Monday, August 11, 2008

Bahan Jamita Bina Warga Bulan Agustus 2008


Jamita Minggu 11 dung Trinitatis
Tgl. 03 Agustus 2008
Nats : Poda 30 : 10 - 19
Oleh : Pdt. Rinto Nainggolan, S.Th
HKI Resort Pekan Baru

Mangaradoti Poda Dalan tu Hangoluan
I. Patujolo
Hombar tu goarna i do ianggo isi ni buku PODA on. Poda i ma angka hata sipaingot na ringkot sipeopon laho mandalani ariari ni ngolu si ganup ari. Tung mansai denggan do dipatolhas angka impola ni poda i marrumanghon angka hata na uli. Sipata geok do panghilalaan molo jinaha, manang nilapatan angka hatana. Ise ma na so mengkel manjaha tudostudosanna taringot tu angka inaina parbada ? "...songon panirisan ni udan nene do badabada ni ina." (19: 13) Manang pandohanna taringot tu parompuan na so toman didok: "Songon harihir sere di bagasan igung ni babi..." (11: 22). Nang pe pir hata i alai geok panghilalaan manjaha.
Di panjahaion na asing muse olo do parpoda on pasahathon nanimaksud ni rohana dohot dalan paadopadop dua pangalaho na mimbar. Isarana di bindu 17: 22 didok, "Roha na hilas manumpak hahisaron, alai anggo tondi na gondok pamalas holiholi". Sandok pintor tangkup do tu roha nang pingkiran pandohanna i. Mansai malo ma antong parpoda on mangaletek angka hata ni poda i gabe poda na pir jala bernas laos mura ingoton. Laos i do tutu natinuju ni roha ni parpoda, i ma asa sai ingoton angka poda i dingolu siapari.

II. Hatorangan ni Turpuk
Ayat 10 : Beha do sasintongna rumang ni pangalaho na pantas maradophon angka dongan jolma ? Di hasiangan on tubu do angka ruhutruhut ni parngoluon hombar tu suhisuhi ni paradaton manang sosial. Hatoban maradophon tuanna, angka partogi ni sada bangso maradophon angka naginomgomanna, pimpinan maradophon bawahan, dohot lan angka na asing. Na so jadi ma patubitubion angka i. Ai gabe tubu do angka hagaoron hinorhon ni pangalaho na patubitubihon. Molo masa hagaoron manginona ma bura.
Ayat 11 – 14 : Sai diparrohahon parpoda on do angka na masa sian sundut tu sundut. Opat ragam ni sundut na nimatamatahonna dipatolhas dison. Na parjolo, sundut ni angka anak maradophon amana dohot inana. Ndang dipasangap angka sundut na mangihut be angka natuatuana, i ma sundut na manjoloani sundutna, baliksa diburai do tahe. Na paduahon i ma sundut na marsipalensem. Sai hira na ias mamolin hadirionna, pita dirajumi rohana, hape gok haramunon angka naniulana. Na patoluhon, sundut ni angka si ginjang roha. Sai menek do rohana mida angka na gumale sian ibana. Na paopathon, i ma sundut angka pandobo, na sai mangalisati angka na dangol na so margogo. "Tudoshon podang do ngingina, jala tudoshon piso ia ngadolna". Ndang parduli tu humaliangna, holan dirina do dipingkiri rohana.
Ayat 15 – 16 : Linta i ma horong ni binatang na mangonsop mudar. Di hata Heber didok ‘aluqa’. Alai mangihuthon angka pande bisuk taringot hata Heber hira marhahonaan do hata on tu hata Arab ‘aluq’. I ma sada begu boruboru na sai olo manobur mudar ni jolma mangihuthon haporseaon nasida. Ndang olo mahap di mudar lintah / begu na nidokna dison. Taparrohahon ma boruna na dua i pe dipanggoarhon do ‘Nia tuson’. Laos so adong do goarna na asing, ala sai tongtong nasida mangana mudar sionsoponna.
Diuduti do muse pangalaho na so ra mahap i tu opat gombaran,. Parbeguan, ai sae jaloon ni parbeguan do hamatean. Bortian na hol, sai tongtong do manganahon sorang ni dakdanak. Tano na so olo mahap di aek pe sai hurangan do i, nang sadia godang dituhaphon aek di atasna. Api, dang hea api mandok sae di parjimburna, sai tongtong do mosohanna sude saleleng mangolu ibana.
Ayat 17 : Mata do siboan hadirion ni sahalak jolma. Molo sai diida mata laos boi do na ni ida i gabe tinuju ni roha. Isarani dakdanak na sai mamereng partigatiga mamolus sian jolo ni alaman ni jabuna do i. Molo sai di paidaida sigadis balon mamolus, laos olo do sai ngotngot rohana mangido asa dituhor natorasna nian balon i. Beha ma molo sai ni elak mata sian ama ni iba. Tontu ndang pinaingotingot be, laos so tangihononhon be hata ni i. Dos do i dohot halak na malluk rohana mangoloi tona ni dainang. Lapatanna lam pinadao roha i sian angka tona ni dainang, tontu ndang ingoton be angka dia do na denggan nanipandok ni dainang i.
Aha do panghorhon ni pangalaho sisongon i ? Pulsikhonon ni pidong sigak, mata ni angka na padaohon (mangelak) matana sian amana. Molo didok parsurageon anak ni lali, sada tudosan do i taringot tu paruhuman tu angka jolma na so olo manangihon tona ni natorasna. Anak sisongon i ndang diboto aturan, gabe dihangoluhon ma ngolu na so mananda aturan. Di hata Indonesia didok liar. Jadi mangolu iba di lingkungan liar. Tontu na mangana hosa ni iba pe angka binatang di tombak ma (binatang liar).

Ayat 18 : Dipatorang parpoda do tolu bagian na palonganghon rohana. Dalan ni pidong rajawali di aoangaoang. Ise na boi marnida i ? Dalan ni ulok di atas ni dolok batu. On pe ndang boi idaon bogasna, ai so tarida bongkas ni panginsiranna i. Dalan ni parau di tongatonga ni laut. Dalan ni parau pe ndang habogasan. Dang boi dohononta sian on do ibana mardalan i pe, ai ndi on dope bogasna. Na tolu on mambahen parpoda longang huhut ndang dapot rohana. Angkup ni sada nari, i ma dalan ni baoa di bagasan boruboru namarbaju. Ndang hasigatan hita na masa di roha ni baoa dohot boruboru na mardongan. Holan nasida nadua do na manghilalahon laos mangantusi partording ni rohana.
Sandok ndang tarantusan hita sude na masa di hasiangan on. Unang ma tahangoluhon hira naung taantusi sude na masa di sisik ni hasiangan on. Ai holan Debata do na tuk marbinoto laos mangantusi ganup na masa.

