Wednesday, April 21, 2010

Evangelium Edisi Mei 2010

Jamita Minggu K a n t a t e
Tgl. 02 Mei 2010
Nats : 2 Korint 4 : 13 - 18
Pdt. H.R. Panjaitan, S.Th
Pdt. Res. Kampung Pon

Tondi Haporseaon na Marhagogoon, Manghamonanghon nasa parungkilon

Huria ni Tuhanta na marolop-olop di Minggu sadarion Minggu parolop-olopon do di hita sadarion, ima minggu parningotan di naung boho 83 taon HKI naung manjujung baringinna marbarita nauli di tonga ni bangsonta na marragam rumang ni jolma, rumang ni haporseaon, rumang ni suku, rumang ni haboion nang parbinotoan dohot angka rumang naasing. Nang pe hita marolop-olop sadarion, alai godang dope sian kelompok ni masyarakat di bangsonta na jotjotan mangambat pardalan ni barita nauli huhut na mambahen godang hamaolon tu panghobasion ni huria. Nasomal siganupari, jotjot do marungkil angka parbarita nauli laho manghobasi pasahat barita nauli nang tu angka na olo manjalosa ala ni ondam-ondam ni angka na manghasogohon barita naulii songon na masa di Binjai, Barumun, Depok, Bekasi dohot angka luat naasing na so hagoaran dohot na so tarbege. Siparungkilhononta dope situasi na songoni.

Tutu, ingkon taonon jala adopan ni huria do na songoni sahat ro di ujungna di haroro ni Tuhanta Jesus Kristus paduahalihon. Dung pe di haroroNa paduahalihoni, na digoari Parousia huhut na mamboan jaman naimbaru na digoari Aeon naimbaru asa pasohotonNa nasa na mangambati Barita Nauli i. Jala ingkon songoni do asa hot goar ni huria huria manang gareja na digoari ek-klesia na mandok dijou haruar. Haruar sian hagolapon dohot harunduton ni portibi dohot hajolmaon taripar tu hatiuron dohot hadameon na pinatupa ni Tuhanta. Tu si do diparbaga Tuhanta na mandok: …sai na dongananKu do hamu ganupari rasirasa ro ajal ni hasiangan on. Turgas ni huria manang gareja do tongtong marbarita nauli mamboan sinondang ni Tuhanta tu nasa bangso na di tanoon. Lam martamba halak na olo manjalo barita nauli, tontu gabe angka barita nauli ma barita nasida, lam manghorhon hamauliateon na sumurung, bahen hasangapon ni Debata (ayat 15 ni turpuk on!). Hinaadong ni huria manang gareja di tanoon ima laho pasangaphon Debata marhite na manghangoluhon haluaon na pinatupa ni Tuhanta Jesus Kristus. Asa mansai ringkot ma nian ganup huria manang gareja na mandalani ganup sataon panghobasion parbaritanaulionna songon hita na marulang tahun sadarion mambahen ruji-ruji manang evaluasi: Nunga sadia bolon hasadaon dohot parsitutuonta mambaritahon Barita Nauli i jala nunga sadia bidang naung dibolus Barita Nauli i sian panghobasionta? Tontu parbarita naulioni do pusat ni nasa ulaon ni huria. Huria na maninggalhon ulaon parbarita naulion ( na marlapatan parbarita naulion di bagasan huria nang tu duru ni huria) ala ni angka usaha manang kegiatan naasing, tontu nunga munsat be sahala parbarita naulion nanilehon ni Tuhanta tu huriai. Ndang gabe barita nauli be jambar ni huria na songoni alai barita na buruk nama. Asa tung ingkon siharingkothononhon ni huria do parbarita naulioni asa lam bidang hinangham ni sinondang ni Harajaon ni Debata di portibi na golap jala na rundut on.

Ise do huria, manang ise do HKI ? jotjot doi gabe sungkun-sungkun molo nunga manghatai turgas ni huria. HKI, ima sude halak naung marsada mardomu di gareja HKI manghangoluhon haluaon sian Tuhanta marhite huria HKI. Sian nasida do dipabangkit angka parhalado hombar tu horongna be. Ruas ni huria na manjalo panghobasion ni parhalado, tupa ma pararathon barita nauli i di ngoluna, di rumatanggana dohot na humaliang ibana. Angka parhalado na manghobasi ulaoni hombar tu horongna be managihon angka ulaon parbarita naulion i tu nadao nang tu na donok. Huria na hot di ulaon na songoni do na boi marende markantate di Jahowa, ai marsangap ma Debata marhite huria na manghobasi dohot na marpanindangi. Ido Marturia, na mandok marpanindangi.dang holan di bagasan huria alai ingkon dohot ma tu balian ni huria.
Aha do sindehononta sian turpuk jamita sadarion?

1. Tondi haporseaon na marhagogoon jala marpanindangi Digoari do Tondi haporseaon songon Tondi hasintongan manang Tondi hatutuon.
Tontu ndang na marbagi manang marragam Tondi i, alai ulaon manang panghorhon ni Tondi i do na marragam hombar tu parbue siboanonna bahen hasangapon ni Debata. Asa molo digoari Tondi haporseaon ima Tondi ni Debata na manubuhon haporseaon na togu dohot na sai mangalehon gogo manang semangat mangulahon haporseaoni di angka aposteli nang di angka na porsea. Marhite Tondi haporseaon na mangalehon haporseaon na togu, asa boi angka aposteli nang angka parjamita na parjoloi mamereng sude angka na masa tu nasida sian mata ni haporseaon. Mamereng sian mata ni haporseaon, tontu sude na masai, las ni roha arsak pe, pinarhatopot doi sian pamotoan ni Debata jala tarlumobi dope, dipatupa Debata doi di angka naporsea laho patupahon hasangapon na sumurung, na lumobi hamuliaonna na salelenglelengna (ay. 17 ni turpuk on). Asa masa pe hasusaan manang arsak ni roha, ndang dilului rohana ise na mambahen sala manang na gabe “kambing hitam” sibonsiri. Mata ni haporseaon mamereng (manailihon) na so tarida na manongtong ro di salelenglelengna di balik ni angka na masa di hasiangan on. Ido dihatindanghon aposteli maradophon:

a. Mara dohot hasusaan, parungkikon nang siarsakhononhon
Tangkas do diboto apostel Paulus, ia upa manang risiko ni ulaon parbarita naulion ima panulahon manang penolakan ni portibion. Jala ujung manang tindak lanjut ni panulahoni ima pangaleleon sahat tu hamatean ni angka parbarita nauli. Ala ni ido asa ditariashon aposteli mandok: Alai di bagasan inganan na mura matapor do artanami on…Di na saluhut do hami marhaporsuhon, tarsosak, tarlele dohot pinantingganghon. Tongtong do hupausungusung hami di daging nami hamamate ni Jesus (ayat 7 – 10). Umbidang muse taringot tu mara nang hasusaan naniadopanna ala na marbarita nauli molo tajaha dohot 2 Korint 11, 23-28. Ala ni aha do? Boasa gabe hira ulaon mangeahi hamatean ulaon parbarita naulion? Di ayat 4 didok: Ai dipapitung debata ni portibion do pingkiran ni angka na so porsea, asa unang nasida dipatiur sondang ni barita nauli i, na taringot tu hasangapon ni Kristus, na tardok suman ni Debata. Di Johanes 3, 19-20 didok Tuhan Jesus: Nunga ro natiuri tu portibi on, jadi holongan do roha ni angka jolma di na holomi asa di na tiuri, ai na jahat do parulaan nasida. Ai ganup na mangulahon na roa, hosom do rohana di na tiuri, jala dang didapothon na tiuri, asa unang gabe patar angka ulaonnai. Jala muse: Alai dang tarbaen so hona lele nasa nanaeng marparange na daulat marhitehite Kristus Jesus ( 2 Tim.3,12). Sian na tolu turpuk on taboto, na hosom do roha ni angka na so olo porsea, angka na jahat dohot na mangoloi debata ni portibion marnida angka parbarita nauli dohot umbege barita nauli. Asa debata ni portibion na papitung roha ni hajolmaoni do sialoon dohot siadopan ni angka parbarita nauli asa songon di bagasan inganan na mura matapor arta parbarita naulioni, na jotjot mangadopi hasusaan sahat tu hamatean. (Najoloi, umumna, hudon tano do inganan ni mual di bagas ni godangan halak di Toba Holbung. Molo ni hunti hudon tano mangalap mual, ingkon mansai jamot do iba mangalakka manang mameakhonsa asa unang matapor. Ima ala ni mura na matapor) Tu kondisi na songoni do digombarhon apostel Paulus ulaon parbarita naulion, asa ingkon do mansai jamot, asa unang tarurak parbarita nauli jala unang tarila dohot barita nauli i.
b. Panghirimon di angka naung manjalo barita nauli
Tamba do halalas ni roha ni apostel Paulus mangulahon ulaon parbarita naulioni ala naung adong na manjalosa, di turpuk on ima halak Korint. Di filosofi ni Barita Nauli, talu do proses haberniton naung tinaon (nyata) dibahen sihirimon (yang diharapkan) naung rade di jolo, sijaloon di tingki halehetansa. Ido dihatindanghon aposteli di Pilippi 3,14. Di turpuk on, panghirimon ni aposteli, na rap jongjong do aposteli dohot ruas ni huria na manjalo barita nauli i di haheheon sogot (ay. 14). Alai saluhutnai, ala ni hamu do, asa asi ni rohai na lam tu gandana, dibahen na torop, manghorhon hamauliateon na sumurung, bahen hasangapon ni Debata (ay.15). Ima las ni roha na sumurung di angka parbarita nauli, molo lam gumodang jolma na manghamauliatehon barita nauli na jinalona, jala I do dalan pasangaphon Debata. Las ni roha di angka na manjalo barita nauli, molo nunga boi marsangap Debata di hangoluanna. Angka ima sihirimon huhut sipataridahononhon, jala ala ni panghirimon na mangolu na songoni do asa nang angka parbarita nauli nang angka ruas na manghangoluhon barita nauli, dipaimbaru do ngoluna parbagasani ariari (ganup tingki).
2. Hamonangan maradophon nasa abat-abat
Siendehononta paduahon marhite turpuk on ima hamonangan maradophon nasa abat-abat dohot parungkilon. Di ayat 18 didok apostel Paulus: ala hutailihon hami na so taridai…na manongtong ro di salelenglelengna. Hira na maralo do nian pandohani, ai boi tailihononhon na so tarida. Alai songoni ma pamangkeon pandohan na paradoks, hira na maralo hape sada do, jala ingkoni do pangkeon asa hona manang pas pamangkena. Manailihon na so tarida ima panghirimon na pasti. Molo nunga tinailihon ngolu na manongtongi, nunga mangolu di bagasan hatoguon haporseaoni. Didok di Heber 11,1: Alai anggo haporseaoni, pos ni roha doi di angka sihirimon, jala pamotoan na tontu taringot tu na so niida. Molo nunga niida tontu dang sihirimon be (Rom 8,24). Manailihon na so taridai ima na marnida marhite mata ni haporseaoni, ai sude do Barita Nauli i dihaporseai jala dihaposi. Ido mambahen hamonangan di angka na porsea.

