipatingkos doi. Paduahon: Dihaporseai si Marta do adong ari haheon nabalga i, di ari parpudi. Molo i do nanaeng masa, ndang tagamon be boi rap nasida, ndang adong be baoa ditongatonga nasida.

Di naro Jesus, jala di dapothon udean ni si Lasarus, diroha ni si Marta dohot si Maria aut sugari ma nian tibu hian Jesus ro, nunga songon pandohan i "nasi sudah menjadi bubur". Nunga tarlambat be haroro ni Jesus i. Ndang diantusi jala dihaporseai nasida dope tangkas hadirion ni Jesus. Sai tong dope dipingkiran nasida songon jolma biasa Jesus i, nang Debata: adong hata tarlambat (hagogoon ni Debata dibatasi waktu), atik pe naung bagas Jesus patandahon diri tu nasida taringot tu huaso dohot hagogoon ni Debata. Alani i do sai ro sungkunsungkun ni Jesus tu nasida: "Porsea do ho ?"

Ditingki naung so hapingkiran jala nunga ndang tolap gogo holan "haporseaon" tu Jesus Sipalua i nama, dipatupa Ibana do huaso dohot hagogoonna i na gabe Sipalua di angka na manghaporseai Ibana. Sian duru ni tanoman i di jauhon Jesus : "O Lasarus, ruar ma ho! Dung i ruar ma tutu na mate i;(ay. 43,44). Maralus do tangiang dohot pangidoan ni si Maria dohot si Marta dung opat ari (naung didok roha nasida nunga "tarlambat.").

Sipahusorhusoron:

Jotjot do angukanguk dohot ilu mamborhati nahinaholongan ni roha na marujung ngolu. Angka nasai mangangguhi dohot tumatangis i patuduhon hasolhoton dohot parsaoran na denggan. Molo sahalak suami namarujung i, ala dihaholongi parsonduknai do ibana ala tung tangkas haburjuon dohot tanggungjawab na songon tulang punggung ni keluarga. Molo sahalak ama ibana, ala tung dihaholongi angka ianakhonna ibana ala ama na burju. Molo sahalak tokoh na denggan ibana, ala angka aleale dohot siseanna tung mangargai ibana. Alai molo sahalak parjahat, na tangkang do holan na manusai, manang marpangalohohon angka naso suman,tung gabe silas niroha do hamamatena.

Sahalak na burju, marpangalahohon nadenggan, godang jasana, pasti do hamamatena mambahen kehilangan angka natinadingkonna, jala mambahen sai lungun roha. Sisongon on nunga masa sian najolo. Alani ma di dok apostel Paulus: "Alai naeng ma tangkas botoonmuna, ale angka dongan, taringot tu angka naung monding i, asa unang marsak hamu, songon angka na leban, na so marpangkirimon. Ai molo porsea hita, naung mate Jesus dohot hehe, sandok togihonon ni Debata do rap dohot Jesus nang angka naung monding marhitehite Ibana." (1 Tes.4:13-14)

Ingkon rajumanta do, ndang hamatean i ujung ni sude, adong dope hangoluan di balik ni hamatean ni pardagingon on. Lapatanna, mate pe angka natahaholongi i, ndang marujung disi ibana alai nalaho do ibana mandapothon ngolu na hot ro disaleleng ni lelengna. Jotjot lalap jolma i holan manimbangi ngolu di portibi on; molo jumpang hamatean i, marujung ma saluhutna. Sai disolsoli ma diri marningot tingki ngolu ni naung mate i godang utang pangalaho, gabe sai marutang panghilalaan (menyesali diri) "sugari boi mulak tu pudi muse tingki, manang molo boi nian mulak mangolu ibana". Isara sahalak ama na sai tumatangis ala jumolo marujung sinondukna, tagan di ngoluna jotjot pangalahona na sai mangarsahi parsonduk bolonna i. Manang sahalak ianakhon, tagan ngolu ni natorasna i, jotjot sai mangarsahi natorasna; hape dung mate natoras i, sai menyesali pangalahona. Sebuah penyesalan yang sama sekali tak berguna. Memang penyesalan selalu ada di belakang, tak pernah ada di depan. Alani i, naeng ma tahayati ngolu on jala marpangalaho na denggan.