III. Sipahusorhusoron
Tung mansai ringkot do patanakhon jamita ni Poda tu angka jolma di partingkian si saonari on. Poda marisihon angka ruhut ni parngoluon na patut sidalanan, jala na ringkot sipasidingon. Molo didok lam susa parngoluon ni jolma sisaonari on (tarlumobi di negaranta), sude i hinorhon ni pangalahonta naung lam mandao sian poda. Nunga godang jolma nuaeng naung mangarajumi dirina ummalo, umpistar, umbisuk sian saluhut nasa na adong di hasiangan on. Gariada umbisuk dihilala ibana sian Debata. Gabe ndang marbatas be pangalahona.
Tondi sisongon i tarida do i sian angka pangalaho siapari na so olo be pasangaphon natorasna. Ndang olo be manarihon angka sundut natumua. Gari manarihon angka sundut na di ginjangna ndang dimatamatahon be, beha muse ma manarihon sundut na naeng ro ?
Gabe marlomolomo tu humaliangna. Didok rohana tarantusanna sude angka na masa on. Didok rohana holan ngolu naniadopanna sisaonari do ngolu. Ndang adong ari marsogot. Gabe dipansuasaehon saluhut nasa na adong si saonari. I do ra umbahen lomolomonta nuaeng manegai angka humaliangta (lingkungan). Isarana manabai angka hau ditombak sahat tu na suda angka hau i. Ndang manahan be tano on, gabe tubu ma angka hamaolon. Masa aek bolon (banjir), haleon potir hinorhon ni logo ni ari, dohot lan angka na asing.
Di ombas on ma dipangkulingi jamita on hita, asa tapaadi nian angka pangalaho sisongon i. Maraturan nian parangenta. Tapasangap angka natuatua, tasarihon angka naumposo (generasi yang akan datang). Tahabiari Debata !!! Amen.


Khotbah Minggu 12 set. Trinitatis
Tgl. 10 Agustus 2008
Nats : Habakuk 2 : 6 - 14
Pdt. Edwin Manullang, S.Th
Parhobas di Kantor Pusat

Hukum Allah Atas Kefasikan

I. Pendahuluan
Kitab Habakuk ditulis oleh Habakuk pada tahun + 606 SM. Penulis kitab ini memperkenalkan dirinya sebagai "nabi Habakuk" (Hab 1:1; Hab 3:1). Selain itu ia tidak menceritakan latar belakang pribadi atau keluarganya, dan namanya (arti: merangkul/rangkulan) juga tidak muncul dalam bagian lain di Alkitab. Acuan Habakuk kepada "pemimpin biduan" (Hab. 3:19) memberi kesan bahwa dia mungkin juga dari suku Lewi dan pemusik di Yerusalem.
Berbeda dengan nabi Perjanjian Lama lainnya, Habakuk tidak menetapkan tanggal nubuatnya dengan mengacu kepada raja-raja yang sezaman dengannya. Akan tetapi, kenyataan bahwa dia bingung bahwa Allah akan memakai Babel sebagai alat pelaksanaan hukuman-Nya terhadap Yehuda menunjukkan suatu saat ketika Babel sudah menjadi negeri adi-kuasa dan penyerbuan mereka ke Yehuda sudah dekat (+ 608-598 SM). Nebukadnezar mengalahkan pasukan Mesir pada pertempuran di Karkemis (605 SM), negara kuat terakhir yang menentang perluasan bangsa Babel. Jikalau gambaran tentang pasukan Babel dalam Hab 1:6-11 mengacu kepada pasukan itu yang sedang berbaris menuju Karkemis, sebagaimana ditafsirkan banyak orang, maka tanggal nubuat Habakuk ialah + 606-605 SM, semasa awal pemerintahan Raja Yoyakim dari Yehuda.
Akibat-akibat berkembangnya Babel menjadi negara adikuasa berarti kehancuran bagi Yehuda yang murtad (lih. 2 Raj 24-25:30). Ketika Nebukadnezar kembali dari Mesir, ia menyerang Yehuda dan membawa sejumlah orang tawanan ke Babel, di antaranya Daniel dan ketiga sahabatnya (605 SM). Pada tahun 597, pasukan Babel kembali menyerang Yerusalem, menjarah Bait Suci dan menyeret 10.000 orang tawanan kembali ke Babel, di antara mereka ada nabi Yehezkiel. Ketika Raja Zedekia berusaha membebaskan Yehuda dari kekuasaan Babel 11 tahun kemudian (586 SM), Nebukadnezar dengan marah mengepung Yerusalem, membakar Bait Suci, dan membinasakan seluruh kota serta membawa kembali ke Babel sebagai tawanan perang sebagian besar penduduknya yang masih hidup. Habakuk mungkin hidup sepanjang sebagian besar atau seluruh masa hukuman Yehuda.
Adapun tujuan kitab Habakuk adalah berbeda dengan Yeremia rekan sezamannya, Habakuk tidak bernubuat kepada Yehuda yang sudah murtad. Ia malah menulis untuk menolong kaum sisa yang saleh di Yehuda memahami cara-cara Allah dalam hubungan dengan bangsa mereka yang berdosa dan hukumannya yang menjelang. Karena dia sendiri telah bergumul dengan persoalan yang amat menggelisahkan, yaitu bagaimana Allah dapat memakai suatu bangsa yang begitu jahat seperti Babel untuk menghabiskan umat-Nya sebagai hukuman (Hab 1:6-13), Habakuk meyakinkan sesama orang percaya bahwa Allah akan bertindak melawan semua kefasikan pada saat-Nya. Sementara itu, "orang benar akan hidup oleh percayanya" (Hab 2:4) dan bukan oleh pengertiannya, dan akan "bersorak-sorak di dalam Tuhan" Allah Juruselamat mereka (Hab 3:18).

