Evangelium 02 Maret 2008 : Marlasniroha ma Hamu Dibagasan Tuhan i (Ul. Apostel 3 : 1 – 10)

Jamita tu Minggu Letare - Tanggal, 02 Maret 2008
Oleh : Pdt. Berton Silaban S.Th (Pendeta HKI Resort Kandis)

I. PATUJOLO
Molo tajahai buku Ulaon ni Apostel on, boi do manigor laho rohanta tu angka ulaon na pinatupa dohot na diulahon angka Apostel dung manaek Tuhan Jesus tu banua ginjang. Tarlumobi muse dung haroro ni Tondi Parbadia. Dapotta do disi angka ulaon nabalga songon tanda halongangan na pinatupa angka Apostel i. Alai dibalik ni i, manigor boi do muse dapot hita, ia tung tarpatupa angka Apostel i pe saluhutnai ndada ala ni hagogoon dohot hatauonnasida sandiri, alai holan ala ni hagogoon ni Tondi Parbadia do. Dibagasan ulaon ni Apostel bindu 3 on, dapot idaonta na gabe ondolan ima : panindangion ni halak Kristen dohot apostel na parjolo na mamboan nasida sai dibagasan paraloan dohot angka panungganei ni halak Jahudi na sai tongtong manggogo laho mangambati parbaritaon dohot parjamitaon ni angka apostel.
Secara khusus diturpuk jamita on taida do tanda halongangan bolon napinatupa ni si Petrus dohot si Johanes ima napamalumhon sahalak na pangpang sian hatutubuna. Ganup ari sai hundul do napangpang i di jolo ni bagas joro lao mangharaphon asiasi sian jolma natorop. Dipatupa si Petrus dohot si Johannes sada tanda halongangan bolon marhitehite goar ni Tuhan Jesus.

II. HATORANGAN NI TURPUK
1. Ngolu Partangiangan patinggil pangkilalaan
Tung tandi do ngolu ni halak na porsea jala na mangolu dibagasan Tondi ni Debata sian jolma naso olo mangihuthon Jesus Kristus. Jolma na ginohan Tondi Parbadia sai diharinghothon do ngolu partangiangan (Gorik. prosexes, berdoa, sembayang). Jala on do na boi taida sian pengalaman halak Kristen dohot Apostel na parjolo. Dung hehe Tuhan Jesus jala digohi Tondi nasida, sai ganup ari do nasida marpungu di bagas joro ni Tuhan i martangiang pasahathon hamauliateon nasida tu Debata. Sapanghilalan do nasida di sude nahumaliang. Sada tanggungjawab do dinasida laho mangurupi angka na marhahurangan (pat. UL 4:32-37). Pandohan “Nangkok tu bagas joro “ ndada naeng paboahon ia bagas joro i maringanan secara fisik di atas tano na timbo, alai naeng patuduhon hinaarga dohot hasurungan ni bagas joro sian angka inganan na asing. Na badia do bagas joro i, alani i halak na naeng ro tusi ingkon jumolo badia. Hasomalan naasing na boi dapot idaonta sian turpuk on, sai torop do namamboan angka namarsahit, na martihas, pangidoido, tu bagas joro i, ima dilaho mangharaphon asiasi (Gorik. eleemosunen sian hata ‘elemon’ yang artinya belas kasihan).
Disada tingki tongon dipukul 3 ima ditingki partangiangan, nangkok do si Petrus dohot si Johanes tu bagas joro laho martangiang. Di tingki i diida nasida ma sahalak na pangpang sian hatutubuna na ganup ari diusung jala ditaruhon dilambung pintu ni bagas joro namargoar nauli laho mangido asiasi. Mangihuthon Ul. 4:22, nunga lobi 40 taon umur ni napangpang on. Lobi 40 taon ma sai mangolu dibagasan ketergantungan tu jolma ibana. Manghirim ibana diasiasi ni halak na ro tu bagas joro i. Asiasi do napinangidona tu si Petrus dohot si Johanes. Alai andul lumobi sian i do dapotna sian si Petrus dohot si Johanes. Tangi jala tinggil do si Petrus dohot si Johanes diparungkilon napangpang i.

2. Parsitutuon mangido mangungkap dalan gabe jumpangan
Dipanghilalahon si Petrus dohot si Johanes do sitaonon naniae napangpang i, pola do dipanotnoti nasida. Tung borat jala parir situtu do parungkilon na pangpang i. Dung dipanotnoti nasida didok ma: Bereng dompak hami (Gorik. ‘Blephon eis emas’, pandanglah kepada kami). Marhite pandohan on dipangido si Petrus do asa marsitutu na pangpang i dipangidoanna.
Somal do ditingki i jolma na mangidoido ndang pola diida dompak bohi napasahathon asiasi i, sae ma holan tanganna na dipatedekhon. Tuhanta Jesus pe diajari do hita asa marsitutu di ganup pangidoanta (Pat. Mat. 7:7). Marhite pandohan bereng dompak hami, na pinangido si Petrus ima asa diparateatehon na pangpang i tu nasida. Dung dibereng napangpang i nasida, hirim do ibana disilehonlehon Apostel. Alai dung dibereng, ndang adong arta/hepeng dilehon tu ibana. Ndang adong dinasida hombar nahinirimna. Alai andul lumobi sian nahinirimnai do dapotna.

