Cover MBW, Edisi No.21 Februari-Maret/Tahun XXXII/2009

Editorial Bina Warga Edisi Pebruari - Maret 2009

Tahun Diakonia

Dari 3 Panggilan Gereja (Marturya, Koinonia dan Diakonia), tanpa bermaksud meninggalkan pelayanan yang lain, tahun 2009 kita akan lebih memfokuskan bidang pelayan kepada salah satu darinya, yakni bidang Diakonia. Lewat Lembaga Kemitraan Gereja-gereja di Sumatera Utara, tahun 2006 lalu, Pucuk Pimpinan telah mengusulkan bahwa HKI akan mempersiapkan diri menjadi Fasilitator bagi pelatihan untuk pemberdayaan masyarakat dibidang Pertanian dan Peternakan. Hal itu juga telah ditunjukkan oleh intensitas kegiatan Departemen Diakonia yang telah melakukan banyak kegiatan Pelatihan Pertanian/Peternakan Organik, yang bukan hanya untuk warga HKI, juga kepada warga gereja lain dan bahkan telah melayani Pemkab HUMBAHAS.

Pada rapat Majelis Pusat, bulan September 2008 telah disepakati program HKI 2009 sebagai tahun Diakonia. Pucuk Pimpinan telah memulai Sosialisasi melalui Almanak HKI 2009. Keseriusan kita untuk mencanangkan dan melaksanakan bidang pelayanan diakonia pada tahun ini, Pucuk Pimpinan telah mengangkat Panitia Pencanangan untuk mempersiapkan dan memfasilitasi satu kegiatan besar (Perayaan Puncak Pencanangan Tahun Diakonia) yang akan dilaksanakan pada Minggu, 15 Maret 2009 bertempat di Gedung Olah Raga (GOR) P.siantar. Kegiatan ini dipadu berdekatan dengan rapat Majelis Pusat dan Rapat Konven Pendeta, dengan harapan semua Majelis Pusat dan Pendeta HKI bersama warga jemaat dan undangan hadir pada perayaan tersebut. Satu target yang hendak dicapai oleh Panitia adalah Pengumpulan Dana bagi Pembangunan Training Center Diakonia HKI.

Sebagaimana dilaporkan Pucuk Pimpinan HKI di Sinode ke-58 di Berastagi, telah dibeli sebidang Tanah Peruntukan Pembangunan Training Center berlokasi di Tiga Dolok-Simalungun. Sketsa dan tahapan Rencana Pembagunan juga telah di rancang. Bukan hanya itu, dalam beberapa kali kunjungan mitra Luar Negri ke Kantor Pusat HKI; Pucuk Pimpinan juga membawa mereka ke lokasi Pembangunan Training tersebut untuk meyakinkan sembari meminta bantuan mereka untuk pelaksanaan tahapan pembangunan yang membutuhkan Dana yang cukup besar. Namun hingga kini belum ada tanda-tanda akan adanya bantuan Luar Negri untuk kegiatan dimaksud. Namun hanya inikah kegiatan yang akan kita laksanakan pada tahun Diakonia ini ? Untuk menyegarkan kita semua, sekali lagi mari kita simak apa yang dikatakan oleh Pucuk Pimpinan kita:

Saudara-saudaraku yang kekasih dalam nama Tuhan kita Yesus Kristus,
Tahun 2009 ini kita sebut Tahun Diakonia dalam pelayanan kita di Huria Kristen Indonesia. Tujuan kita menjadikan tahun 2009 ini menjadi tahun diakonia adalah untuk lebih meningkatkan pelayanan kita di bidang diakonia, tanpa melupakan pelayanan kita pada bidang Pekabaran Injil (Marturia), Persekutuan (Koinonia). Seperti telah kita tuliskan dalam PRT HKI Tahun 2005 , Bab IV, Pasal 16, d, bahwa Ruang Lingkup Kerja Departemen Diakonia ialah:

a) Pelayanan Sosial.
b) Pelayanan Pendidikan.
c) Pelayanan Kesehatan.
d) Lingkungan Hidup.
e) Pengembangan Masyarakat.
f) Dana Pensiun.

Memperhatikan luasnya ruang lingkup pelayanan ini dan terbatasnya sumber daya kita, maka prioritas utama yang akan kita sentuh pada tahun 2009 ini ialah Pelayanan Sosial, Lingkungan Hidup, Pengembangan Masyarakat dan Dana Pensiun.

Siapakah yang bertanggung jawab melakukan pelayanan yang sangat luas ini?. Jawabnya, ialah kita secara bersama-sama. Bagaimana caranya? Caranya ialah:

1. Seluruh Warga HKI diajak untuk mendoakan pelayanan ini.
2. Seluruh Warga HKI diajak untuk mendukung pelayanan ini secara sungguh-sungguh dengan memberikan sebahagian apa yang dimiliki (tenaga, pikiran, uang, dsb).
3. Masing-masing Jemaat atau Resort atau Daerah di seluruh jajaran pelayanan HKI dianjurkan dengan sangat, agar mendukung ”Program Diakonia” yang telah disusun dari Kantor Pusat HKI. Program dimaksud telah disebarluaskan oleh Pucuk Pimpinan HKI kepada seluruh Jemaat HKI melalui Preses kita di Daerah-Daerah.

Tuhan Yesus berfirman:”Roh Tuhan ada pada-Ku, oleh sebab Ia telah mengurapi Aku, untuk menyampaikan kabar baik kepada orang-orang miskin; dan Ia telah mengutus Aku untuk memberitakan pembebasan kepada orang-orang tawanan, dan penglihatan bagi orang-orang buta, untuk membebaskan orang-orang tertindas, untuk memberitakan tahun rahmat Tuhan telah datang” (Lukas 4:18-19).

SELAMAT BERDIAKONIA. TUHAN MEMBERKATI SAUDARA-SAUDARA
Terima kasih.
Ephorus
Pdt.Dr.B.Purba.

Bahan Jamita Bina Warga Bulan Pebruari 2009

Jamita Minggu 4 Dung Epiphanias

Tgl. 01 Pebruari 2009

Lukas 15 : 11 - 24
Pdt. Eben Hutasoit, S.Th
Pdt HKI Resort Panei Tongah

Hamubaon i dipatudu Parulaon

I. Patujulo.
Turpuk on, somal do digoari anak na mago. Alai, molo taida do impola ni umpama on, atik beha dohononta turpuk on taringot tu Ama na gok holong ni roha, ai di bagasan turpuk on dipabotohon do tu hita taringot na gumodang holong ni Ama i sian dosa ni anak na mago i. Disisi na asing boi do berengonta holan di bagasan Jesus do adong ngolu dohot hatiuron. Umpama on dihatahon Jesus do laho mangalusi ungutungut ni halak Parise dohot siboto surat, ala torop angka sijalobeo dohot sipardosa na pasolhot dirina laho tumangihon hata ni Jesus (pat. Luk: 1-2). Di jolo ni turpuk on, nunga adong dua umpama dipabotohon Jesus, i ma taringot tu birubiru na lilu dohot hupang na so tarida (ay. 4- 10). Alai turpukta sadarion dao tumorang sian turpuk na di jolona. Ai holong ni roha ni Debata na tuk do manaluhon haotoon ni jolma, pangaleaon ni soarasoara na mangunjuni dohot pemberontakan ni roha na tinuntun. Holong ni roha ni Debata na tuk do mangalehon ngolu dohot mamboan jolmai sian haholomon tu hatiuron, asa patar di ida jolma i hagogoon ni Debata.

Dua anak ni sada halak; Sianggian mangido sinamot na tu amana. Dungi dilehon, laho ma ibana tu luat na dao; dipansuasehon ma sinamot i, suda ma suluhutna. Di na ro haleon poor, mahiandu (mambuat gaji) ma ibana, gabe marmahan babi ibana, dungi male, jala disangkapi do manganhon indahan ni babi i. Dung i marhusori ma pingkiran dohot rohana namandok; boasa mansai torop halak digaji amangku, jala lobian indahan, hape ianggo ahu ingkon mate ma dison anturaparon?. Dung adong di ibana panolsolion sisongoni gabe patar jala torang ma diantusi ibana ia amana i parasi dohot gok holong ni roha do. Hehe ma ibana mandapothon amana, huhut manolsoli di pambahenan na. Panolsolion ni anak-na i, dijangkon amana do, marhite na patupa pesta dohot mangalehon ulos na dumenggan, tintin dohot sipatu. Jadi mamungka marlas ni roha ma nasida.

II. Hatorangan ni turpuk:

Ayat 11-16; Somal do masa di halak Jahudi namanadinghon hutana alani hapogoson laho mangalului pandaraman na dumenggan di luat na asing. Ala godangan dope jolma on mangalului ngolungolu sian hangoluan. Mangihuthon adat ni nasida, ndang jadi gadison tano sipatepate (pat.3 Musa 25:23-28). Anak sianggian mangido sinamot sian amana, manang nasadia tohapna. Ra napinangido ni anak sianggian i ma arta na asing (harta bergerak); diboto ibana do i, ai 2/3 arta i di sihahaan do, anggo di ibana holan 1/3 do (pat. 5 Musa 21: 17). Boi do ra taantusi pangidoan anak sianggian i ala poso dope ibana, ra songon na runtus do i; ala ndang dope tardok na sala. Ndang pola dipaboa na so lomo rohana mida amana, manang naung loja ibana paihutihut aturan ni amana i. Jadi ndang apala tangkas atik na adong sian mulana i tahitahi na jahat di hadirion ni ibana. Alai dung dipapungu ibana saluhutna na patut di ibana, laho ma ibana tu luat na dao. Manang boha pe marhite ngolu na morlobilobi, ala naung tarsulandit ibana, na mansegai dirina sandiri, gabe suda ma sude sinamot na binoanna i. Ala nunga suda sude, pola ndang tarbahen ibana manuhor mangan, alani laho ma ibana mangalului ulaonna. Mangihuthon adat Jahudi, sada ulaon na ramun do marmahan babi (pat. 3 Musa 11: 7), alai diolohon ibana do i, nang pe so pola terjamin upa sijaloonna. Alani malena, pola do disangkapi ibana laho manganhon langkat i, indahan ni babi i. Alai ndang adong na mangalehon tu ibana. Alani do didok halak batak: tumajom do butuha, sian raut parsinabung. Alani siubeon sisanjongkal on ingkon ulahonon do sude asa boi marisi sipanganon.

Ayat 17-20 a; Hapaeton ni ngolu na tipa tu anak na mago on ndang mambahen ibana gabe putus asa, alai situasi i do na gabe mangonjar ibana tu hamubaon ni roha. Marhite parungkilon i gabe patar ma di antusi ibana ndada holan ngolungolu na porlu di portibion alai dohot do hangoluan sian Debata. Tarida do i sian pandohan: "Dungi di pasuang ma rohana tu bagasan". Diingot ibana ma holong ni roha ni amana dohot haburjuon di bagas ni amana i. Torop halak digaji amana, jala lobian sipanganon; marhite angka i, lam ditanda ibana ma dirina, gabe disolsoli dirina jala muba ma rohana. Ndang sae holan disolsoli dirina, alai hehe ma ibana mandapothon amana. Ala dibagasan hatiuron na sian Debata, gabe boi ibana malua sian haholomon alana patar ibana marnida sondang hangoluan i. Nunga diboto ibana, ia ngoluna nunga maralo tu lomo ni roha ni Debata. Jala diboto ibana do, nunga disegai ibana pardomuanna dohot amana, pola ingkon mago kedudukanna songon sada anak. Alani do dipangido ibana tu amana: ndang tama be ahu goaron anakmu, bahen ma ahu songon anak gajianmu sada. Pandohanna i manggombarhon na tumoru dope sian sahalak naposo na masuk tu keluarga ni tuanna. Jadi, hehe ibana manopot amana. Na adong dibagasan rohana, gabe sada tindakan nyata. Boi do ingotonta nang di hata Heber "Syub", namarlapatan marhusor jala mulak, mulak tu Tuhan i, i ma hamubaon na singkop, namanghamham hamubaon ni ngolu dohot hamubaon ni roha.

Ayat 20 b-24; Diparjumpanganna dohot amana, tung dao do sia naniarop ni rohana. Jempek do pingkiranna jala metmet do dihirim ibana. Hape anggo amana i, dao dope nunga ditatap ibana. Ala ni asi ni roha ni amana, hatop ma di tomu, dihaol jala diumma songon tanda holong ni rohana ala naung mulak anakna i, andorang so didok anakna i hata na naeng sidohononna (pat. 2 Samuel 14: 33). Pandohan di ayat 21 dos do i tu ayat 18-19. Disolsoli anak i dosana tu amana, na so tama be ibana goaron anakna, alai ndang dioloi amana i pangidoan ni anakna i. Marhite hata ni amana tu angka naposona naeng do jangkonon ni amana i ibana songon anakna hian, gariada tahe asa dibagasan las ni roha. Dilehon ulos na dumenggan (Tanda ni hasangapon), tintin tu tanganna (songon tanda kedudukan na timbo dohot huaso) kedudukan songon anak (pat. 1 Musa 41:42), dohot sipatu tu patna, na manggombarhon anak mata (orang merdeka), ndang hatoban na somal mardalan so marsipatu. Asing sian i diboan do anak ni lombu na pinamokmok, asa dipotong, mangan, marlas ni roha. Parmanganon on, paboahon naung mulak denggan pardomuan ni ama tu anakna. Ai anak na manggotaphon pardomuan tu amana, boi dohonon naung mate do i. Laos songoni do, naung mago gabe jumpang muse. Lapatanna, di pahehe tu sada ngolu na imbaru (pat. Rom 6: 1-4), jala papatarhon hatiuron di ngoluna asa boi ibana marnida hatiuron na sian Debata.