II. Penjelasan Nats
Kitab Habakuk juga mengungkapkan perjuangan rohani secara mati-matian melawan kejahatan, dan dari suatu pemerintahan dunia yang dipegang oleh kekuasaan yang tidak adil dan bobrok’ Dalam hal itu, maka nabi melakukan dialog" dengan Tuhan. Nabi menyampaiakan keluhan dan pertanyaan atas kondisi yang dialami oleh umat Israel. (Hab. 1: 2-4); dan jawaban Tuhan dalam Habakuk 1: 5-11 menegaskan bahwa yang membangkitkan orang Kasdim(Babel). Tetapi setelah Habakuk menyaksikan kekejaman bangsa Babel, maka ia kembali mengeluh dan mempertanyakan mengapa Tuhan berdiam ketika orang fasik menelan, menindas orang benar (Hab. 1: 12-17) ? Jawaban Tuhan diungkapkan dalam pasal 2: 1-5 yang menyalahkan bahwa orang benar akan diselamatkan oleh iman, tetapi sebaliknya orang fasik akan binasa. Setelah dialog dengan Tuhan, dan nabi memahami kehendak Allah, maka Habakuk memberi dua pernyataan/nubuat yakni :a. Nubuat ‘celaka’ terhadap orang yang berbuat kejahatan (Hab. 2: 6-20) dan b. Mazmur pengharapan akan kehadiran Tuhan dari Sion menyatakan anugerah bagi orang yang berharap kepada-Nya (Hab. 3: 1-19). Perikop nats kotbah kita ini termasuk dalam bagian yang pertama yaitu Nubuat ‘celaka’/hukuman terhadap orang yang berbuat kejahatan (Hab. 2: 6-14).
Ayat 6-8 : Hukuman Atas Keserakahan
Nabi Habakuk tidak hanya memberitahukan tentang keruntuhan dari suatu raja perang yang sudah lalu, yaitu: raja Yehuda, raja Yoyakim, raja Asyur dan raja Babel dan bangsa-bangsa yang melakukan agresi terhadap umatnya sendiri maupun bangsa lain. Tetapi tentang penguasa yang berkelakuan serakah. Tepatlah ungkapan: "serakah tidak berkah" . Dimana saat itu, setiap penjarah akan menggunakan hukum "survival of the fittest". Siapa yang kuat, dia berkuasa; yang lemah akan mati menjadi budak. Hukum ini diberlakukan oleh penguasa sebagai hukum yang sah. Tetapi ini akan menimbulkan kehancuran mereka sendiri, sebab hukum yang dibenarkan manusia, tidak dibenarkan oleh Allah. Habakuk memakai suatu gambaran dari seorang penguasa yang tidak mengenal belas kasihan, yang membuat korban-korbannya berseru dalam keputusasaan akan kelepasan yang ditunggu-tunggu: Berapa lama lagi ? sementara itu penguasa terus-menerus menggaruk lebih banyak lagi dari harta milik mereka, sebagai gadai terhadap uang yang dipinjamkannya (ay. 6) dan terus menerus membuat mereka semakin miskin. Keserakahan adalah sifat yang tidak pernah puas dan menghalalkan segala cara untuk mendapatkan kepuasan yang tidak pernah terpuaskan. Keserakahan harus berakhir dan dipuaskan oleh kematian. Itulah sifat yang mengerikan dari keserakahan. Keserakahan itu pulalah yang menghancurkan Babel(Kasdim) dan menghancurkan setiap orang yang serakah. Pembalasan yang setimpal akan menjadi nasibnya.(ay.7-8). Ini jelas nampak ketika para penguasa tidak pandai menggunakan kekuatannya lagi dan lemah, maka orang-orang lemah dan miskin akan maju melawan didorong oleh solidaritas dan kemarahan yang tinggi.
Ayat 9-11 Hukuman Atas Kesombongan
Kesombongan dengan mengambil laba yang tidak halal dan Menempatkan sarangnya ke tempat yang tinggi (ay. 9). Seperti burung-burung membuat sarangnya di puncak-puncak pohon, begitulah dia hendak menempatkan dirinya di suatu tempat yang tidak dapat dijangkau orang. Raja Yoyakim terlibat dalam proyek-proyek pembangunan tetapi orang Asyur yang gagah dan percaya diri itulah yang dimaksudkannya (bdn. Yes. 36:18) sebagai penjahat yang memakai harta-nya, yang asalnya tak halal itu untuk ‘menghiasi sarangnya’. Tetapi rumahnya dibangun dengan kecelaan dan bangunannya itu sendiri pada akhirnya akan bersaksi melawan mereka(ay. 10-11) (bdn. Am. 3:10). Allah menciptakan segala sesuatu adalah baik dan sempurna adanya. Jadi tidak ada alasan manusia untuk memegahkan diri atas hal itu. Kesombongan adalah dosa yang sangat dibenci oleh Tuhan. Inti dan motivasi dari kesombongan adalah sama dengan inti dan motivasi dasar dosa itu sendiri, yaitu menggantikan Allah. Perikop kita menegaskan bahwa kesombongan akan diganjar dengan kejatuhan orang yang sombong. Sehingga orang dapat melihat bahwa kesombongan tidak mendapat tempat yang langgeng di dunia ini. Dengan kata lain, kesombongan akan menjadi penghancur bagi pelakunya sendiri.
Ayat 12-14 Hukuman Atas Ketidakadilan
Habakuk mengutip ayat 12 dari Mika 3:10 yaitu: "mendirikan Sion (kota) dengan darah dan Yerusalem dengan kelaliman". Artinya ‘karena Allah saja yang mendirikan suatu kota). Pemazmur juga menyatakan : "Jikalau bukan Tuhan yang membangun rumah, maka sia-sialah orang yang membangunnya…(Mzm. 127:1). Apapun yang manusia kerjakan dan tindakan yang jahat, pastilah akan berakhir; termasuk harta. materi, pangkat, jabatan dan lain sebagainya, tidak ada yang kekal selamanya. Semua usaha manusia ke jurusan itu, betapapun hebatnya, pasti akan mengalami kegagalan. Semuanya itu hanyalah akan menjadi makanan ‘api’ ! Dalam nats juga dikatakan, bahwa orang Israel maupun orang Kasdim (Babel) telah menegakkan diri mereka di atas ketidakadilan. Ha ini juga berlaku bagi orang yang tidak percaya adanya Allah. Ketika mau menegakkan sesuatu, selalu mereka akan menegakkan "keadilan" (subjektifitas) nya sendiri Sedangkan ayat 14 termasuk kutipan bebas dari Yesaya 2:9, yang berbicara tentang Eskatologis (akhir zaman) dan artinya ialah, bahwa masa mendatang adalah di tangan Allah bukan suatu usaha kerja keras manusia. Dalam eskatologis, manusia yang sombong akan ditundukkan, dan orang yang angkuh akan direndahkan; hanya Tuhan sajalah yang maha tingi pada hari itu(Yes. 2: 17). Maka demi penciptaan dan kemuliaan Allah, keadilan itu pasti ditegakkan dan semua ketidakadilan manusia akan dihukum oleh Allah pada akhir zaman. Disanalah para penindas/penjahat dan orang tidak percaya akan merasakan sakitnya hukuman Tuhan dan sebaliknya, orang percaya dan beriman kepada Tuhan akan bersukacita dan bersorak-sorai memuji dan memuliakan nama Tuhan..
III. Penutup
Dalam minggu ke-12 setelah Trinitatis, dengan tema minggu: kekerasan dalam pekerjaan. Kita diajak dan diingatkan firman Tuhan agar setiap orang Kristen/percaya tidak melakukan kekerasan di dalam rumah tangga, gereja dan masyarakat, maupun dalam lingkungan pekerjaan kita. Kekerasan itu dapat diakibatkan karena Keserakahan (harta, pangkat, jabatan, materi), Kesombongan (mementingkan diri sendiri tidak perduli dengan orang lain) dan Ketidakadilan (pembagian hak yang tidak seimbang).
Satu hal yang harus kita ingat, bahwa dalam setiap kesulitan, penderitaan kita harus mempunyai pengharapan. Jangan terus lemah, stress, depresi bahkan mengambil jalan pintas/tidak halal maupun takut tidak hidup berkecukupan. Semuanya itu pasti berakhir, dan yang tidak berakhir adalah kuasa, kasih dan penyertaan Tuhan.Tuhan tidak akan membiarkan orang percaya mengalami penderitaan dalam hari-hari yang telah dia berikan kepadanya. Tetapi kita juga harus lebih mendekatkan diri kepada Tuhan dan merendahkan diri serta takut akan Dia. Karena kita tau bahwa Allah selalu memberikan rancangan damai sejahtera bagi kita dan bukan kecelakaan/hukuman dan memberikan hari depan yang penuh pengharapan (Yer. 29:11). Oleh karena itu, apapun yang kita lakukan di dalam sikap dan tindakan kita hendaklah berkenan dihadapan Tuhan dan memuliakan nama Tuhan saja. Dengan menjauhkan kita dari hal, Kerakusan, Kesombongan dan ketidakadilan di dunia ini. Tuhan Memberkati, Amin.