3. Goar ni Jesus Paluahon jolma sian ragam ni sahit
Dipatudohon dison, ndada perak manang sere (ndada nilai materi na tumimbo) na naeng jaloon napangpang i sian si Apostel i. Pandohan ni si Petrus di ayat 6, “...perak dohot sere ndang adong diahu, alai na adong diahu hulehon ma tu ho: marhitehite Goar ni Jesus Kristus na sian Nazaret i, mardalan ma ho “. Pandohan on do na paujunghon sitaonon halak napangpang i. marhagogoon situtu do hata na pinasahat Apostel i manghorhon hamalumon ala mangasahon Goar ni Jesus Kristus. Asa ndada hape Apostel i napamalumhon ibana, alai Jesus na sian Nazaret i do. Ndang sian hagogoonna sandiri manang hadaulatonna umbahen na tupa hamalumon i, alai holan marhite goar ni Tuhan Jesus do. Dilehon Jesus do huasoNa, tondiNa tu angka naposoNa patupahon tanda halongangan asa lam patar do ditanda jolma ise do Jesus i, jala aha do ulaonNa. Dipangke Debata do angka panurirang, Apostel, pandita, guru, sintua, diaken pasahathon asiasiNa tu ngolu ni jolma. Marhite angka naposoNa lam tu dasipna ma jala tu toguna haporseaon ni jolma laho mangihuthon Kristus i. Ulaon ni Jesus ima laho paluahon jolma sian ragam dosa dohot pamalumhon angka na marsahit. Jala ulaon on ma napinasaht Tuhan Jesus tu angka naposoNai (Pat. Mat. 28:19-20) dung nangkok Ibana tu Banua Ginjang.

4. Panandaon di asiasi na sian Debata patubu las niroha
Secara hajolmaon tung maol do taantusi sangkap ni Debata na ro tu hita. Jotjot do ro tu hita pasupasu ni Debata di naso panagamanta. Songon na masa tu halak napangpang on. Nunga lobi 40 taon ibana ndang boi mardalan songon halak na normal. Hata ni Tuhanta mandok: Ndang adong na so tarpatupa Debata (Luk. 1:37). Lobi sian na hinirim na pangpang i dibahen Debata tu ibana. HuasoNa marhite Apostel i gabe paujunghon siatononna. Asiasi najinalona sian Debata patubuhon las ni roha di ibana. Marlas ni roha do ibana tu Debata pola mirjahirjak. Mandok mauliate ibana tu Debata disiala naung malum ibana sian sahit na dokdok i. Dirajumi ndang ala ulaonna na tama maradophon Debata umbahen na boi ibana mardalan alai hinorhon asi niroha ni Debata sambing do. Marlas niroha ibana tu Debata, ala nunga boi ibana bongot tu joro ni Tuhan (di pemahaman ni halak Jahudi ndang boi angka na marsahit dohot na martihas mamongoti joro ni Debata). Tanda halongangan na masa tu ibana ndang mambahen ibana gabe lupa mandok mauliate tu Debata. Ndang pintor laho ibana mandapothon keluarga nang sisolhotna paboahon aha masa tu ibana. Alai jumolo do ibana mandok mauliate tu Debata. Marnida na masa i, torop do jolma na longang. Ganggu rohanasida marnida na masai. Di roha nasida nunga tung leleng na pangpang i mangidoido dilambung pintu na uli di bagas joro i, alai nuaeng boi ibana mardalan, mirjahirjak marlas niroha mamuji Debata.

III. Sipahosurhusoron
1. Taharinggashonma ngolu partangiangon. Taakuhon do di bagasan ngolunta di partingkian on nunga lam tu godangna jolma na marsahit. Ndada holan parsahiton secara jasmani alai dohot do nang parsahiton partondion. Asa boi malum sahit i, aha do na boi taulahon ? Tahaporseai ma, ia tangiang ima dalan laho marsaor dohot Debata. Marhite tangiang diajari do hita mangido nasa sipangidoannta tu adopan ni Debata, jala marhite i boi managam hita di asiasi ni Debata (ptd. Mateus 21:22). Angka jolma na mangharinghothon ngolu partangiangon, ido na boi managam di hagogoon na sian Tuhan laho mangadopi sandok parungkilon na adong di ngoluna. Dihata ni endenta no 114 (HG). Somalna do angka halak sipartangiang tinggil diangka na masa di nahumaliangna, tangi jala tinggil di pangidoan ni halak na marungkil jala patut ingkon urupan. Naeng ganup angka naung manjalo asiasi sian Debata mangolu di bagasan tangiang. Tarlumobi diangka naposo ni Tuhan i, asa marhite angka parulaonta dohot pambahenanta tarlumobi napasahathon hata ni Tuhan i gabe mamboan las ni roha tu saluhut ruas ni huria jala hasangapon di Debata.
2. Nunga godang tajalo asiasi na sian Debata, aha du na boi tapatupa diangka dongan na hahurangan? On ma na gabe tanggung jawabta. Ulaon ni huria ndada holan na pasahathon barita nauli, mar-koor, dna, alai naeng ma tongtong taulahon ulaon asi niroha. Godang dope siulahonanta di laho mangurupi angka dongan na marungkil. Hata ni Ap. Paulus mandok: “ Marsiurupan ma hamu manaon na dokdok”. Ingkon dohot hita mangkilalaon sitaonon na masa tu angka donganta. Nunga dia na taula laho mangurupi angka dongan na dibagasan sitaonon na dokdok i? Ulaon asiniroha na tapatupa ima singkat ni hamauliateonta tu Debata siala naung jumolo asi rohaNa tu hita. Jotjot do ro pangurupionna tu hita. Ulaon asi ni roha natapatupa ndada asa dibereng, dipuji halak hita songon na niulahon angk halak Parise. Alai naeng ma nian marhite ulaon asiniroha na tapatupa lam marsangap Tuhan i jala manghorhon pasupasu dohot las niroha di hita.
3. Asa lam ganda asiasi na naeng jaloonta sian Debata, ganup ma hita mangharinghothon parsaoran na denggan dohot Ibana nang hita sama hita. Marhitehite parsaoran i do lam dapotta gogo laho mangadopi saluhut ragam ni parungkilon. Molo lam tapajonok parsaoranta tu Ibana, ndang pintor mura hita mandele tung songon dia pe borat ni parungkilon na masa tu hita. Ingkon marposniroha do hita di Tuhan i. Jala ingkon pos do rohanta di Tuhan i, na tuk patupahon tanda halongangan tu hita. Molo pos rohanta di Tuhan i, ido umbahen gabe sonang rohanta mangula ganup angka ulaonta. Roha na sonang ima jolma natarpasu-pasu. Hata ni endenta mandok: “Pasupasu na godang ima roha nasonang”. Sonang ma panghilalaanta molo rap hita dohot Jesus. Alani i, hombar tu goar ni minggunta “LETARE” na marlapatan Marlasniroha Ma Hamu, ingkon do marlasni roha hita di ganup panggulmiton ni ngolunta.
Nang Ap. Paulus didok do: “Marlasnirohama hamu tongtong dibagasan Tuhan i, Pilippi 4:4). Marlasni roha hita di Tuhan i naung umpasupasuhon tu hita ragam ni pasupasu partondion sian banua ginjang, dibagasan Kristus (Ep. 1:3). Jojot do lobi sian natapingkiri jala natahirim dilehon Debata tu hita. Alani i, marhitehite turpuk on disosohon do tu hita asa unang lupa hita mandok mauliate tu Debata disaluhut parsorionta. Molo tung pe ro parungkilon na borat tu hita, ingkon pos do rohanta na dipargogoi Tuhan i do hita marhite TondiNa mangadopi saluhutnai. Molo tung pe tahila ndang ro dope pangurupion sian Debata, taingot ma hata ni endenta no. 283: 2. Naeng gabe gombaran ni pos nirohantai, na sai tongtong do dilehon Debata pangurupionna, na tau las ni roha di hita hombar tu tingki halehetanna. Amen.

