Monday, August 11, 2008

Bahan Jamita Bina Warga Bulan September 2008


Jamita Minggu 16 dung Trinitatis
Tgl. 07 September 2008
Nats : 2 Tesalonika 3 : 10 - 13
Pdt .Togap S. Gultom, S.Th
HKI Resort Jakarta VI
Padot Jala Maringgas ma Mula Ulaon
Patujolo.
Adong do tolu (3) bagian isi ni surat na paduahon sian apostel Paulus tu Huria Tessalonik on, ima:.(1) taringot tu pamujina di haporseaon ni huria, (2) haroro ni Kritus dohot patujolona, dohot (3) angka sipaingot tu huria. Mamungka sian 2 Tes 1:1-12 nunga dipatolhas taringot tu haroro ni Tuhan Jesus, alai dijoloani angka tanda manang keadaan na buruk, manang haporsuhon, atik pe diujungna Jesus do na manghamonanghonsa. Ala ni i di sosoi do tu huria i asa marroha mauliate huhut marningot pamilliton na tu nasida songon angka na porsea. Sadalan tu si, lumobi na tarida di turpuk on, dipaingot do nasida, ala adong muncul panatapan na sala di tongtonga ni huria i taringot tu Parusia na bolas mambahen guga roha ni ruas i, ai adong na mandok: "Nunga dapot ari Tuhan i ". Marpangontak do poda na songon on tu sikap dohot pangulaon ni deba ruas ni huria ai didok molo na ro nama Tuhan i ndang pola be mula ulaon alai dumenggan ma holan managam sadihari ma haroro ni Tuhan i. Ala ni sikap dohot pangantusion na songon i, adong ma deba ruas ni huria i na so mangharingkothon mangula ulaonna, na deba madabu tu angka pangalaho na so gabeak huhut marhalosohon. Marhite turpuk on diuji apostel Paulus do paingothon nasida songon dia ma sikap na tangkas di halak na porsea na maimaimahon haroro ni Kristus marpardomuan tu ulaonna siganup ari.
Pabagashon turpuk.
Turpuk on boi dohononta songon pandangan etis ni apostel Paulus taringot tu ulaon dohot hubunganna tu haporseaon. Adong dua bagian na gabe unok ni turpuk sihangoluhononta di ngolu hakristenon di siganup tingki, dia ma i :
1. Bulusma mula ulaon. Dipaandar do taringot tu habuluson mula-ulaon dohot tu na manghangoluhon na ni omo. Di ngolu hakristenon ta-antusi do pasupasu do na mula ulaon. Molo tapamanat pandohan on mansai ampit do tu poda ni Raja Salomo na manosohon asa marsiajar tu porhis (Poda 6:6-11). Dipatudos Paulus do angka na so mula ulaon jala na manjama na so siulaon songon angka na so maradat (Ind: orang yang tidak tertib hidupnya). Ndang apala dipatangkas rumang ni pangalaho marhite pandohan na manjama na so siulaon, alai sosososo asa manghangoluhon na niomo martudutudu tu sikap na spekulatif jala na so taratur. Dohononta ma ra i dipangalaho saonari isara ni pangotootoion/penipuan, panangkoon, juji, korupsi. Ndang adong ketenangan ni halak na losok na so ra mula ulaon, jala godang do angka akibat na tubu siala halosohon, isara ni sahit ni pingkiran, pagalehon tondi jala manegai pardagingon. Sabalikna, marhite ulaon, kesempatan na arga doi dilehon Debata tu jolma asa boi melayani Debata dohot donganna jolma, jadi ndang holan sisi ekonomis manang psikologis jumpang uli di angka na mula ulaon.

2. Unang marnaloja mambahen na denggan: Disosohon Paulus do asa unang marnaloja mambahen na denggan. Sada sikap do on laho mangadopi angka kemungkinan tantangan na ro sian angka na ginoaran na so maradat. Dijamothon do asa unang tarboan boan manang terpengaruh mangihuthon halak na so denggan parulaonna. Naeng ma unang marnaloja mambahen na denggan molo tung pe sai adong deba sian tongatonga ni huria angka na manimbil sian pangajarion na sintong. Ulaon na denggan ima parange na tau tiruan dohot haradeon tongtong manosohon na ture. Unang marnaloja, ima ulaon na taronjar sian habuluson na manghilala i songon bagian ni tanggungjawab. Tanggungjawab laho mangarahon nasida tu angka pangalaho dohot ulaon na tama andar ma i jaloonnasida marhite angka ulaon na denggan. Ndada holan dihata be manosoi halak asa mula ulaon. Ingkon gabe tiruan ma angka na porsea i di parange dohot angka ulaon na denggan. Kepribadian na tangkas di na porsea, ima haradeonna mambahen denggan.