Jamita Minggu 13 dung Trinitatis
Tgl. 17 Agustus 2008
Nats : JEREMIA 34 : 8 - 10
Pdt.Joman Siregar, S.Th
HKI Resort Pasir Putih

Unang Adong Marhatobanhon Donganna

Patujolo
Andorang so tarangrangi dope turpuk on, adong do dengganna jumolo jahaonta ayat namanjoloisa ima ayat 1 - 7, dungkon ni muse tauduti ma manjaha ayat 11 - 22. Alana molo holan ayat 8 - 10 do tajaha ndang dapot apala natangkas sirangranganta na gabe penekanan si jamitahononhon. Ingkon secara keseluruhan do pasal 34 : 1 - 22 jahaonta baru boi ma dapot beberapa hal na gabe penekanan di jamita: 1 . Ndang di halomohon Debata masa parhatobanan di tongatonga ni parngoluon ni jolma. 2. Hinorhon ni dosa do gabe tubu roha marhatobanhon dongan.
Nadua bagian ondo na gabe penekanan ni pasal 34: 1 - 22 on, laos na dua bagian on do sirangrangan na gabe penekanan tu jamita.

Hatorangan ni Turpuk
1. Ndang di halomohon Debata masa parhatobanan di tongatonga ni parngoluon ni jolma.
Molo lao rohanta satongkin mamereng sian segi panompaon ni Debata di jolmai " Saderajat = saharkat, samartabat" do jolmai ditompa Debata bawa dohot boru-boru. Ndang adong anak dohot boru ni raja, ndang adong anak dohot boru ni hatoban. Bawa dohot boru-boru sarupa do "tiruan dohot tudosan ni Debata"(I Musa 1:16 - 17). Nang pe naung madabu tu dosa jolmai tong do sarupa saharkat samartabat alana sama-sama madabu do tu dosai (1 Musa 3 : 6). Arga do jolmai dibaen Debata (Psalmen 8 : 5 - 6). Haargaon i tarida doi sian kedudukan nanilehon ni Debata na gabe pangarajai dohot pemelihara sude jadijadian ni Debata (1 Musa 1 : 28). Sian ayat on jelas do ndang adong dibahen Debata hak dohot kewajiban ni jolmai mempunyai tingkatan naboi gabe mengklaim diri tumimbo sian dongan. Hata mangarajai dohot memelihara patudu hubungan ni jolmai dohot sude jadijadian ni Debata naso adong disi terkesan adong hak laho marhatobanhonsa.
Untuk lebih menyadarkan jolmai porlu dope pinatorang Debata "ndang hea marparhatobanton jolma na tinompaNai". Molo tung adong pe hata ni Debata mandok "Ndang jadi pangan mu sian parbue ni hau" oraora ni Debata na di 1 Musa 2 : 16 - 17 ndang na memperhamba Debata disi. Penekanan na disi soal keselamatan ni jolmai do. Molo setia jolmai tu hata ni Debata mangolu ma ibana, molo ndang tu hamatean do jadina. Dalam hal i bebas do jolmai di baen Debata. Tegasna Debata dalam hal oraorai na patuduhon ia Debata ndang na holan manompa jolma dohot do sebagai pelindungna, asa unang tu hamagoan. Jala porlu dipahami oraorai ndang naporlu di Debata i, porlu di jolmai do i asa mangolu ibana.

2. Hinorhon ni Dosa do gabe tubu roha marhatobanhon dongan.
Dung madabu jolma naparjoloi tu dosa (Adam dan Hawa) gabe sega ma tiruan dohot tudosan ni jolmai sian Debata. Hata sega ndang namandok na gabe mago. Sega nanidok disi gabe tarjadi pergeseran nilai-­nilai hajolmaon nasasintongna. Gabe tunduk tu soara ni rohana jolmai, naeng gabe sarupa dohot Debata (1 Musa 3 : 5- 6). Holong tu Debata gabe sega, gabe manghorhon hasesega holong tu dongan na jolma. Sian i boi ma dohonon hadengganon holong tu Debata do mamampuhon jolmai manghaholongi donganna dohot denggan. Hinorhon ni holong naso denggan i tubu ma pangalaho patimbo diri sian dongan (merasa diri anak dohot boru ni raja, naasing dianggap anak dohot boru hatoban). Istilah keren sisaonarion didok ma ndang salevel. Halak napatimbo diri do naolo marhatobanton donganna. Nanidok marhatobanton
dongan : "bila terjadi perampasan kebebasan hidup seseorang dan memperlakukannya menjadi kepentingan sandiri". Situasi dohot kondisi nasongoni do namasa diparngoluon ni jolma dipartingkian on, tarmasuk ditongatonga ni ngolu ni ha-Kristenon i. Disituasi dohot kondisi nasongoni songon dia do Debata Turpuk jamita on mamaritahon Debata ndang tutup mata. Debata selalu berbuat dan bertindak paluahon, songon na pinatupaNa di tongatonga ni bangso Juda dohot Jerusalem di tingki ni harajaon ni raja Sedekia. Ala ndang dihalomohon Debata i; dipaingot ma raja Sedekia dohot bangsona marhite sekutu-sekutu sian Mesir naro marporang dompak nasida. Dung diujung ni marabahaya nasida baru tarsadar ma raja Sedekia naro uhum sian Debata ala ni parhatobanan napinamasa ni bangsona.
Martinting ma raja Sedekia asa ganup sian nasida paluahon nasa napinarhatobanna. Harap do roha ni raja Sedekia molo dipatupa nasongoni mombun rimas ni Debata gabe dipasohot parmusuon i sian nasida. Dioloi bangsoi do tinting ni rajai, gabe saut ma mansohot hamusuon i (ayat 8 -10). Ndang sadia leleng dope namasai nunga pintor mose muse rohani bangsoi, mulak mambuat bawa dohot boru-boru napatut dirohana parhatobannonna. Pangose ni bangsoi di padan naung ni oloanna i mambahen ramun goar ni Debata. Mardomu tusi ma didok Debata marhite Panurirang Jeremia " ala ndang ditangihon bangsoon be hatangKu : Ida ma Ahu ma maningtinghon haluaon tu hamu.
Cara ni Debata paluahon sian parhatobanan i marhite napasahat bangsoi tu tangan ni bangso naasing marhite podang, begu antuk haraparon (ayat 11 - 22). Sian sikap dohot tindakan ni Debata tu bangso Juda dohot Jerusalem diparhatobanan napinatupa nasida. Huria ni TUHAN tung pe dipartingkianon porlu ma belajar sian kejadian i. Unang ma nian jolo tartuktuk songon bangso Juda dohot Jerusalem i (dung tarsosak nasida gabe tarsadar dipangalahona naso denggan tu donganna). Alana songon na tadok i disude tingkatan kehidupan ni jolmai dohot disude lapangan kehidupan nuga menggejala pangalaho nasongoni "sonang rohana marhatobanhon donganna". Taingot, i ndang dihalomohon Debata. Debata pasti berbuat dan bertindak yang sama songon na tu bangso Juda dohot Jerusalem i, mungkin dalam persi yang berbeda.
Renungan tu Jamita
1. Sarupa do jolma diadopan ni Debata "Sederajat = seharkat dan semartabat". Sarupa "Tiruan dohot tudosan ni Debata". Ndang adong napatut patimbo dirina. Porlu do di ingot hata ni Endenta no.187 3 "Dialo Ho sude najungkat roha. Natimbo i dipatutoru Ho. Alai sude naserepi marroha; Ido di asihi Ho. Parhata nagogo ditanoon dihagigihon Ho sude, Nadangol i di tatap Ho hape, Naeng urupanMu angka i tongtong.