Di naung marujung ngolu natahaholongi, ngotngot panghilalaanta, sai hira namarumpak langit mandondoni hita; tu ise do hita mangalualu, tu ise do hita mangido pangurupion; ala donganta pe so tarbahensa mangurupi hita. Tutu ro do nasida mangapuli patuduhon na dohot nasida marhabot ni roha. Alai dung mulak nasida angka na manghaholongi hita i, tading hita gabe lungunlungunan. Unang ma bonom hita torus dibagasan arsak dohot habot ni roha, ai mardalan do torus ngolu on (pat. Parjamita 9:12)

Tingki sorang posopos di si Daud, hape marsahit jala naeng matemate ne, martangiang do ibana arian dohot borngin dibagasan panghirimon, tarbahen Debata do pamalumhon sahit ni ianakhonna i. Pola do ala ni i, ndang olo ibana mangan dohot minum jala mula angka ulaon, sandok holan martangiang do di ula ibana (2 Samuel 12: 14--). Alai nang pe songon i gogona martangiang, papitu arihon mate do posoposo i. Mabiar do angka naposona pabotohon barita i, ai dirajumi nasida ingkon malala ma roha ni si Daud jala paningkotningkoton ala so tarjalosa namasa i. Alai, dinaung diboto si Daud naung mate posoposona i, hehe do ibana laho marsuap jala marpangir, disalin paheanna. Alus ni ibana tu namasa i "lai anggo dung mate nuaeng aha gunana marpuasa ahu? Tung tarbahen ahu be mangalap ibana mulak? Ahu nama mandapothon ibana, alai anggo ibana ndang tagamon be mulak tu ahu. (2 Sam 12:23). Ndang gabe paet rohana maradophon Tuhan i. Margogo do ibana huhut boi tontong manghaporsea i Debata. Marsuap do ibana jala manguduti ngoluna. Marsiajar ma hita tu raja Daud on. Atik pe adong halak naung mambahen salah tu hita, mambahen paet/ menek panghilalaan, manang naung jumolo marujung ngolu natahaholongi i hape nunga tahalojahon paubathon jala tahaburjuhon manangianghon, hape ndang songon na tahirim i alus sian Tuhan i. Nunga salpu be i sude.

Ndang tarbahen hita paulakhon naung salpu i; ndang adong be na boi tabahen tusi nuaeng. Alai ingkon buatonta do nuaeng keputusan: Naeng pangoluonta do sude kenangan na pahansithon roha i, manang tatiop haporseaon i manang guruhononta do malua sian ihot (belenggu) emosional. Ingkon hita sandiri do bangkit pardangolan. Naeng sesaonta (mengampuni) sian bagas roha hansit ni roha. Ingkon paluaonta do rohanta sian saluhut na mambahen hita marsahit jala marsitaonon. Unang pola sai sungkunsungkun rohanta tu Debata. Marguru ma hita tu na binahen ni si Daud manjalo hamatean ni pososna i. Tauduti ma ngolunta, godang do angka sangkap ni Debata na so habilangan hita, songon hata ni Panurirang Jeremia (29:11). Sada jaminan na togu, ngolunta na terbatas dijamin Tuhan Jesus nag ok huaso jala naso terbatas songon na ni dokna i di na pabangkithon si Lasarus : Ahu do haheheon dohot hangoluan; na mangolu do na porsea di Ahu, nang pe mate ibana! Porsea do ho disi ? Naporsea di Jesus Kristus naung mate jala mulak mangolu i, pasahathon ngoluna tu hangoluan naso ra suda, ai papunguon ni Debata do sogot angka naporsea i, rap dohot Ibana naung mate jala mulak mangolu sian hamatean (Rom 6:8, 1 Tes.4:14). Amen

EVANGELIUM MINGGU ADVENT 1, 29 Nopember 2009
NATS : Bilangan 24:15 - 17

Bacaan : Wahyu 22 : 16 – 20

Pdt. Happy Pakpahan

Kantor Pusat Huria Kristen Indonesia (HKI)

“ MELALUI IMAN KITA MELIHAT MASA DEPAN YANG LEBIH BAIK “

PENGANTAR

Nats ini adalah bagian penglihatan atau nubuat Biliam, tentang datangnya seorang raja dalam PL. Nubuatan tidaklah berasal dari manusia namun oleh Tuhan melalui orang tertentu. Pada II Petrus 1:21 disampaikan “Sebab tidak pernah nubuat dihasilkan oleh kehendak manusia, tetapi oleh dorongan Roh Kudus orang-orang berbicara atas nama Allah. (II Petrus 1:21). Nubuatan secara tepat menceritakan kejadian yang akan datang. Dalam Nubuat, Tuhan telah menjelaskan rencananya kepada para Nabi/Rasul (Amos 3:7).