Sihirimon na so taridai dope, alai naung boi ditailihon mata ni haporseaoni, ido na manongtong na hot salelenglelengna, jala tusi do angka na porseai diboan. Alai anggo angka na taridai parsatongkinan do, pardagingon jala haportibion. Mamoto taringot tu upa hangoluan sisalelenglelengnai, ima hasangapon na sumurung na lumobi hamuliaonna, ima parbue ni Tondi haporseaon na manaluhon nasa abat-abat ni Barita Nauli i na mamparbuehon halalas ni roha na manongtong bahen hasangapon ni Debata Amanta.

Sirimanganta di pesta olop-olopon

Huria na hinaholongan ni Tuhanta Jesus Kristus, Nunga tajalo jala tahangoluhon Barita Nauli i marhite hurianta HKI. Ndang na neang situhuhon ni angka amanta na parjoloi laho pajongjong HKI. Ndang songon nuaeng, molo adong hepeng boi mamukka huria. Angka amantai, ditaon do hamaolon sian pamarenta panjajah, laos humansit dope sian dongan angka naung huria tingki i. Diinsahi do HKI (HChB do goarna di mulana!) tingki i mandok; Huria mamulik, Huria Sitandik, dohot naasing. Tupa do rehe-rehe mandok: HKI hko, parhaladonai haohao. Diburahon huria induk ido najoloi HKI mandok: hona bura ganup na mangihuthon HKI. Ala dietong nasida do gabe huria mamulik na gabe alo ni haporseaon ni huria do gareja HKI, gabe ditingtinghon do di ganup huria, manang ise na marpardomuan tu HKI gabe hona ban sian huria. Ndang holani siadopan ni angka na pajongjong hurianta, dohot do nang hasadaon nasida songoni nang sumber daya manusia laho mambaritahon hasintongan na binaritahon ni HKI. Aha do halobian ni hasintongan na pinajongjong ni HKI? Parjolo, hasadaon ni angka parhobas di huria. Ndang mardia imbar Eropa nang Indonesia, Jerman dohot Batak. Sude do nasida rap pangula ni Tuhanta na manghobasi Barita Nauli na so adong na tumimbo jala na tumoru. Paduahon, sude do ruas ni huria sarupa hakna dihobasi di huria. Ndang mardia imbar na dao manang na jonok, parsinadongan dohot na so parsinadongan. Patoluhon, nunga tingkina angka anak ni huria Batak diajari asa boi gabe tang manjae manang mandiri laho marbarita nauli tu halak Batak. Ima tolu sian angka naasing dope sihajongjonghonon ni HKI dimulanai.

Nunga dapot hita na talului? Nunga sude ulaning parhalado ni HKI nuaeng manghilalahon hasadaon? Nunga sude duduk sama rendah berdiri sama tinggi sesuai porsi dan posisi masing-masing? Adong dope na boi mengkel alai naasing tumatangis? Manang adong dope na boi manortor hape naasing mangandungi? Nunga sude nasida mandapot keadilan sian pihak pengambil keputusan di HKI? Nunga sude ruas ni huria rap mandapot panghobasion na sarupa? Nunga sude parhalado ni HKI tang manjae mangulahon panghobasioni? Nunga boi tapauba rehe-rehe na mandok: HKI hko parhaladonai haohao, gabe HKI hko, parhaladonai malo-malo? Alai taingot, biar mida Jahowa do parmulaan ni parbinotoan. Unang pamalohu asa unang gabe so mabiar tu Jahowa. Misi ni HKI na parjoloi tongtong doi siradotan laho mangeahi misi na sasingkopna di misi ni Tuhanta Jesus. Manghobasi misi ima sada sian ulaonta laho pataridahon Tondi haporseaon na mangula di bagasan hita laho manghamonanghon pardalan ni Barita Naulii bahen hasangapon ni Debata Amanta. Amen

Jamita Minggu R o g a t e
Tgl. 09 Mei 2010
Nats : 4 M U S A 14 : 11 - 20
Pdt. Rinto Nainggolan, S.Th
Pdt. Res. Khusus Pk. Baru


Tangiang Dalan Patolhashon Pangidoan tu Debata I.

Patujolo

Turpuk evangelium di Minggu Rogate on dipaherbang di atas ceritera hatangkangon ni bangso Israel maradophon Jahowa. Marmula ma i sian parsuru ni si Musa di 12 halak laho manghahapi tano Kanaan. Dung sun dihahap nasida tano Kanaan, marbarita ma muse nasida taringot tu hagogoon dohot huaso ni angka pangisi ni luat i. Godoron roha ni bangso i umbege barita i. Alai ianggo si Kaleb & Josua diujuni nasida do laho paposroha ni halak Israel, huhut dibaritahon hinauli ni tano nanaeng simasuhan nasida i(habaoran ni susu dohot situak ni loba). Ndang pos roha ni bangso i. Dipapir do rohana mandok mulak tu Misir. Naeng do pampeon nasida sahalak uluan bahen ihutan mulak tu tano Misir. Muruk Jahowa marnida pangalaho ni bangso i. Dung i ro ma hataNa tu si Musa naposona i laos manghatai ma nasida, i ma turpukta di ombas on.
II. Hatorangan ni Turpuk
ayat 11-12 Dua ayat na parjolo pabotohon hata ni Jahowa tu si Musa. Hata dia do dipasahat tu naposona i ? Murukna maradophon hajugulon ni bangso Israel. Rimas rohana mida pangalaho no so olo porsea sian Israel. Ndang porsea nasida di hagogoon ni Jahowa. Hapengani nunga marulakulak diidanasida angka tanda binahen ni Jahowa papatarhon hagogoonna.

Tontu marpiarpiar do muruk ni Jahowa di ombas on. Ai pola do begu antuk dohot harendepon paadoponna tu tongatonga ni bangso i. Molo muruk iba tu dongan boi do ra holan songgahan ibana patuduhon paboa naung muruk iba. Alai ianggo di turpuk on pola do naeng siaphononna bangso Israel. Begu antuk lapatanna bala no so tartulak na so hadaonan. Di hata Indonesia didok “penyakit sampar”. Rendephonongku nasida di hata Indonesia didok “melenyapkan mereka”; lapatanna ndang tarida be nanggo bogasna. Nunga boi ra taauhon beha muruk ni Jahowa di turpuk on. Alai nang pe muruk Jahowa ndada na gabe mantak pingkiranna (hilang akal sehat). Tongtong do dipatuduhon dalan (solusi) laho patulushon sangkapna. Didok tu si Musa: “bahenongku ho gabe bangso na balga, jala gumogo sian nasida”. Tongtong do patubuonna jala pabangkitonna sada bangso gabe parhitean ni hasasaut ni bagabaga marhite si Musa naposona i. Dia do alus ni si Musa ?

ayat 13 - 19
Alus ni si Musa boi sagihononta tu 2 bagian bolon: Parjolo: Dipaulak Ibana sude na masa i tu Jahowa, i ma marhite na manaringoti parbungkas ni Israel sian tano Misir (tradisi keluaran). Di natinogihonna i bangso Israel sian Misir tarsar do barita taringot tu hagogoon ni Jahowa tu halak Misir nang angka bangso sileban. Marhite tangan na toltol ditogihon Israel sian Misir tu tano parpadanan ! I do isi ni barita i. Hape ndang tolhas nasida...beha maon dohonon ni halak taringot tu Jahowa ? Nda gabe balik ma annon barita i ? Gabe tubu panindangion na so tuk gogona hape patolhashon bangso i tu tano habaoran ni susu dohot situak ni loba i ? Adong do hape debata na gumogo dungkon ni Jahowa, i ma annon dohonon hata i. Hape tangkas do paboa paralealeon ni Jahowa dohot Israel dipadiri di atas ni panindangion: “Jahowa do Debata Pargogo na so hatudosan, na so adong dungkon ni Ibana !” Dohot hata na asing, ndang dioloi si Musa solusi sian Jahowa ala tongtong dope dihaposi hagogoon ni Debata Jahowa i sandiri. Paduahon:Laos diuduti si Musa do muse manghatindanghon hagogoon ni Jahowa na marmulia. Hamuliaon na tarida di bagasan lambas ni roha. Hagogoon ndada holan haboion pajolo botohon dohot huaso sambing. Hagogoon patubu hangoluan i do tutu hadirion ni Jahowa, nang pe hansit diae di bagas rohana. Debata na sun hinagogo, na mamangke gogona i pangoluhon angka na tangkang marroha (pardosa) marhite lambas ni roha.