III. Sipahusorhusoron

1. Turpuk taringot tu umpama anak na mago on, boi do songon sada sorminan na tatiop di bagasan ngolunta. Atik beha do hita sandiri na gabe "anak na mago" i, na manuntun lomonta, gabe lao hita tu luat na dao, lilu jala mangulahon ulaon na dao sian hasintongan i. Alai marhite na tatanda haliluonta dohot holong ni Debata na mansai balga gabe mulak hita huhut marhatopothon dao umbalga do asi ni roha ni Debata sian angka dosa na taulahon, gabe dijangkon hita sumuang gabe anak na hinaholongan ni Debata.

2. Di pargoluan siapari, sai ummura do jolma mambahen pemutusan hubungan sian na padimundimun hasadaon. Taida do i nang diturpuk on, ai ndang pola ganjang prosesna, dipangido anak sianggian i sinamot na tu ibana, ala holan kepentingan pribadina do dipatujolo ibana, asa boi dipaolooloi hisapna. Jotjot do tabege manang taboto, laho manggohi hisap ni ni sasahalak, ndang alang rohana mamunu jolma na asing. Suang songoni, di angka boruboru naposo (ABG), sopola marpingkir ganjang, ndang alang rohana "manggadis dirina ", nang nunga maralo tu hata ni Debata asal ma hatop ibana dapotan laho manggohi hagiotna. Alani do jotjot dibagasan ngolu ni jolma, holan mangalului ngolungolu lupa mangalului hanggoluan. Ndang diboto hatiuron dohot hahapatar ni ngolu i holan sian Debata do.

3. Panandaon diri, mangonjar hita laho tu hamubon ni roha. Tontu sahali panandon diri, mangonjar hita laho tu hamubon, ndang ro boti; alai marhite na mamereng humaliang , mangantusi na masa, di tingki na salpu dohot di tingki nuaeng. Lapatanna: Marhitehite hatiuron na ro sian Jesus gabe boi hita marnida hatiuron i dibagasan ngolunta on. Pangalaosion, hapogoson (hape namora do amana), haraparon (hape lobian indahan do di bagas ni amana) gabe ditanda ma dirina. Sude on ndang sae holan tinggal di bagasan roha, alai hehe do ibana mandapothon amana, jala pajumpang ibana, marhite na dihaol jala diumma amana i ibana, i ma hamubaon na marpangulaon. Ndang holan buni di bagasan roha, alai dipapatar ibana do i marhitehite na pajumpang ibana dohot amana. Di ngolunta pe, naeng ma patar tarida hamubaon ni roha na tangkas, dipambahenanta, marhite hata dohot pangalaho. Ndang lomo roha ni Tuhan Jahowa mida hamatean ni halak parjahat i, so ingkon mida hamumulak ni parjahat i tumadingkon dalanna, asa mangolu ibana (Hesekiel 33: 11).
Amen.

Jamita Minggu Septuagesima

Tgl. 08 Pebruari 2009

Jeremia 29 : 22 - 23
Pdt. Suparman Simamora, S.Th
Pdt. HKI Resort Labuhan Batu II

Di Debata ma Hasangapon

I. Patujolo

Nungga tatanda anggo panurirang Jeremia (pat Jer 1:1 ff). Ibana sahalak panuriranng na so olo kompromi maradophon angka pangalaho namaralo tu lomo roha ni Debata. Jala nasai girgir mansoarahon hamubaon ni roha dibangso ni Debata dohot asa marpangunsadean jala marhaporusan tu Debata. Hadirion ni si Jeremia on ndang boi ditawar-tawar. Mansai togu jala hot do ibana disi, maradu gabe sisogo do ibana maradophon dongannna sabangso. Ndada holan i, maradu dohot do nang hosana dipaburuburu angka alona.

Turpukta on ima namasa di tingki ni Raja Joiakim. Dimasa ni si Joiakim on adong pigapiga namansai riongkot nagabe titik berat kritikan ni si Jeremia, jala ringkot dalan mangantusi turpuk ta:

1. Perasaan aman na palsu. Adong anggapan tingkini, bagas joro ni Debata dohot angka pelean situtungon naung pinelehon i, boe gabe benteng pertahanan sian angka musu. On ma dok ni raja Joiakim i tingki i, jala mandok tu bangso i asa dihaporsea i (Jer. 7:4). Hape sementara pangalaho ni bangso i ndang na ture diadopan ni Debata. Hata ni Debata marhite si Jeremia mandok molo so dipauba nasida rohana pamasaon ni Debata ma haurahon di bangsona ( 7:1-8:7; 26:1-24).

2. Raja Joiakim manimbil sian amana raja Josia. Balik do pangalaho ni si Joiakim sian amana raja Josia. Gabe diula do naso denggan ima: ndang dipatigor uhum, mangarupa halak na buro, natading di lampin, boru-boru na mabalu, jala mangusehon mudar na so marpipot dohot mangihuthon debata sileban (7:5-10,30-31).

3. Taringot tu kebijaksanaan luar negeri. Raja Joiakim mendukung koalisi dohot halak Misir laho mangalo halak Babel, ianggo si Jeremia mandok ingkon tunduk ma tu si Nebukadnesar. Tadok ma i sebagai pembangkangan terhadap Allah (pat 9:24-25).

II Hatorangan ni turpuk

1. Songonon do hata ni Jahowa:"Sai unang ma ditengahon nabisuk habisuhonna...." Hata ditengahon, dihata Indonesia di dok "bermegah". Manang yithallel (hallel : Heber) ; memuji, membanggakan, memasyurkan, bermegah. Jadi mansai tangkas do nanaeng didok dison ima; naso jadi habisuhon ni jolma i pangasahonon, manang marpos ni roha tu si. Songoni nang angka nagogo dihagogoonna, nang na mora pe dihamaoraonna. Manjadihon hamoraon, hagogoon, dohot habisuhonna diginjang ni Debata, gabe ndang diakui be habisuhon ni Debata.

2. Alai manang ise nanaeng mamuji dirina, maka kebanggaan yang utama dalam dirinya ima ala ditanda do Debata Jahowa, parasi roha namanghajongjonghon uhum dohot hatigoran di tano on. Ndada jolma na sangap, na bisuk, na gogo, dohot na mamora na di portibion. Ai saguru di Debata do saluhut na portibion ro di isina pe. LomoNa do naingkon saut di partingkian on. Si Pulus mandok :"Na naeng mamuj i dirina, mangasahon Tuhan i ma ibana mamuj i! (Barangsiapa yang bermegah, hendaklah ia bermegah di dalam Tuhan." :1 Kor 1:31; 2 Kor 10:17).

III. Sipahusorhusoron

Disaluhut na on, ndang adong dapot i di Raja Jojakim. Baliksa gogo dohot pamingkirionna do dipangasahon laho mangalo musu manang laho palua ibana sian angka hamaolonna. Ndang Debata dioloi ibana songon nanidok ni panurirang Jeremia. Alai dipaginjang ibana do rohana, manundalhon Debata Jahowa jala manangihon tagonan angka panurirang gapgap namanuriranghon hatana sian pingkiranna sandiri, ndada sian Debata Jahowa. Panurirang Jeremia mansai marsihohot do haporseaonna holan tu Jahowa Debata. Ido umbahen pos rohana mandok holan huaso ni Debata do namanontuhon saluhut namasa ditanoon. Selain Ibana namanontuhon, holan Jahowa do tutu na berhak mengubah sangkap-Na (Jer 18:7-10). Dibahen i ringkot porsea situtu di Tuhan i, asa ibana mangaturhon saluhutna. Jala angkup ni i, ima paubahon roha. Ai hagigion do di Jahowa angka namanghaginjanghon dirina, ai tarrajum ma nasida namanundalhon Debata. Amen.

Jamita Minggu Sexagesima

Tgl. 15 Pebruari 2009

Lukas 8 : 9 - 15
Pdt.M.P. Siregar, M.Th
Pdt. HKI Resort Huta Bayu

Pauba Hamu ma Rohamunma

I. Patujolo
Andorang di portibi on dope Tuhan Jesus, di angka poda pangajarionNa/jamitaNa, jotjot do dipangke Ibana umpama/tudosan na marpardomuan tu angka na masa di parngoluan ni jolma si ganup ari (vide: Yoh. 10:11).
Tardok hita do on, sada metode ni Tuhan Jesus do, asa marhite i :

1. Ummura ma jolma na umbegesa laho mangantusi hataNa i.
2. Umbagas dipingkiri lapatanna jala pintor peop dibagasan rohana hata i.
3. Mura situtu pintor antusanna angka hata pandohan ni Tuhan i.
4. Ndang na hulinghuling/Marhulinghulingan hataNa i, manang mangalojai jolma i mambahen bingung jumolo laho mangalapatisa, alai mura do terjemahonon tu ngolu niba.
5. Lumeleng ma ingoton, lumobi panghorhon ni hata i, jala hona tu roha.
6. Tiur jala tung tulus do roha ni jolma i laho mangulahon/patupahonsa.
7. Dohot lan na asing dope na mardomu tusi.

Songon on do dipaboa Tuhan Jesus dibagasan umpama on : Ia "boni" i, hata ni Debata do i (ayat 11), jala Debata do Panabur i ! jala songon on do na pinaboa ni Tuhan Jesus disi, ima angka rumang ni panjaloon ni hita jolma (tano=roha) na gabe inganan ni hatubuan ni boni i, na sinaburhon ni Panabur i hombar tu tingki dohot ingananna.

Taringot tusi, tontu asing be do taida angka partingkian dohot ingananna dipatupa Debata, na martudu-tudu laho manjou jolma i, asa masuk tu bagasan harajaonNa. Adong do idaonta songon pagalaho ni boni i, tumibu ibana tubu, adong do na umpudi Ibana tubu, alai laos adong do naso tubu. Asa tung lam tumangkas, boi ma taida rumang ni angka i, marhite-hite na pinatorang dibagasan turpuk on.

II. Hatorangan
Di hata barita/poda pangajarion ni Tuhan Jesus di umpama on, adong do 4 bagian inganan na laho hatubuan ni "boni" na sinaburhonNa i, ima:1. Di dalan; 2. Di batu 3. Di Parsihupian, 4. Di Tano na denggan.

1. Di Dalan
Didok : Anggo boni na di dalan i, ima angka tudosan ni jolma angka na umbegesa, dungi........d.u,. panghorhonna, gabe tardege angka pardalan ma boni i gabe tarpisat manang mate, manang diparguti angka pidong na martongatonga langit gabe soada.
Rajumanta do pangalaho on, marhite pangantusion na mandok: dibege na umbegesa do hata i, alai ndang dipinggol, manang ditangihon do nian hata i, alai ndang dung anggo tung dibege, ai masuk sian siamunna do dipinggol ibana hata i, alai haruar sian siamun, manang dietong rohana do na songon pamolus ni alogo sambing do hata ni Tuhan i di ibana, manang ndang adong kepedulianna jala tertutup do rohana tu angka na denggan i, ai dipasombu ibana dibuat sibolis i hata i sian bagasan rohana, gabe mago ma dohot haporseaonna unang dapotan haluaon na sian Tuhan i. Hinorhon ni i, laos mago ma dohot tondina tu hamatean si saleleng ni lelengna.

2. Di Batu
Angka boni na madabu tu batu, sepintas idaonta hira na tubu do ibana satongkin, dungi rahar ma, ala soada aek. On ma hataridaan ni pangalaho ni jolma na holan sambolus sambing idaon songon na las rohana manjangkon hata i, alai ndang tubu anggo uratna, ai holan sangombas manang sangkidop mata sambing do halak on porsea , alai ndang adong hatubuan ni uratna, manang ndang terkesan do rohana panghorhon ni hata i.
Di parngoluon si ganup ari pe molo adong na mandok tu sadasada halak "roha batu tu donganna, ima paboa naso adong tubu parsaoran di halak si songon i. Lapatanna: ndang ringkot adong parsaoran di ibana tu donganna , lumobi ma tu Debata ! Ai lam boha ma tardok hita mandok: denggan do parsaoran ni halak si songon on tu Debata, ai tu donganna jolma ibana ndang ungkap rohana laho pasaorhon dirina tu donganna jolma, manang donganna pe ndang berterima tu bagasan rohana. Tung holan "sitau"/"siripe" ibana nian olo do rela angka donganna laho manganju hahuranganna i. Alai songon i pe tung so boi tarungkit manang aha sian ibana, ujungna sai dipasiding halak ma ibana, gabe tarpunjung songon tandiang naso hapuloan, ai jolma pe ndang adong mardonganhon Ibana, nang tung Debata sandiri pe.