Evangelium 09 Maret 2008 : Yesus Setia Menopang Hidupmu (Hakim-hakim 11 : 1 – 11)

Jamita tu Minggu Judika - Tanggal, 09 Maret 2008
Oleh : Pdt. Togos Sinaga S.Th (Pendeta HKI Resort Jakarta II)

Pendahuluan
Sewaktu Yosua membaharui perjanjian umat Israel dengan Allah di Sikhem, mereka menegaskan bahwa mereka tidak akan meninggalkan Allah mereka untuk menyembah ilah-ilah lain, hal inilah menjadi ketakutan bagi Yosua sebab dia tahu bangsa Israel adalah bangsa yang sangat mudah untuk berpaling (lih. Yos.24;16-20). Sewaktu waktu, ketakutan Yosua ini menjadi kenyataan dimana Allah berulang kali mengirim orang-orangNya menjadi pemimpin bagi mereka, dimana tugas dari pemimpin itu disebut sebagai “ pelepas “ atau “ orang yang membawa keadilan - atau hakim-hakim yang salah satunya adalah Yefta, yang hidup untuk membela bangsanya dari tangan orang Amon.

Tafsiran / Penjelasan.
Yefta adalah seorang hakim yang hidup kira-kira 1100 sM, namanya disebut “yiftakh” dipendekkan dari kata “ yiflukh-el “ yang artinya “ ALLah membuka rahim, dimana”. Yefta diketahui adalah putra dari seorang pelacur kafir yang ada di daerah Gilead. Sebagai seorang anak dari ayahnya Gilead, dia mempertanyakan hak warisannya kepada saudaranya yang sah dari anak-anak Gilead, tetapi para saudaranya tidak memberikannya sebab Yefta dianggap sebagai anak haram, dengan hal tersebut Yefta lari ke negeri Top, dan disana dia mengumpulkan orang-orangnya untuk rnelindungi orang Israel dari tangan orang-orang Amon. Dalam pribadinya sebagai orag Israel, Yefta tidak ingin melihat bangsanya diserang/ dijajah oleh orang-orang Amon, dan sewaktu orang Amon mau menyerang tanah Israel para tu-tua Israel yang ada di daerah Gilead meminta agara Yefta menjadi komandan bagi mereka, hal ini membuat Yefta untuk mengambil sebuah kata sepakat bagi mereka, yaitu bahwa bila mereka mengangkat dia menjadi komandan perang, dia juga harus diangkat menjadi “ hakim” bagi mereka.
Sudah menjadi kenyataan bahwa Israel tidak luput dari berbagai problem hidup, dan ini adalah diakibatkan keteledoran mereka dalam menyikapi segala rencana Allah dalam kehidupan mereka, sebagai umat pilihan Allah, Allah tidak pernah membiarkan bangsanya hidup sebagai orang terjajah, maka Allah mengangkat hakim-hakim bagi mereka yaitu untuk memberi keadilan Allah bagi umatNya terlebih dari tangan orang/bangsa lain.
Para hakim ini tidak diangkat secara resmi, dan tidak diurapi, tetapi mereka disebut sebagai pemimpin yang kharismatik”, sebab mereka muncul dan dipanggil apabila kepemimpinan mereka dibutuhkan, sehinga Israel mempercayai bahwa mereka adalah diangkat oleh Allah. Tugas yang sangat menonjol bagi seorang hakim adalah dalam hal kemiliteran, dalam hal ini dapat diartikan bahwa tugas mereka adalah menegakkan keadilan bagi Israel terutama dari bangsa asing, sehingga seorang hakim dapat menjadi pemimpin yang “kharismatik” adalah sebab Allah-lah yang mengangkat dan memberikan RohNya bagi mereka.
Telah ditegaskan diatas bahwa Yefta dipanggil saat Israel mau diserang oleh orang Amon, sebagai seorang hakim, tugas Yefta adalah memberi kelepasan bagi bangsanya, dalam situasi yang sangat dibutuhkan tersebut, sebagai orang yang hidupnya diberikan kepada AllahNya, Yefta tidak mempersoalkan pengusiran saudara sedarahnya (anak-anak Gilead yang sah dari istrinya), tetapi Yefta menginginkan sebuah pengakuan dari para tokoh-tokoh/tua-tua Israel, bahwa dia akan dijadikan pemimpin bagi perjalanan hidup mereka (ay.9) . Jawab para tua-tua itu “ Demi Tuhan yang mendengarkannya sebagai saksi antar kita : Kami akan berbuat seperti katamu”. Hal ini adalah sebagai cara Yefta untuk mengambil sebuah kesepakatan, agar ditengah-tengah bangsa yang berperang tersebut tidak ada dualisme kepemimpinan, Yang artinya satu komando akan dapat mempermudah pengaturan dan pengkoordinasian yang mempermudah segala pengaturan demi tercapainya sebuah tujuan yaitu kemenangan.
Dalam kehidupan Israel, Allah dijadikan sebagi saksi dalam segala perjalanan hidup mereka, maka Nama Allah dibawa dalam hal kesepakatan sebab Allah diyakini adalah hakim yang tertinggi yang akan membalaskan segala kemurtatan dan penyelewengan bagi setiap orang yang tidak setia akan sebuah janji yang telah terungkap dalam kehidupan bangsaNya. Yefta melakukan hal tersebut adalah karena dia mengingat situasi hidupnya yang tidak diakui sebagai ahli waris ditengah-tengah keluarganya sendiri sehingga saat tugas besar itu akan diembannya dia membutuhkan sebuah pengakuan bahwa dia adalah oang Israel yang sah dan secara nyata adalah juga berhak mewarisi kemenangan bagi bangsanya.