Tutu ndang paluaonna uhum tu angka parsala, sai na luluhononna do hajahaton ni amaama tu angka anakna ro di sundut patoluhon dohot paopathon. Ndang sundat uhum ni Debata Jahowa tolhas manorusi saluhut sundut (generasi). Alai taingot ma nunga diampehon / dipaporsanhon i tu Anakna na sasada i, i ma Kristus Jesus Tuhan i. Alani i dibaranihon si Musa do mangido tu adopan ni Jahowa asa tongtong diloas mian bangso i di jolona.
ayat 20
Alus ni Jahowa tu si Musa mansai tangkas jahaonta: “Nunga marpamuati rohangku ala pangidoanmu”. Dipatulus Jahowa pangidoan ni si Musa. Marpamuati rohaNa mida bangso Israel. Dioloi pasohothon murukna maradophon Israel. Boasa ? Tung mansai tangkas didok: “... ala pangidoanmu”. Ala pangidoan ni sahalak uluan na martangiang (marpangidoan). Tangiang na dao sian roha na holan manarihon dirina sambing; di ginjang ni hagigiotna jumolo mangido haluaon tu saluhut bangso na tangkang marroha. Tangiang pangondianon.

III. Sipahusorhusoron
Molo tapaihutihut turpuk di Minggu on sai ditungkoli do hita asa jongjong gabe uluan na olo mangondihon angka na niuluhonna. Sitiruon na tangkas dipatuduhon turpukta sian sahalak na margoar Musa. Napinabangkit ni Jahowa laho manguluhon bangso na pinillitna I ruar sian parhatobanan Misir. Ndada marhite botohon dalan laho mangondihon angka dongan, alai tangiang do dalanna jumolo. Ai di Debata do ianggo hagogoon. Ingkon marhite tangiang do jumolo. Tangiang do tutu dalanta manghatai dohot Debata laho patolhashon pangidoan. Laos di bagasan tangiang i do tarida pangondihonta di angka naung pinasahat i tu hita. Angka ianakonta, masyarakat, huria dohot angka parsaoran na asing pe na ingkon ondihononta. Sian sude partording ni partangiangon naung sahat tu Debata, tangiang ni Jesus do na tongtong tama siihuthononta. Di bagasan tangiangNa do singkop saluhut pangondianon. Alani sai tahangoluhon ma tangiang na pinodahonna i tu hita.Amen

Jamita Ari Hananaek
Kamis Tgl. 13 Mei 2010
Nats : Lukas 24 : 44 - 53
Pdt. Gom. Tp.bolon, S.Th
Pdt. Res. Balata

Gabe Sitindangi ni Jesus ma Ho

1. Ganup taon do dipestahon angka Huria Parningotan di Hananaek ni Tuhan Jesus, ima angka Huria na mamangke taon parhuriaon (kelender gerejawi). Laos songoni do Hurianta HKI nunga sian mamungka tubu Huria di tongatonganta sian sundut tu sundut mamestahon Parningotan di Hananaek ni Tuhan Jesus. Molo sian sudut partingkian pajonokjonok do parro ni pesta parningotan di Hamamate ni Tuhan Jesus dohot parningotan di Haheheon, Hananaek dohot Haroro ni Tondi Porbadia. Jala lapatanna pe marsirainrainan do. Ndang sirang nasida sian na sada ima na opat pesta parningotan i, laho paingothon hita do dipambahenan ni Tuhan Jesus tingki ngoluNa laho manghohop jolma pardosa i asa malua nasida sian gomgoman ni sibolis dohot hamatean i.

Dung hehe Tuhan Jesus, pola dope 40 ari Ibana di hasiangan on pataridahon diriNa tu angka siseanNa (Ul. 1:3) dohot lobi 500 halak angka na torop (1 Kor 15:6). Molo taparrohahon Evanggelium ni si Matius, Markus, Lukas, Johanes, songoni nang Ulaon Apostel dohot 1 Korintus 15, maol mura do merekonstruksi na dipataridahon Tuhan Jesus diriNa saleleng 40 ari i secara kronologis, ala sipata ndang tarida parholangan ni namasa sada tu namasa na mangihut muse. Ingkon ingot do hita paboa angka panurat ni evanggelium i ndang apala detail dipabotohon nasida sude kronologi ni na masa i so holan mangondolhon tolu hal na penting, ima “hatutuon” ni hamamate, haheheon dohot hananaek ni Jesus Kristus i. Jadi molo tung pe hira na masisoluhan idaon angka informasi na dipataridahon Tuhan Jesus diriNa tu angka siseanNa i, na rumingkot tapamanat ma lapatan ni na masa i dohot angka tona/pangajaran na adong di bagasanna.

Hananaek ni Tuhan Jesus mangondolhon dua hal na ingkon taauhon jala tahangoluhon dipardalanan ni ngolunta songon siihuthon Kristus, ima, parjolo: hehe do Ibana sian hamatean, napaduahon : Hamu do manghatindangkonsa (Luk.24:48 bnd. Kis.1: gabe sitindangKu ma hamu).
2. Ayat 44 – 45 : “Ingkon jumpang sude na tarsurat taringot tu Jesus”
Mansai jotjot do Tuhan Jesus pasungulhon angkana tarsurat di buku na badia i tu siseanNa i. Jala nuaeng diondolhon nasa na tarsurat di Padan na robi (Buku Musa, Buku Panurirang dohot Buku Psalmen). Na tolu i do na somal dipangke halak Jahudi manggoari parbagi ni Buku Padan na robi. Godang do isi ni buku i marrumanghon angka bagabaga (panurirangion) taringot tu Kristus manang Mesias. Siala ni i dibuhai do roha (membuka pikiran) ni angka sisean i asa mangantusi nasida.

Asa tung tangkas do lomo ni roha ni Tuhan Jesus sian sisean i, ima asa mangantusi nasida di na tarsurat di buku na badia i. Gari Ibana, Tuhan, hatiha gabe jolma Ibana diharingkothon do manjahai, manaringoti hata na tarsurat di buku i. Mangihuthon hasomalan ni halak Jahudi, ditingki hadakdanahon dipasomal do nasida mangguruhon angka Hata ni Debata di bagas joro. Adong dua tingkatan pendidikan formal hatiha i di Sinagoge, ima Beth Hassepher (Sekolah Buku = Sekolah Dasar) dohot Beth Hammidrash/ Beth Talmud (Sekolah Lanjutan). Laos digoari ma angka dakdanak na parsiajar i “Anak Torah”.

Ndada holan mangguruhon dohot manaringoti Tuhan Jesus alai dohot do mamangke hata i di angka ulaonNa (ingot pandohanNa tu sibolis na mangunjuni Ibana di Mat 4:1-11). Laos dison do godang hagaleon ni jolma. Diboto do nian Hata ni Debata alai ndang di haporseai siala ni i ndang dipangke di bagasan ngoluna. Gabe mate ma Hata i di rohana. Tinggal huruf boti ma Hata ni Debata i. Isarani Bibel, jotjot holan kumpulan ni angka huruf dohot kata-kata ibana, ndang mangolu ala so dipangke manang dihangoluhon nampuna Bibel i.

Diantusi jala dihaporseai angka sisean i sude na tarsurat taringot tu Jesus ala Kristus naung hehe i mangalehon pengajaran dohot mambuha pingkiran dohot pangantusion nasida di hasintongan Hata ni Debata. Songon Lukas na manghatindanghon na dibuhai Kristus roha nasida asa diantusi nasida na tarsurat i, songoni ma Aps. Paulus manangianghon huria na di Efesus anggiat dilehon Debata Tondi Hapistaran dohot pangungkapon mananda Ibana jala dipatiur Debata mata ni roha nasida (ida ayat 16-18).