2. Dosa do patubu roha marhatobanton dongan. Didok di hata ni Debata di Rom 3 : 9 "...Rap naginonggoman ni dosa do saluhutna". Berarti adong kemungkinan boi jolmai diparhatoban, dohot marparhatobanhon. Alani i padao dirim sian ragam ni hadosaon i.

3. Lam tamba taon, lam maju jaman, semakin menggejala do parhatobanan i mamasuhi sude sendi-sendi kehidupan i. Goar do naung merdeka hape sasintongna masih terjajah. Goar do naung dimerdekakan Kristus, hape menjajah do di paulaula. Di sude tingkat kehidupan sering tarjadi. Diparumatanggaon pe tong adong dapot tarjadi. Amanta menjajah inanta, inanta menjajah amanta. Dingolu bermasyarakat umum pe tong adong dapot nasongoni. Nasangat disayangkan diparhuriaon pe tong merajalela.

4. Dapot uhum do nasa jolma namarhatobathon donganna jolma.Uhum hamagoan namarhaujungan tu hamatean, molo naeng malua ho hargai ma donganmi songon Debata na menghargai ibana.

Pangarimpunan
Ndang di halomohon Debata masa parhatobanan di tongatongani ngolu ni jolmai. Andar doi boi tarboto sian panompaonNa di jolmai. Jolma namerdeka do jolmai ditompa Debata. Debata sandiri namanompa ndang diparhatoban na tinompaNa. Molo Debata ndang olo marhatobanhon natinompana, jolmai pe ndang patut marhatobanhon dongan na, ai samasama namerdeka do nasida dibaen Debata. Didia adong parhatobanan disi do Debata berbuat dan bertindak paluahon. Laho patupahon i jotjot jolmai dipangke Debata. Molo di Perjanjian Lama dipangke Debata angka panurirangNa. Molo di Perjanjian Baru dipangke Debata angka halak Kristen (1 Petrus 2 : 9) paluahonsa marhite namamaritahon barita nauli marhite hata, tindakan dohot namarpambahenan.
Molo di Perjanjian Lama dibaritahon haluaon sian parhatobanan tanoon, naumbalga sian i di Perjanjian Baru dibaritahon nunga di patupa Debata haluaon di jolmai sian parhatobanan ni dosa namamboan jolmai tu hamatean; marhitehite Jesus Kristus gabe dapotan hangoluan. Manang ise naporsea di Jesus dapotan haluaon ala nunga dipalua sian parhatobanan ni dosa i marhite mudarNa nabadiai (band. Ende no.415:1). Dibagasan Jesus nunga di merdekahon jolmai (halak Kristen). Halak naung merdeka ima halak naung bebas naso terikat tu aturan-aturan ni portibion napinatupa ni jolmai. Alai naterikat tu aturan-aturan hasintongan ni Debata (band.Rom 13 1-7). Naporlu di ingot : Dijou do nasa napinaluai (halak Kristen) di bagasan Jesus Kristus paluahon donganna sian sude nasa bentuk ni parhatobanan di tanoon. Amin


Jamita Minggu 14 dung Trinitatis
Tgl. 24 Agustus 2008
Nats : 4 Musa 12 : 1 - 16
Pdt .Gomgom Tampubolon, S.Th
Pdt. HKI Resort Siantar IV


Ngolu Namarhabadiaon

Patujolo
Di Alkitab digoari do buku 4 Musa on, Kitab Bilangan. Digoari Kitab Bilangan ala godang bindu (pasal) ni kitab on manaringoti sensus di halak Israel na haruar sian tano parhatobanon Misir. Alai adong do na manggoari buku on, ima buku parungutunguton sada bangso ala di buku on godang dipatuduhon ungutungut ni halak Israel dohot angka uluanna dung haruar sian tano Misir andorang so sahat tu tano Kanaan (pat. 4 Ms 11, 14, 16 dna). Songon na masa di turpuk on, marungutungut si Miryan dohot si Aron ala dibuat si Musa sahalak parompuan Kus bahen jolmana. Parungutunguton ni si Miryam dohot si Aron on masa diantara Sinai dohot Kadesy, dung borhat nasida sian daerah dolok Sinai, dung dijalo nasida 10 (sampulu) patik ni Debata di dolok Sinai marhite si Musa. Parungutunguton ni halak Israel i dohot angka uluan nasida pataridahon hahurangporseaon nasida tu Debata. I do umbahen, ndang sude angka pomparan ni Israel na haruar sian tano Misir boi sahat tu tano Kanaan i.
Hatorangan:
1. Ayat 1 – 3 : Ndang tangkas dipabotohon di turpuk on manang di angka bindu/pasal na asing, aha do umbahen dibuat si Musa sahalak parompuan Kus bahen jolmana jala ndang tangkas taringot tu si Zipora, soripada ni si Musa, boru ni si Yitro, atik naung marujung ngolu do. Alai na pasti marmungutmungut do si Aron dohot si Miryam dompak si Musa ala dibuat si Musa boru sian Kus bahen jolmana. Ndang apala taboto ise do parompuan sian Kus on alai na pasti ibana parompuan sileban, ndang sian halak Israel. Isu on ma na dipangke si Aron dohot si Miryam ala mangiburu nasida dompak si Musa. Sasintongna ndang maralasan pangiburuon (kecemburuan) nasida i dompak si Musa. Ai dipillit Debata do nasida na tolu gabe ulaulaNa marmahani (memimpin) Israel. Ia si Miryam targoar panurirang do jala manguluhon parendeon di Israel, ia si Aron sahalak malim (bd. 2 Ms 15:20; Mik 6:4). Marmungutmungut nasida ala mangiburu di hasolhotan ni si Musa tu Jahowa. Mangiburu nasida ala holan si Musa dijou Debata donganNa manghatai, ala holan tu si Musa dipatuduhon Jahowa bohiNa. Ala mangoli si Musa tu parompuan sian Kus, on ma di bahen nasida alasan laho mendiskreditkan kepemimpinan ni si Musa dohot na mendikte Debata. Umbege kritikan, intimidasi, provokasi na mendiskredithon dirina i, sabar do si Musa. Boi do ragam cara dipatupa si Musa laho mamintori dirina. Adong do alasan ni si Musa tarrimas ala parungutunguton nasida i jala boi do dibaloshon si Musa i. Alai karakter pemimpin na luar biasa do dipatuduhon di turpuk on sian si Musa. Ia si Musa sahalak na sederhana dohot na lambok (ayat 3) jala naserep marroha do si Musa mangulahon ulaon na pinasahat ni Debata tu ibana dibagasan hasetiaon dohot haunduhon tu Debata. Ndang dilului ibana ragam alasan laho mamintori diri dohot mamaloshon na binahen ni si Aron dohot si Miryam i tu dirina.
2. Ayat 4-12. Marnida situasi i, manghatai ma Debata tu nasida asa ruar mandapothon undungundung parluhutan i jala Debata tuat ma dibagasan ombun na marsijongjong (ayat 4-5). Ndang mamintori diri si Musa di angka hata na ro tu ibana alai Debata do na mamintori naposoNa i (ayat 6-8). Pemberontakan tu Debata do parungutunguton ni si Aron dohot si Miryam i, ai Debata do na mamillit si Musa gabe naposoNa, bebas do Debata mamillit dohot manghatai dohot paadop bohi tu naposoNa i. Parungutunguton ni si Aron dohot si Miryam i manghorhon tu pembunuhan tu karakter si Musa jala marpanghorhon tu parsaoran ni Israel, tarlumobi mendiskreditkan Debata di panjouon dohot pamillitonNa nang di sangkapNa. Ido umbehen tarrimas Jahowa. Masigorgor rimas ni Jahowa tu si Aron dohot si Miryam gabe puruon si Miryam. Ndang dohot si Aron gabe puruon alai holan si Miryam do, ala si Miryam do ra na parjolo sahali marungutungut manang sibingkasi parungutunguton i. Jadi idaonta ma i sian, "yang menyesatkan dan yang disesatkan". Marbingkas sian na masa tu si Miryam on do ra umbahen digoari Jahudi na marsahit hulit/puruon, (Heber: "sara’ath"), lapatanna na hona bura ni Debata, na hona uhum ni Debata (patudos namasa tu si Gehazi di 2 Raja 5; pat. Muse tu 3 Ms 14:2-3).