3. Di Parsihupian
Di inganan on, tubu do nian boni i, lapatanna: dibege ibana do hata i, alai alani pandosak ni donganna na humaliangsa na tubu disi, gabe haporsuhon ma ibana
hinorhon ni panosak ni angka donganna, lapatanna: ala rap tubu do dohot donganna na sai papisat-pisat ibana di inganan i, baik di sipanganonna, gabe sai terancam ma pertumbuhanna, hinorhon ni angka hamaolon na niadopanna, gabe maol nama ibana magodang jala ndang matoras be parbuena manang lambangon nama.
Nang pe adong nian sipanganon diparade tano hatubuanna i, alai ala so dipardagingkon ibana do sipanganon i, gabe dionsop na niallang nai do ibana umbahen so olo be ibana matoras rap dohot parbuena, manang holan mangoloi hisaphisap ni dagingna sandiri ibana, gabe matua marpengpeng ndang adong hataridaan ni ngoluna manang aha pe hasilna.

4. Di Tano na denggan
Boni na tubu di tano na denggan, denggan do partubuna sian mulana dope, ima angka jolma na mameop hata ni Debata na binegena, dibagasan roha na bonar jala denggan, gabe saut marparbue dibagasan habengeton. Lapatanna: ibana marlas ni roha menerima/manjalo apa adanyan silehonlehon ni Debata na tu ibana mardongan sabam ni roha, huhut diboto ibana mandok " mauliate" tu Debata silehon ngolu dohot na manarihon ngoluna, huhut ditanda, dihaporseai, dipuji jala dipasangap ibana do Debata na sumarihon angka na ringkot di ngoluna. Di dok do: ia dung tubu boni i (ibana), diparbuaehon ma saratus lompit (ayat 8a), ima hataridaan ni boni na denggan i na marparbuehon godang, ai dijalo ibana do pasupasu ni Debata. Amen

Catatan kaki pendukung turpuk on :
1. vide Ulaon ni Apostel 16: 14
2. vide Heber 10:36.

Jamita Minggu Estomihi

Tgl. 22 Pebruari 2009

Markus 8 : 31 - 38
Pdt.Toljun Lumbantobing, S.Th
Pdt. HKI ResortSibolga

I. Patujolo:
Tung mansai tangkas do dipatorang Jesus Kristus, marhite "pangajarionNa" tu angka siseanNa nang tu saluhut halak Kristen, taringot tu "HadirionNa", ise do Jesus Kristus na mamboan haluaon i tu ganup jolma, jala songon dia do sikap, hadirion - keberadaan- ni halak Kristen - si ihuthon Ibana" di ngolu siapari di portibion ?.

II. Hatorangan

Tutu di patolhas Tuhan Jesus sandiri do : "angka konsekwensi - akibat dohot angka siadopan" ni angka na satia jala na olo mangihuthon Ibana, na gabe siseanNa; Diperhadaphon do tu dua kondisi, jala berada di persimpangan jalan do jolmai" mangulahon lomoni roha ni Jesus manang mangulahon lomo ni roha ni jolma nang portibion sandiri ?. "Jala ndang gabe tarbahen sisean ni Jesus molo so di tadingkon nasa na di ibana". (Jaha Luk 14: 33). On ma konsekwensi ni halak nanaeng mangihuthon Jesus Kristus, jala ingkon tangkas do dipergumulhon, molo naeng mangihuthon Jesus Kristus di bagasan hasintongan.

Tung pe songon i boratna nanaeng sitaonon ni halak si ihuthon Jesus, di lehon Jesus do nang bagabaga hasonangan, laba ni angka na mangihuthon Jesus ima "hatuaon" molo tung ditaon angka na porsuk alani na mangihuthon Ibana.( Mat 5: 11).

Dipatuduhon Jesus do jumolo "hadirionNa" na ingkon manaon sitaonon, haporsuhon, parungkilon sahat tu "hamatean" marhitehite na di parsilangkon, di haroroNa tu portibion ala ni dosa dohot hajahaton ni jolma, dohot tujuan akhir ima "mamboan, patupahon dohot mangalehon " haluaon dohot hangoluan ni jolma.

Tung tangkas do di pabotohon Jesus tu angka si ihuthothon Ibana, angka ise do nanaeng mambolongkon Ibana, marhitehite na manangkup, manjehehon, na mangambat haroroNa, na naeng manundati sangkapNa marhite na mamunu Ibana, ima angka halak na so olo manjangkon Jesus. Ima horong na di pasangap di bangso Jahudi ; tokoh masyarakat, tokoh agama dohot tokoh uhum/undang-undang, aturan, - na sangat berpengaruh "huasona" ujui di na manontuhon pardalanan ni ngolu ni halak Jahudi (ima angka Sintua, Malim dohot Siboto Surat na mengkleim dirina na gabe penentu di ngolu ni jolma marhite ajaran "parugamoon" na pabotohonn angka ragam ni haporseaon dohot ulaon na mardomu tu lomo ni roha ni Debata Jahowa) alai marguru tu lomo ni roha dohot aturan na pinatupa nasida, jala otomatis ma manolak - ndang olo manjalo - ajaran ni Jesus Kristus, sekaligus membenci jala marsangkap ingkon mamunu Jesus asa unang adong na gabe mangihuthon.

Si Petrus na gabe sisean ni Jesus - "si ihuthon Jesus"?, alai tongtong dope mamangke hadirion hajolmaon - pola pikir kasat mata manusia - na didondoni biar ni roha maradophon huaso ni angka malim, sintua dohot siboto surat, na memang sangat bringas jala ndang ber perikemanusiaan molo saut di patupa nasida tu Jesus songon na dihatahon Jesus sandiri, patubu biar na mansai balga situtu di roha dohot pingkiran ni si Petrus. Gabe ndang tarjalosa "pangajarion dohot panindangion ni Jesus na sintong i (ayat 31 a), na ingkon manaon sitaonon jala pusaonna" (ayat 31b). Ala biar ni si Petrus, jala holan mamereng sitaonon ni Jesus i ibana, gabe ndang marnida mata ni haporseaonna di hata ni Jesus na mandok na "mulak mangolu di ari patoluhon "(ayat 31 c).

Laos ima mangonjar roha dohot pingkiran ni si Petrus laho mangarahon Jesus jala di solsoli Ibana (ayat 32), na patuduhon na so lomo roha ni si Petrus masa saluhutnai tu Jesus, ai ndang tarjalo ibana konsekwensi, sitaonon naingkon masa tu Jesus i, jala di hirim ibana unang ma saut i nian. Jala molo boi padaoon ni Jesus sian diriNa na didokNai: "Asi ma roha ni Debata di Ho, unang ma songgop i tu Ho" ( Past Mat 16:22). Pangidoan ni si Petrus on manggombarhon hadirion ni hajolmaon, na gale na so manahan di angka haporsuhon, lumobi alani hasintongan?. So adong na so patut dibahen Jesus, so adong na sala jala sude na niulaNa manghorhon haluaon dohot hangoluan do, boasa ingkon manaon si taonon jala ingkon mate? Da halak na jahat dohot na so mangulahon uhum do nian na patut manaon angka parungkilon dohot haporsuhon jala ingkon mate ?. Alai boasa tung ingkon Jesus, na so hea mangulahon dosa dohot hajahaton, ingkon manaon na porsuk jala ingkon dibunu angka sintua, malim dohot siboto surat ?. Molo tung adong pe na marsangkap na roa tu Jesus naeng mamunu Ibana, da boi do bahenon ni Jesus "huasoNa" mangalo sude angka musuNa ? Jala marhite "huaso ni Jesus, da boi do nian patupaon ni Jesus "haluaon ni jolma so pola manaon sitaonon, jala sahat tu tangan ni "pamunu"?

Panghirimon dohot pangidoan na sinangkapn ni si Petrus; ndang holan taringot tu diri ni Jesus asa unang manaon sitaonon maradophon nanaeng patupaon ni angka sintua, malim dohot siboto surat, alai dohot do tu dirina , nanaeng malua, jala sonang huhut boi dapotan hangoluan sian na mangihuthon Jesus so pola manaon sitaonon nian. Ai molo Jesus sandiri ingkon dibunu, ra dohot ma ibana ingkon manaon songon na tinaon ni Jesus, -hona bunu-, jala molo ndang ditaon Jesus angka parungkiloni, sahat tu hamatean,- ba ibana pe ndang pola manaon sitaonon be.

Tangkas do diboto Jesus aha na dibagasan roha ni si Petrus, ndang adong na buni di adopan ni Jesus, tung pe di tabunihon si Petrus di dirina angka sangkap hajolmaonna dohot sangkap ni sibolis na dibagasan rohana, tung maralo do di roha ni Debata, jala tung so lomo rohaNa molo sai digohi lomo ni roha ni portibion dohot dipengaruhi gogo nang sangkap ni sibolis roha ni si Petrus. Ido umbahen na di pinsang Jesus si Petrus mandok: " laho ma ne ho bolis, ai holan na di jolma do diparrohahon ho" ( ayat 33).

Paminsangion ni Jesus tu si Petrus, ndang na gabe palaohon boti, ndang laho membangun batas tembok pemisah, jala gabe mambahen putus hubungan. Jala ndang dipasombu Jesus mago boti haporseaon, roha dohot pingkiran ni si Petrus, alai asa paingothon do tu perobahan, asa unang olo di gohi huaso ni sibolis na sai marusaha laho mangambat sangkap haroro ni Jesus laho paluahon jolma. Jala asa nang sude na mangihuthon Ibana ingkon tangkas pauba roha laho manjanghon Jesus di sude angka konsekwensi, na ingkon mangulahon lomo ni roha ni Debata, ndang lomo ni rohaNa jolma na di pengaruhi angka sangkap ni si bolis.

III. Panimpuli

Laho mangulahon lomo ni roha ni Debata, na gabe sada bukti na si ihuthon Jesus, "ingkon do mampu mansoadahon dirina lao pasauthon na sinangkapan ni Debata. Ndang gabe luluan haluaon ni diri niba laho mangihuthon Jesus, tu lomo ni roha ni hajolmaon, jala ndang porlu marusaha laho paluahon hosa niba sandiri dohot dalan padaohon diri sian angka haporsuhon dohot sitaonon. Ingkon tuhukon do silang na tu iba, ingkon mampu laho mangadopi angka parungkilon dohot sitaonon justru manghatindangkon hasintongan ni Jesus Kristus. Ingkon dohot do sude halak Kristen manaon songon sitaonon ni Jesus asa gabe dohot nampuna haluaon na binoan ni Jesus. Molo dongan ni Jesus hita di sitaonon, donganNa do hita songot di hasangapon, jala molo partohap do di sitaonon, gabe partohap do di apulapul (Jaha Roma 8:17+ 2 Korint 1:7). Jala ala ni i ma ingkon adong di halak Kristen: "pamingkirion na sintong", na so boi mangasahon gogo laho "manahan" hosa tu hangoluan, manang ala ni aha pe, tung adong pe arta nang hamoraon. Ai ndang gabe malua tondi ni jolma di luar ni Jesus Kristus, ai ndang adong na boi tarpangasahon jolma laho tobus ni hosanna ( ayat 36-37).

Holan Jesus do na marhuaso mangatur ngolunta, ai Ibana do nampuna hita. Ndang boi manang isepe rnanontuhon ngoluna tu lomo ni rohana sambing. Mangihuthon Jesus Kristus ingkon do mamparbuehon "panindangion" di Jesus Kristus i, jala unang manimbil, mandele jala maila ala ni angka sitaonon dohot haporsuhon. Pos ni roha dohot togu ni haporseaon ima ojahan ni "panindangion" di Jesus Kristus marhite tondi porbadia, gabe margogo jala marhapistaran laho mangulahon lomo ni rohani Jesus Kristus, "ai dilehon Debata do tondi hagogoon, tondi haholongon dohot tondi hapistaron di pangarajaion diri" asa unang maila laho manghatindangkon Jesus di ngolu siapari (2. Tim. 1:7).

Ala ni i, manang songon diape situasi na ni adopan ni halak Kristen na gabe "si ihuthon Kristus", ingkon do tangkas manghatindangkon Jesus huhut mamaritahon "haluaon" na binoanNai, dohot tujuan asa saluhut halak dapotan haluaon, ai ido sangkap ni Debata na marsuru Jesus Kristus tu portibion, paluahon saluhut pardosa. Amen.

Bahan Jamita Bina Warga Bulan Maret 2009

Jamita Minggu Invokavit

Tgl. 01 Maret 2009

Psalmen 25 : 1 - 7
Redaksi

Jouonna Ma ahu, jadi Alusanku ma Ibana

Patujolo:

Saleleng di portibion tung so tarbahen dope malua sian hagigiot dohot pangelaela ni pardagingon, tung ise pe halakna, ai daging dope, ninna dongan. Alani sai jumpang do masa marhagaleon, nang ruas, nang angka partohonan. On ma sada sidalian na somal dipatubegehon asa boi patundal diri sian parngoluon na pinangido ni Tuhan i, sihangoluhononhon. Jala tung godang do tutu ngolu ni halak Kristen na sai tongtong paihutihut hasomalan (naso gabeak), nang ruas ni huria, songoni nang angka partohonan di huria. Na asing muse mandok sidalianna ndang ro tu parmingguon: so tung madabu maon giringgiring i, ai ramun dope parngoluon, jala so tartadingkon dope, ai ido dope dalan ni ngolungolu. Sai tioptioponta dope sidalian songon i ?

Hatorangan:
1. Ho do, ale Jahowa, dihalungunhon rohangku.