3. Ayat 46 – 47 : “Baritahon tu sude bangso”
Naung dilumbahon hian marhite panurirangion, paboa manaon na porsuk (Yun = panthein) do Kristus jala hehe sian na mate (Yun = anastenai ek nekron). Pandohan manaon na porsuk, ndada holan hansit ni daging alai sahat tu hamatean do. Alai ndada marujung di hamatean i, di ari patoluhon dipahehe sian na mate (sian bangke, Yun = nekron, a dead body). Barita las ni roha on ma sibaritahonon tu sandok bangso mamungka sian Jerusalem. Tutu do diayat 47 on, ndang tarsurat di Padan na robi be alai penugasan ma i tu angka siseanNa na mambege, namarnida haheheon i. Impola ni barita i, ima barita taringot tu Jesus naung mate, naung hehe jala manaek tu banuaginjang, na mamboan haluaon di jolma huhut padomuhon jolma naung mardosa i tu Debata jala marhite Goar ni Kristus dapotan hasesaan ni dosa ma halak na marhamubaon ni roha. Parjolo disosohon do asa olo muba roha. Alai ndada holan muba boti, ingkon dibagasan Jesus do ibana asa dapotan hasesaan ni dosa.

Tu sude bangso do barita i dipatolhas, ndang adong suku bangsa na eksklusif, ndang adong suku bangsa na khusus hasahatan ni barita nauli on jala ndang adong suku bangsa na so ringkot dapotan barita i. Holan haborhatanna do Jerusalem, alai ianggo hasahatanna ingkon sude bangso do. Na so jadi adong pembatasan holan tu halak Batak do borhat halak Batak pasahathon barita nauli.

Gabe parbarita nauli ima gabe sitindangi ni Kristus, dimulana didok do tu Jerusalem dungi tu sandok Judea dungi muse tu sandok liat tano on (ida. Ul.Aps. 1:8). Termasuk metode penginjilan do i, na parjolo dibagasan ma jolo hasasahat ni barita nauli i (Jerusalem do inganan parpunguan ni sisean i jala Jerusalem do na gabe pusat pelayanan di tingki i). Dungi muse sahat ma tu humaliang (Judea) dungi pe asa tu liat tano on. Asa ingkon sahat do barita nauli tu dirinta, na humaliang dohot sandok portibi on. Sian i idaonta ma ndang holan di sada inganan be habegean barita nauli i, ndang statis alai tu sude liat portibi on nama (dinamis). Hasasaut ni i ingkon adong partingkian na ganjang, sian tingki tu tingki. Mardalan do partingkian laos mardalan do barita nauli i, ndang boi mansohot.

4. Ayat 48 – 49 : “Dipasahat do hagogoon sian ginjang”
Tangkas do parsuru ni Jesus Kristus i, “hamu do manghatindanghonsa” (ayat 48). Parjolo sahali tu angka “saksi mata” do parenta on, ima angka sisean i. Alai ndang sadia leleng, ndada holan tu saksi mata na martugas tu si, alai “saksi iman” pe dohot do. Taingot ma angka sisean ni apostel, misalna si Timoteus, gabe panindangi do ibana holan sian panghaporseaion marhite pangajaran ni angka apostel i. Asa pandohan “hamu do” diturpuk on nunga berkembang di sejarah gareja, marlangku tu saluhut halak na manghaporseai Kristus Jesus.

Dibagabagahon Tuhan Jesus do haroro ni hagogoon songgop tu na sinuruNa gabe sitindangi. Ndang dipaboa patar manang dia do i, nda holan didok Hagogoon sian Ginjang. Molo taingot hata partadingan ni Tuhan Jesus di evanggelium ni si Johannes, botoon ma na nidokNa i, ima Pangondian sisuruon sian Ama i, ima Tondi Porbadia. Jala di buku paduahon naginurithon si Lukas ima Ulaon Apostel, tangkas do didok ia hagogoon na songgop tu angka sisean i ma Tondi Porbadia (ida 1 : 8).

Dipopai Tuhan Jesus do sisean i, andorang so songgop dope hagogoon i asa mian nasida di Jerusalem paimahonsa. Sada disiplin na arga do i. Asa unang jobo-jobo angka na naeng manghatindanghon. Paima jo jala diperlengkapi Debata jo. Dung pe disuru asa borhat, “unang pajolojolohon songon monis manang songon sobuon”. Selama tingki paimahon patingkos parsaoran dohot Tuhan i songon angka sisean i manontong martangiang, saparsaoran saleleng so ro dope tondi hagogoon i tu nasida. Panjaloon di hasasaor ni Tondi Porbadia sadalan do i tu panjaloon di sada tugas na balga ima mamaritahon barita nauli. Ganup na manjalo Tondi Porbadia ndang boi sirang ngolu ni i tu ngolu pamaritahonon di barita nauli i.

5. Ayat 50 – 53 : “Manaek huhut mamasumasu”
Ditongihon angka sisean i tungkan Betania. Di Ulaon Apostel 1 : 12a didok, “Dung i mulak ma nasida tu huta Jerusalem sian dolok na margoar dolok Jetun”. Molo taparrohahon ayat 50 dohot Ulaon Apostel i, hira na maralo hatorangan i hape sada do panuratna ima si Lukas, sahalak na bisuk jala dokter/tabib. Ndang na maralo hatoranganna i, sian Betania laho tu Jerusalem memang boluson do Jetun. Di inganan i dipaherbang ma tanganNa mamasumasu (Yun = euloghsen) nasida. Ia ulaon ni Kristus, pola disuru Ibana tu portibion laho “mamasumasu hamu” (ida/bnd. Ulaon 3:26). Mamasumasu jolma do impola haroroni Kristus i. Pasupasu (Yun = eulogia), ima : a) sibasabasa na mambahen denggan marhasil naniula (bnd. 5 Musa 28:12), b) kehadiran Tuhan bersama kita (bnd. 1 Musa 26:3), c) silehonlehon ni Tuhan i berupa kekuatan, kuasa dohot pangurupion (bnd. Ef 3:16; Kol 1:11), d) ulaon ni Tuhan dibagasan jala marhite hita laho patupahon angka na denggan (bnd. Fil 2:13). Jadi pasupasu ndada holan berupa material alai boi do i keadaan manang suasana ima keadaan na denggan.

Jadi dina mamasumasu i, sirang Ibana tarhindat tu ginjang. Molo taterjemahon “tarhindat” (Yun = anephereto) patuduhon adong sada huaso na so binoto ni panurat (dalam hal on si Lukas) haroroanna mamboan tu ginjang (sorga, di hata Yun = “uranon”; boi do diterjemahon ombun manang langit). Pandohan “tu ginjang”, unang gabe laho rohanta tu konsep “dunia” ni zaman tradisional na mandok, di toru ni portibion ima inganan hamatean, jala di ginjang ia sorga. John Calvin mandok, “apabila kita berbicara tentang sorga sebaiknyalah kita lebih mengingat kepada suatu keadaan daripada kepada salah satu tempat secara geografis. Satu hal menarik, ndang dipatorang si Lukas diturpuk on, dipaturun Tuhan Jesus tanganNa. Na torus do herbang tanganNa mamasumsu ? Na pasti Hata ni Tuhan Jesus mandok “sai na dongananku do hamu ganup ari, rasirasa ro ajal ni hasiangan on!” (Matius 28:20).

6. Haheheon ni Jesus Kristus dohot HananaekNa tu Banuaginjang do sada hal na mempengaruhi godang pingkiran ni jolma sian na jolo sahat tu nuaeng on. Ia olat ni hamateanNa do niantusan, tung hira sarupa do sude tu jolma biasa dohot penderitaan ni angka tokoh-tokoh na terkenal na memperjuangkan hak asasi jolma na metmet. Penyiksaan, vonnis “tidak adil” sahat tu eksekusi tanpa pembelaan somal do tu angka tokoh-tokoh i. Isarani Marthin Luther. Alai salah satu hal na membedahon Jesus Kristus sian angka pejuang hak asasi i, ima haheheonNa sian hamatean dohot hananaekNa tu banuaginjang.

7. Jamita on manogihon hita do tu panogunoguon ni Tuhan Jesus di tanggungjawab hakristenon. Marhite i lam tangkas ma botoon ia haheheon dohot hananaek ni Tuhan Jesus i ima patuduhon hamonanganNa maralohon sumbia ni hamatean i. Hamonangan ni Jesus i do hamonangan ni angka na porsea. Jala holan dibagasan panjaloonta di Tondi Porbadia do boi tangkas botoonta jala tandaonta hamonangan ni Jesus i gabe hamonanganta. Halak naung manjalo Tondi Porbadia i do na gabe sitindangi ni Kristus. Na tarjou do hita gabe sitindangiNa, ai nunga tajalo Tondi Porbadia i mulai sian tardidi hita, songon nanidok ni Johannes Pandidi, : “Ia ahu, aek do hudidihon tu hamu mandokkon paubahon roha; alai andul gumogo do na ro sian pudingku, gari mamboan sipatuna hurang tama dope ahu. Didihonon ni I do tu hamu Tondi Parbadia dohot api! “ (Mat 3 : 11, bnd Ulaon 1 : 5). Ala naung di hita do Tondi Porbadia gabe tarjou do sude angka naung tardidi gabe sitindangi ni Kristus di portibi on. Godang do cara dohot rumang na boi ulahononta laho marbarita nauli, isarani : “borhat secara phisik” tu inganan penginjilan manang boi do marhite na manangianghon huhut manumpahi ulaon penginjilan, manang pe i muse marhite pangulahonon dohot parange di ngolu si ganup ari. A m e n.
Jamita Minggu E x a u d i
Tgl. 16 Mei 2010
Nats : Panguhum 10 : 10 - 16
Pdt. EJp. Simanullang, S.Th
Parhobas di Kantor Pusat

O Debata, Tangihon ma Angguk anggukhon !