Aplikasi
Sering dalam kehidupan manusia orang selalu mempertanyakan latarbelakang kekeluargaan dan menjadikannya sebagai “punish” untuk melihat kehidupan dan pribadi seseorang dalam pekerjaan dan tugasnya setiap hari. Tidak jarang kita mendengar perkataan yang keluar dari seseorang “ ai hutanda do keluarga ni bae i”, tetapi dia tidak memperhitungkan yang telah dimiliki oleh orang tersebut.
Yefta salah satu orang yang tersingkir dari kehidupan keluarganya, dia dianggap sebagai orang yang tidak pantas untuk menerima warisan orangtuanya, sehingga dia harus lari meninggalkan tanahnya dan juga keluarganya dan mencari kehidupan dinegeri orang lain. Tetapi hal ini adalah sebagai hal yang mengingatkan setiap hidup orang percaya, bahwa Allah turut bekerja dalam segala kehidupan orang-orang yang menaruh hati padaNya, dan Allah turut bekerja juga dalam penyelamatan umatNya dan dengan caraNya sendiri Allah memilih dan menetapkan yang menjadi penyelamat/ keselamatan bagi umat manusia, dan Allah selalu melihat ketulusan untuk bekerja dan tujuan dari pengangkatannya bagi seseorang dalam mengemban tugas dan tanggungjawabnya tersebut. Allah mempunyai inisiatip dalam membela hak dari setiap orang yang dikasihiNya dan dengan demikian Allah adalah berpihak kepada kehidupan kita sebagai umat yang percaya akan Dia.
Minggu ini adalah Minggu “Judika, Berilah keadilan kepadaku, Ya Allah (Mzm.43:1)”, hal ini mengingatkan kita akan kepribadian kita sebagai manusia yang harus ditopang oleh Allah agar memperoleh kemenangan, maka setiap manusia harus menyandarkan hidupnya kepada Dia, sebab didalam Dia ada kemenangan dan sukacita. Untuk saat ini siapakah yang menjadi pemimpin hidupmu agar engkau mendapati kemenangan dalam perjalanan hidupmu setiap saat?
Sungguh banyak yang dapat merongrong kehidupan kita sebagai manusia yang berjalan dalam dunia saat ini kepada siapakah kita akan meminta pertolongan agar kita dapat menang? Jadikanlah Yesus sebagai juru kunci dalam segala perjalanan hidupmu sebab Dia yang menjanjikanNya tetap setia memberi kita kemenangan dan kebahagiaan dan jadikanlah hidupmu sama-sama sebagai pewaris kerajaan Allah dengan yang lainnya sebab kita adalah anak-anak Allah dalam satu pengaharapan dan satu tujuan didalam penyelamatan yang telah diberikan untuk kita. Amen

Evangelium 16 Maret 2008 - Bersoraksorak dan Bersukacitalah Menyambut Tuhan (Mazmur 118 : 22 - 26)

Jamita tu Minggu Palmarum - Tanggal, 16 Maret 2008
Oleh : Pdt. Janto Sihombing, S.Th (Pendeta HKI Resort Jakarta IV)

I. PENDAHULUAN
1. Jika kitab Pentateukh (kejadian, Keluaran, Imamat, Bilangan dan Ulangan) disebut dan dipahami bangsa Israel sebagai kitab dan buku Allah yang disampaikan kepada manusia, maka kitab Mazmur (yang berjumlah 150 pasal) itu dipahami sebagai buku manusia kepada Allah. Kitab Pentateukh sifatnya turun/datang dari Allah/atas kepada manusia. Apa yang diinginkan atau Firman Allah yang dikehendakiNya. Sementara kitab Mazmur sifatnya dari bawah ke atas atau merupakan kesaksian manusia akan perbuatan Allah. Dalam kitab Mazmur banyak terdapat tentang bagaimana pergumulan yang dihadapi seseorang, ada doa minta tolong, ada nyanyian dan ucapan syukur atas perbuatan Tuhan, penderitaan, kesesakan dan keluhan-keluhan lain yang disampaikan kepada Tuhan, dan lain-lain.
2. Mazmur pasal 118 ini merupakan penutup dari rentetan syair yang dinyanyikan pada malam Paskah. Dan oleh para ahli, Mazmur ini juga termasuk Mazmur Raja-raja, yaitu mazmur yang berisikan tentang Raja-raja di Jerusalem dan sekaligus tentang raja yang akan segera bangkit sebagaimana juga yang dinubuatkan dalam Mazmur 2; 18; 20; 21; 45; 72; 101; 110; 132; 144:1-11. Mazmur 118 ini dapat kita bagi menjadi tiga bagian besar:
- Ay. 1-4 = Nyanyian dan ajakan untuk bersyukur dan dinyanyikan secara Responsoria.
- Ay. 5-21 = Ucapan Syukur dan penyambutan di pintu gerbang.
-Ay.22-29 = Sebagai penutup yang berisikan berbagai bentuk panggilan dan nyanyian ada yang perorangan, kelompok dan bentuk responsoria,
Yang menjadi khotbah kita adalah ayat 22-26. Itu berarti termasuk pada bagian yang ketiga. Perikop ini sendiri masih dapat kita bagi, yakni:
ayat 22-23 : Keajaiban yang diperbuat oleh Allah
ayat 24-25 : Keajaiban yang diperbuat oleh Allah itu menjadi sukacita orang yang percaya
ayat 26 : Sambutan para Imam dan penyampaian berkat kepada orang yang beribadah.