Renungan tu Jamita.
1. Godang do na mangarajumi jala mangantusi na mula ulaon i holan hinaporlu ni ngolu pardagingon sambing. Alai mangihuthon ama ni huria reformasi, songon Martin Luther dohot Johannes Calvin, mandok na so holan haporluon di ngolu pardagingon sambing na mula ulaon, alai panjouon ni Debata do tu jolma asa gabe mula ulaon. Ala ni i gabe dalan patuduhon pangoloion dohot haunduhon ni jolma pardosa do molo olo jala ringgas ibana mula ulaon. Tutu ianggo di mulana i, dung madabu jolma na parjolo i tu dosa, uhum ni Debata do na mula ulaon (1 Musa 3:17-19). Alai dung mate Kristus Jesus ndang lohot be uhum i tu jolma (Rom 5:18) gariada tahe malua ma sian uhum. Nang joujou na mula ulaon pe gabe pasupasu do di angka siihuthon Kristus. I do umbahen na disosohon Paulus asa ganup na porsea naeng ma padot jala ringgas mulaulaon.
Nuaeng on tung mansai maol do di na deba dapotan ulaon. Ia adong na dapotan, dirajumi doi silehonlehon ni Debata. Sabalikna molo so dapot manang na diparade sian ulaonna, dirajumi do i songon parungkilon bolon di ngoluna. Alai anggo apala na nidokna asa mula ulaon ndada holan asa gabe parkarejo dikantor manang di pabrik. Ndada holan asa gabe siallang gaji lapatanna. Dilului ma karejona, diula ma siulaonna, manang marhua pe taho asal ma unang maralo tu lomo ni roha ni Debata. Na mula ulaon i ma na mangalului pandaraman ni ngoluna, bohal ni ngoluna dohot na ringkot di ibana. Asa dapotan dohot haringgason na mangula ulaon do apala na niigilna.
Tongon diombas na managam haroro ni Tuhan i do partingkianta saonari, ditongatonga ni zaman na maju jala na mamboan perobahan na mansai doras jala marpangontak tu saluhutna. Taboto do ditantang hamajuon i do hita boi mangadopi i marhite na tongtong mula ulaon asa unang tartading. Alai sadalan tu si, naeng ma saluhut ulaonta tongtong marojahan tu hata ni Debata, asa saluhut ulaonta i mamboan hita nang angka donganta tu hadengganon ni ngolu nang parsaoran pe. Taeahi ma angka ulaon na tau mamboan haulion, na mambahen denggan.
2. Taadopi do pergeseran ni nilai-nilai na mansai tompu, tung godang do donganta na tarboan-boan tu angka nilai-nilai na so denggan, tugasta do pateanhon angka ruhut na denggan tu angka nasida tarlumobi ma tu angka sundut na umposo, ima sipritual na membangun partondionna jala panandaonna tu Debata, nilai nilai moral na mambohali nasida tau mamolati na denggan sian na roa dohot hatauon ni emosionalna na patauhon nasida patupa na denggan di angka parsaoranna nang ulaonna pe huhut mangargahon hajolmaon. Dihangham ulaon na denggan do nang sikap manghaholongi nasa na tinompa songon bagian na so tarsirang sian hangoluan. Sikapta mangadopi angka halak na so maradat, naung manimbil sian nilai-nilai ni partondion, na (1) parjolo unang Laos sarombang dipangalaho manang terpengaruh mangulahonsa, na (2) paduahon, ndang denggan pintor reaktif hita mangadopi angka i songon musu. Gariada disosohon do asa dipaingot songon dongan. Porlu sikap na persuasife, jala i do dietong cara na efektif mambahen hamubaon Asa diharoro ni Tuhan i rimpas ma angka na porsea i dapotan haluaon. Amen


Jamita Minggu 17 dung Trinitatis
Tgl. 14 September 2008
Nats : Jesaya 1 : 21 - 26
Oleh : REDAKSI

Debata Papitahon

Patujolo:
Goar Jesaya sian hata Yeshayahu (YYša‘ãyâhû) namarlapatan "Penyelamatan Yahwe". Jotjot do digoari buku Jesaya on "Injil Perjanjian Lama", ala barita nauli do nagabe ciri khas ni baritana. Masa panghobasionna uju masa panggomgomion ni raja Ahas, Yotam dan Hizkia (pat. 1:1, 2 Kronika 26:22; 32:20-23), ditatap Jesaya do mara nanaeng ro sian Asyur dohot Babel songon bagian sangkap ni Debata laho manguhum bangso Jehuda alani pangalaosion nasida tu habadiaon ni Debata. Diboto Jesaya do matua masa ma panguhuman ni Debata, uhum hatigoran ala dosa i. Alai, uhuman i ndada laho mangago bangso i, ala gok holong do ianggo Debata. Uhuman i martujuan tu hamubaon asa papitahon; jala hapitaon i marpardomuan tu haluaon bahen di Jehuda dohot tu sude bangso di portibion.
Hatorangan:
1. Songon umpama ni halak Batak "ni rimpu parhunihan hape pargadongan, nirimpu parsaulian hape hamagoan". Sada pandohan napaboahon kekecewaan mamereng sada namasa naung dihalojahon laho mangalehon las ni roha, hape baliksa – alona do na ro. Kekecewaan songon i do masa di Debata mamereng bangso napinillitNa bahen di Ibana; naung sai dipadimundimun, di didangdidang jala diparmudumudu, jala tung use holong nirohanaNa. Dihirim Debata do huta Juda (Jerusalem) parmianan ni bangsoNa i, na ginoaran huta ni Debata; gabe sada huta naburju - napapatarhon hadameon, hademahon; na disi pangisina manghangoluhon hatigoran, habadiaon songon Debata natigor jala nabadia i. Hape, tung jut roha ni Debata marnidasa, pola gabe di patudos huta i songon pangalaho ni "sibabijalang" (sundal). Marningot hata i na tung mansai koras "sibabijalang" tontuma hinorhon ni kekecewaan natung mansai bagas. Dia ma huroha mambahen i ?