I. Patujolo

Buku panguhum on patoranghon songon dia do dosa ni Israel na mamboan nasida tu uhuman jala hamubaon ni roha mamboan nasida tu hasesaan ni dosa dohot haluaon. Angka panguhum i molo dipapungu ima 410 taon alai na mungkin holan 150 taon do (1200-1250 sM). Di partingkian on, nunga mangerbang peradaban ni angka bangso na humaliang Israel na boi patupahon angka alatalat sinjata laho marporang sian bahan bosi. Hinorhon ni ima, lam trop angka gerombolan pangarampok jala mangerbang nang usaha parmusuon na saling naeng pataluhon bangso di na humaliang Timur Tengah termasuk ma tu tano Kanaan. Harajaon Mesir na gogo situtu, nunga lam sumurut, na gabe patubuhon hagiot ni angka bangso na asing laho patundukkhon bangso na humaliangna. Pangalaho na songon ima diadopi Israel, dung matua si Josua, jala ndang adong dope partogi manang raja nasida. (17:6;18:1). Partingkian penyesuaian na humaliang jala perjuangan mempertahankan identitas baru songon sada komunitas naimbaru dope Israel di inganan i. Hombar tu kondisi onma, jotjot terela bangso Israel marsomba tu debata ganaganaan ni bangso na humaliang nasida, alai laos mangihut muse pangalaho na marhatobanhon Israel. Mangadopi na masa i, gabe tarjolma ma nasida, jala tumatangis mangangguhi maradophon Jahowa. Dipillit jala dipahehe Jahowa ma di nasida na gabe panguhum laho paluahon nasida sian parhatobanon i. Dibagasan turpuk jamita sadari on, dipatorang do parbalian ni Israel manomba pangupa/debata sileban, mara nasida dohot panolsolionna tu Jahowa.

II. Hatorangan
Ayat 10 : Mangangguhi bangso Israel tu Debata:
Debata patandahon diriNa, na margogo jala marhuaso di sejarah ni ngolu jolma, secara khusus bangso ni Debata ima bangso Israel. Asa Debata tangkas diboto nasida, Debata ndang holan mamarenta alai olo do mangalehon pangurupion sian banua ginjang. Diurupi Ibana do bangso Isarel dibagasan ngolu nasida. Marsaor, jala rap do Debata dohot bangso i, hape sai olo dope nasida manadinghon Debata na paluahon dohot pangoluhon nasida. Onma dosa na dianggukhon nasida tu Debata. Ndang sae holan pangukohononhon marhite hata ni anggukangguk dohot upacara seremonial. Alai ingkon tangkas do nasida mangakuhon dosa nasida secara jujur marhite anggukangguk sian roha na ias jala tangkas manghilalahon dosa na borat i tu Jahowa. Pola di dok di turpuk on, manganguhi halak Israel mangakuhon dosana dompak Jahowa. Ai ditadinghon nasida do Jahowa jala marsomba nasida tu debata baal. Laos on ma na sai dihasogohon Debata dompak bangso i. Ndang olo Debata diparmeammeam bangso Israel.
Ayat 11-14 : Debata paingothon bangso Israel.
Tangkas do dipaingothon Debata pambahenanNa tu bangso i, na paluahon nasida sian tangan ni halak Misir, Amori, Amon, Palistim, Sidon, Amalek dohot Maon. Di pangalaho i, tangkas do asi ni roha ni Jahowa di nasida. Mangangguhi do nasida mangido pangurupion ni Jahowa, ditangihon jala dioloi Debata do nasida marhite pangurupion ni Debata, paluahon nasida sian angka tangan ni bangso. Alai nuaeng, mangangguhi muse nasida mangido pangurupion sian Jahowa. Naeng dohononna disi: ndang diboto Israel magona. Ndang layak/suman be nasida mengido pangurupion tu Jahowa. Jolma hagigian ni Jahowa do nasida. Diurupi jala dipalua Jahowa nasida sian tangan ni pangarupa, hape dungkon ni i marsomba ma muse nasida tu debata ni bangso pangarupa i, ima debata baal, Astarot, debata ni Ram, debata ni Sidon, debata ni Moab, Amon dohot debata ni halak Palistim. Jahowa patundukhon bangso pangarupa i, asa malua nasida sian i, hape marsomba muse nasida tu debata pangarupa i.

Molo songon on do pangalaho ni bangso Israel maradophon Jahowa, boha nama Jahowa di mata nasida, dohot di mata ni angka bangso pangarupa i ? Hape manggangguhi muse nasida, mangido pangurupion tu Jahowa songon pangangguhi nasida najolo i, mangido pangurupion tu Jahowa. Toho do, na sian ias ni roha nasida do mangangguhi i, manang holan sipaula nasida disi.? Di ayat 12 on, Debata manungguli roha nasida, asa ias rohana jala mangakuhon dosa nasida tu Jahowa marhite na paingothon sejarah ni parngoluon Israel. Alai atik pe ias roha nasida mangakuhon dosa nasida tu Jahowa, ndang olo be Jahowa paluahon nasida (13b). Pernyataan sikap ni Jahowa maradophon Israel, patuduhon paboa ndang adong toleransi ni Jahowa maradophon pangalaho na songon i. Ndang adong be alasan ni Jahowa mangoloi pangidoan ni Israel. Baliksa tahe, disuru Jahowa nasida mangangguhi tu debata sileban na sinomba nasida. Debata sileban i ma nian paluahon nasida, ala tusi do nasida marsomba. Jahowa tangkas paingothon nasida paboa, ndang debata na mangolu debata sileban i, na boi paluahon jolma marsomba tu ibana. Ndang adong gunana/marisuang nasida molo marsomba tu debata sileban i.

Ayat 15-16 : Pengakuan na jujur sian Israel tu Jahowa: “Nunga mardosa hami”
Dipanghilalahon Israel do, paboa sintong jala tigor do alus ni Jahowa tu nasida. Nasida do na so umboto magona. Ndang ala ni hahurangan nasida maradophon debata sileban umbahen na gabe diparsipal jala dirupa bangso Palistim dohot Moab nasida. Alai ala ditadinghon nasida do Jahowa gabe marsomba tu debata sileban. Alani diihuthon nasida hagiot ni daging dohot mamereng kepentingan sesaat do manghorhon/parohon uhum ni Jahowa tu nasida. Dosa i do na parohon uhum ni Jahowa. Alani i, ingkon rade ma nasida di uhum Jahowa hombar tu lomo ni rohaNa. Ima alus ni Jahowa. Dipatuduhon nasida disi, hahiason ni roha/pertobatan dohot haunduhonna tu Jahowa. Dihilala jala dihaporseai nasida do, paboa uhum ni Jahowa ndang gabe pamatehon nasida, alai paluahon dohot pangoluhon do. Ido umbahen didok nasida “nunga mardosa hami”, Ho ma mambahen tu hami hombar tu sandok lomo ni rohaM, asal ma dipalua Ho hami sadari on”.

Dipataridahon do paboa naung mulak nasida tu Jahowa marhitehite padaohon debata sileban sian tongatonga nasida. Sikap Israel na tangkas pataridahon panolsolion di pangalaho ni dosa i, mangangguhi nasida tu Jahowa, rade nasida diuhum Jahowa siala dosa nasida i; dipadao nasida debata sileban i sian tongatonga nasida, sian ngoluna jala mulak marsomba holan tu Jahowa, parohon emphaty ni Jahowa di nasida na mardangol i (ayat 16b). Dijalo Jahowa do pangidoan ni Israel, jala parsidohot (emphaty) Jahowa di pardangolan ni Israel, bangsoNa i. On ma patuduhon na umbalga do holong ni roha dohot asi ni roha ni Jahowa sian angka rimasNa.
III. Panimpuli
Minggunta sadarion digoari do Exaudi, lapatanna: Sai Tangihon ma, molo Joujou au tu Ho(Psalmen 27:7). Ingkon tu Debata do hita joujou mangaluhon angka saluhut parsorionta. Ndang adong na boi paombun rimas ni Debata, so holan asi ni rohaNa. Bangso Israel mananda Debata parrimas jala parasiroha sian pengalaman nasida di sejarah na rap nasida. Paubahon roha sian nasa roha dohot pangalaho manundalhon debata sileban jala mulak holan mangoloi dohot marsomba tu Debata. Parohon asi ni roha ni Debata manesa dosa, mangalehon haluaon dohot hangoluan.

Di partingkian si nuaeng on, adong do sumanna parngoluanta dohot parngoluaon ni bangso Israel di turpuk on. Parsaoran di tongatonga ni huria, gumodangan do holan manarihon dirina so padohot manarihon angka na pogos di Huria i. Nunga lam moru panghaholongionta tu angka dongan na sahuria tarlumobi tu angka na pogos. Tadok hita angka na saroha, hape pulikpulik do angka pingkiranta na laho manghaholongi angka donganta. Tarsosak do hita laho pajongjonghon hadameon, hatigoran dohot hasintongan di tongatonga dongan jolma, isarana: lam maol taruli hita di kesetaraan dohot jolma naso saugamo dohot halak kristen. Sai gumogo do pangantusion mayoritas sian hatigoran dohot hasintongan ni uhum. Uhum pe selalu berpihak tu angka na mora dohot na gogo, manang holan pasonangkon na gogo sambing do. Marhite na mamparungkilhon pangalaho na songon on, denggan ma hita paubahon rohanta di panghaporseaonta di Jesus Kristus.