II. URAIAN KHOTBAH
1. Ayat 22-23 : Allah Melakukan Keajaiban.
Pemazmur mengatakan bahwa manusia yang dikepung, jatuh dan hampir mati dikiaskan dengan batu yang dibuang oleh tukang bangunan, karena dianggap sudah pecah, tetapi Tuhan mengangkatnya dan batu itu menjadi batu penjuru yang utama. Inilah keajaiban yang diperbuat Allah yaitu sesuatu yang tidak dibayangkan atau diharapkan orang. Makna ayat ini tidak berhenti sampai disana, tetapi lebih jauh lagi kita akan melihat makna nubuat yang terkandung didalamnya. Dimana, kedua ayat ini merupakan nubuatan akan penderitaan Mesias.
Walaupun dalam bahasa “sandi°” menunjuk kepada Kristus yang akan mati. Sebagaimana yang dikutip dalam Kisah Para Rasul 4 :11 ; 1Petrus 2:4, 7 Roma 9: 32-33; Efesus 2:20. “Batu yang dibuang oleh tukang bangunan” menggambarkan penderitaan yang dialami Yesus, disalibkan dan mati hingga Ia dikuburkan. Yang berarti, dibuang oleh orang Yahudi, tetapi oleh Allah Ia jadikan sebagai Batu Penjuru - Batu Utama. Yesus yang disalibkan itulah yang menjadi Batu Penjuru di dalam Kerajaan Allah seperti yang dikatakan Paulus dalam I Kor.3:11, “karena tidak ada seorangpun yang dapat meletakkan dasar lain daripada dasar yang telah diletakkan yaitu Yesus Kristus”. Yesus sendiri menjadi Batu Penjuru Kerajaan Allah yang dibuang oleh para Imam dan Ahli Taurat, namun di dalam rencana Allah telah tersedia kemuliaan bagi Dia. Yesus sebagai Batu Penjuru dan Batu Utama dalam Kerajaan Allah berarti Dialah yang menjadi Penentu dan yang paling utama menentukan keselamatan manusia. Keselamatan tidak ada didalam siapapun juga selain didalam Dia, sebab tidak ada nama lain yang diberikan kepada manusia yang olehNya kita dapat diselamatkan (Kisah 4 :10-12). Jika semuanya ini terjadi dan nyata di dalam Yesus Kristus, ketahuilah bahwa hal itu adalah perbuatan ajaib yang dari Allah dan ini akan menjadi keajaiban senantiasa sepanjang jaman bagi setiap orang percaya.

2. Ayat 24-25 : Suka cita orang percaya atas perbuatan ajaib Allah.
Dalam kedua ayat ini, kita menentukan puncak seruan dari pemazmur yang menekankan dan menunjuk kepada “hari” dimana Allah menyatakan keajaiban itu, yang menjadikan batu yang dibuang oleh tukang bangunan menjadi batu penjuru. Itulah hari yang patut disyukuri, hari yang telah dijadikan Allah dimana orang percaya harus mensyukurinya sambil menyerukan, Ya Tuhan, berilah kiranya keselamatan, ya Tuhan, berilah kiraraya kemujuran. Inilah seruan kegembiraan orang percaya yang menyerukan bahwa hanya kepada Allahlah segala pujian dan hormat kemuliaan kekal selama-lamanya. Allah yang penuh dengan kemuliaan itu juga akan senantiasa memberi semangat dan harapan baru kepada orang percaya. Melalui seruan ini, nyatalah bahwa orang-orang percaya telah menjadi orang yang bersaksi bahwa hanya Allah sajalah yang memberi keselamatan dan kemujuran yaitu harapan dan semangat baru.

3. Ayat 26: Berkat Tuhan melalui Para Imam
Para Imam menyambut orang-orang yang datang (peziarah atau peserta ibadah) dengan berkat dari dalam Bait Allah, “ Diberkatilala Dia yang datang dalam nama Tuhan, kami memberkati kamu dari dalam Rumah Tuhan.”Berkat itu adalah berkat dimana Allah akan turut campur tangan dan menyelamatkan umatNya orang percaya yang datang beribadah. Ini merupakan salam tetap yang disampaikan kepada para penziarah bilamana mereka telah sampai di Bait Allah untuk perayaan-perayaan besar. Ini juga mempunyai makna nubuatan akan Mesias dimana bagi orang Yahudi, kata “Ia yang datang “ adalah nama lain untuk Mesias. Bilamana orang Yahudi berbicara tentang Mesias, mereka menyebutnya sebagai “Dia yang akan datang”.
Hal inilah yang kita dengar dalam Mat 21:9; 23:39; Markus 11:9; Lukas 13:35; 19:38; Yoh 12:13. Yesuslah Mesias yang datang didalam nama Tuhan. Sambutan akan Yesus sebagai Mesias dan seruan ini berkumandang ketika Yesus memasuki Jerusalem. Dimana Dia disambut dengan sorak sorai Hosianna,.... Sambutan yang lebih menyerukan kepada Allah supaya campur tangan dan menyelamatkan umatNya sekarang karena Mesias sudah datang.