a. angka partigor hian – gabe angka partodos (pembunuh).
Mangihuthon pandebisuk ni Bibel, masa panggomgomion ni raja Ahas (740-736) masa do kemerosotan akhlak yang merajalela di Israel (Utara) hinorhon ni kemakmuran materil.
Nian sada sihalashononhon do molo masa hademahon. Alai matua sai adong do panghorhon na roa sian hademahon (kemakmuran) molo so boi mangorom diri. Tarida do i tangkas songon masa dingolunta sinuaeng on. Lam martamba hamajuon, godang/ marragam angka naimbaru ditompa nabisuk laos diela do jolma gabe mura bosan/manghasabamhon na adong; songon pandohan "songon namanginum aek laut do hamoraon, sai tongtong mauas". Isarana, nunga tung las roha molo adong dalan di huta boluson ni kendaraan umum ai nunga ummura be boi sahat tu jabu. Alai lam nangkok ma muse, asa ummura naeng ma adong kendaraan pribadi - dungi muse naeng ma kendaraan i sian roda dua gae roda empat, dungi muse naeng ma na mar A.C dohot lan na asing muse. Lam tamba angka naimbaru, lam tar ela do naeng mambuat i. Songon i ma nang hamoraon (arta), jotjotan do sai sinangkapan asa lam martambatamba. Boha carana ?
b. perakna ndang ias be, jala anggurna marsampur aek.
Lapatan ni hata i; gok pargabuson/ penipuan. Molo nunga sahat tu hisap gabe ndang pola maol be mangulahon pargabuson, mangarupa, dohot manghaliangi arta ni halak; sadihari adong kesempatan. Jala jotjot do gabe marlaok hatigoran, hasangapon dohot dosa; asal ma dapot pangomoan sian i, ndang pola dihabiari Debata. Taida do angka godang pangalaho sipaula naburju hape gok pangotooto i; isara molo partigatiga mandok: sintong do borat ni timbangan na, hape ndang tutu; didok modal dasarna nama i, hape nunga godang pangomoanna sian arga dasar na ni dokna i.

c. angka sintuana (pemimpin) dongan ni angka panangko, mangapian di sisip jala dilului angka silehonlehon; jala ndang dipajongjong uhum hatigoran tu angka nasopot somarama dohot tu angka namabalu. Adong do tongtong sindiran: SUMUT = Semua Urusan Mesti Uang Tunai, KUHP = Kasih Uang Habis Perkara. Pola adong pandohan diangka parpudi on masa krisis kepercayaan tu angka sude panggomgomi dohot penegak hukum.
Tangkas do taida masa nasongon i ditingkinta saonari. Marragam do dibahen kebijakan laho manggotapi pangalaho nasongon i, didok: ndang jadi angka pejabat manjalo parcel (silehonlehon) uju jumpa ari natal/lebaran dohot taon baru. Mardalan do nuaeng KPK mamareso arta ni angka pejabat, jala nunga godang na tartangkup. Sude i mandok, tutu do nang angka pemimpin nunga tarela laho manjalo sisip dohot korupsi. Ndada holan pemimpin (pejabat) marpangalahohon sisongon i, dohot do nang tu sude nampuna kesempatan. Harimason ni Debata i, ndang holan tu namanjalo sisip manang korupsi alai dohot do muse tu angka napapeolhon uhum naso pajongjong hatigoran tu angka nasopot somarama/somarina nang tu angka namabalu.
Panimpuli:
Marsaringar do muse sipaingot ni Debata marhite panurirang Jesaya nuaeng tu parngoluonta nuaeng on paingothon hita saluhutna diparange ni parngoluan na dos songon nahinangoluhon ni bangso i najolo.
1. Debata naeng papitahon.
Dia do hatandion (perbedaan) pangalaho parngoluan ni angka naporsea dohot na so porsea di Jesus Kristus? Ingkon marasing do, nang di cara mambuat pangomoan. D idok hata ni Debata "Jala unang gabe sarombang hamu dohot portibi on; alai gabe imbaru ma hamu, dung muba pingkiranmuna, asa tau hamu manimbangi lomo ni roha ni Debata, i ma na uli, na hinalashonna dohot na sun denggan." (Roma 12:2). Ala naung pinillit ni Debata hita gabe bangsoNa; ingkon papitaonNa do bangsoNa i (Jesaya1:25). Ise do na jadi nangkok tu dolok ni Jahowa? Jala ise do na hum jongjong sogot di hajongjongan ni habadiaonna i? Halak partangan na lidang dohot na ias roha, parroha na so paihuthon na so hasea, jala na so olo margana laho mangansi. (Psalm 24:3-4). Ndang marsombu Debata dipangalaho nasongon i, tarlumoi ma diangka napinillitNa i. Matua mardalan do uhum ni Debata laho papitahon; songon pande bosi namambolonghon angka tasik na lohot laho manopa sada ulaula; marhite namanutung bosi i asa pita. Dipalumba panurirang Jesaya do haroro ni panguhuman sian Debata. Alai iango panguhumon i ima bagian sian sangkap haluaon nanaeng patupaonNa, laho papitahon muse ngolu naung marlaok dosa; asa mulak muse ngolu na gok holong, hatigoran, hasintongan (25-27). Alani i molo hona hita di uhum ni Debata ala naung madabu tubagasan dosa, tajalo ma uhum i laho papitahon, unang ma papir roham.
2. Disangkapi Debata do hutaNa, pangisi ni huta na gabe huta hatigoran, luat nabonar. Alani i, naeng ma taparhatopot angka pangalaosionta naung sanga taula, sian nasa roha jala muba hita mangulahon dohot manghangoluhon hatigoran i sotung sanga madabu harimason ni Debata. Amen