Jolma na namanda hahurangan jala mulak tu Jahowa dohot roha na mangopu dibagasan roha na ias, mampasiding mangoloi hagiot ni dagingna dohot pangela ni hajahaton, sai marpamuati roha ni Jahowa dompak ibana. Rade do Jahowa parsidohot manghilalahon parsorionta. Jala monang ma hita dibagasan haluaon dohot hangoluan sian Debata na pinatupaNa dibagasan Jesus Kristus. Mangangguhi ma hita tu Jahowa mangido hasesaan ni angka dosanta, taparade ma rohanta manjalo uhum/konsekwensi ni Jahowa ala ni angka dosanta na tabahen i. Taingot ma, ai na paluahon dohot pangoluhon do uhum ni Jahowa. Tatadinghon ma sude hagiot ni dagingta dohot elaela ni sibolis di portibi on asa sai dihaholongi jala diasii Jahowa hita tongtong dibagasan ngolunta na jempek on. Amen.
Jamita Minggu Pentakosta 1
Tgl. 23 Mei 2010
Nats : J o e l 2 : 28 - 32
Pdt. Eben Hutasoit, S.Th
Pdt. Res. Panei Tongah
Saor Tu Tondi Porbadia i.

Tondi ni Debata ima sada hagogoanNa na so boi sirangon sian hadirionNa sandiri. Na mangula do Debata Jahowa marhitehite TondiNa na badia i. Sada persoalan teologis do taringot tu hasasaor ni Tondi i tu ganup jolma. Adong angka pandohan na mandok: tu jolma na sisongon dia do saor Tondi ni Debata. Deba sian angka na malo mandok: ia Tondi ni Debata saor holan tu angka jolma na mian di bagasan Debata. Alai laos adong do muse pandohan na mandok: ia Tondi ni Debata saor do tu saluhut jolma, ndada holan tu angka na porsea alai laos dohot do tu angka na so porsea tu Debata. Andorang so tapamanat taringot tu sungkunsungkun i, naeng nian porlu botoonta: Ia Tondi ni Debata ima Debata sandiri, marhite Tondi I do Ibana mangula jala laos Tondi I do pribadi ni Debata. Antong ingkon dohononta ma; guru jala huaso ni Debata sandiri do laho mangaturhon jala marsangkap hasasaorNa tu saluhut jolma. Saor pe Ibana tu angka na so porsea bahkan tu angka na mangalo lomo ni rohaNa asa nian gabe muba jala porsea jolma i. Ndang be lalap di hagolapon alai iringon jala parmuduon ni Debata ma antong jolma i asa bongot tu hatiuron na manontong. Molo saor pe Tondi i tu angka na porsea, dohononta ma; Tondi I do namargogoihon halak na porsea laho mangulahon anka na bonar jala na denggan tudos tu lomo ni roha ni Debata. Tuhan bebas berkarya kepada setiap orang melelui RohNya, dengan RohNya yang Kudus dia akan menerangi orang untuk melihat, mengenal dan masuk ke dalam keselamatan. Dan bukan hanya itu saja, dengan RohNya juga orang yang percaya dimampukan untuk melakukan yang benar/menghidupi keselamatan yang telah diterimanya. Antong ampit ma dohononta: Ia Debata ndada holan paluahon hita sian hagolapon alai laos dipargogoi do hita mangula di hatiuron.

II. Bangso Israel ima bangso hasudungan ni Debata, dihaholongi Debata do bangso i atik pe jotjot nasida mandao sian Debata. Nasa pambahenan ni bangso i ndang dibalos Debata asa unang mate nasida. Alai sai dipaingot, dipinsang do bangso i asa tung marhamubaon, maninggalhon angka hajahaton jala ro mandapaothon Debata. Ingkon uhumon ni Debata ma antong bangso Israel binahen ni hajahatonnasida. Ndang apala hantus dipatorang di turpuk on angka dosa jala pangalaho dia na diulahon nasida na so tudos tu lomo ni roha ni Debata. Ingkon gok ma iluilu di tonga ni bangso, angka malim pe di bagas joro mangandungi (1:8), ndang adong be na boi gotilon nasida sian angka poarbue na diladang. Angka boni pe gabe busuk, angka pinahan maheu nang angka jampalan pe mosok disoksok api sipangararati (1:16-18). On ma na masa ditongatonga ni bangso i. Molo songoni na ma hape; aha ma na boi panganon ni bangso i? Tu ise na ma bangso i mangalualu?

III. Debata parholong roha do ianggo Jahowa, ndang diparetonghon ulaon ni bangso i gabe pahothon murukNa tu nasida. Bangso Israel naung manirpang sian dalan Debata dihaholongi Debata sandiri. Ndang manontong be antong bangso i di sitaonon alani angka uhum na masa tu nasida. Di balik di angka uhum i, dipapatar Debata do holongNa marhite parohon sada partingkian na imbaru (zaman yang baru). Hinorhon i nian ingkon porsea do hita; ia uhum ni Debata ndada asa mago jolma alai asa nian marhamubaon bangso i. Di bagasan uhum ni Debata tarida sada pangajarion ni Debata dalan paingothon asa dihaporseai bangso i, ia uhuman ni Jahowa ima uhuman na nionjar marhite holong ni rohaNa. Di ari na imbaru i ma bahen ni Debata angka halongan di bangso i. Usehonon ni Deata ma TondiNa tu bangso i, mulai sian angka ianakhon, boru nasida dohot angka sintua (ayat 1). Hata diusehon (dicurahkan) patuduhon haburjuon jala na so marpangontik Debata dihaluaon nanaeng pamasaonNa di bangso i. Songon udan na matompas sian langit do haroroni Tondi tu bangso i, ndang adong na boi mangambati haroro ni Tondi i. Tondi (ruakh) gabe hagogoonma i di jolma, ai ndang tolap ianggo holan danging (nyawa) mangolu ianggo so adong tondi. Tondi ni Debata do na mangalehon hangoluan na imbaru tu bangso i. Nasa hisaphisap ni daging i gabe dipamate marhite Tondi i. Sada hataridaan do i, ia hajahaton dohot angka hagogon na di portibi on tung so margogo do molo maradophon hagogoon ni Jahowa.

Pangusehonon ni Jahowa ma TondiNa tu nasa sibuk (semua manusia), ima saluhut bangso Israel. Sada hal na imbaru do on antong di nasida, ai pangantusiaon nasida holan tu angka jolma na tertentu do biasana diusehon Debata TondiNa (bnd. 1Sam.10:6, 10; Yes.11:2). Luhutna i, patuduhon denggan basa ni Jahowa do di tongatonga ni bangso i. Asa gok jala suksuk ma pasupasu ni Debata jala ndang alang hinaburju ni Debata tu bangso i. Marhite Tondi I do dipasupasu Debata sude jolma di portibion. Ndada holan manaon diangka uhuman/sitaonon alai laos margogoihon hinauli ni sangkap ni Debata tu ari nanaeng ro gabe tarbahen jolma i manghirim di bagasan haporseaon.

IV. Hasasaor ni Tondi ni Debata tu bangso i di ari ni Tuhan I gabe manurirangi (bernubuat) angka ianakhonnasida, marnipi (mendapat mimpi) angka sintua jala maralatan (mendapat penglihtan) angka dolidoli. Patudohon asa nian marhangoluhon na imbaru bangso i diari ni Tuhan i. Sude bangso Israel ingkon ma marpangalaho songon panurirang na patuduhon pangalahonasida tudos tu lomo ni roha ni Debata. Molo sude hape nasida ingkon gabe panurirang berarti panghuling jala pangalaho nasida ingkon do manghatahon hata ni Debata. Bahkan dohot do tu angka naposo (hatoban/hamba) ni bangso i usehonon ni Debata TondiNa. Hape ianggo di halak Israel molo hatoban/budak ima golongan na so diparetongkon do on. Alai boasa dohot tu nasida diusehon Debata TondiNa. Sada bukti do i, ia Tondi ni Debata padomuhon nasa parsaoran marhitehite na mambolongkon nasa angka golatgolat na mangorui angka hinauli ni parsaoran (Roh Tuhan akan mendobrak segala perbedaan dalam masyarakat dan sekaligus menciptakan persekutuan yang baru di dalam Tuhan).
Andorang so jumpa tingki ni ari ni Tuhan i, masa do angka halongangan ima tanda ni angka langit dohot tano on. Debata do na manompa jala namangaturhon parpeak ni portibion dohot isina. Saguru tu hataNa do saluhutna gabe masa, jala holan Ibana sambing do na tuk pamasahon angka tanda halongangan na so tupa diulahon angka hagoon ni debata na adong di portibi on. Huaso ni Tondi ni Debata do on pola masa angka halongangan i. Jumpa ma mudar dohot api dohot timus na marsijongjong. Muba mata ni ari gabe haholomon, jala bulan gabe mudar (ayat 3-4), sude i masa andorang so ro ari ni Tuhan i. Saluhutna angka na masa i gombaran do i diangka na masa diportibion, ingkon masa angka parporangan na bolon gabe manghorhon hatahuton diangka joma. Alai nasa jolma na porsea tu Jahowa, na manjou goarNa di Sion dohot di Jerusalem ingkon malua do ibana sian nasa parmaraan i.