III. PENUTUP
1. Biasanya Mazmur ini dinyanyikan untuk menutup rentetan syair pada malam Paskah. Bagi orang-orang percaya Mazmur ini akan menolong untuk mengerti makna sengsara dan kebangkitan Yesus. Pada hari ini adalah Minggu Palmarum, maka khotbah ini mengingatkan kita akan Penderitaan Yesus menuju kesengsaraan dan penyaliban. Dia akan menderita, dihina, diludahi, ditikam sampai disalib, mati dan dikuburkan. Dia akan seperti “Batu yang dibuang oleh tukang bangunan”, namun segera Dia akan bangkit dari sana dan naik ke Sorga dan di dalam Dia Allah akan membuat dan membangun KerajaanNya dan Dialah yang menjadi Batu Penjuru yang sebagai penentu keselamatan umat manusia. Pada saat itu akan nyata dengan jelas bagaimana Allah melakukan keajaiban didepan mata kita karena Yesus yang menderita akan bangkit pada hari yang ketiga dan menjadi Raja atas segala raja dan kemuliaan ada diatasNya.
2. Keimanan kita akan didasarkan dan terletak pada Yesus yang dijadikan Allah sebagai BATU PENJURU. Sebagaimana yang ditekankann oleh Petrus dalam suratnya bahwa Yesuslah batu penjuru Bait Allah yang baru dan rohani yang terdiri atas orang-orang percaya yang menyerahkan diri sebagai batu hidup (I Petrus 2:4-6).
3. Yesuslah Mesias, Juruselamat yang datang dalam nama Tuhan. Di dalam Dia ada keselamatan dan kemujuran yaitu semangat, harapan dan masa depan. Amin.

Evangelium 21 Maret 2008 - Jumat Agung : Bereng Tuhanmu di Silang i (4 Musa 21 : 4 – 9)

Jamita Jumat Agung - Tanggal, 21 Maret 2008
Oleh : Pdt. R. Simanjuntak, BD (Parhobas di Kantor Pusat)
I. Patujolo
Ndang adong be nanggo sada sian jolma i na so mardosa. Tung saluhutna do pinarhatoban ni dosa (pat. Roma. 3: 23). Hape, upa tinuhor ni dosa do hamatean (Rom.6:23). Ala ni i tung saluhutna do jolma hona uhum hamatean.
Anak ni Jolma i pe, ima Jesus, songon i do, mate. Alai asing do hamamateNa. Ndang songon hamamate ni hita jolma. Ianggo Jesus, digantung jala mate Ibana di hau pinarsilang i, laos disi do patar balga ni holongNa tu jolma manisia. Ai aturan jolma i do na ingkon hona uhum ala dosa i. Hape gabe ro Jesus. Gabe Ibana singkat ni hita jolma gantung di silang i. Olo Ibana sumeahon hosaNa humophop hita manisia. Jala ganup halak na mamereng huhut hot manghaporseai panghophopon dohot pangondihonon ni Jesus di hau pinarsilang i gabe mangolu huhut dapotan haluaon salelengna.

II. Hatorangan ni Turpuk
1. Mara ni ganup halak na gok ungutungut
a. Dipardalanan sian Misir tu tano Kanan dope bangso Israel. Nunga sahat nasida di dolok Hor. Laos ditorushon pardalanaanna sian Laut Arung – gabe mangaliat pasiding musuna di luat Edom. Nunga tung leleng nasida dipardalanan. Loja muse. So sundat gok hamaolon ro diangka mara nang musu di tongan dalan. Ndada holan i, sipanganon pe ndang adong ; siinumon pe so ada – ima pingkirannasida. Gabe murhing be ma huhut sai marmungutmungut tu Jahowa dohot tu si Musa. Ungutungutna on ma : ai sumonang hian do hami di tano Misir, hape gabe diboan si Musa haruar sian i. Gabe tinaon ma songon on di parhorsihan on. Sipanganon dohot siinumon pe so ada. Sagusagu (manna) pe nunga giakgiak mambahen ginegine ateate marnida.
Tarida sian ungutungut i, nunga ingkon lomona/salerana sipasauton ni Debata. Ndang boi be dirohana nanggo otik hamaolon. Holan hurang sipanganon dohot siinumon, pintor gok ungutungut. Gabe dihasogohon si Musa. Dungi laos dilupahon sambing pandonganion dohot panarihonon ni Debata di nasida.
b. Ndang lomo roha ni Debata marnida halak na gok ungutungut. Ungutungut ni halak Israel pe tong songon i, ndang dihalomohon. Ujungna, gabe diparo Debata ma ulok tulong api. Diparguti ma bangso i. Gabe torop marmamatean sian tongatonganasida.

2. Dijangkon Debata do ganup halak na magopu rohana sumolsoli dosana.
Dung ro mara, diparguti ulok i nasida, baru pe asa sadar dihahuranganna.
Diboto ma, paboa so dihalomohon Debata halak na gok ungutungut. Dungi sumolsol bagi ma nasida. Ditopoti ma dosana diadopan ni si Musa. Panopotionnasida songon on ma : “... nunga mardosa hami dompak Jahowa dohot dompak ho ; martangiang ma ho tu Jahowa, asa dipadao sian hami ulok tulong api i” (ay.7).
Dioloi si Musa do pangidoan i huhut martangiang tu Jahowa mangondihon bangso i. Dungi, dijangkon Debata do nasida, gabe dipaeleng sipareonNa tumangihon pangidoan i. Dungi, laos disuru Debata ma si Musa mambahen suman ni ulok tulong api sisangkothononna tu ’hau partonggol”. Jala Debata mandok : “...ia adong manang ise na hona pargut jala dibereng tusi, ingkon mangolu ibana”(ay.8). Dipatupa si Musa do songon i. Jala toho ma antong, ia adong na hona pargut jala diida suman ni tulong api na pinatimbo/sinanghothon di hau partonggol i, gabe mangolu ibana. Lapatanna, tudutudu do i tu Jesus na gantung di silang i. Jala ganup na mamereng Tuhan i di silang i, huhut hot manghaporseai panghophoponNa, i do na dapotan hangoluon/haluaon i.