Hata ’dihalungunhon’ (heber ’kawah’) marlapatan panghirimon na tontu ingkon maralus, isara parhal (penjaga malam) na paimaimahon torang ni ari (Psalm 130), anak gajian napaimahon upana (Job 7:2), pangula napaimahon masa manggotil (Jesaya 5:4). Si David sahalak naposo ni Debata namangadopi angka hamaolon (pergumulan) di ngoluna. Ibana patolhashon saluhut na masa tu dirina i dibagasan tangiang pangidoan tu adopan ni Debata. Parmaraan na marrumanghon angka musu (musuh) i do na sai mangonggop si David. Ndang lilu jala mampar roha dohot pingkiranna mangadopi angka na masa i, alai ingot do ibana di si parorot jala pangaromoti dirina i ma Debata Jahowa.

Molo mamereng sian torop dohot gogo ni angka musu i tung so tarbahenna do maralohon i (ida ay.19: ‘Ida ma angka musungku, ai Ian do nasida,....). Tangiang do dipangasahon ibana laho mangalo sude angka musu na i (pat. 2 Musa 14:14 ‘Jahowa do marporang humopkop hamu, asal hohom hamu’; Jakobus 5:16.b ‘Na margogo situtu do tangiang ni partigor, molo dihaburjuhon’). Asa tung pos situtu do rohana di Jahowa, jala pos do rohana na alusan ni Debata do pinangidona i (pat. Heber 1:1 `Alai anggo haporseaon i, pos ni roha do i di angka sihirimon, jala pamotoan na tontu taringot tu na so niida’), Alai, huaso, gogo na sian Debata holan i do dalan dohot sinjata na ampuh maralohon angka musu. Tung marsitutu do par-psalmen (Daud) mangompashon parungkilonna i tu Debata, asa tung malua ibana nian sian hasosakanna i.

2. Sai pabotohon ma tu ahu angka dalanmu, jala ajarhon

Haporseaon na so unduk tu angka dalan lomo ni roha ni Debata i ma haporseaon na palsu (pat. Mat. 7:21, 26; Jakobus 2:17). Molo naung pinasahat pangidoan tu Debata, udutna jaloon ma angka dia do dalan-Na dohot hasintongan­Na na patut sihangoluhononhon dohot siulahononhon (pat. 2 Musa 33:13; Psalm 86:11; Joh. 14:15). Niingot najolo uju masa kejayaan Bulu tangkis ni Indonesia, ro di huta nametmet godang halak semangat marbulu tangkis, gabe idola ma angka juara i jala tung angur goarna. Godang halak naeng gabe pebulutangkis, naeng gabe Rudy Hartono, Liem Sue King. Alai holan sangombas do i, dungi so muse paima adong masa pertandingan. Ima naginoaran na nionjar semangat emosional. Godang masa songon i di hakristenon: di angka namanghatindanghon haporseaon (namandohoti parguruan) tung semangat do dimulana i. Songon i diangka namanjalo tohonan, ianggo dimulana i so i nama las ni rohana, pola tariluilu masa manjalo tohonan i; hape ndang sadia leleng nunga mardandi manang so mangula tohonan i be. Boasa, ala adong saotik sibonsiri (namarragam). Ingot do ra hita angka naringgas mandohoti partangiangan Passion, di namarulaon nahohom i, so i nama ganda semangat di hita naeng mangihuthon Jesus marningot sitaononNa i. Alai holan mulak sian Gareja, mamintor lupa do. Doshon i ma ra, semangat dohot panghilalaan dihita uju martangiang masa angka hamaolon di ngolu on, alai holan ro hatiuron ni ngolu mamintor lupa do muse di angka tangiang i.

Ndang na laho mangajari manang manggurui Debata si David molo pe dipaandar ibana angka na uli na denggan na pinatupa ni Debata di angka ari naung salpu i. Alai naeng dohononna disi i ma na ingot do jala sai tongtong do dihangoluhon ibana saluhut pambahenan ni Debata di pardalanan ni ngoluna.

Panimpuli:

Sian narobi, asiasi dohot holong ni roha ni Debata tung so tarsirang do sian parngoluan ni bangso ni Debata. Tangkas do i di par-pesalmen, alai huhut do dipangido ibana asi niroha ni Debata laho manesa dosana sian haposoonna i. Tung olo do Debata manesa dosana ? Molo ingot do Debata di asi ni rohaNa, tung saguru di Debata sambing do hape (ay.6-10). Alai tung asi ni roha do Debata. Tung so margogo do jolma manahan pangela ni portibion asa tong hot mangolu di hasintongan jala marhabadiaon, alai sai asi do rohaNa jala dilehon do di hita partingkian laho paubahon diri.

Sian i on botoon ta ma, na sai tongtong dope hita mangadopi hamaolon (Rom 8:22) jala torop ‘musu’ (si bolis) na naeng mamolgak, manusai. Panuturion marhite Hata ni Debata, naeng ingot jolma i jala holan i do sinjata natarpangasahonsa. Invokavit,Jouonna ma Ahu, dung i alusanku ma ibana, Ps.91, 15a. Bagabaga ni Debata do i tu par-Pesalmen i, taringot tu haradeonNa mangalusi angka na manjou goarNa. Marhite goar ni minggu on dipapatar tu hita sai na alusan ni Debata do na mangido pangurupionNa. Mangihuthon Psalm 91, 15a, panguhalan ni goar Invokavit, na porsea i do na joujou tu Debata, dung i alusan ni Tuhan i ma na joujou i, songon na pinatuduhon ni turpuk jamita Psalm 25. Hape mamereng tu turpuk on, Tuhan i do na manjou hita mangoloi Ibana. Asa tau hita mangulahon panjouonNa i.

Sude angka uli basa na jinalo sian Debata holan marhitehite asi ni roha sambing do (‘...angka denggan ni basaM dohot asi ni rohaM, ai sian najolo do angkai’). Ndang alani pambahenan, haburjuonna manang hatahata ni tangiangna na tung mansai uli alai holan ala ni silehonlehon sambing do. Sada ajaran na tatiop jala tahangoluhon di hurianta Protestan sian amanta Martin Luther (Bapak Reformasi) i ma: Sola Gratia (pemberian Tuhan hanya oleh karena Anugerah). Jolma mardosa, marsitaonon, alai ndang tarpaias jala tarpalua jolma i dirina siai masa i tung beha gogona dohot malona dohot haadongonna. Alai boi pe ias sian dosa dohot malua sian sitaonon, holan alani Asi ni roha ni Tuhan i do (Anugerah/Grace). Asa ingkon marsitutu ma hita laho manundalhon nasa dosa ni parngoluonta, jala marsitutu pasahathon i tu Debata asa taruli hita di basabasaNa i. Amen

Jamita Minggu Reminiscere

Tgl. 08 Maret 2009
J o n a 4 : 1 - 11
Pdt. T.L. Hutagalung, M.Sc
Parhobas di Kantor Pusat

Sai Ingot ma ale Jahowa Denggan ni BasaM

Patujolo
Somal do diendehon angka dakdanak Singkola Minggu ende taringot tu Si Jona ala boi ibana mangolu di bagasan butuha ni dengke pola tolu ari tolu borngin. Tontu adong do sibonsirina boasa gabe sahat ibana tu butuha ni dengke i. Ai na disuru Jahowa do ibana borhat martingting tu huta Ninive ai nunga pola maungaung hajahatonnasida sahat tu jolo ni Jahowa (bindu 1: 2). Dipabotohon Jahowa tu si Jona asa dihatahon paboa opat pulu ari nai marongrong ma huta Ninive. Ditingtingkon do asa marpuasa nasida sadari jala marulos hori halak na magodang ro di na metmet.
Umbege hata na pinasahat ni si Jona, porsea ma angka jolma isi ni huta Ninive di Debata pola dohot raja ni huta i mangulahon hata i jala disuru raja i sandok jolma di huta i asa ingkon mulak sian dalanna na roa i dohot sian hatodosan na niula ni tangannasida. Manghirim do rohanasida anggiat tung marpangulahi roha ni Jahowa jala mulak Ibana sian parpiar ni rimasna. Toho do antong marpangulahi roha ni Jahowa ala pambahenan ni pangisi ni huta Ninive gabe ndang saut dipamasa Jahowa uhuman hombar tu naung hinatahonNa marhitehite si Jona. Marnida na masa i gabe sogo ma roha ni si Jona.

Hatorangan ni Turpuk
Ay. 1-2. Ayat on manggombarhon roha ni si Jona taringot tu angka na masa di huta Ninive. Mansai sogo situtu rohana pola piripirion ibana ala so saut madabu uhum ni Debata tu nasida. Marhadomuan do ayat on tu bindu 3, ai ala hamubaon ni roha ni pangisi ni huta Ninive gabe ndang saut marongrong huta i. Alai nang pe songon i, ndang boi martabuni si Jona sian jolo ni Jahowa alani i ma nang pe sian butuha ni dengke tongtong do ibana mangalualu tu Debata Jahowa. Pandohan ni Panurirang Jona di bindu 4: 2 mandok Debata Parasi roha jala pardenggan basa, lambat tararimas jala parasi roha godang, jala na olo sumolsol rohaNa taringot tu hamagoan, i do na mangonjar rohana gabe maporus tu Tarsis. Sai hira na mamintori diri ma ibana di na didok : "Nda i do hatangku hian uju di tanongku dope ahu?" Sian pengakuan ni si Jona boi tarida adong lima sifat ni Debata :
1. Parasi roha
2. Pardenggan basa.
3. Lambat tarrimas
4. Parasi roha godang (Berlimpah kasih setia)
5. Olo sumolsol rohana taringot tu hamagoan.

Ndang sonang roha ni si Jona ala ni sifat-sifat ni Debata na pinatuduhonNa tu halak Ninive. Ndang sonang rohana ai dihilala rohana ndang konsekwen Debata di HataNa ai ndang saut lalu uhuman i. Sai hira na tarhapit ma ibana di rohana, hape lupa si Jona ia na rumingkot di Debata i ma hamubaon ni roha do.

Ay. 3-4. Pandelean do dipatuduhuon ibana di tangiangna umbahen na didok "ua buat ma tagonan hosangku sian ahu" ala so saut marongrong huta Ninive. Panurirang Elia pe hea do mandele di na dipaingot ibana si Isebel hape ndang dipauba rohana (1 Raja2 19: 4). Hape di turpuk on, marhamubaon do pangisini Ninive tarlumobi rajana. Di ponjot ni roha ni si Jona, dialusi Debata do sungkunsungkun ni ibana marhite sungkunsungkun muse : "Tung turut ma ho marro ni rimas? (layakkah engkau marah) ?" Sungkunsungkun i manosoi asa ibana sandiri mengalusi dirina.

Ay. 5. Ruar do si Jona sian huta Ninive jala hundul tungkan habinsaran ni huta i. Ibana paimahon uhuman na naeng pamasaon ni Debata. Gabe pamerengmereng do ibana, ndang parduli di hinadokdok ni na naeng masa tu pangisi ni huta i na lobi saratus dua pulu ribu jolma ro di angka pinahan na sai deak. Ai sasintongna nasida "angka na so umboto parsirangan ni siamunna dohot sihambirangna" do (ay. 11). Hape pangisi ni huta i tung dijalo nasida do hata na pinasahat ni si Jona jala dipauba do rohana.

Ay. 6-11. Dibahen Debata muse tanda tu si Jona laho mangajari ibana marhitehite hau dulang. Tudos do i tu haroro ni ihan raja na diparo Debata jala boi si Jona mangolu di bagasan butuha ni ihan i. Las situtu roha ni Jona ala ni hau dulang i. Hape marsogotnai nunga malos hau i. Debata do na mambahen muse haroro ni sada gulokgulok suang songon i nang haroro ni alogo na mohop sian purba. Dung dipamasa Debata angka halongangan i jala adong alus ni si Jona didok Debata ma tu ibana taringot tu huta i : "Tung so marasi ni roha ma Ahu mida Ninive?" (ay. 11). Di mulana si Jona mandok na so konsekwen Debata di Hatana, i do umbahen na manolsoli rohana ala so dirongrong Jahowa huta Ninive. Alai anggo saonari tangkas ma tarida paboa si Jona do na so konsekwen di hatana ai holong do rohana di hau dulang i hape ndang holong rohana tu pangisi ni huta Ninive.

Panimpuli dohot Sipahusorhusoron ni Roha
Marhitehite pambahenan nang pandohan ni si Jona di bagasan turpuk jamita on dipatuduhon do songon dia parsaoran ni Debata dohot naposoNa. Si Jona tung sogo situtu rohana jala manolsoli ala sundat Debata mambahen naung sinangkapanNa maradophon jolma na jahat na di huta Ninive. Debata gabe paubahon sangkap pambahenanNa hian. Na boi idaonta, ndada na muruk si Jona ala adong haluaon (keselamatan) tu halak sileban na asing sian Israel. Sian angka pandohan na jumpang di turpuk on, na naeng dohonon ni si Jona ima kebebasan ni Tuhan Debata laho mangulahon sangkapna ndang tarjalo si Jona. Si Jona naeng mangatur huaso ni Tuhan asa konsekwen nian maniop haputusanNa. Sai hira na so sintong di rohana Debata maniop hataNa, i ma di roha ni si Jona alana na rumingkot di rohana holan uhuman naung hinatahon i Tuhan i do ndada Asi dohot Holong ni rohaNa.

Marragam dalan ni Debata Jahowa laho mamangkulingi si Jona di bagasan ulaonna i : marhite na marhopok (membuang undi) (1: 8), marhite alogo na gogo di laut i nang marhite na manghatai Jahowa dohot ibana (3: 1). Dungi ala mansai maol do Si Jona mangoloi parsuruon ni Debata Jahowa gabe ro ma teguran tu ibana (4: 4).