3. Ayat 13-16 : Holong do roha ni si Musa tu si Miryam, alani do mangangguhi ibana mangelek Jahowa asa dipamalum (ayat 13). Ndang las rohana puruon si Miryam. Dison ma muse hataridaan halambohon dohot serep ni roha ni si Musa, ndang las rohana puruon si Miryam, gariada asi do rohana. Ido umbahen tumatangis ibana jala mangangguhi dompak Debata, asa dipamalum Jahowa si Miryam sian parsahitonna i. Jahowa pe mombun do rimasna, dioloi do pangidoan ni si Musa i, dipabali si Miryam sian parsaoran ni bangso i 7 (pitu) ari lelengna, dungi pe asa dipamalum. Jolo dipabali do ibana asa dipaias sian hulit i, asa sadar si Miryam di dosana na marungutungut.

4. Uluan na lambok malilung (lemah lembut) dohot na serep marroha (rendah hati) do karakter
kepemimpinan ni si Musa. Asi ni roha dohot silehon-lehon ni Debata do pamilliton dohot panjouon ni Debata tu dirina, hasetiaonna mangulahon ulaon na pinasahat ni Debata tu dirina manguluhon Israel haruar sian tano Misir, dohot haporseaonna tu Debata i do umbahen ndang olo si Musa mangalusi manang mangalului pamintorion di ungutungut ni si Miryam i. Ai Debata do na mamillit jala manjou ibana marmahani /manguluhon Israel, ndang sian roharohana sandiri. Biasanya kelembutan hati itu akan pupus bila diri dan hati kita terancam atau disakiti. Tetapi Musa menyerahkan semuanya itu kepada Tuhan karena dia percaya bahwa Tuhan lah yang bertindak untuk membenarkan dan meneguhkan, menghakimi dan menghukum. "Pemimpin sejati" mesti punya sikap mental seorang pelayan dan harus punya motivasi seorang abdi, bersikap dan bertindak seperti seorang hamba. Ia adalah pemimpin yang menghamba, sekaligus, hamba yang memimpin ( pat.Johannes 13 : 1 ff; Mrk. 10:43-44; I Ptr 5:6 ). Pemimpin Kristen berbeda dengan pemimpin alamiah (sekuler/umum) dalam beberapa hal. Pemimpin rohani mengenal Allah, mencari kehendak Allah, menaati kehendak Allah, bergantung pada Allah, mengasihi Allah dan manusia, dan akhirnya memuliakan Allah. Sedangkan pemimpin alamiah hanya mengenal manusia, membuat keputusan sendiri atau organisasi, berusaha mencapai sasaran pribadi atau organisasi, bersandar pada cara-cara sendiri, bergantung pada kuasa dan ketrampilan diri sendiri, mengutamakan hasil kerja dan cenderung mengabaikan manusia. Kepemimpinan dalam Kristen menempatkan posisinya di bawah kontrol Kristus, sebab seorang pemimpin Kristen bukan menjadi orang nomor satu dalam gereja; Kristuslah Kepala Gereja. Ia memimpin namun juga dipimpin oleh Pemimpin Agung, Tuhan Yesus (Yoh. 13:13). Yesus mengajarkan bahwa ciri khas dan kebesaran pemimpin spiritual terletak bukan pada posisi dan kuasanya, melainkan pada pengorbanannya. Hanya melalui melayani, seseorang menjadi besar (Mrk. 10:43-44).

5. Kusta atau Lepra, kuman penyebab kusta pertama kali baru ditemukan pada tahun 1873 oleh Armauer Hansen di Norwegia. Karena itu penyakit ini juga sering disebut penyakit Hansen.atau disebut juga Penyakit Morbus Hansen. Penyakit Hansen adalah sebuah penyakit infeksi kronis yang disebabkan oleh bakteri Mycobacterium leprae. Penyakit ini adalah tipe penyakit granulomatosa pada saraf tepi dan mukosa dari saluran pernapasan atas; dan lesi pada kulit adalah tanda yang bisa diamati dari luar. Bila tidak ditangani, kusta dapat sangat progresif, menyebabkan kerusakan pada kulit, saraf-saraf, anggota gerak, dan mata. Konon, kusta telah menyerang manusia sejak 300 SM, dan telah dikenal oleh peradaban Tiongkok kuna, Mesir kuna, dan India. Penyakit kusta atau lepra menjadi salah satu penyakit tertua yang hingga kini awet bertahan di dunia. Serangan kuman yang berbentuk batang ini biasanya pada kulit, saraf, mata, selaput lendir hidung, otot, tulang, dan buah zakar. Ada 2 jenis penyakit ini yakni : a). Tipe Basah. Tipe ini dapat menular kepada orang lain. Tanda-tanda: Bercak keputihan atau kemerahan tersebar merata di seluruh badan. Dengan atau tanpa penebalan pada bercak Pada permukaan bercak, sering masih ada rasa bila disentuh dengan kapas. Tanda-tanda permulaan sering berupa penebalan kulit kemerahan pada cuping telinga dan muka. Pengobatan: 12-18 bulan.; b). Tipe Kering.Tipe ini tidak menular tetapi dapat menimbulkan cacat bila tidak segera diobati. Tanda-tanda: Bercak putih seperti panu yang mati rasa. Bila bercak disentuh dengan kapas tidak terasa atau kurang terasa.