Nats ini disampaikan pada Minggu Advent I 2009, terkait untuk mengerti gambaran PB mengenai Mesias karena para penulis Perjanjian Baru (PB) terus menggunakan Perjanjian Lama (PL) dalam pengajaran mereka mengenai Kristus. Dan mereka percaya bahwa PL telah berbicara mengenai Kristus, apakah secara langsung maupun tidak langsung. Pelayanan Kristus sendiri sering mengutip segala sesuatu yang dibicarakan mengenai dia dalam Hukum Musa, Para Nabi, dan Mazmur (cf. Luk. 24:44). Ini berarti bahwa dalam beberapa cara ada rujukan terhadap dirinya sebagai mesias/juruselamat/imam/raja diseluruh PL. Pada Bilangan 24:15-19 secara khusus, berusaha menunjukan konsep keturunan Daud yang menjadi raja dalam PL sebagai latar belakang presentasi PB mengenai Mesias.

PEMBAHASAN DAN RELEVANSI NATS

1. Israel telah menghancurkan orang Kanaan (Bilangan 21:1-3) dan mereka mengalahkan orang Amorites dan menangkap raja mereka, Sihon, serta menduduki tanahnya (Bil. 21:21-32). Kemudian, mereka menghancurkan seluruh tentara dari Og, raja Bashan, tidak ada yang selamat dan mengambil kepemilikan tanahnya (Bil. 21:34-35). Dengan kemenangan Israel sampai ke Balak raja Moab dan orang Moab, hingga dia sangat tidak tenang. Balak kemudian memanggil Bileam, dan menjanjikan kepada Bileam suatu bayaran yang besar, jika dia bisa mengutuk Israel. Akan tetapi, Bileam yang semula di panggil dan dijanjikan upah yang banyak untuk mengutuki Israel ternyata justru mengabarkan berkat buat Israel. Bileam marah. Ini tertera diayat sebelum Nats yaitu Bilangan 24:10-12. “Lalu bangkitlah amarah Balak terhadap Bileam dan dengan meremas-remas jarinya berkatalah ia kepada Bileam: "Untuk menyerapah musuhku aku memanggil engkau, tetapi sebaliknya sampai tiga kali engkau memberkati mereka. Oleh sebab itu, enyahlah engkau ke tempat kediamanmu; aku telah berkata kepadamu aku telah bermaksud memberi banyak upah kepadamu, tetapi TUHAN telah mencegah engkau memperolehnya."

Atas kemarahan Balak itu Bileam berkata seperti tertera diayat 12-14 : Tetapi berkatalah Bileam kepada Balak: "Bukankah telah kukatakan juga kepada utusan-utusan yang kaukirim kepadaku: Sekalipun Balak memberikan kepadaku emas dan perak seistana penuh, aku tidak akan sanggup melanggar titah TUHAN dengan berbuat baik atau jahat atas kemauanku sendiri; apa yang akan difirmankan TUHAN, itulah yang akan kukatakan. Dan sekarang, aku ini sudah hendak pergi kepada bangsaku; marilah kuberitahukan kepadamu apa yang akan dilakukan bangsa itu kepada bangsamu di kemudian hari."

Sikap Bileam yang tidak membiarkan pewartaannya diatur oleh upah adalah sangat istimewa. sangat relevan pada konteks saat ini. Sampai akhir, Bileam tidak tergoyahkan dengan pendiriannya, hadiah baginya tidak berarti seperti pernah diucapkannya pada utusan ( bnk. 12; 22:18). Motifasi Bileam hanya melakukan apa yang diperintahkan oleh Tuhan dan menyatakan apa yang diletakkan Tuhan pada mulutnya. (13). Ia bernubuat bukan untuk menyenangkan hati tuan rumah, bukan untuk kekayaan, bukan untuk kehormatan, dan agar disenangi oleh orang lain.

Saat ini manusia semakin senang akan kepastian-terkait keingin tahuannya tentang keberuntungan/masa depannya. Sehingga tukang ramal laku karena mereka memberi jawaban (bnk. Iklan Jasa Ramalan di TV-Majalah-Koran-Internet yang laris manis). Ini menjalar ke lingkup keagamaan. Efeknya banyak Pengkotbah yang mencoba mengatasi kebutuhan ini dengan sering ”bernubuat”. Akhirnya berpotensi terjadinya penyesatan. Penyesatan selalu ada dimana saja termasuk berpotensi di Gereja! Tapi banyak yang ikut karena, manusia pada dasarnya suka jawaban yang pasti-pasti saja. Walaupun mengaku sudah lahir baru ataupun berulang kali di baptis sekalipun kalau dia hidup dalam egonya, ya akhirnya rentan sekali terhadap berbagai penyesatan. Saat ini banyak orang berkhotbah dengan orientasi menyenangkan hati jemaatnya dan mendapatkan keuntungan dari apa yang diwartakannya. Dan tak jarang ini semua berorientasi pada keuntungan akan apa yang akan diperoleh (popularitas-material-fasilitas, dll). Singkat kata pewartaannya lebih berorientasi ”upah”. Sehingga lebih mengarah kepada entertainment dan tidak berani mengkoreksi dosa-dosa yang banyak dilakukan pendengarnya seperti korupsi, keserakahan, hedonisme, dll. Tak jarang banyak pendeta yang bernubuat ketika berkhotbah... pertanyaannya apakah benar itu nubuat atau tidak.