Na masa di parngoluon ni panurirang Jona gabe sada tudosan tu angka naposo ni Debata, ia na rumingkot ndada uhum na naeng sipasahatonnasida alai tung asi dohot holong ni roha ni Tuhan Debata di jolma na tinompaNa i asa mangolu nian nasida marhite na mulak tu dalan hatigoran i. Boi do tapatudos tu parumpamaan ni Tuhan Jesus taringot tu angka pangula di porlak anggur. Ai marmungutmungut do angka pangula na parjolo ro i ala dos upanasida dohot na parpudi ro hape nunga adong hian parjanjian nasida. Disi ma didok na mora i : "Ndang adong hubahen tu ho naso tigor", " Nda guru di ahu do ugasanki?" (Mateus 10: 1-16). Sai hira na so konsekwen ma di roha ni pangula i nampuna ugasan i, hape nunga adong hian parjanjian nasida, sahupang do jaloonna upana. Tudos do na masa i tu parumpamaan taringot tu Anak Namago (Lukas 15: 11-32). Anak sihahaan i ndang sonang rohana di pambahenan ni amana na manjangkon anggina ala mulak tu dalan na denggan i, disolsoli pangalahona na roa i. Mangihuthon anak sihahaan i, ndang adong hak dohot kebebasan i amana manjangkon anggina na olo paubahon rohana. Pambahenan ni amana sai hira na so konsekwen di rohana jala ndang ringkot di rohana naung mate i gabe mangolu, naung mago i gabe jumpang muse.

Dipatuduhon Debata do na guru di Ibana do sude laut, galumbang, ihan nang nasa na di portibi on. Marhite pardalanan ni ngoluni si Jona boi guruhononta, ia ibana sasintongna ndang konsekwen di hatana ai so dioloi ibana hata ni Jahowa (1: 2), ibana mangidohon tu Debata asa dibuat hosana (4: 3), sogo rohana ala so saut diparo Debata uhum hamagoan tu halak Ninive (4:1), hape didok ibana halak na mabiar mida Debata do ibana (1: 9).
Si Jona mangalusi sungkunsungkun dohot parsuruon ni Debata tu ibana. Di tongatonga ni alogo halisungung na rongom mambahen hamatean, manang di tingki paimahon uhuman hamatean pe martangiang do ibana suang songon na di bagasan parau i nang halak Ninive. Si Jona, nang pe naung di bagasan butuha ni dengke songon rura ni linggoman ni hamatean, tongtong do ibana martangiang tu Debata (2: 2). I ma sada pengakuan paboa nasa haluaon sian hamatean holan sian Jahowa do marharoroan.

Saonari dohononta ma, di na dialusi jolma i sungkunsungkun dohot joujou ni Debata marhite haporseaonna jala ditadingkon dalanna na roa i jala gabe pangoloi ibana di Hatana, disi ma Debata ro paluahon jolma i sian hamagoan naung jonok i. Saluhutna i dipamasa Debata holan ala asi ni rohana do. Si Jona berusaha mangambati asi ni roha ni Debata, alani i do dipamasa Debata tu ibana lan tanda nang hamaolon laho mamboan ibana tu pangantusion na togu taringot tu asi ni roha ni Debata. Ingkon marasi ni roha do nang hita tu manang ise pe nang mate na laho mate nama nasida, manang pe songon dia hajahaton nasida. Jotjot do nang halak Kristen marasi ni roha holan tu halak manang benda na ringkot tu hadirionna suang songon si Jona na marasi ni roha (peduli) tu hau dulang ingananna manisio. Hita pe ingkon peduli do nang tu angka ugasan, arta, alam jala ingkon jagaonta i asa unang sega. Nang pe i ampunanta manang ampuna ni ise pe tahe. Haru Debata tongtong do dipardulihon angka pinahan na sai deak na di huta Ninive asa unang ripas saluhutna i. Na boi masa do i nang di panogunoguon tu ruas manang sasahalak, jotjot do holan tu angka halak na mambahen paruntungan tu hita, tu gareja do tatogutogu, molo hira ndang apala adong na boi bahenonna mangurupi panghobasion di gareja, ndang apala peduli hita. Alani i, taoloi ma parsuruon na sian Tuhan i jala gomos ma tatiop Hatana jala konsekwen nang hita di hatanta pe. Amen

Jamita Minggu O k u l i
Tgl. 15 Maret 2009
Pilippi 3 : 13 - 16
Pdt. Hopol Sihombing, S.Th
Pendeta HKI Resort Bandung

Padompakhon Ngolu tu panjouon sian Debata


Sada do pardompahan jala holan di Debata

Holan sada do bohinta, alani gabe holan tu sada tujuan do boi dompakhononta jala sada ma tujuan di jolonta. Tarsongon i ma pangalaho laho pahantushon boha hita laho padompakhon ngolunta tu Debata. Di naung tapadompakhon ngolunta tu Debata tung so tarbahen be laho mangarahon ngolu tu sibolis i. Jala songon i ma sabalikna, molo taadophon dirinta tu sibolis gabe ta tundalhon ma Debata. Boasa ? ala tung so tarbahen do rap Debata dohot Sibolis i, na sai marsitundalan do i manang maralo.

Manang, na adong do jolma dua pardompahan/bohina ? tontu alusna, ndang adong. Asing ma molo naung cacat partubuna gabe dua pardompahan manang 2 (dua) kepala sada pandohan tu pangalaho na so patut (na jahat) na di goari ’ular kepala dua’. Alai tung so domu do i tu nanaeng sitaringotan na diturpuk jamita on. Ingkon tapadompakhon do ngolunta tu sada tujuan, tu Tuhan i dohot tu panjouanNa.

Di pabotohon ap. Paulus do pardalanan ni ngoluna andorang so manjalo Jesus Kristus (ay.4-7); tung holan tu na niida ni mata do ibana porsea, manusai huria atik pe naung marsunat ibana di ari paualuhon, sian tongatongan ni halak Israel, pomparan ni si Benjamin, Halak Heber, halak Farise, unduk tu Patik. Alai ndang di janghon ibana Jesus Sipalua i ala so tu Debata ibana mangadophon bohina.

Alai narumingkot ima ngoluna songon natarsurat ai ay. 7, " Alai naung paruntungan hian di ahu, harugian do i hujujur ala ni Kristus i". Hata on manungguli hita tu panjouon dohot hamubaon ni rohana di Ul. Apostel 9. di pardalananna (gorna uju i "Saulus") tu Damaskus na tung marapipurun laho manusai dohot mamunu siihuthon Kristus, napinaborhat ni Surat sian Sintua ni Malim. Alai uju di tongandalan ibana, mardonokkon huta Damaskus, tompu ma sumillam sondang sian ginjang humaliang ibana. Jadi tinggang ma ibana tu tano, dung i dibege ma soara na mandok tu ibana: Saulus, Saulus! Boasa leleanmu Ahu? Alai didok ma: Ise do Ho, Tuhan? Jadi didok Ibana: Jesus do Ahu, na nileleanmi. Dibege angka donganna sauduran do hata i, alai ndang di ida nasida ise na mandok i. Jadi hehe ma si Saulus sian tano i; alai dung diungkap matana, sandok ndang marnida be; laos ditiop nasida nama tanganna, manogu ibana tu huta Damaskus. Asa tolu ari lelengna ndang marnida matana jala ndang mangan manang minum ibana.Di huta Damaskus i sada sisean na margoar Ananias na tinurgashon ni Debata laho mangampehon tangan tu ibana, asa sumuang marnida. Didok Tuhan i ma tu ibana: Laho ma ho, ai hupillit do ibana ulaulangku, asa diboan Goarhu tujolo ni angka bangso, nang tujolo ni angka raja dohot tujolo ni angka anak Israel. Dungi i ma si Paulus gabe ulaula ni Debata. Andorang i, sahalak parjahat do ibana, alai dung tarjou ibana, bage parbarita Nauli ma ibana atik pe ingkon mamolus godang hamaolon dohot hasusaan. Jala marhite ulaon ni ibana, gabe torop halak porsea di Tuhan Jesus. Jempek hata dohonon, Saulus namanundalhon Debata hian, nuaeng gabe gabe halak na mangadophon ngoluna tu Debata.

Nuaeng pe, tu Debata do tapadompakhon bohinta (Okuli= mangaranapi do matangku dompak Jahowa), ndang holan hamubaon ni roha huhut do mangido pangurupion sian Debata dimasa angka hamaolon dohot hasusaan songon na tarsurat di Psalmen 121:1-2; Sai mangaranapi do matangku dompak angka dolok: Sian dia do ulaning ro pangurupion tu ahu? Sian Jahowa Sitompa langit dohot tano on sambing ro pangurupion ianggo tu ahu. Naeng songon i ma nang hita; mangaranapi, padompakhon ngolu tu Debata, mangido pangurupion manang aha pe namasa. Tung rade do nang Debata padompakhon bohiNa tu hita, asal ma marsitutu paubahon diri mandapothon Debata.

Las ni roha Naimbaru di halak na Porsea
Di ayat 10-11 di dok: "asa hutanda Ibana dohot hagogoon ni haheheonna i, ro di hasasaor tu angka haporsuhonna, di na gabe sapangalaho ahu dohot Ibana di hamamatena i; anggiat sahat ahu tu haheheon na sian angka na mate!" ada ayat 10-11 dikatakan; "Yang kukehendaki ialah mengenal Dia dan kuasa kebangkitan-Nya dan persekutuan dalam penderitaan-Nya, di mana aku menjadi serupa dengan Dia dalam kematian-Nya, supaya aku akhirnya beroleh kebangkitan dari antara orang mati." on ma halomoan dohot las nirohana naimbaru nuaeng. Mangihuthon na tarsurat di buku Ul. Apostel dohot surat ni Apostel Paulus tu angka huria tung marapipurun do ringgas ni ap. Paulus mamaritahon Tuhan Jesus Kristus dohot Barita Haluaon i. Jala tung godang huta naung dibongoti ibana laho mamaritahon i.


Melupakan hidup Lama (:13-14)
Tontu do adongbe ngolu haholomon (na jahat) di hita di angka ari naung salpu; pargabuson, mangahut tu diri, pangarimason, manangko, mardatu, pargadombuson, marbadabada dohot lan naasing. Alai nuaeng naung di jou Tuhan Jesus hita laho mangadophon bohi, ngolunta tu ibana. Hinorhon ni pamelehonon ni diriNa dohot holong ni rohaNa i, naeng ma hita mangolu hombar tu lomo ni rohaNa i.
Paulus bo gabe tiruan di ngolunta songon na ni dokna: "Huhalupahon na di pudingku, hueaki angka na di jolo. Dompak pandang i do hupuspus, dompak upa hamonangan na sian panjouon ni Debata sian ginjang, di bagasan Kristus Jesus i." (ay. 14).
Manghalupahon ndang lupa ingatan (amnesia), pikun, kecelakaaan/ sakit, manang manghapus memori ingatan. Alani aha? Ala taboto do manirang na roa sian nadenggan. Jala ingkon ingotonta do pangalaho na holom i asa tangkas ingotonta naung dipalua do hita sian hajahaton dohot dosa i. Ala ndang tau hita mandok "nunga marhamubaon au, nunga dipalua" alai ndang taboto sian dia hita dipalua, manang sian dia hita marhamubaon. Jadi ’manghalupahon’ dison ndang marlapatan lupa sian parningotan, alai manadinghon, ndang patupahon alai marlojong mardompakhon Jesus Kristus.

Silehonlehon sian Debata (:14 a, )
Di portibi on, hea do hita manjalo silehonlehon; nametmet manang na balga, naarga dohot lan naasing. Tontu do tung las roha manjalo silehonlehon manang hadiah. Isara ni sahalak parsingkola namanjalo hadiah ala prestasina di singkola, manang kado ala ulang tahun. Tontu do tung mansai las rohana manang bangga manjalosa. Alai naeng ma umlas rohanta manjalo silehonlehon nasian Tuhan Jesus Kristus, ima; las niroha, dame, pasupasu partondion dohot pardangingon, lumobi tahe ngolu nasaleleng nileleng na di harajaonNa i. Silehonlehon i dipasahat tu na mangadophon ngoluna tu Tuhan i dohot panjounNa i.
Apostel Paulus mandok, ingkon marsiadu (marlojong) do hita mandapothon Ibana jala manadinghon pangalaho na holom i. Burju ma hamu marlojong, asa dapotan hamu!

Panimpuli
Naeng songon i ma nian hita marroha jala marpangalaho. Di minggu Okuli on (Sai tong mangaranapi matangku tu Jahowa) naeng ma pandang situjuon ni ngolunta mardompakhon Tuhan i. Holan tu Ibana ma hita mangido pangurupion jala tu Ibana ma tatujuhon ngolunta, ai holan dibagasan Ibana do dapot hita pangurupion, hamamalum, haluaon dohot haimbaruon ni ngolunta. Jala naeng tongtong mardompakhon Tuhan i hita di ngolunta i asa tundal sibolis sian hita rap dohot angka pangalaho haholomon i; hajahaton dohot dosa i. Manang ise na mambahen Debata gabe tujuan ni ngoluna, dompakhonon ni Debata do nang bohiNa maradophon hita; jala parsaulihononna godang pasupasu partondion nang pardagingon. Amen.