Khotbah Minggu 18 set. Trinitatis
Tgl. 21 September 2008
Nats : Lukas 16 : 1 - 9
Oleh : Pdt. Happy Pakpahan/REDAKSI
Mamon Yang Berasal dari Kejahatan

Pengantar:

Injil Lukas mengemukakan bahwa Yesus sebagai Juru Selamat yang dijanjikan Allah untuk Israel dan seluruh umat manusia. Dalam Kitabnya ini, Lukas menulis bahwa Tuhan Yesus adalah Allah yang turun ke dunia untuk menyiarkan Kabar Baik kepada seluruh manusia secara khusus memperhatikan orang miskin dan masyarakat terpinggirkan. Nampak nada sukacita dalam buku Lukas ini, terutama pada pasal-pasal pertama mengenai kedatangan Yesus, kemudian pada bagian penutupnya mengenai terangkatnya Yesus naik ke Surga. Kehadiran Tuhan Yesus sebagai Juru Selamat diiringi dengan ajaran yang membawa manusia kepada Keselamatan. Pola pengajaran Tuhan Yesus salah satunya memakai metode perumpamaan seperti yang menjadi teks Minggu ini.
Pembahasan Nats dan Relevansi.
1. Sekilas, perumpamaan ini merupakan jenis perumpamaan yang sulit dimengerti. "Mamon yang tidak jujur" : ‘tou mamôna tês adikias’ yang secara harfiah berarti : „mamon yang berasal/bersumber dari kejahatan". Coba kita bandingkan apa yang tertulis di Lukas 16 : 9 dengan Matius 6 : 24. Lukas 16 : 9 berkata : Dan Aku berkata kepadamu: Ikatlah persahabatan dengan mempergunakan Mamon yang tidak jujur, supaya jika Mamon itu tidak dapat menolong lagi, kamu diterima di dalam kemah abadi.
Bandingkan dengan : Matius 6:24 : Tak seorangpun dapat mengabdi kepada dua tuan. Karena jika demikian, ia akan membenci yang seorang dan mengasihi yang lain, atau ia akan setia kepada yang seorang dan tidak mengindahkan yang lain. Kamu tidak dapat mengabdi kepada Allah dan kepada Mamon."
Jadi secara kasat mata ada disharmoni antara 2 Firman ini, dalam Matius 6:24, mamon merupakan ‘lawan’ dari Allah (demikian pula dalam Lukas 16:13). Sedangkan dalam Lukas 16:9 dengan Matius 6:24 (dan Lukas 16:13) justru kita diminta mengikat persahabatan dengan Mamon; kedua ayat ini agaknya sulit dimengerti.
Namun jika ditelaah lebih dalam, Perumpamaan Tuhan Yesus dalam Lukas pasal 16 ini memberikan pengajaran yang istimewa, meskipun mungkin ‘sulit’ dimengerti. Yesus Kristus mengetahui kuasa kejahatan ada di dalam mamon (uang), tetapi para pelayan Tuhan dapat memanfaatkannya untuk pekerjaan Tuhan. Penjelasannya demikian.
Dari semua perumpamaan yang diajarkan Yesus, "Perumpamaan tentang Bendahara yang tidak jujur" adalah yang paling banyak menimbulkan teka-teki. Tuhan Yesus menyampaikan suatu cerita, yang benar-benar dapat terjadi. Lazim seorang kaya mempunyai seorang bendahara untuk mengurus keuangan usahanya. Suatu ketika orang-kaya itu curiga bahwa bendahara itu menghambur-hamburkan miliknya, orang kaya itu memanggil bendaharanya untuk meng-audit pembukuannya. Bendahara itu tahu, bahwa tuduhan-tuduhan yang ditujukan kepadanya adalah benar, bahwa ia telah melakukan kesalahan dan sekarang ia kebingungan, khawatir tidak bisa mempertanggung-jawabkan harta tuannya tersebut. Maka untuk menyelamatkan diri, dia membuat suatu siasat.
Bendahara itu memanggil para debitur yang berhutang kepada tuannya :
Pertama, Kepada seorang debitur yang berhutang 100 tempayan minyak, hutangnya di kurangi (discount) 50%!. Dengan syarat debitur itu membuat surat hutang yang lain yang jumlahnya menjadi 50 tempayan minyak saja. Nah disatu pihak tuannya dirugikan (tetapi tuannya tidak tahu), di lain pihak debitur tentu dengan senang hati membuat surat hutang baru, karena dengan demikian dia diuntungkan karena hutangnya di-discount 50%. Ukuran tempayan, (measures KJV, atau bath dalam terjemahan lain, batos, Yunani) : 1 tempayan kira-kira setara dengan 868 galon Maka, jumlah 