III. Pokok Renungan
1. Tongka do sai murhing bohi huhut sai marmungutmungut tu dongan jolma lumobi tu Debata. Tung so dihalomohon Debata do jolma sisongon i. Ai halak na sai murhing huhut marmungutmungut dipatudu i do dirina siginjang roha. Taboto do, saleleng di portibion, ndang boi so ro hamaolon. Dungi molo tung hurang pe sinamot – hurang mangihuthon paretongan portibion - alai ingkon okuhonon do paboa so hasuhatan saluhut denggan basa ni Debata naung tajalo. Na pasti, ndada holan ngolu siapari na disarihon. Alai uju madabu hita tu dosa – termasuk dosa marmungutmungut – disi do hita naung nililit huhut pinargut ni ulok na robi, ima sorop/huaso ni dosa i. Gabe huaso ni dosa i na mamparhatobanhon hita. Ala ni i do ingkon hona uhum hian jolma i, ima uhum ala dosa i, hamatean salelengna. Alai ro Tuhanta Jesus, gabe Ibana manggatihon hita manjalo uhum i. Gabe Tuhanta Jesus ma singkat ni hita manisia digantung di hau pinarsilang i – suman ni ulok tulong api na sinangkothon di hau partonggol, laos tudutudu do i tu Jesus na gantung di silang i (pat. Joh.3:14). Ima balga ni holong dohot denggan basaNa humophop hita jolma naung gok dosa dohot ungutungut i.
2. Ndang adong sian jolma na sempurna. Saluhutna do gok hahurangan dohot dosa. Alai taingot ma : dijanghon Debata do ganup halak na sumolsoli dosana huhut dohot roha na magopu ibana manopotisa di adopan ni Debata. Na paling berbahaya di ngolu on, molo niula na sala/dosa, dungi gabe nihasolmalhon na sala/dosa i. Hape ala dihasomalhon i, gabe i dietong hasintongan. Pangalaho na songon i do na umborat. Nuaeng pe, bereng ma Tuhanmu na gantung di hau pinarsilang i. Haporseai ma panghophopNa i. Dungi gabe dapotan hangoluan dohot haluaon na hot salelengna ma ho. Amen.

Evangelium 23 Maret 2008 - Paskah I : Nunga Monang Kristus i (Hosea 13 : 14 – 15)

Jamita Pesta I Ari Haheheon - Tanggal, 23 Maret 2008
Oleh : Pdt. M. Lumban Gaol, STh (Parhobas di Kantor Pusat HKI)

Patujolo:
Ganup taon do ta pestahon ari Paskah songon angka ari parningotan naung tontu gabe ari rea di huria (ari haheheon, pentakosta, natal). Martimbangkon Natal, andul do marasing pamestahonon di ari paskah, tung sumalin do pamestahonon di ari Natal, martimbangkon Paskah; ndang apala adong angka persiapan dohot hariburon dison. Boasa songon i ? Naumbalga do lapatan ni Natal sian Paskah ? tauji ma jo tongkin mangarihiti.
Angka pesta rea napinatupa ni huria sinuaeng (asing ni Natal), tutu mangihuthon hasomalan pesta rea ni halak Jahudi. Alai di halak Jahudi, parningotan di Paskah do pesta na umbalga; ima parningotan di haluaon nasida sian Misir dohot parningotan di haluaon nasida sian hamatean napinaro ni Debata di Misir, diborngin parpudi nalao bungkas Israel sian i (2 Musa:12:1-30).
Huria naparjolo (gereja mula-mula) sai dipatupa nasida do parpunguan siganup minggu marningot dihaheheon ni Kristus ganup ari parjolo siganup mingguna (di halak Jahudi ari parpudi siganup minggu ima ari sabat (sabtu), asa ari parjolo ima ari Minggu. Sian angka piga hatorangan naasing muse dapot do alasan mandok; ia parpunguan parmingguan siganup ari minggu ido Pesta Paskah na asli dihalak Kristen (ari ni Tuhan, di hata Gorik ’kuriakhe hemera’). Nang pe songon i sai tongtong do dipatupa sada parningotan di ganup taon tu ari paskah sada partingkian dohot halak Jahudi (sian abad 1 sahat tu abad 2), alai marasing do impola ni parpunguan i (halak Jahudi manaringoti paskah namasa di Misir, huria manaringoti hamongangan ni Kristus sian hamatean). Alai lam leleng gabe ndang sada ari be parningotan i dohot halak Jahudi, ai dirajumi ia anak ni birubiru nasineat i nunga naimbaru (pat. 1 Kor.5:7-8).
Di pamestahonon ni Huria di abad na paduahon, 2 (dua) do naumbalga, ima Paskah dohot Pentakosta. Alai tarlumobi ma Paskah, ido nagabe induk ninasa pesta ni huria. Masa ni Leo I, digoari do Paskah gabe pesta ni nasa pesta (festum festorum). Natal dohot pesta na asing digoari do pangaradeon laho manomunomu Paskah. Asa, Paskah do nagabe patokan (titik berangkat) laho mamestahon angka ari pesta di huria. Jala sian abad 4 (paopathon), Pesta Paskah dohot Pentakosta di Gereja Barat sai dipatupa tongon di ari Minggu.