Jamita Minggu L e t a r e

Tgl. 22 Maret 2009
Jesaya 54 : 11 - 17
Redaksi


Sion Naimbaru Dibagasan Hatigoran

I. Patojolo :
Turpukta on pasal 54: 11-17 merupahon bagian sian "Deutro Jesaya" manang jotjot digoari Jesaya na paduahon ima Pasal 39-55 na manekanhon barita nauli taringot tu panghirimon tu haluaran na paduahon na gabe penentu tu hinalanjut ni sejarah ni parngoluon ni bangso Israel na dibagasan pangaramotion ni Debata. On ma na gabe peluang na tepat na sai dipaimaima bangso Isarael, dung sun nasida nasailaon diangka parungkilon nang haputusasaan jala di tingki masa habuangan. Sesuai dohot corak ni barita nauli ni Deutro Jesaya on, Suruhan nang panjouon na lao mandai haluaon na naeng papataron ni Jahowa, ima penyataan ni holong dohot asi ni rohaNa tu angka bangso na na hinaholongan ni rohaNa ala haluaon i gabe nyata holan ala Debata do na patupahonsa. Haluaon i ma na mamboan bangso i tu situasi na mansai bebas, disi ma nasida mandai songon dia do hinauli nang hinadenggan ni pangaramotion ni Debata tu angka halak na sasintongna olo hot marpangunsandean jala mamelehon dirina tu Debata dibagasan sude angka panggulmiton ni ngoluna.

II. Hatorangan

Undungundung na mansai sompit (ay. 2) dohot Sion na terpecahpecah, patuduhon suatu gambaran gareja na naeng bersinar songon na diuraihon di pangungkapon 21:10-21. Alai dipatorang dibagasan bentuk kiasan di ayat 13-17 ima hasintongan (ay. 14) dohot situasi naso tertaluhon (ayat 15-17) mansaor do sian pribadi sisean na universal (ay. 13; bdn 8:16; Jer. 31:34), na patuduhon sada tanda ni padan na imbaru i. On ma na gabe kekuatan na sasintongna sian huta ni Debata, na dijanjihon ndada tahan terhadap serangan alai sinjata hasintongan naso boi dimusuhi (ayat 17; bdn. Luk. 21:15).

Ayat 11-14 a : Sian persekutuan ni Debata dohot ruasNa, pamerengan mulak muse tu Sion na mansai uli marhite penambahan jumlah pendudukna (1-3) dipapatar ma muse pembangunanna. Angka na parir (Heber. ani) pinaburuburu, pogos dohot musuh si bondut ho (bdn.Jes. 49:19) jala ndang tarapul (Andung. 1:16-17) naeng pajongjongon ni Debata sandiri. Alasna batu na birong (Heber. puk) ima sada celak na birohng na dibaen sian batu na birong na digiling halus jala dicampur dohot miak jala memalit mata sada perekat hitam gabe menatah permata; dasar-dasarna sian batu na birong, batu nilam biru na sangat dihargai ditingki zaman kuno; Bungkulanna sian humala rubin, jala angka bahalna sian mata intan humala (batu manikam merah yang bercahaya seperti api); jala sandok parbalohanna sian angka batu hasudungan ni roha.

Ala Debata do mambangun Sion/Jerusalem na imbaru i, gabe dilukishon ma songon "oroan na sinanggulan mandapohon harajaanna", kota na gok hamuliaon ni Jahowa( Pangk 21:2, 11). Sude bangso gabe sisean ni Debata, nasida ma na mambege jala manjalo huhut manorushon hata ni Debata (Jes. 50:4-5). Balga asiasi ni Debata tu nasida.(ay.10), ala Jerusalem dipajongjong di ginjang ni hasintongan dohot keadilan (bdn.Jes. 45:21) na mangolu di huta i.

Ayat 14b-17 : Bangso na mulak sian habuangan on mampartentanghon gambar na mansai uli on dohot situasi na mansai parir di huta na niinganan nasida jala manungkun, bohama penggenapan ni padan ni Debata? Dapotsa do alus sian Debata dibagasan pasu-pasu: dao nama nasida sian pangarupaon (Jes. 52:4)" dohot dao sian hatarsonggoton, asa habiaran i ndang adong be ingananna. Nata pe, gok halak na na menyerang Jerusalem, alai ndang suruan ni Jahowa nasida, alani i do gabe marisuang do usaha nasida gabe madabu ma nasida. Asa lam hot haporseaon ni angka na umbegesa, dipaingot panurirang i ma tu nasida na Debata sambing do na marhuaso sian angka senjata dohot angka na mambahen huhut mampargunahon angka alat na naeng marpaorang. Ditompa Debata pande/tukang bosi laos Ibana do muse manompa sipangangago i laho mangango. Sian on ma boi berengonta hamaolon na manggunahon angka teknik nang kesenian baru sian asi ni roha ni Debata do; manang didia pe di Padan na Robi, ulaon mambaen bosi didok sebagai ulaon asi ni roha ni Debata. Ala ni nasa sinjata na jinadihon mangalo ho, ndang manjadi; jala nasa dila na hehe mangalo ho di paruhuman ingkon toruanmu do. On ma na gabe parjambaran ni angka naposo ni Debata jala angka anak nang boru ni Debata na tontong dipintori nang dapotan hatigoran nasian Debata. Ala ni i, las ma rohanta ala sai dipalua jala diparorot Debata do hita saluhutna. Nata pe Sion na tahirim i ndang tarida dope, alai na sai tongtong do dilehon Debata jaminan tu nasida na so jadi musnah marhite angka kekerasan manang maup alani fitnah. On na na gabe patugohon haporseaonta saleleng mangolu di tano on.

III. Penutup

Dibagasan Minggu Letare on, sude halak na porsea sian sundut ni si Abraham sahat tu hita halak na porsea di Jesus Kristus manuju tu "tano surgo i do", tu huta na direncanahon dibangun Debata (Heber.11:10-16); ala dibagasan kota i ma marharajaon Debata dohot birubiru ni Debata jala angka naposo ni Debata martangiang tu Ibana.

Padan na diboan ni Deutro Jesaya on taringot tu Sion na imbaru na ro sian surgo, sian Jahowa Debata do marharoroan, ndang dope digonopi saluhutna, alai sai tongtong do sepanjang sejarah ni halak Jahudi sai tongdo maimaimahon TUHAN i di Jerusalem, huta badia i, na manghatindangkon, songon dia ma tarida ngolu, hamatean nang haheheon ni Jesus Kristus jala mandorong hita saluhutna angka na porsea di Tuhan i, tongtong maimaimahon hagogonop ni Harajaon ni Debata. Ndada dijou hita asa paluahon dirinta sian portibi on, alai dijou do hita asa padirihon di portibi on tandatanda syalom/dame na songon Jerusalem na imbaru asa saluhut halak boi mambahen panghirimonna sambing tu Debata dibagasan ngoluna. Amen.

Jamita Minggu Judika
Tgl. 29 Maret 2009
Psalmen 43 : 1 - 5
Pdt.Berton Silaban, S.Th
Pdt. HKI ResortKandis

Haposi ma Debata

Patujolo
Deba sian angka na bisuk di Padan na Robi mandok, ia buku Psalmen 43 on i ma udut ni Psalmen 42: 1-12. Sarupa do isi ni na dua bindu i, i ma taringot tu Tangiang ni marsasahalak (Doa Pribadi) manang keluhan pribadi. Hasarupaan ni na dua bindu i pe tarida dipengulangan Refrein tolu hali: 42: 6,12 dohot 43: 5 na mangondolhon asa manghaposi jala marsihohot tu pangurupion ni Debata. Tarida panghalungunhonon ni par-Psalmen on diparsaoran dohot Debata, lumobi ala di bagasan hamaolon dohot hapariron bolon ibana, tarbuang tu tano Jordan gabe pulik ibana sian bangsona jala dao sian bagas joro ni Debata di Jerusalem. Dipasahat ibana ma sude holso ni rohana i tu Debata, asa Debata na mangantoi saluhut hamaolonna i.

Hatorangan ni Turpuk
1. Mangadopi musu do par-Psalmen on, i ma angka bangso na asing naso daulat, ditongatonga ni angka baoa sipaotooto dohot angka parroha na jengkel ibana. Marsak jala tumatangis ibana, lumobi ala sai direhei jala diissahi musuna na mandok: "Didia do Debatam?" (42:4). Saluhut na i mambahen maheu jala marunggkil par-Psalmen on. I do umbahen na martangiang ibana tu Debata, asa campur tangan Debata mangantoi parngoluonna na gok parungkilon i. Ndang adong na asing sipangasahononna, so holan Debata sambing. Umbahen i didok par-Psalmen on: "Luluhon ahu, ale Debata, jala badahon badangku…" Dipasahat ibana sude parsoalan ni ngolu na i tu tangan ni Debata, asa Debata na marlulu dompak musuna jala Debata na paturehon langkana.

2. Diparungkilon na mansai borat i, manghilala do par-Psalmen on sai hira na ditinggalhon. Debata ibana, hapunjungan jala merasa diambolongkon Debata. Ndang adong be na niarop ni rohana mangurupi ibana. Situasi tertekan, stress jala depresi panghilalaanna hinorhon ni na masa tu ngoluna. Mangolu ditongatonga ni bangso na so daulat, i ma bangso na mangulahon na ramun, na so marruhut, na so maradat, na so menghargai angka hak-hak ni donganna dohot na so marlangku uhum. Maol do mangolu halak partigor di situasi parsaoran na sogon i. Ai dang olo partigor papeol uhum. I do umbahen maheu do partigor di tongatonga ni hageduhon dohot hajahaton. Marsak jala marungkil ma partigor i paidaida na masa i, maon gabe terimbas ibana tu na masai. Umbahen i dijouhon par-Psalmen on: "tongoshon ma hatoranganmu dohot hatigoranmu, angka na manogu ahu, pataruhon ahu tu dolok ni habadiaomu dohot tu ingananmu". Nda holan Debata nama pengharapan terakhir na paluahon ibana sian hasosakan i. Tarpaima do ibana di haroro ni Debata paluahon ibana sian hagogotanna i. Debata na manghaholongi dohot na mangasi i ibana. Ala ni i do bulus ma rohana di saluhutna, dibagasan sihol ni roha situtu paimahon pangurupion sian Debata. Adong pnghirimon na mangolu di ibana.

3. Sada na mansai arga bohal ni partondion siidaonta sian pengalaman ni par-Psalmen on, lam nalnal ma di hita hinolsohonna dohot panghirimonna. Ndang moru pos ni rohana tu Debata, tung pe mansai godang jumpang na maol, patunda ni na masa. Debata do na tuk paulakhon parsaoran asa gabe mulak denggan. Manghirim di asi ni roha ni Debata na hatop mangurupi. Nangpe tung dokdok situtu sitaonon ni par-Psalmen on alai tongtong marsihohot manghaposi Debata jala tongtong sanggup patupa pamujion tu Debata. Didok ibana do: "Haposi ma Debata ai sai na pujionku dope Ibana, hatuaon ni bohingku jala Debatangku". Disituasi na maol, di partinaonan na parir ndang mago panghirimon jala ndang lilu haporseaon. Pos situtu do rohana di Debata, urupan ni Debata do ibana, paluaon ni Debata do ibana sian tangan ni angka sipaotooto dohot parroha na jengkel.

Sipahusorhusoron
1. Boi do masa tu hita songon na masa tu par-Psalmen on, di ngolunta be, saleleng di portibi on dope hita, i ma ragam ni parungkilon dohot sitaonon na dokdok. Dihaliangi musu, gabe tarsosak, lilu di dalanta ala ni angka dosa na taula di ngolunta. Tahasiholi do asa malua hita sian angka hamaolon i, malua sian angka hasomalan mangulahon dosa. Mangadopi saluhut na i, pasahat ma pangidoanmu tu Debata na mandok: Luluhon ma ahu, ale Debata, jala badahon ma badangku. Tapangido ma asa Debata na parjolo jala di jolo laho mangalo angka musunta. urupan jala paluaon ni Debata do hita sian tangan ni angka na manghasogohon hita ala hasintongan.

2. Ndang tarbaen angka patigor sonang ditongatonga ni hageduhon. Ingkon protes do hita molo adong angka na mangulahon hajahaton. Godang do jolma boi sonang jala ndang terganggu rohana nangpe maringanan, mangadopi angka dosa, bahkan gabe mendukung, menikmati dosa i. Marsak do angka partigor mamereng hageduhon, ai
ditangihon Debata do hoihoi dohot arsak ni angka partigor. Atik pe maol pajongjong hatigoran ditongatonga ni na mangulahon na jahat, pos ma rohanta urupan ni Debata do hita mangadopi i.

3. Bulus ma rohanta manghirim dipangantoion ni Debata di ngolunta, manghirim di asi ni rohaNa. Malungun jala masihol hita marsaor dohot Debata, ido tanda ni na mangolu haporseaonta. Amen

Artikel MBW Edisi Pebruari - Maret 2009

GEREJA DAN POLITIK
(Oleh: Pdt.Marhasil Hutasoit, MTh)

Pendahuluan

Bolehkah orang Kristen berpolitik? Jawabannya beranekaragam. Sebagian menganggap politik identik dengan kekacauan, perseteruan, persekongkolan dan permusuhan; penuh tipu muslihat, dilakukan penuh pesona untuk memikat tetapi hanya demi ambisi dan kepentingan pribadi1 Pandangan ini bertolak dari keharusan untuk hidup suci ("yang kudus") yang seharusnya terhindar dari taktik dan jargon duniawi. Mereka berpendapat bahwa orang Kristen berpolitik akan menimbulkan apa yang disebut sebagai "cognitive dissonance," sebuah keanehan, ketidakcocokan tentang peran.