100 tempayan minyak itu merupakan jumlah yang sangat besar, yang kira-kira berjumlah 868 galon atau setara dengan 3,946 liter. Coba bandingkan bahwa 1 pohon Zaitun menghasilkan 120 kilogram buah yang bisa dijadikan 25 liter minyak zaitun. Bisa dibayangkan bahwa debitur itu berhutang hasil dari kira-kira 150 lebih pohon zaitun. Atas ‘kemurahan hati’ bendahara ini, debitur itu tentu saja berhutang budi kepadanya. Hal ini sama sekali tidak merugikan sang-bendahara, sebab yang dia perlukan adalah surat bukti hutangnya, yang nantinya akan dilaporkan kepada tuannya.
Kedua, Kepada seorang debitur yang berhutang 100 pikul gandum. hutangnya discount 20%!. Dengan syarat debitur itu membuat surat hutang yang lain yang jumlahnya menjadi 80 pikul saja. Nah disatu pihak tuannya dirugikan (tetapi tuannya tidak tahu), di lain pihak debitur ini diuntungkan karena hutangnya di-discount 20%. Ukuran pikul (bushels, NIV, koros, Yunani) : Jumlah 100 pikul gandum setara dengan 35 ton gandum, yang sama dengan hasil tanah seluas 100 hektar tanah pada waktu itu. Sama dengan dll.
Debitur yang pertama, si-bendahara ini hanya memerlukan ‘bukti surat hutang’ saja, sementara di pihak debitur, akan dengan senang hati membuat surat hutang baru yang sudah dikurangi/discount atas ‘kemurahan’ bendahara ini.
Dengan kedua tindakan tersebut, Bendahara itu memerlukan ‘bukti’ untuk mendukung catatan keuangan yang harus ia berikan kepada Tuannya (yang notabene pembukuannya sudah dirubah/ sudah direkayasa). Pelajaran yang dapat diambil dari perumpamaan itu : Harta yang dibebaskan kepada para debitur oleh si-bendahara itu bukanlah miliknya, tetapi milik tuannya. Maka bendahara itu ‘tidak merasa rugi’ atau ‘dirugikan’ apabila ia memberikan kemurahan kepada para debitur, toh itu bukan uangnya kok. Sebaliknya, bendahara itu merasa aman dengan caranya memberikan discount kepada para debitur, pembukuannya untuk dilaporkan juga aman. Ini penting bagi kedudukannya di masa depan, sehingga dia tidak dipecat atau malah dipermasalahkan di pengadilan.
2. Dengan menggunakan perumpamaan "bendahara yang tidak jujur", Yesus menasehati murid-muridNya, untuk bijak memamfaatkan harta milik dan potensi hidupnya. Seperti memberikan uang/harta kepada mereka yang membutuhkan, sehingga mereka disambut untuk hidup didalam rumahNya selalu (ayat 9). Harta benda dan apa yang dimiliki manusia adalah Milik Allah (yang diilustrasikan sebagai tuan). Karena itu, umat Tuhan seharusnya tidak mengikatkan hatinya pada harta duniawi, akan tetapi melekatkan hidupnya kepada sang Pemilik yaitu Allah. Umat Tuhan seharusnya dapat memberi dengan murah-hati terhadap sesuatu yang bukan miliknya, tetapi milik Allah. Secara tidak langsung Yesus berkata : Bendahara yang tidak jujur itu mengurangi jumlah hutang debitur tuannya, dalam rangka penyelamatan diri di masa depannya; umat Allah seharusnya membagikan harta yang dia kuasai yang merupakan milik Allah untuk dibagikan kepada orang lain. Umat Allah harus menggunakan milik duniawi mereka sebagai investasi rohani, ‘sama’ seperti orang-orang duniawi menggunakan uang mereka untuk mendapatkan keuntungan material. Waktunya akan tiba di mana uang atau harta akan berlalu. Ketika kematian tiba, roh manusia kembali kepada Allah dan yang memberi segala sesuatu selagi dia hidup (Pengkotbah 12:7), Allah menyambut semua umatNya yang tidak mengikat hatinya kepada kekayaan duniawi tetapi mengumpulkan harta di Sorga, dan bijak mempergunakannya bagi orang lain juga.