Panimpuli
Na jolo di halak Batak, sahit na jorbut do dirajumi sahit hulit bali tu na asing, ala bau hulit naung busuk, jala maol malum. Dao do sian huta di bahen inganan ni na huliton jala molo mate ndang boi boluson kuburanna. Ninna barita, di deba inganan na jolo di tano Batak, pulut do rohana manurbu soposopo dohot na huliton i, ai dirajumi do i tihas. Dipasiding halak Batak do na jolo na sahit huliton ala di rajumi nasida ramun dohot ala mura bali sahit i tu na asing. Songoni do nang na di halak Jahudi, ramun do di nasida na huliton i. Ala dirajumi na huliton hona bura ni Debata alani ndang boi na hipas marsaor dohot nasida. Ndang boi jonok na hipas tu na marsahit hulit. Dibalian ni huta do di bahen inganan ni na huliton jala molo mamolus nasida di dalan balobung ingkon huphuphonna bohina huhut jouonna, "ramun, ramun". Ai halak na marsahit huliton dianggap ramun do i jala di anggap lea do di masyarakat Yahudi. (pat. 3 Ms 14:2-3). Sada na naeng dohonon ni jamita on, haramunon i (hosom, late, elat, pangiburuon, dna) do na paholang jolma sian Debata. Halak na porsea ingkon badia. Hata "badia" disalin sian hata qadosy dihata Heber, lapatanna, tandi, asing, manang tampil beda. Ingkon asing, tandi ngolu ni na mangihuthon Tuhan i sian ngolu ni na so porsea i. Dipaholang dirina sian haramunon manang dosa. Ingkon badia do jolma i dijolo ni Debata, marhite na paiashon rohana sian haramunon, parungutungut, hosom, late dohot elat. Ingkon janghonon jala apulan do angka dongan na marsahit (marragam do sahit i : sahit pamatang, psikologis, dna), ndang gabe pasidingon manang pabalion nasida jala leaan. Ndang dipasiding manang dipabali Tuhan Jesus angka na dimarjinalhon di masyarakat alai dipamalum Ibana do na marsahit jala ditogutogu , dna. Saluhutna i laho papatarhon Harajaon ni Debata. Taingot ma Hata ni Tuhan Jesus na mandok, "Situtu do na hudok on tu hamu; Nasa na binahenmuna tu sada sian anggingKu angka na metmet on, na tu Ahu do i dibahen hamu!" (Mat 25:40). A m e n. (Catatan : kritik dan saran atau komentar terhadap tulisan ini dipersilahkan untuk mengunjungi : http\\: gomtampubolon.blogspot.com.)



JamitaMinggu15 dung Trinitatis
Tgl. 31 Agustus 2008
Nats : Parjamita 5 : 17-19
Oleh : Pdt. Hotman Hutasoit, STh
HKI Resort Depok
Hasabamhon Parsaulian Nasian Tuhan i