Di sisi lain, politik dipahami sebagai kemauan bersama untuk membangun dan memelihara polis. Politik berasal dari bahasa Yunani (politea) yang dimaknai sebagai seni dan ilmu yang berkaitan dengan keteraturan dan keindahan membangun polis ("kota") tempat di mana kehidupan bersama dapat dibina dan dikembangkan. Yang setuju dengan pandangan ini mengatakan bahwa politik itu tidak kotor meski sering digunakan dengan cara kotor. Politik dalam arti sesungguhnya bukanlah kotor melainkan pelaksana politik itu sendiri ternyata ada yang memiliki sepak terjang yang kotor. Kalau politik selalu kotor, maka tak akan terjadi pemerintahan demokrasi di mana pun. Adalah sebuah tindakan irrasional untuk selalu main kotor dalam politik, karena dalam politik juga diperlukan kompromi dan perundingan, karena "political capital" (modal politik) setiap orang bukannya tidak terbatas. Seperti kata pepatah, "sekali lancung ke ujian, seumur hidup tak akan dipercaya," politikus juga mengerti bahwa bermain kotor akan berbahaya untuk karir politik mereka.

Dari kedua pandangan tersebut, dapat diasumsikan bahwa sikap pandang orang kristen (gereja) dalam mengambil peran masih belum jelas bahkan acap kali menampilkan sikap mendua (ambigu.). De Civitate Dei (kota Allah) karya Agustinus (abad ke 4 M) bertolak dari asumsi bahwa ada pertentangan antara Kerajaan Allah di satu pihak dan kerjaan duniawi di pihak lain. Dengan sendirinya politik dilihat sebagai urusan duniawi yang sedang berlalu (pandangan ini kemudian dikoreksi dan diluruskan oleh Bapak-bapak gereja). Oleh sebab itu tulisan ini diharapkan menjadi bagian dari sejumlah upaya memperluas khasanah berpikir kita untuk memahami politik demi pelayanan gereja di tengah-tengah kancah politik yang terus menggelinding di semua aras kehidupan.

Konsepsi Teologis

Adakah dasar-dasar Alkitab dan teologi yang dapat menjelaskan keterlibatan gereja dalam politik? Menjawab pertanyaan ini tidak mudah! Untuk itu perlu dicatat beberapa hal: Orang Kristen purba enggan memasuki panggung politik, hal ini disebabkan pemahaman eskhatologisnya yang sempit tentang tibanya Kerajaan Allah yang dinantikan dalam waktu yang sangat dekat. Dalam salah satu doa yang ada dalam Kitab Didache (thn 100) kita menemukan ungkapan "datanglah KerajaanMu dan biarlah dunia ini binasa". Kata ekklesia (dipanggil keluar) mendapat tekanan pada kata "keluar"nya. Bagi jemaat purba, negara laksana binatang yang keluar dari dalam laut (Why 13:1 diinterpretasikan secara sempit). Orang-orang Kristen mengaku bahwa mereka hanyalah orang-orang asing saja di atas bumi sementara ini dan sedang mencari-cari tanah airnya yang sejati. Tertulianus dalam Apologia 38 mengungkapkan "tidak ada yang lebih asing bagi kita selain dari urusan politik"

Pandangan di atas tampaknya memberi kesan bahwa orang kristen tidak perlu terlibat dalam politik. Tetapi apakah sungguh demikian? Sebenarnya tidak! Walaupun sangat jelas bahwa orang Kristen mengambil jarak terhadap politik, namun pada saat yang sama mereka mempunyai pendirian-pendirian politik. Pengakuan bahwa Kristus adalah (Kurios = Tuhan) dalam Filipi 2:11, pada hakikatnya adalah suatu pernyataan politik. Mengapa demikian? Karena di atas tahta Romawi bertahtalah pula seorang yang menamakan dirinya Kurios. Nats Ibr 11:16 "karena Ia telah mempersiapkan kota (polis) bagi mereka. Ia melancarkan politik yang menyelamatkan dan menentukan.

Jawaban Jesus "berikanlah kepada Kaisar apa yang wajib kamu berikan kepada Kaisar dan kepada Allah apa yang wajib kamu berikan kepada Allah" adalah penegasan bahwa orang Kristen tidak pernah dilarang untuk memenuhi kewajibannya kepada negara termasuk dalam peran aktifnya dalam politik. Politik dipahami sebagai instrumen mewujudkan Bonum Commune yang artinya kesejahteraan umum. Jeremia 29:7 mengatakan "Usahakanlah kesejahteraan kota ke mana kamu Aku buang dan berdoalah untuk kota itu kepada Tuhan, sebab kesejahteraannya adalah kesejahteraanmu". Maka panggilan sejati seorang politisi adalah menjadi pelayan dalam mengusahakan kesejahteraan umum. Kesejahteraan bersama harus menjadi cita-cita yang senantiasa diperjuangkan bukan demi kepentingan kelompok tertentu atas dasar mayoritas dan minoritas.

Anjuran untuk taat kepada Pemerintah seperti dituliskan dalam Surat Roma harus dipahami dalam rangka hubungan antara rakyat dengan negara dengan mengacu pada "tanggungjawab" dan "partisipasi". Tujuh ayat pertama dari Roma 13 itu memberikan cetak biru kerangka dasar
hubungan orang Kristen di Roma dengan penguasa ketika itu — Imperium Romawi. Orang Kristen Roma tidak menjalankan kekuasaan politik dalam pengaturan hal-hal sekuler; keikutsertaan mereka sangat terbatas. Namun mereka diajak untuk kritis dan proaktif; mereka taat bukan sekedar takluk, tetapi karena ada tanggungjawab pribadi dalam mempertahankan tata kehidupan bersama. Tanggungjawab itu mencakup keikutsertaannya di dalam proses kehidupan setiap hari. Mereka harus turut berpartisipasi sebagai bentuk kemampuan dan kemungkinan melancarkan kritik demi perwujudan kebahagiaan bersama. Pemahaman tersebut hendak menegaskan bahwa ternyata orang Kristen tidak dapat melarikan diri dari pilihan-pilihan politik. Mengharamkan politik berarti menghindar dari kegiatan dalam negara.

Perumusan Pemahaman

Berbicara mengenai politik pada intinya berbicara tentang relasi antar manusia baik secara individu maupun kelompok, yang terikat pada pusat-pusat kekuasaaan tertentu yang mengatur keseimbangan antara kepentingan yang berbeda. Tanpa melakukan reposisi politik, atau memaknai politik dalam presfektif yang benar, gereja dan umat Kristen akan terpuruk dan terjerumus dalam kubangan persoalan relasi yang kacau dan semrawut.
Politik bukan semuanya, tetapi untuk melihat dan memahami semuanya, yaitu kebulatan kehidupan masyarakat, orang tidak bisa menghindar dari politik. Politik pada dasarnya bukanlah kotor; dan merupakan sesuatu yang tidak bisa dihindari. Mesti diusahakan untuk membuat "perimbangan" agar tercipta keseimbangan untuk melihat sisi politik yang sungguh manusiawi dan bersifat membebaskan. Menjadi tugas gereja memberi bobot dalam politik sebagai penyangga dan penjaga kesucian harkat dan martabat manusia yang setiap hari terdapat kemungkinan untuk dilanggar dan dilecehkan dalam relasi-relasi yang tidak adil karena ambisi dan kompetisi. Gereja diharapkan menjadi rumah moral bagi partai politik dan para elite politik; jembatan komunikasi antara rakyat dan pemerintah.

Atas kesadaran perlunya peran politisi dalam penatalayanan gereja dalam negara, maka akhir-akhir ini ada 4 pilihan wacana yang disuguhkan: Pertama, mempertaruhkan wacana Kristen habis-habisan secara total-frontal tanpa kompromi. Baik bentuk maupun isi mesti mengunakan dalil dan simbol-simbol kristen. Diharapkan dengan sebuah kendaraan partai politik Kristen maka keterlibatan politik umat Kristen dapat terjamin. Kedua, wacana netral dan bercorak sekuler denggan menawarkan gagasan non agamis seperti demokrasi, emansipasi, keadilan sosial, hak-hak asasi manusia. Wacana ini umumnya muncul dikalangan intelektual dan akademisi yang menganggap wacana keagamaan dan wacana ideologis kurang luas mewadahi wacana modern di masyarakat. Ketiga, wacana yang dikembangkan dari basis Pancasila. Pancasila dikenal selaku pilihan kompromi antara system agama dan system sekuler - jalan tengah yang dibangun untuk mempertemukan perbedaan dari suku dan agama. Bertolak dari sejarah sosial budaya Bangsa Indonesia yang bermuara pada semangat gotong-royong dan harmoni sosial yang selama berabad-abad dihayati dalam kehidupan desa-desa. Keempat, wacana yang benar-benar terbuka bagi semua hal yang hidup dalam masyarakat, memberi perhatian kehidupan agama. Memberi perhatian positif bagi agama lain dengan cara menghargai interpretasinya secara demokratis dan terbuka untuk umum yang dikenal dengan wacana pluralisme. Soal yang dihadapi bukan perebutan kekuasaan kelompok agama tetapi bagaimana menjadikan agama sebagai kelompok transformatif guna menyusun kehidupan politik yang demokratis. Yang dilakukan bukan politisasi agama tetapi bagaimana menjadikan kehidupan politik lebih bermoral. Sumbangan agama adalah pada sisi moral, moral politik; bagaimana agama-agama bisa menggarami kehidupan politik, sehinga nilai-nilai dan keputusan politik bisa dipertanggungjawabkan.

Untuk menentukan pilihan dari wacana yang tersedia perlu dilakukan upaya kritis dan terbuka. Dan sebagai pemeran politik yang transformatif gereja tidak mungkin hidup dalam kungkungan "kompleks minoritas". Kompleks minoritas bisa melahirkan dua macam ekstrim: yang pertama, hidup dalam ketakutan dan kehilangan kepercayaan diri; kedua, bisa muncul over-kompensasi menantang golongan lain dengan jalan kekerasan atau melalui semangat martirdom (kesyahidan) yang berat sebelah.

Oleh sebab itu perlu dikembangkan solidaritas kritis dimana semua pihak bisa menciptakan suasana terbuka dan saling memberi sumbangan dialogis terhadap masalah aktual dan pergumulan kontekstual. Gereja dan lembaga keagamaan tidak boleh menyerahkan moralitas politik kepada elite politik belaka. Dibutuhkan politisi yang benar-benar menjaga harkat dan martabat manusia. Keterlibatan lembaga keagamaan dalam politik adalah untuk menegakkan dimensi moral dalam politik. Politik tanpa moral akan menghasilkan penyalahgunaan kekuasaan yang menindas semua manusia khususnya terhadap lapisan masyarakat di kalangan bawah yang menjadi korban.

Gereja harus menjadi penjaga yang efektif dalam dunia politik agar harga manusia tidak direduksi (pengurangan kadar/mutu) dan didistorsi (penyimpangan dan pemutarbalikan fakta). Gereja harusnya terbuka pada dialog guna menciptakan kehidupan politik dengan landasan moral

5. UUP ini juga kurang memperhatikan heterogenitas (perbedaan) cultural dan social bangsa Indonesia. NKRI adalah berdasarkan Pancasila dari UUD 1945, yang mengakui dan menekankan perlunya memlihara keberagamaan bangsa dan bumi Indonesia. Aspek-aspek seksualitas juga tercakup dalam keberagamaan itu. Jadi, tidak tepat jika ada usaha konstitusional yang cenderung menyeragamkan aspek-aspek sosio – cultural bangsa ini.

6. Candi Sukuh, Ceto, Lingga dan Yoni, Gambar Nabi Adam dan Hawa, Gambar Yesus Tuhannya Orang Kristen dan Katolik dan Kitab Kidung Agung dari Kitab Suci Kristen dan Katolik serta Patung Budha dan Dewa-Dewi Hindu, Budha dan Konghucu bahkan Tugu Monas - semuanya bisa dianggap porno. Seorang penari Jawa, Sunda, Batak atau Bali bisa dianggap membangkitkan gairah seksual.

7. KESIMPULAN DAN SARAN

7.1 Dari hal-hal yang dikemukakan di atas jelas bahwa UUP lebih banyak merugikan bangsa dan Negara ini dari pada meguntungkan bahkan menjadi ancaman kesatuan dan persatuan bangsa.

7.2 Karena lebih banyak merugikan bahkan menjadi ancaman , UUP itu sebaiknya tidak dilaksanakan, ditinjau kembali dan atau dibatalkan.

7.3 Cara terbaik untuk membina dan mengembangkan moralitas yang baik termasuk menghindarkan perilaku seksualitas yang salah, ialah Pendidikan bermutu untuk semua, baik formal maupun informal. Peningkatan pendidikan scara terus menerus berkesinambungan sehingga menjadi citra budaya secara nasional bukan dadakan dan dipaksakan seakan merampas kekayaan budaya yang ada. Dana yang demikian besar membuat undang-undang lebih baik dipergunakan untuk memperbaiki dan meningkatkan mutu pendidikan nasional secara berkesinambungan (Continious Quality Inprovement) dengan curriculum yang lebih baik, terencana dan matang bukan coba coba.