V. Hasasaor ni Tondi ni Debata tu hita margogoihon hita laho manatap hinauli dohot ragam ni angka ulaon ni Debata di ngolunta on. Ndang mabiar be hita antong laho mandalani ngoluon manang songon dia pe na masa molo nunga mian hita di Tondi ni Debata jala Tondi ni Debata di bagasan hita. Ai ndada holan sangkap ni Debata dilehon tu hita, alai laos dohot do nang pasupasuNa marhite TondiNa (The will of God will never lead you where the grace of God cannot keep you: kehendak Allah tidak pernah menuntunmu dimana anugerahNya tidak dapat memeliharamu. Artinya, Allah akan selalu memberi rancangan, kehendak bagi kita tetapi Dia juga sekaligus memberi anugerahNya kepada kita untuk hidup dalam rencanaNya itu).

VI. Marhite Tondi i gabe songon angka pangalaho ni panurirang ma hita namanuarahon jala manghangoluhon hata ni Debata. Tondi ni Debata mangonjar rohanta laho paturehon jala paulihon angka ulaon na denggan. Unang be antong lalap hita di hisaphisap ni portibion alai taparangehon ma hata ni Debata paboa naung malua hita sian nasa ragam ni parmaraan dohot huaso ni dosa. Ari Pentakosta ima ari hasasaor ni Tondi ni Debata tu hita, tu huriaNa asa unang mabiar be hita laho manghatindanghon barita taringot tu Kristus Tuhanta i. I do tona ni Tuhanta Jesus tu angka siseanNa i; atik pe lao Jesus sian tongatonga nasida, ndang be rap nasida tu dolok tu toruan alai na tongoson ni Tuhanta Jesus do TondiNa laho margogoihon angka naposoNa i laho pararathon barita na uli. Laos ampit do i diulaon ni hurianta di taonon, ima taon Marturia. Asa unang mabiar hita manghatindanghon hata ni Debata marhite parbaritaaon dohot parange na tama. Gabe pasupasu ma hita tu angka humaliangta, unang be adong perbedaan (status/jabatan) na manggotap parsaoranta dohot angka dongan. Antong mangolu ma hita di bagasan Tondi i, ai ragam na boi berengon, jala daionta molo mian hita di bagasan Tondi i. Antong nunga saor Tondi ni Debata tu hita, ingkon saor ma hita tu Ibana jala laos ingkon tapasaorhon ma Tondi i tu ganup rumatangganta nang humaliangta marhitehite pangulahon holong na sian Tuhanta i. Amen!!!


Jamita Pentakosta 2
Senin, Tgl. 24 Mei 2010
Nats : Kisah Para Rasul 2 : 1 - 13
Pdt. Happy Pakpahan
Parhobas di Kantor Pusat
Roh Kudus Yang Mempersatukan

I. PENDAHULUAN

Hari ini kita, umat kristiani, memperingati hari Pentakosta, yaitu hari turunnya Roh Kudus. Dalam kalender gerejawi, hari Pentakosta dihitung 10 hari sesudah hari kenaikan Tuhan Yesus ke Surga. Sedangkan hari kenaikan Tuhan Yesus ke Surga dihitung 40 hari sesudah kebangkitan Tuhan Yesus, Paskah. Jadi, hari Pentakosta adalah 50 hari sesudah Paskah. Sesuai dengan arti kata Pentakosta, yaitu “yang kelima puluh”. Nah, di Minggu ini baik rasanya jika kita kembali menggali makna Pentakosta sehingga kita semakin merasakan arti kehadiran Roh Kudus di tengah aktifitas, pergumulan, pengambilan keputusan dan aspek lain dalam kehidupan pribadi, keluarga, pekerjaan dan lingkungan lain dimana kita berada.

II. PEMBAHASAN NATS
Pada saat itu murid-murid sedang berkumpul di suatu tempat yang tidak diterangkan dengan pasti. Mungkin ruang atas yang ada dalam Kis 1:3 dan mungkin juga suatu tempat dalam Bait Allah (bdk. Luk 24:53). Pada saat itu terjadilah hal-hal sebagai berikut:
1. Tiupan Angin dan Lidah Api. Kitab Suci memang sering menggambarkan Roh Kudus sebagai angin (Yoh 3:8 Yeh 37:9,10,14 Yoh 20:22). Kata bahasa Yunani “pneuma” memang bisa diartikan sebagai ‘roh’, ‘angin’ atau ‘nafas’ (Ibrani : ruach). Karena itulah maka sebelum Roh Kudus turun maka Ia didahului oleh suatu bunyi seperti tiupan angin keras. Kemudian diayat 3 tampaklah lidah-lidah seperti nyala api yang bertebaran dan hinggap pada mereka masing-masing. Roh Kudus juga sering digambarkan sebagai api dengan makna menyucikan / menguduskan manusia.

2. Turunnya Roh Kudus dan Memenuhi Orang Percaya (ay 4). Terjemahan ay. 4a dalam bahasa Indonesia jika dibandingkan ke NIV: ‘All of them were filled with the Holy Spirit’, seharusnya ada kata ‘semua’. (= Mereka semua dipenuhi dengan Roh Kudus). Jadi, bukan hanya rasul-rasul saja yang menerima /dipenuhi dengan Roh Kudus, tetapi semua orang percaya yg hadir pada saat itu. Pemberian Roh Kudus ini adalah penggenapan janji Tuhan dalam Yoh 14:16,17,26 Yoh 15:26,27 Yoh 16:7-11,13,14 Mat 3:11 Kis 1:4,5,8.

3. Ayat kelima dikatakan saat itu orang – orang Yahudi yang saleh yang tinggal di Yerusalem yang berasal dari berbagai macam daerah di dunia terkesima dan terkejut akan hal yang terjadi. Mereka itu berasal dari Partia, Media, Elam, Mesopotamia, Yudea dan Kapadokia, Pontus dan Asia, Frigia dan Pamfilia, Mesir dan daerah-daerah Libia yang berdekatan dengan Kirene, Roma, Kreta dan Arab. Mengapakah mereka terkejut ? karena “mereka masing-masing mendengar rasul-rasul itu berkata-kata dalam bahasa mereka sendiri.” Orang - orang Yahudi ini dari berbagai macam daerah mengerti tentang apa yang diucapkan oleh para rasul tersebut. Sehingga mereka berkata, “Bagaimana mungkin kita masing-masing mendengar mereka berkata-kata dalam bahasa kita sendiri, yaitu bahasa yang kita pakai di negeri asal kita ?”. Sekarang perhatikanlah baik – baik : setiap orang mendengarkan mereka berbicara di dalam bahasa mereka sendiri. Rasul – rasul ini semuanya berbicara di dalam bahasa – bahasa yang lain dari bahasa yang mereka gunakan pada saat berkumpul, tetapi perlu diingat bahwa bahasa – bahasa yang diucapkan pada saat itu adalah bahasa – bahasa yang digunakan oleh manusia di bumi/di bawah kolong langit. Dan setiap orang yang berkumpul mendengarkan para rasul berbicara dengan bahasa asal mereka. Jadi, orang Partia mendengarkan semua rasul tersebut berbicara dengan bahasa Partia. Orang Media mendengarkan semua rasul tersebut berbicara dengan bahasa Media. Orang Yunani mendengarkan mereka semuanya berbicara dengan bahasa Yunani. Mereka mengerti apa yang sedang diucapkan. Dan perlu juga di perhatikan bahwa pengertian Alkitab tentang kemampuan “berbicara di dalam bahasa – bahasa” tersebut sesungguhnya adalah kemampuan yang diberikan oleh Roh Kudus Allah untuk memberitakan Injil kerajaan Allah kedalam bahasa lain yang digunakan oleh manusia di dunia. Marilah kita melihat peristiwa Pentakosta secara sungguh dan bukannya berusaha untuk meniru manifestasi yang terjadi pada hari itu.

4. Memberikan Waktu Bersaksi tentang Perbuatan Besar Allah. Setiap orang harus memberikan waktu dan tenaga bagi orang lain dan demi pewartaan kabar Injil, sebagaimana dalam peristiwa Pentakosta seperti dalam teks, banyak orang dari berbagai daerah berkumpul memberikan waktu dan tenaga untuk mendengarkan ‘perbuatan besar yang dilakukan Allah’ yang disampaikan oleh para rasul. Kita relevansikan, kita yang percaya kepada Tuhan Yesus tentu mengimani bahwa kita juga telah menerima anugerah Roh Kudus, Roh Penghibur dan Roh Kebenaran. Untuk itu kita juga dipanggil untuk memberikan waktu dan bersaksi mewartakan ‘perbuatan besar yang dilakukan Allah’. Mari kita renungkan berapa banyak waktu yang 24 jam sehari kita pakai untuk membicarakan firman Tuhan kepada keluarga atau orang-orang di tengah-tengah kita. Atas justru kita lebih banyak menghabiskan waktu untuk hal yg tidak benar, atau membicarakan kebohongan-kebohongan dan hal negatif lainnya? Marilah kita menjadi saksi Kristus dan memberikan waktu dan tenaga serta kesaksian hidup yang saling mengasihi, dengan saling membagikan pengalaman atau sharing perihal ‘perbuatan besar yang dilakukan Allah’, entah yang terjadi dalam diri kita maupun di dalam lingkungan hidup dan kerja kita setiap hari sehingga kita akan saling terhibur, saling menguatkan dan bersama-sama menemukan kebenaran-kebenaran. Dalam saling berbagi perbuatan besar Allah dalam kehidupan, kita dapat saling belajar dan mengajar. Berbagai kesalah-pahaman dapat diatasi dengan cuthat atau bercakap-cakap bersama didalam terang kuasa Roh Kudus.