Jangan sampai muncul asumsi bahwa "Nabi-Pengkotbah" adalah orang yang paling gampang tugasnya, tinggal bicara 'atas nama Tuhan'. Kotbah/berbicara ramalan seenaknya, tidak peduli “nubuat/ramalan”nya terjadi atau tidak, yang penting sekarang dapet 'tepuk –tangan', dan para pendengar udah dicekokin 'angin surga'. Perlu diantisipasi agar kecenderungan orang-orang untuk berbicara in the name of God secara asal dan ngawur akan jauh berkurang. Rasul Paulus – seorang Rasul yang terkemuka – ia berhati-hati mengungkapkan pengalaman "roh" yang ia terima. Intinya hebohnya cerita tentang 'wahyu' bukan entitas sebuah kebenaran. (Baca NUBUATAN AKAL-AKALAN Oleh: Herlianto ; http://artikel.sabda.org/nubuatan_akal_akalan)

2. Sikap Balak yang sangat marah kepada Bileam yang memberkati Israel melalui nubuatannya sebelumnya, dan menyuruhnya pergi tanpa imbalan dan dengan ucapan bahwa Tuhanlah yang bertanggungjawab sehingga ia tidak mendapat imbalan (11). Seolah mau mengejek Bileam bahwa karena dia lebih mau mengucapkan apa kata Tuhan dari pada merekayasa kalimat nubuatannya ia tidak mendapat hadiah. Apakah benar saat ini banyak jemaat lebih senang mendengar Kotbah apa yang ingin didengarnya, berusaha mengendalikan pewartaan firman hingga orang memakai hartanya untuk mengandalikan sebuah keadilan ”pesanan” (keputusan pengadilan) dan berani membayar sebuah kesaksian? Jika ini terjadi maka mereka adalah Balak-Balak Milenium yang ditentang oleh Allah. Untuk menghadapi orang demikian, maka diperlukan Bileam-Bileam yang pewartaannya independent dan yang takut akan TUHAN.

3. Bileam kemudian mengucapkan sanjaknya yang menjadi Nats Evangelium pada minggu ini. Bileam menggambarkan dirinya sebagai ”orang yang mendengar firman Allah, dan yang beroleh pengenalan akan Yang Mahatinggi, yang melihat penglihatan dari Yang Mahakuasa, sambil rebah, namun dengan mata tersingkap”. Ini menggambarkan ekxtase, yang sering dialami oleh para Nabi yang mewartakan Nubuat.

Perkataan Bileam ini mengumumkan kedatangan seorang raja yang besar dari Israel (Num 24:15-19), setelah dia memperkirakan kekalahan Amalek, Kenite, dan Asyur dan Eber (24:20-25). Bileam berkata bahwa “dia melihatnya, tapi tidak sekarang,” dan “dia memandangnya, tapi tidak dari dekat” (24:17). Kata kerja yang sama (ha*r* “see”) disini digunakan juga dalam 23:9, 21a. Disini Bileam berbicara tidak dimasa itu, tapi mengenai masa depan. Perkiraan Bileam mengenai kebangkitan kerajaan Daud. ‘Bintang’ merujuk pada Daud yang mengalahkan orang Moab (Bilangan 24:17; 2 Sam 8:2) dan orang Edom (Bilangan 24:18; 2 Sam 8:13, 14; 1 Raja 11:15, 16; 1 Tawarikh 18:12, 13). Nubuat ini menjanjikan bakal bangkitnya bangsa Israel, sebuah tongkat dan bintang dari Yakub/Israel. Ini adalah lambang untuk pemerintahan raja-raja, menunjukkan pada kerajaan Daud (Kej. 49:10). Dibawah kepemimpinan Daud orang Israel berlimpah dan bangsa-bangsa disekitarnya tunduk dan membawakan upeti (e.g., 2 Sam 8:2, 6). Tapi, nubuatan tidak selesai sampai disini, penggunaan istilah ‘bintang’ lebih dari sekedar merujuk pada seorang penguasa, tapi menghubungkan penguasa itu dengan realitas kelahiran Yesus Kristus. KelahiranNya dihubungkan dengan peristiwa perbintangan (Mat 2:2) dan dia menerima nama “Surya Pagi” (Luk. 1:78-79; Wahyu 22:16) dalam hubungan dengan keturuannya dari garis keturunan Daud. Jadi Jelas Bileam mengabarkan, bahwa dalam tangan TUHAN ada masa depan yang lebih baik. (bnk. “Suatu Bintang terbit dari Yakub”: Gambaran Awal mengenai Raja dalam Bilangan 24:15-19, oleh Greg Herrick, Ph.D. trans : Stevy Tilaar http://www.bible.org/foreign/indonesian/messianichope/regal2_in.htm)