“Alai marhuaso do Debata, mangusehon saluhut asi-asi tu hamu, asa sandok tuk situtu di hamu jala marlobi-lobi hamu, laho patupahon saluhut ulaon na denggan” (2 Korintus 9: 8)
1. Panurat buku on patandahon dirina margoar "Qohelet" (di hata aslina) na marlapatan "parjamita" sipata diterjemahon "guru" alai di buku na Badia i (Bibel) di pangke do "parjamita". Mangihut muse didok, ibana anak ni si Daud, raja di Jerusalem, alai ala ndang haru tegas didok goarna si Salomo. Mangihuthon angka na malo, gabe sada tanda do i pabotohon, paboa ndang apala si Salomo sandiri na manurat buku on. Namun dibahen pe songon i, ndang sala i, ala di ombas i, nunga gabe hasomalan, molo adong tulisan nanigurithon ni sasahalak, sai dibahen do goar ni jolma na tarbarita (tokoh terkenal) tu buku na ginurithonna i. (nian ndang apala panurat ni buku on na umporlu, alai asa unang sai gabe parsualan na so marimpola i di hita di partingkian on ido umbahen na ginurithon na di ginjang i. laos boi do patudosonta tu angka na masa di tingki parpudi on, jotjot manang sai adong do panurat na mangido angka tokoh mambahen pengantar di angka buku na ginurithonna).
2. Marhite buku on, tarida do pangalaho ni jolma di ombas i, na sai holan mamingkiri dohot mangalului angka na di portibion, bahkan nunga gabe songon sada paham i di tingki i (sekularisme). Di buku on dipaingot (dikritisi) Si Qohelet do, asa ganup jolma mamangke parnidaanna dohot parbinegeanna laho marguru taringot tu angka na pinamasa ni Debata laos di paombuk tu angka pangalaho ni jolma dohot dirina sandiri. Sada sian angka sipaingot i, ima taringot tu "Arta".Sahat ro di tingki on, godang jala marragam do pangalaho manang pandapot taringot tu arta. Adong do jolma na mandok ndang ringkot arta i, ai ido mula ni dosa i, pandohan on di paombuk nasida tu pangajaran ni Jesus taringot tu doli-doli na mora (Mateus 19: 16 – 26 dohot paralelna); dohot pandohan ni si Paulus na tu si Timoteus na mandok: "ai urat ni nasa hajahaton do roha na holongan di hepeng" (1 Tim 6: 10.a). Boha do tutu, molo so mararta hita, madabu do ulaning malua sian dosa, manang sabalikna, molo mararta hita tagamon do pe ulaning gabe madabu tu dosa ? ima na jumpang marhite turpuk jamita on.
3. Sabam di na adong / Menerima Pemberian TuhanMamungka sian singkola dasar (SD) nunga diajarhon paboa, ganup jolma adong do na ringkot di ngoluna (kebutuhan), na dipaimbar gabe dua, ima: kebutuhan primer (narumingkot) isarana pahean (sandang), sipanganon (pangan) dohot bagas (papan), ia kebutuhan sekunder (napaduahon) ima hiburan, mobiler, alat transportasi dohot na asing. Abraham Harold Maslow sahalak ahli psikologi mandok adong do 5 tangga (tingkatan) ni kebutuhan ni jolma ima: parjolo, kebutuhan fisiologis (isarana: oksigen, air, protein, garam, gula, kalsium, mineral dohot vitamin); paduahon, kebutuhan rasa aman (isarana: aman, stabil dohot terlindung); patoluhon, kebutuhan cinta dan rindu (isarana: teman, kekasih, anak); paopathon, kebutuhan harga diri (isarana: dihargai, status, kemuliaan, kehormatan, perhatian, reputasi, apresiasi dohot dominasi); napalimahon, kebutuhan aktualisasi diri (isarana: hasrat mewujudkan potensi diri, keinginan menjadi apa yang anda bisa). Saluhutna on pataridahon paboa, saluhut jolma mangharingkothon ragam ni sinta-sinta (patudos: ende ni si Nahum: "marragam-ragam"). Alani i, ndang targabusan hita dirinta di angka sinta-sinta (kebutuhan), bahkan sipata sai songon na minum aek ni laut jolma di arta i, lam godang diinum sai lam tu uasna. Kondisi on mambahen torop jolma mambahen fokus ni ngoluna tu arta. (taida di TV, di pengadilan, molo disungkun panangko / perampok boasa manangko manang mangarampok ibana, alasan na klasik do tongtong alusna mandok: kebutuhan ni dirina, keluargana, anakna dna. Sabalikna, sipata ndang ala na so adong diibana umbahen diula hajahaton, alai justru molo adong kesempatan, pintor dipangke do kesempatan i, mangula hajahaton i, isarana korupsi). On ma dipaingot si Qohelet asa unang mangolu jolma i di ngolu na sekularis, alai dipasonang rohana, molo dung dapot ibana sipanganon dohot siinumon sian na niulana be. Namun si Qohelet ndang na mandok na so ringkot panangkokhon pansarian, alai unang gabe madabu tu dosa hinorhon ni usaha peningkatan ni pansarian. Tutu ndang na mura manghangoluhon na songon i, molo taingot do teori ni si Maslow i, paboa di ganup jolma i, nunga adong kebutuhan i na masihol asa tung dapot digohi. Alai songon bangso ni Debata, dipaingot do asa adong pangoromon taringot tu arta i, marhite na manghangoluhon hasabamon. Ido disoarahon Tuhan Jesus tu doli-doli na mangalului harajaon ni Tuhan I (Mateus 19: 16 -26), laos diuduti si Paulus do huhut dipaingot tu angka huria i, asa mangolu dibagasan hasabamon ni roha, di nanidokna, Alai molo adong di hita sipanganon dohot parabiton, tahasabamhon ma i (1 Tim 6: 8).
4. Marsaulihon na nilehon ni Debata / Menikmati Pemberian Tuhan.Adong do hubege hami barita taringot tu keunikan ni ngolu ni halak Batak na mansai hontot manarihon ari marsogot, ima: sahalak ina na marsahit, dungi didok donganna ina, asa marubat tu dokter, alai ndang olo. Didok "ndang pola dia i, malum do i, sian dia hepeng tusi" hape diboto angka donganna ina do na godang puntalanna, jala godang mas simpananna, alani i didok tu inanta i. Tudia bahenonmu napinuntal-puntalanmi, molo mate ho sogot, mangoli muse amantam gabe na mangganti ho nama marsaulihon arta mi. Pandohan on mambahen tarsadar inanta i, gabe olo marubat tu dokter. Sintong manang ndang barita on, ganup ma hita managkasi dirinta.Marragam do na masa di ngolu ni jolma, ndang sai dos na niadopan ni nasada tu na asing, bahkan sahalak jolma pe, olo do marragam ngolu diadopi. Alai songon dia sasahalak mangadopi ngoluna i marpanghorhon do i tu sandok ngoluna nang pangalahona. Pandita Andar Ismail mambilang-bilangi ngolu i, mandok marguna sude ngolu i molo sintong dipaombuk ngoluna i, didok songon on: Jika hidup adalah tantangan - hadapilah, jika keindahan – kagumilah, jika tragedi – tangisilah, jika tugas – tekunilah, jika misteri – takjubilah, jika impian, wujudkanlah, jika perlombaan – menangkanlah, jika janji – penuhilah, jika teka-teki – jawablah, jika perjalanan – tempuhlah, jika anugerah – syukurilah, jika kenyataan – telanlah, jika kegembiraan – bagilah, jika petualangan – lakonilah, jika kesempatan – manfaatkanlah, jika pemberian – hargailah, jika cinta – terima dan berilah, jika perjuangan tuntaskanlah, jika penderitaan – tanggunglah, jika dambaan – raihlah…..dst. Sian rumusan on, pataridahon godang ni ragam ni ngolu, alai boi do marguna ngolu i, ido didok si Qohelet paboa saluhut ngolu i, na tonggi manang na paet pe, ringkot diparsaulihon songon silehonlehon ni Debata. Taargahon ma nanilehon dohot pinamasa ni Debata, tahamauliatehon ma saluhut na masa i, ai molo diloas Debata do pe hita mangadopi saluhutna i, dongananNa jala pargogoanNa do hita disi.
5. Jempek do ari-ari ni ngolunta / hari hidup kita adalah singkat.Pemanasan global (global warming), gabe sada parsualan na niadopan ni sandok bangso di portibi on. Saluhut negara pados tahi laho mamingkiri dalan asa unang lam humatop masa hamamasa dohot panghorhon ni pemanasan global on. Ragam do dipaingothon, apala na diondolhon asa ganup negara patupahon penghematan dohot pemeliharaan alam dohot angka energi na di bagasanna. Sasintongna, ulaon manjaga dohot mangaramoti portibi on, ndada ulaon na dipasahat tu jolma di tingki parpudi on, ai mamungka sian si Adam nunga dipasahat Debata ulaon i tu jolma na parjolo i. (1 Musa 2: 15). Alai di tingki parpudi on, saluhut bangso di paingot muse di ulaon i.Marhite turpuk on, Si Qohelet paingothon paboa, jempek do ngolunta. Pandohan on pataridahon di ngolu na jempek i, asa diparhaseangbe laho manjaga, mamangke dohot parhaseang saluhut na nilehon ni Debata, laos unang sampe songon mabuk hinorhon ni angka haulion na jumpang dingoluna. Alai naeng ingot rohana paboa adong do tanggungjawabna be laho manadinghon angka na uli di angka gomparanna muse. Secara khusus di tingki parpudi on, dipaingot pamarentanta do hita asa hemat di nasa energi alam, listrik, aek, miak dohot na asing. Di Jakarta ganup taon lam turun do permukaan ni tano hinorhon ni sumur bor na so terkendali. Listrik jotjot do mate hinorhon ni na so adong bahan bakar ni pembangkit listrik. Jotjot do banjir bandang ala ni na so terpelihara hau di dolok dohot angka na asing. Dohot hata na asing, molo olo do hita hidup hemat, adong ma angka nauli na denggan tadinghononta di angka gomparanta muse.
6. Panimpuli
Marhuaso do Debata mangusehon saluhut asi-asi tu hita, saluhut jolma do di asi i Tuhan i, tuk do gogo ni Tuhan i, mambahen hita marlobi-lobi, alai ndang dihalomohon Tuhan i, angka asi-asiNa gabe hasesega di jolma, alai sabalikna ingkon gabe manumpak tu na denggan. Antong ita hasabamhon ma angka parsaulian na sian Tuhan i. Amen.