* Penulis adalah salah satu Majelis Pusat HKI / Majelis Pekerja Harian PGI Wil.Sumut/ Ketua BKAG Kota P.Siantar.

Artikel MBW Edisi Pebruari - Maret 2009

Undang-Undang Anti Pornografi
“Ancaman Bagi Kesatuan Bangsa Indonesia”

Pandangan oleh St Raja PS Janter Aruan, SH.
Majelis Pusat HKI / Majelis Pekerja Harian PGI Wil.Sumut/ Ketua BKAG Kota P.Siantar

Pendahuluan.

Adalah suatu kepatutan dan bahkan kewajiban seorang warga Negara yang baik untuk selalu berpikir dan mengawal dan menghindarkan bangsa ini dari kemungkinan perpecahan,keputusan pemimpin yang mungkin kontra produktif terhadap Visi dan Missi bangsa ini, harus dikritisi diberikan saran dan solusi atas masalah yang mungkin terjadi. Bahwa Undang–undang Pornografi (UUP) yang telah menelan bigitu besar dana akhirnya telah disyahkan oleh DPR–RI dalam minggu pertama bulan Nopember 2008 ini, Yang mungkin untuk selanjutnya diberlakukan setelah ditandatangani oleh bapak Presiden Meskipun mendapat berbagai sanggahan dan penolakan dari berbagai kelompok masyarakat dan daerah sejak masa penyusunan UUP itu, DPR-RI dengan system mayoritas – minoritas suara terus juga melaksanakan pengesahan UUP tersebut. Penolakan atas UUP tersebut telah semakin nyata dan meluas dari berbagai daerah seperti Provinsi Bali, Irian Jaya, dan Sulawesi Utara. Penolakan yang tampaknya keras ialah dari Irian Jaya, yang sampai mengancam keluar dari NKRI jika UUP itu disyahkan dan diberlakukan.

Bahwa Pembahasan RUU Anti Pornografi ini sudah dimulai sejak tahun 1997 di DPR. Dalam perjalanannya draf RUU ini pertama kali diajukan pada 14 Februari 2006 dan berisi 11 bab dan 93 pasal sebagai Rancangan Undang Undang Pornografi dan Porno Aksi yang disingkat RUU APP.

Pornografi dalam rancangan pertama didefinisikan sebagai "substansi dalam media atau alat komunikasi yang dibuat untuk menyampaikan gagasan-gagasan yang mengeksploitasi seksual, kecabulan, dan/atau erotika" sementara pornoaksi adalah "perbuatan mengeksploitasi seksual, kecabulan, dan/atau erotika di muka umum".

Pada draf kedua, beberapa pasal yang kontroversial dihapus sehingga tersisa 82 pasal dan 8 bab. Di antara pasal yang dihapus pada rancangan kedua adalah pembentukan badan antipornografi dan pornoaksi nasional. Selain itu, rancangan kedua juga mengubah definisi pornografi dan pornoaksi. Karena definisi ini dipermasalahkan, maka disetujui untuk menggunakan definisi pornografi yang berasal dari bahasa Yunani, yaitu porne (pelacur) dan graphos (gambar atau tulisan) yang secara harafiah berarti "tulisan atau gambar tentang pelacur". Definisi pornoaksi pada draft ini adalah adalah "upaya mengambil keuntungan, baik dengan memperdagangkan atau mempertontonkan pornografi".

Dalam draf yang dikirimkan oleh DPR kepada Presiden pada 24 Agustus 2007, RUU ini tinggal terdiri dari 10 bab dan 52 pasal. Judul RUU APP pun diubah sehingga menjadi RUU Pornografi. Ketentuan mengenai pornoaksi dihapuskan. Pada September 2008, Presiden menugaskan Menteri Agama, Menteri Komunikasi dan Informatika, Menteri Hukum dan Hak Asasi Manusia, dan Menteri Negara Pemberdayaan Perempuan untuk membahas RUU ini bersama Panitia Khusus DPR. Dalam draf final yang awalnya direncanakan akan disahkan pada 23 September 2008, RUU Pornografi tinggal terdiri dari 8 bab dan 44 pasal.

Pada RUU Pornografi, defisini pornografi disebutkan dalam pasal 1: "Pornografi adalah materi seksualitas yang dibuat oleh manusia dalam bentuk gambar, sketsa, ilustrasi, foto, tulisan, suara, bunyi, gambar bergerak, animasi, kartun, syair, percakapan, gerak tubuh, atau bentuk pesan komunikasi lain melalui berbagai bentuk media komunikasi dan/atau pertunjukan di muka umum, yang dapat membangkitkan hasrat seksual dan/atau melanggar nilai-nilai kesusilaan dalam masyarakat." Definisi ini menggabungkan pornografi dan pornoaksi pada RUU APP sebelumnya, dengan memasukkan "gerak tubuh" kedalam definisi pornografi dan ini semua sebenarnya adalah menyangkut masalah kultur budaya bahkan Keyakinan atau Agama.

Bahwa Budaya adalah yang memberi ciri khas pada suatu Bangsa. Apa yang membedakan Manusia Indonesia dari Manusia India dan Indo-Cina? Padahal, semuanya berada dalam satu wilayah peradaban yang sama: The Indus Valley Civilization, Wilayah peradaban Sindhu? Budaya. Budaya-lah yang membedakan Bangsa India dari Bangsa Indonesia, Bangsa Indonesia dari Bangsa-Bangsa Indo-Cina, entah itu Cambodia, Thailand, Vietnam atau Burma. Boleh jadi ada kemiripan antara Budaya kita dengan Budaya-Budaya lain yang disebut di atas. Kemiripan itu wajar, karena kita semua masih berada dalam satu wilayah peradaban yang sama. Namun, kemiripan itu tidaklah membuat kita photo-copy dari bangsa-bangsa lain. Lalu, sebenarnya Budaya itu apa?Budi dan Daya..... Budi atau Buddhi dalam Bahasa Sanskrit, berarti Pikiran yang Sudah Diolah, Pikiran yang Jernih, Mind yang telah Tercerahkan. Itulah arti Buddhi.Daya berarti Upaya atau Kegiatan, bisa juga diartikan sebagai “Perilaku”.

Namun, Daya bukanlah Upaya biasa. Daya bukanlah Kegiatan sembarang. Daya bukanlah Perilaku apa saja. Daya adalah penggalan dari kata Hridaya dalam bahasa Sanskrit; berarti Hati. Bukan Hati-Jantung, bukan pula Hati-Liver, tetapi Hati Nurani. Dalam bahasa asing, “Psyche”. Berarti, Upaya, Tindakan, atau Perilaku yang sesuai dengan Hati Nurani itulah Daya. Maka, Budaya berarti: Upaya, Tindakan, atau Perilaku yang dituntun oleh Pikiran yang Jernih dan sesuai dengan Kata Hati-Nurani.
Saya coba gali dulu aspek Positif dan negative dari UUP itu dalam kajian yang sederhana.

ASPEK POSITIF
Sebagaimana terkandung dalam Pasal 3, UUP itu, aspek positifnya ialah : Meniadakan dan mencegah kemerosotan moral bangsa Indonesia yang disebabkan oleh berbagai produk pornografi.

ASPEK –ASPEK NEGATIF
Secara pokok, aspek-aspek negative yang paling merugikan, bahkan membahayakan NKRI adalah, yang berikut :
1. Ditilik defenisi pornografi yang dikemukakan pada Pasal 1 , khususnya ayat 1, terlalu meluas sehingga tidak mudah dipahami secara tepat arti dan mengakibatkan kekacauan dalam pelaksanaan UUP itu. Antara lain :

1.1 Gerak tubuh
Gerak tubuh yang mana dan bagaiman yang termasuk kecabulan atau eksploitasi seksual? Jika gerak tubuh tertentu merupakan kebiasaan (budaya) pribadi, apakah ini termasuk pornografi? Dan jika gerak tubuh itu merupakan bagian dari seni tari, apakah ini pornografi?

1.2 Gambar, Foto, Patung, Film
Dalam Seni Lukis, seni foto, dan seni patung, sering gambar atau lukisan atau patung orang telanjang atau setengah telanjang yang dilukis, atau film didasarkan pada cerita sesungguhny apakah ini pornografi, padahal hasil karya seni?

1.3 Suara, Bunyi
Suara dan bunyi yang bagaimanakah yang dianggap menimbulkan kecabulan atau eksploitasi seksual? Apakah tidak terlalu sulit menentukan aspek ini secara hukum?

1.4 Tulisan
Tulisan yang bagaimana, dan yang mana yang dianggap kecabulan atau eksploitasi seksual? Apakah hal ini tidak mematikan kreativitas dalam karya sastra, termasuk penulisan novel?
2. Pasal 4, Pasal 10, Pasal 19 ayatC, Pasal20, Pasal 21 ayat 1 dan Pasal 43 mengandung kata-kata dan frase yang membingungkan dan dapat menimbulkan kekacauan fatal dalam pelaksanaan UUP.

2.1 Pasal 4
Arti frase “ tampilan yang mengesankan ketelanjangan” tidak jelas benar, dan dapat ditafsirkan sangat subjektif sehingga sulit digeneralisasi sebagaimana tuntutan suatu UU. Di Samping itu, hal lesbian dan homoseksual menurut WHO dan keputusan Departemen Kesehatan RI bukan lagi termasuk persenggamaan.

2.2 Pasal 10
Frase “menggambarkan ketelanjangan dan eksploitasi seksual” sebagaimana disebut pada (1) Pasal 4 di atas dapat bertafsiran sangat subjektif dan sulit digeneralisasi.

2.3 Pasal 19 ayat C
Arti Frase berbagai pihak dapat menimbulkan konflik, karena artinya tak jelas.

2.4 Pasal 20
Yang memberi peran kepada masyarakat untuk berbuat dapat menimbulkan milisi-milisi kelompok masyarakat tertentu yang dapat menimbulkan konflik perpecahan masyarakat dan bangsa.

2.5 Pasal 21 ayat 1
Kata “Dapat” mengandung arti kleseibilitas, tidak pasti sehingga dapat menimbulkan kekacauan dalam masyarakat.

2.6 Pasal 43
Kata “sendiri” dalam pasal ini bertentangan dengan penjelasan pada pasal 6 yang mengatakan “tidak termasuk untuk dirinya sendiri dan kepentingan sendiri”

3. UUP ini secara umum, sebagaimana terlihat dari contoh-contoh diatas, sangat kurang mempertimbangkan factor-faktor individual (pribadi), padahal secara psikologis, masalah-masalah seksual pada dasarnya sangat erat hubungannya dengan factor-faktor psikologis dan pribadi. Karena itu, sangat sulit mengadakan generalisasi tentang masalah-masalah seksual. Setiap individu memberi respons yang berbeda terhadap stimulus seksual dari individu lainnya, terutama karena stimulus itu berkaitan terutama dengan emosi individual.

4. UUP ini agak melupakan bahwa hasrat seksual adalah factor kemanusiaan yang mendasar, karena tanpa adanya hasrat seksual, keluarga tidk akan berkembang dan selanjutnya juga bangsa dan Negara, dan cintapun tak akan ada

5. UUP ini juga kurang memperhatikan heterogenitas (perbedaan) cultural dan social bangsa Indonesia. NKRI adalah berdasarkan Pancasila dari UUD 1945, yang mengakui dan menekankan perlunya memlihara keberagamaan bangsa dan bumi Indonesia. Aspek-aspek seksualitas juga tercakup dalam keberagamaan itu. Jadi, tidak tepat jika ada usaha konstitusional yang cenderung menyeragamkan aspek-aspek sosio – cultural bangsa ini. 6. Candi Sukuh, Ceto, Lingga dan Yoni, Gambar Nabi Adam dan Hawa, Gambar Yesus Tuhannya Orang Kristen dan Katolik dan Kitab Kidung Agung dari Kitab Suci Kristen dan Katolik serta Patung Budha dan Dewa-Dewi Hindu, Budha dan Konghucu bahkan Tugu Monas - semuanya bisa dianggap porno. Seorang penari Jawa, Sunda, Batak atau Bali bisa dianggap membangkitkan gairah seksual.

7. KESIMPULAN DAN SARAN

7.1 Dari hal-hal yang dikemukakan di atas jelas bahwa UUP lebih banyak merugikan bangsa dan Negara ini dari pada meguntungkan bahkan menjadi ancaman kesatuan dan persatuan bangsa.

7.2 Karena lebih banyak merugikan bahkan menjadi ancaman , UUP itu sebaiknya tidak dilaksanakan, ditinjau kembali dan atau dibatalkan.

7.3 Cara terbaik untuk membina dan mengembangkan moralitas yang baik termasuk menghindarkan perilaku seksualitas yang salah, ialah Pendidikan bermutu untuk semua, baik formal maupun informal. Peningkatan pendidikan scara terus menerus berkesinambungan sehingga menjadi citra budaya secara nasional bukan dadakan dan dipaksakan seakan merampas kekayaan budaya yang ada. Dana yang demikian besar membuat undang-undang lebih baik dipergunakan untuk memperbaiki dan meningkatkan mutu pendidikan nasional secara berkesinambungan (Continious Quality Inprovement) dengan curriculum yang lebih baik, terencana dan matang bukan coba coba. Selamat berjuang …………………. Syaloooom .

Disampaikan sebagai catatan pada acara “Gereja dan Politik”HKI Daerah 1 Sumatera Timur I05 Desember 2008.