Hatorangan ni Turpuk:
Martimbanghon parngoluon ni angka panurirang napinabangkit ni Debata di Padan Narobi, tung andul do marasing parniahapon (parsorion) ni panurirang Hosea; ai disuru Debata ibana maripehon boruboru sibabijalang (bindu 1)jala tubuan anak sian i. Muse, ndang marhamubaon boruboru naung gabe sinondukna i, pola ingkon tobusonna muse sian baoa naasing (3:1-2).
Pangalaho ni boruboru nagabe jolma ni si Hosea (si Gomer) ido gombaran ni pangalaho ni halak Jahudi masa ni turpuk on, songon pangalaho ni boruboru naso satia tu baoana; laho mandapothon baoa naasing mangoloi hisaphisap ni dagingna. Ndang puas boruboru i di ngolungolu siapari naung pinarade ni sinondukna (2:10), lao do ibana marroharoha dohot baoa naasing mangoloi hisaphisap ni dagingna. Ise ma baoa naolo manjalo pangalaho nasongon i ? nda doshon napaurakhon baoana pangalaho ni si Gomer i ? Doshon pangalaho si songon i ma pangalaho ni bangso Israel maradophon Debata. Naung marpadan do bangso Israel dohot Debata; naso jadi marangkup manang bahenon sumansuman tu Debata nagabe sisombaon jala sioloan (13: 1-2, pat. 2 Musa 20:3-5). Dirajumi do parsaoran ni bangso Israel dohot Debata di Padan Narobi doshon parsinonduk (istri) tu sinondukna (suami) (Israel gabe parsinonduk jala Debata gabe Sinondukna). Dimasa ni si Hosea, marhademahon do bangso i; gabe na diula, sinur nang pahanpahanan, dao angka parmaraan. Hape laos hasil ni gabe naniula dohot gabe ni pahanpahanan i do dibahen nasida mambahen ganaganaan Baal sian perak dohot sere, sisombaon nasida, jala patupa ari rea panombaon di Baal i (2:13-15, 4:8-19). Lam martamba muse hasongiron ni pangalaho ni bangso (4:1-2) na tung pasogohon roha ni Debata parohon rimasNa.
Molo pinatomutomu pandapot ni pigapiga pande bisuk ni Bibel; terjemahan asli ni ayat 14 on jumonok do tu terjemahan BIS (Bahasa Indonesia sehari-hari): Bangsa ini tidak akan Kuselamatkan dari kuasa dunia orang mati. Hai kematian, sebarkanlah wabahmu! Laksanakanlah pekerjaanmu yang menghancurkan itu! Aku tidak mengasihani bangsa ini lagi. (suang songon i di TEV (Todays English Version) CEV (Contemporary English Version)). Molo taparrohahon terjemahan ni Bibel ta (suang songon I Alkitab) songon na hurang domu do bagian naparjolo di ayat 14 tu hata namangihut sahat tu ayat 15. Sian terjemahan on, nunga gotos roha ni Jahowa mamereng pangalaho ni bangso i, ndang paluaonNa sian hamatean.
Sian terjemahan ni Bibelta on, molo dipatomutomu muse dohot pandohan ni Ap. Paulus (1 Kor.15:5), naeng dohononna do huaso dohot hagogoon ni Debata boi mangatasi huaso ni hamatean jala manait jolma i sian gomgomanna. Jala molo tapatomutomu muse hata on tu Pesta Paskah na tahalashon sadari on: tung tangkas do margogo Debata manaluhon hamatean i, jala ndang tartiopi hamatean i Tuhan Jesus. Haheheon ni Jesus sian hamatean (inganan parmianan ala dosa jala inganan harajaon ni Dosa) pabotohon naung talu do hagogoon ni dosa i, jala gumogo do huaso ni Debata sian huaso ni dosa. Panghorhon ni hamonangan ni Jesus manaluhon huaso ni dosa bahen di hita jolma, nasa naporsea di Jesus Kristus taruli do nang dihamonangan ni Kristus, naung dohot monang naporsea i sian gomgoman ni dosa dohot hamatean. Jala tung ringkot situtu antusan jala sihaporseaonta ima: Natutu do Jesus mate, tuat tu banua toru tu hamatean i jala mulak mangolu, hehe sian hamatean i. Molo so i, dos do hita dohot portibi on naso porsea di hamamate ni Jesus dohot naung heheon Ibana sian hamatean. Tung tangkas ma hasasaut ni hata ni Debata: “ndang adong naso tarpatupa Debata”.

Siauhononhon:
1. Tung tarida do sian turpuk on parpiar rimas ni Debata diangka naung marpadan dohot Ibana, hape diose, dibahen marangkup Debata, ndang mangulahon hasintongan nang holong ni roha, ndang dihalomohon parbinotoan tu Debata; gabe tolontolon, gabus, bunubunu, tongkatongka dohot pangalangkupon di hangoluhon (4:1-2). Hamatean do upa ni namanghangoluhon nasongon i, jala hamusuon tu Debata do harohaon di daging; ndang tarhalomohon Debata angka parroha daging (Rom 8:7-8).
2. Marhite Paskah on, dipatuduhon do hamonangan ni Debata, naung diatasi Debata do huaso ni dosa hamatean i. HaheheonNa i mangalehon di hita hamongan manaluhon huaso dohot hagogoon ni dosa nasai tongtong manaiti hita asa masuk tu gomgomanna. Alani i, unang be hita mangadop di daging, marparange marguru tu daging (Rom 8:12). Nunga tajalo Tondi ni haanakon naung gabe anak ni Debata hita (Rom 8:15-16).
3. Taadopi do godang hamaolon ni parngoluon dohot hamaolon ni partondion di portibi on; sai hira naso boi muba i saluhutna. Molo marharajaon pe nuaeng musu ni Jesus, gumogo huasona sian uhum, lam tu rundutna nuaeng pangalaho ni jolma, porsuk parniahapanta, ngalut parngoluonta: Unang Mandele. Gari hamatean nunga ditaluhon Jesus, tangkas ma tahaporseai: “ndang adong naso tarpatupa Debata”. Amen.