4. Apa yang dilihat Bileam telah nyata dalam diri Tuhan Yesus Kristus, yang penantian kehadirannya sebagai manusia di peringatan Minggu Advent I ini. Kehadiran Allah yang menyelamatkan bukan lagi sekedar penglihatan tetapi telah nyata dalam kelahiran-penebusan oleh Tuhan Yesus Kristus. Untuk itu perlu pengenalan yang langsung oleh iman kepada Allah. Bagaimanapun dalamnya pengetahuan kita akan Firman Tuhan, kalau kita tidak hidup dipimpin Roh Kudus, tidak hidup dalam kasih Allah, kita tetap rentan terhadap segala bentuk penyesatan: kalau pengetahuan Firman Tuhannya dangkal bisa jadi korban penyesatan; kalau pengetahuan Firman Tuhannya dalam bisa jadi penyesat! Kenapa? Soalnya, Alkitab mengatakan kalau kita tidak hidup dalam kasih, berarti kita hidup dalam kegelapan. Dan siapa yang hidup dalam kegelapan, dia tidak tahu ke mana ia pergi karena kegelapan itu telah membutakan matanya. Pengetahuan FT yang luas dan mendalam tanpa diiringi persekutuan yang juga mendalam dengan Tuhan akan menyebabkan kita lama-kelamaan menjadi "sok tahu", selanjutnya kehilangan rasa takut akan Tuhan, sehingga akhirnya kita cenderung menggunakan pengetahuan FT kita untuk kepentingan sendiri: mungkin awalnya hanya untuk mencari keuntungan pribadi, lama-lama bisa menjadi pemberita "injil yang lain"/menjadi semacam nabi palsu/penyesat! Sama seperti kepada Bangsa Israel pada konteks Nats, Dia juga menjanjikan perlindungan buat kita, orang2 yang mengasihi Dia, yang sungguh2 mau setia & mencari wajah-Nya. Roh Kudus juga sudah diberikan kepada kita, Roh yang akan memimpin kita ke dalam seluruh kebenaran-Nya.

Untuk itu, kita tetap harus mengalami sendiri perjumpaan pribadi dengan Tuhan itu. Kita harus mengenalnya secara intim melalui persekutuan dengan-Nya. Kita harus memiliki hubungan langsung dengan Tuhan. Bukankah itu salah satu tujuan kematian Tuhan Yesus : menghilangkan tirai pemisah antara kita dengan Allah. Waktu Yesus mati di kayu salib, Alkitab menceritakan bagaimana tirai di Bait Allah yang memisahkan ruang suci dan ruang maha suci terbelah dari atas sampai ke bawah. Tuhan juga sudah memberikan kita pedoman untuk emngenalNya: Alkitab! Kita bisa menguji segala sesuatu yang kita dapatkan dalam persekutuan kita dengan-Nya itu melalui Firman-Nya. Tuhan sendiri pasti akan menjagai kita dari segala macam penyesatan kalau memang hati kita sungguh-sungguh ingin mengenal Dia. Bila kita mengenal-Nya secara pribadi, kita akan bisa langsung tahu apakah Yesus yang diberitakan oleh orang lain itu Yesus yang benar atau Yesus yang palsu, apakah roh yang berbicara melalui orang itu benar-benar Roh Kudus. Untuk mengenal Tuhan secara pribadi ini tidak mudah, butuh ketekunan dan pengorbanan, memikul salib, penyangkalan diri dan tidak berorientasi material, dan takut akan TUHAN seperti yang disaksikan oleh Bileam. Dan yang pasti, dalam iman kepada TUHAN kita akan melihat masa depan yang lebih baik. Itu janji TUHAN. Amin

Bahan Bacaan :
Alkitab – LAI
“Suatu Bintang terbit dari Yakub”: Gambaran Awal mengenai Raja dalam Bilangan 24:15-19, oleh Greg Herrick, Ph.D. terjemahan : Stevy Tilaar http://www.bible.org/foreign/indonesian/messianichope/regal2_in.htm)