Ketika kita menyumbangkan uang kepada orang yang memang membutuhkan, kita sedang mendistribusikan kekayaan Allah yang dipercayakan Allah kepada kita. Dalam hal ini, Tuhan Yesus meletakkan kebenaran yang sama dengan Nats : "Janganlah kamu mengumpulkan harta di bumi;..... Tetapi kumpulkanlah harta di Sorga" (Matius 6:19,20). Dan apa yang diajarkan Yesus ini selaras pula dengan Perjanjian Lama, yaitu doa Daud dihadapan umat Allah : 1 Tawarikh 29:14 Sebab siapakah aku ini dan siapakah bangsaku, sehingga kami mampu memberikan persembahan sukarela seperti ini? Sebab dari pada-Mulah segala-galanya dan dari tangan-Mu sendirilah persembahan yang kami berikan kepada-Mu. Tapi ini bukan berarti kita menganut konsep pahala sebagai inventasi surga. Perbuatan baik, mambagi apa yang kita miliki adalah buah dari keselamatan yang telah diberikan Allah kepada manusia, bukan agar dapat keselamatan (pola jasa/investasi).
3. Tuhan Yesus menyampaikan suatu paradoks : kalau orang dunia saja tahu bagaimana cara menghindari bahaya penghukuman dengan ‘kecerdikannya’, apalagi anak-anak Kerajaan Surga harus lebih cerdik memamfaatkan potensi, peluang dan kesempatan untuk kemuliaan Tuhan. Mengapa anak-anak Tuhan ‘pelit’, mendekap mammon itu dalam genggamannya, dan tidak mau membagikan bagi orang yang membutuhkannya (untuk perbuatan sosial)? Seharusnya kita juga bisa menaruh sikap yang sama, untuk memperoleh harta di Sorga, seharusnya kita tidak pernah merasa rugi ketika kita mendistribusikan berkat Allah yang dipercayakan kepada kita. Dengan cara demikian maka perumpamaan itu mungkin memberikan nasehat kepada murid-murid atau kepada orang Farisi bahwa ketamakan mereka terhadap mamon akan mengucilkan mereka dari persahabatan dengan Allah.
4. Alkitab dengan jelas menyatakan bahwa Kekayaan adalah dari Allah, orang diluar Kristen-pun tahu bahwa harta itu hanya titipan Tuhan. Harta yang kita punya, bukan milik kita, tetapi milik Allah, maka selayaknya berkat itu juga dibagikan untuk saudara2 yang membutuhkan, maka kita akan diterimaNya dengan Kasih di RumahNya yang kekal. (Bnk : Filipi. 4:19 Allahku akan memenuhi segala keperluanmu menurut kekayaan dan kemuliaan-Nya dalam Kristus Yesus. Amsal 11:24 Ada yang menyebar harta, tetapi bertambah kaya, ada yang menghemat secara luar biasa, namun selalu berkekurangan. Amsal 10:22 Berkat Tuhanlah yang menjadikan kaya, susah payah tidak akan menambahinya. Ulangan 8:17 Maka janganlah kaukatakan dalam hatimu: Kekuasaanku dan kekuatan tangankulah yang membuat aku memperoleh kekayaan ini.)
5. - Penutup - Lantas muncul pertanyaan, bagaimana dengan para koruptor? Banyak para koruptor membagikan atau mendonasikan uangnya kepada orang yang membutuhkan, pembangunan Gereja, pemberian fasilitas Gereja dan pelayan, panti-panti asuhan, panti jompo, dana-dana sosial seperti bantuan pada korban Tsunami, pemberian mobil untuk operasional Gereja.
Di satu sisi, mereka memperoleh uang dengan cara tidak layak, di sisi lain dia berderma kepada orang lain. Apakah para koruptor itu dibenarkan oleh Tuhan?
Untuk menjawab hal ini, kita hendaknya jangan menyalah artikan perumpamaan ini, Tuhan Yesus hanya menggunakan perumpamaan mengenai kebiasaan orang-orang dunia, dan sama sekali bukan menghalalkan KORUPSI. Seperti halnya pengajaran dari kisah Perempuan yang berbuat zinah yang tidak dihukum rajam oleh Yesus, bukan berarti Yesus menghalalkan/toleransi terhadap perzinahan. Mengenai KORUPSI, bagaimanapun hal tersebut tidak dibenarkan oleh Allah. Keluaran 20:15 dituliskan : "Jangan mencuri", Firman yang sangat singkat ini cukup menjelaskan bahwa Korupsi itu juga termasuk mencuri. Barang siapa setia dalam perkara yang kecil dia akan mendapat perkara yang besar. Perkara kecil itu adalah soal uang, soal harta dunia, soal mamon. Kalau dalam hal harta saja kita gagal, apalagi untuk perkara yang besar. Amin.


Jamita Minggu 19 dung Trinitatis
Tgl. 28 September 2008
Nats 1 Johannes 3 : 11 - 15
Oleh : Pdt. Toljun Lumbantobing, S.Th
HKI Resort Sibolga
Manghaholongi Dongan ima Tanda Ngolu naimbaru di Halak Kristen

1. "Holong ni roha", tanda ni halak Kristen naung pinasupasu ni Debata marhite holong ni rohaNa na balgai dibagasan Jesus Kristus; na ingkon patuduhonon ni saluhut halak Kristen di ngolu siapari di portibion. Ingkon "Masihaholongan" ima ngolu ni halak Kristen.
Marhite panindangion ni si Johannes di godang ni haholongon na binasabasahon ni Debata tu halak Kristen, ai gabe targoar "anak ni Debata" ( 1 Joh 3:1), patuduhon tu hita : " la halak Kristen ingkon tangkas mananda holong ni roha ni Debata di bagasan Jesus Kristus naung manjadihon hita gabe anakNa. Songon dia do hadirion ni anak ni Debata na ingkon patuduhonon di ngolu siapari, na gabe "sada identitas" ni halak Kristen na ingkon tangkas tarida maradophon portibion ?. Ingkon dihangoluhon halak Kristen do "Hata ni Debata" naung sian mulana di bege, na gabe tanda "hadirion" na anak ni Debata marhite hite "na manghaholongi dongan ".
Patik dohot uhum naung di bege sian mulana jala gabe ojahan ni ngolu ni halak si ihuthon Kristus na ingkon manghaholongi Tuhan Debata sian nasa ateate, sian nasa hosa, sian nasa roha dohot sian nasa gogo, jala ingkon haholongan dongan songon diriniba (Markus 12:30-31).

2. Holong ni roha nasintong na ingkon tarida di ngolu siapari, dipatuduhon si Johannes marhite gombaran ni ngolu di portibion na di bagasan hatiuron. Na holong roha di donganna ido na mian di natiur, alai sabalikna :"halak na mian di na holom, ima angka halak na manghosomi donganna.( I Joh 2: 9-11). Dang dihalomohon Dehata, halak Kristen na gabe si ihuthon Ibana, manimbil sian barita nauli na binegena, na gabe mian di bagasan "hosom ni roha maradophon donganna". Asa unang songon si Kain. ( ayat 12). Ala tarida tangkas di hadirion ni si Kain na mamunu anggina si Abel alahajahaton ni rohana. Hosom ni roha na tubu dibagasan si Kain maradophon anggina na tigor roha i, gabe holom parnidaanna, ndang adong holong jala tubu ma roha pamunuon di bagasan ibana . Ndang parduli be si Kain, hinorhon ni hosom ni rohana nagok hajahaton i, jala ndang porlu di roha dohot pingkiranna "sada pertimbangan" taringot tu manang ise na di bunu nai, anggina manang halak na asing. Na penting saut diulahon hosom ni rohanai jala tulus hagiot ni rohana. Jala nang Debata sandiri na paingothon ibana di pambahenan na najahat i, ndang di anturehon (Pat I Musa 4: 5-7). "Kebencian yang membara di dalam hati seseorang, dapat menggelapkan, mata, hati dan pikiran, sehingga muncul kejahatan untuk membunuh siapapun tanpa perasaan dan akal " : Untuk itu janganlah pelihara rasa benci di dalam hatimu, tetapi sebaliknya hancurkanlah dia dengan menumbuhkan Kasih yang dari Tuhan ". Onma ulaon ni portibion na so olo manjalo hatiuron ala holongan rohana di na holom, angka na mangula na jahat dohot na manghosomi donganna (Joh 3: 19-20), ima angka na so olo mananda Debata. Halak na so olo mananda Debata, ndang tandaonna nang "anak ni Debata". "Halak Kristen na porsea di Jesus Kristus, na satia mangulahon lomo ni roha ni Debata dibagasan "holong ni roha".

3. Songon ima jorbut ni ulaon na "manghosomi" dongan na mambahen tu hamatean. Jala ingkon adopan ni jolma na marholong ni roha tu Debata dohot tu donganna jolma doi di portibion, sian halak na so mananda Debata, na so mananda holong ni roha. Ai hosoman ni portibion ma saluhut hadirion ni halak Kristen na tutu mangolu dohot na mangihuthon hata ni Debata. Alai tung tangkas do dipaingot si Johannes : Unang longang rohamu, molo di hosomi portibion hamu. (ayat 13). Ndang lomo roha ni portibion denggan ngolu ni jolma dibagasan dame dohot las ni roha marhite holong ni roha i. Tung dihalomohon portibion do asa tu hamatean saluhutna jolmai, jala mangolu nian di bagasan haholomon, naeng nian jolmai hot di bagasan na masihosoman, ai ido sangkap ni portibion.
Naeng do tangkas botoon jala antusan ni sude si ihuthon Jesus, hadirionna di portibion, na ingkon mangadopi "hosom ni roha ni portibion", asa unang mandele jala unang muba rohana laho mangulahon dohot patuduhon di ngoluna "holong ni roha na sintong" ai didok Jesus sandiri do "molo dihosomi portibion hamu, boto hamuma, naung jumolo Ahu di hosomi" (Joh 15:18). Ala ni i, ndang tagamon so hosoman ni portibion manang ise na mangihuthon Jesus, jala
manang ise na so manahan, jala gabe talu maradophon portibion, gabe portibion di haholongi, pasti do i gabe manghosomi donganna jala ndang tarjalosa "hata ni Jesus Kristus" laho masihaholongan.
Godang halak Kristen mangarajumi, ia "portibion" na manghosomi i, ima na diluar ni Kristen. Portibion dirajumi sai hira na pulik horongna sian horong ni halak Kristen. Alai molo tapamanat di ngolunta siapari, justru masuk di horong ni halak Kristen do angka roha na manghosomi dongan. Jotjot do dapot na "masi­hosoman di tonga-tonga ni parsaoran di ganup halak Kristen, di masyarakat umum, di keluarga/ rumah tangga, suang songon i nang di Huria pe. Ala ni i boi do dohonon "hita sandiri, jala dirinta sandiri do "portibion" na manghosomi dongan" na manghosomi sisolhot, dongan sa Huria, dongan sa ulaon, ala ni na so adong holong ni roha, ala lam so mananda di Debata parholong i, jala ala so satia mangulahon hata ni Debata. Molo lam dao parsaoranta dohot Debata, jala molo lam tapasomal-somal dirinta ndang tumangihon hataNa, di parmingguon, di partangiangan, lam so tatanda be holong ni roha ni Debata di hita, lam so taboto be manghaholongi dongan, ai dang taboto be mangulahon lomo ni roha ni Debata marhite hataNa, jala gabe lam tubu ma angka hosom ni roha maradophon dongan.

4. Ala ni aha do umbahen na so tolap halak mian di bagasan "holong ni roha". Sai di usahahon halak do mangulahon ulaon na denggan jala naeng mian nian di bagasan holong ni roha i. Alai jotjot jolmai di rohana ndang dapotan balos ni na denggan na binahenna, maradophon halak nang maradophon Debata. Molo di ulahon halak "holong ni roha tu donganna" pintor hatop do dihirim rohana balosna angka na uli jaloonna. Jala moso so pintor di jalo balosna, baliksa gabe na roa balosna di jalo, pintor olo do pangarimason, mardongan muruk ni roha huhut sai margogo laho mampartahanhon angka na dengan dibagasan holong ni roha na binahennai, jala hira na so patut do manjalo balosna na roai. Onma mambahen jotjot ro pandelean, ro hosom ni roha maradophon halak na asing jala gabe adong sipata roha pamaloson. Jotjot do di tariashon halak hatana mandok "Ndang adong hape labana na manghaholongi dongan songon parbue ni holong na sian Tuhan i", molo so dijalo nadenggan balos ni holong ni rohana tu donganna. Gabe laos ro ma hata: " Ndang tarbahen mangulahon "holong ni roha i", jala ise do na tolap mangulahonsa?. Molo mangasahon lomo ni roha ni jolma jala marojahan di roha dohot pingkiran ni jolmai sandiri, ndang na boi mangulahon holong ni roha nasintong.
Tangkas di patolhas Ap.Paulus gombaran ni "holong ni roha na sintong" ima holong ni roha na : "lambas jala na sorta". Ndang mangiburu, ndang tenga jala ndang dipaburnang dirina. Ndang mangahut tu diri jala ndang pangarimason, ndang dipajujur-jujur na jahat. Maradat do holong i jala dihalashon do hasintongan huhut ndang olo salpu (1 Korin 13:4-8a). Molo mian "holong ni roha na songon on" di ganup jolma, mian ma di ibana "Hangoluan na imbaru", ima ngolu di bagasan Jesus Kristus naung patariparhon hita sian hamatean tu hangoluan, jala Laos diparbuehon ima "holong ni roha na sintong, jala gabe laos ojahan ni hangoluan saleleng ni lelengna. Sabalikna molo so mian "holong ni roha" di bagasan hita, gabe mian ma hosom , na patubuhon ragam ni hajahaton, ima si bunu jolma, na manghorhon hamatean nuaeng dohot na saleleng ni lelengna ayat 14-15).

5. Di ngolu ni halak Kristen ingkon tarida do ngolu na imbaru di bagasan Jesus Kristus, ima mamparbuehon "manghaholongi dongan", jala ingkon tangkas tarida di ngolu siapari. Ala ni aha umbahen na ingkon "masihaholongan hita"?. Ala ni holong ni roha ni Debata tu hita, jala ala di patikhon Debata tu saluhut halak si ihuthon Ibana :" on do patikKu : Naeng ma masihaholongan hamu, songon Ahu na manghaholongi hamu" Joh 15:12). Jala tanda ni halak Kristen na gabe sisean ni Jesus Kristus ingkon do di bagasan holong ni roha nasintong, songon na didok Jesus to angka siseanNa: " Apala sian on ma tandaon ni halak saluhutna, jala laos botoon huhut tandaon niportibion hamu siseanKu na tutu do hamu si ihuthon Ahu", na mangulahon lomo ni rohangKu na sintong marhaporseaon tu Ahu, molo masihaholongan hamu sama hamu".( Joh 13: 35). Ima identitas ni halak Kristen na sintong, na ingkon di peop jala di hangoluhon di sude panggulmiton ni ngulo siapari. "Manghaholongi dongan" marojahan doi di Holong ni roha ni Debata di bagasan hita, marhite haluaon na pinatupa ni Tuhan Jesus Kristus. "Nungga di haholongi Debata hita, jala ala ni ima ingkon gabe holong rohanta di donganta". Amen.