5. Berdasarkan teks, pada hari Pentakosta yang istimewa tersebut, semua rasul itu memang secara tiba – tiba berbicara di dalam banyak bahasa – bahasa. Bahasa – bahasa tersebut bukanlah bahasa – bahasa yang tidak dimengerti oleh manusia melainkan bahasa – bahasa tersebut adalah bahasa – bahasa yang dapat dimengerti oleh manusia. Bahasa - bahasa yang diucapkan pada saat itu tidak membutuhkan seorang ahli bahasa untuk mengartikannya kepada orang lain, karena jelas diterangkan semua orang yg ada disitu mengerti apa yang terucap. Marilah kita sekarang mempelajarinya secara baik – baik. Penekanan dari Pentakosta. Banyak orang yang kalau membahas Pentakosta selalu menekankan bahasa roh. Dan anehnya bahasa roh yg di pahami sebagian rekan kita adalah bahasa yang tidak dimengerti (bahkan ybs banyak yg tidak mengerti). Padahal sebetulnya yang paling ditekankan dalam Pentakosta adalah Pekabaran Injil – terberitanya ‘perbuatan besar yang dilakukan Allah’ (ay.11). Bagaimana mungkin Pekabaran Injil dapat terjadi jika bahasanya tidak dimengerti oleh ybs hingga orang lain yg mendengarkannya.

Kemudian, Karunia bahasa roh adalah suatu karunia yang bersifat mujijat, sehingga tidak bisa dipelajari / dilatih. Dimanapun dalam Kitab Suci kita tidak pernah membaca orang mempelajari / melatih / mengusahakan bahasa roh. Karena itu semua bahasa roh yang dipelajari / dilatih / diusahakan adalah palsu dan berasal dari orangnya sendiri. Kalau saudara adalah orang yang mempunyai bahasa roh hasil latihan, ingatlah bahwa bisa saja saudara sedang memalsukan karunia Allah!

6. Hasil dari Peristiwa Pentakosta di Kis.2 ini adalah Allah yang telah memilih supaya mereka semua bisa mendengar Injil dan setelah itu mereka bisa kembali ke negaranya untuk menyebarkan Injil di negaranya masing-masing. Jadi semua ini jelas menunjukkan bahwa Pentakosta menekankan Pekabaran Injil. Perhatikan, pada saat itu, karena orang-orang Yahudi dari negara-negara lain itu mempunyai bahasanya masing-masing sudah tentu adanya banyak bahasa menghalangi Pekabaran Injil dan kalau Injil hanya diberitakan dalam 1 bahasa saja, maka orang akan beranggapan bahwa Injil itu memang ditujukan hanya untuk satu bangsa / bahasa saja (Yahudi). Allah tidak mau hal itu terjadi dan Ia melalui peristiwa Pentakosta dimana semua orang berbicara dan saling mengerti; maka batasan bahasa dihancurkan dan Injil bisa tersebar dan semua orang tahu bahwa Injil bukan hanya untuk satu bangsa/bahasa saja. Dengan demikian, bahasa roh di sini membuktikan panggilan Allah untuk semua bangsa-bahasa. Jika kita bandingkan, jika pada Kej 11 terjadi peristiwa menara Babel dimana Allah memberikan banyak bahasa untuk menyebarkan manusia yang tidak saling memahami karena berbeda bahasa di peristiwa Babel, maka dalam Kis 2 terjadi peristiwa Pentakosta dimana Allah memberikan banyak bahasa supaya manusia datang untuk kemudian bisa bersatu dan saling mengerti dalam Kristus. Jadi sekali lagi, semua hal-hal di atas ini jelas menunjukkan bahwa penekanan dari Pentakosta adalah Pekabaran Injil untuk semua suku bangsa. Roh Kudus itu mempersatukan.

7. Pada ayat 13 dikatakan : Tetapi orang lain menyindir: “Mereka sedang mabuk oleh anggur manis.” Dari sini bisa kita pelajari bahwa dalam Pemberitaan Injil bisa saja ada tantangan baik berupa cibiran, hingga aksi massa. Seperti reaksi negatif di ayat ay 13, orang-orang ada yang bukan sekedar menolak Injil tetapi bahkan mengejek orang yang memberitakan Injil dengan mengatakan mereka sedang mabuk.Untuk itu kita jangan menyerah dan putus asa, walaupun mendapat tantangan, Injil harus terberitakan melalui kata, doa dan perbuatan kita. Amin? Haleluya!

III. PENUTUP

Saudara terkasih, Tahun 2010 ini ditetapkan sebagai Tahun Pekabaran Injil (Marturia) di pelayanan HKI. Nats menyampaikan, Roh Kudus telah hadir bersama kita umat Allah. Roh Kudus ada untuk menjadi Roh Kebenaran, Penghiburan bagi setiap orang percaya untuk kemudian bersaksi tentang karya besar Allah ditiap medan kehidupan dan pelayanannya. Semua warga Gereja dipanggil untuk menjadi saksi Kristus, baik melalui kata, doa dan perbuatan. Kemudian, karya Roh Kudus telah meruntuhkan sekat pemisah antarbangsa dan bahasa. Ini tidak berarti perbedaan-perbedaan itu kemudian kita abaikan. Kita anggap semua sama. Tidak. Perbedaan-perbedaan yang ada tetap kita hormati, tetapi tanpa membelenggu kita dalam fanatisme sempit, sehingga kita melihat “sesama” hanya sebatas mereka yang “sama” dengan kita. Kuasa Roh Kudus justru membuat kita mampu menerima dan memperlakukan siapa saja—terlepas bangsa, bahasa dan agamanya—sebagai sesama. Semoga hari Pentakosta dapat memicu kembali semangat “kebersatuan” kita dalam hidup bermasyarakat dan bergereja secara khusus di HKI. Amin. (hp)

Jamita Minggu Trinitatis
Tgl. 30 Mei 2010
Nats : Lukas 12 : 1 - 12
Pdt. Hugo D G Nababan, S.Th
Pdt. Res. Simpang Opat

Hatindangkon Debata Sitolusada Marhite Parniulaon

1. Padao Ngolu Na Marpangansi

Adong do hata ni ende mandok: “Dunia ini panggung sandiwara ceritanya mudah berubah…setiap insan dapat satu peranan yang harus dimainkan, ada peran wajar, ada peran berpura-pura, mengapa kita bersandiwara”. Sian syair ni ende on boi antusan na jotjot marsandiwara (marpangansi) do hita di ngolunta. Jala sasintongna tung so lomo do rohanta molo marpangansi (marsandiwara) dongan tu dirinta sandiri. Boi do kecewa situtu hita molo marpangansi dongan tu hita. Ndang hea tahalomohon angka jolma na marpangansi. Maol do adopan jolma si songon i. Alai sai jumpangta do jolma na marpangansi, jala hita sandiri pe jotjot do mangulahon i. Ngolu na sipaulaula (hidup berpura-pura) sai masa do i. Pura-pura badia hape ramun, pura-pura parhaporseaon na togu hape na mura magopu. Pura-pura na pistar hape na oto, pura-pura na mora hape na pogos, sebalikna pura-pura pogos hape na mora, pura-pura dongan hape alo, dohot angka na asing dope kepurapuraan.

Tuhanta Jesus pe ndang dihalomohon na marpangansi (berpura-pura). Tajom do Tuhanta Jesus pasingothon angka siseanNa asa unang terpengaruh tu cara hidup ni halak Parise. Didok: Jaga ma hamu pasiding na niasoman na di angka Parise, ima pangansion i (ay. 1). Pangalo na marpangansi (Bhs Gorik: hipokrisi) ima permainan merangkai angka hata laho manungkun dohot mangalusi di sada permainan do di mulana. Alai ujungna gabe marpardomuan tu ulaon akting. Manang marpangansi sarupa ma lapatanna marsandiwara. Dasor ni ulaon na marpangansi manang marsandiwara ima pangalaho na so polin jala ndang sian nasa bulus ni roha.

Parugamaon ni halak Parise disibukkan angka ritual dohot mangkobasi angka hal na tetek bengek. Alai anggo impola ni haporseaon i ditadingkon. Sai marusaha do Parise asa ias jala badia dirina. Asa Kesan di loloan na torop tung uli, alai di parbagasan ndang binoto. Parugamaon si songon on tongtong do masa sahat tu tingki on. Burju do marminggu, Sholat pitu waktu, mangulahon angka patik. Badia berengon. Hape angka topeng do. Religius idaon. Hape di balik ni i, angka koruptor, penindas, penipu, Parugamaon si songon i do na di kritik Jesus. Jotjot do hakristenonta gabe holan mangurusi masalah tetek bengek. Isarana, olo do angka punguan di huria repot jala ribut bahkan sega holan mamutushon baju dinas ni punguan i. Ido hakristenon i?

Jotjot do tarimpu ndang adong na mamboto angka pangansionta. Angka hatanta nang ulaonta na tapandok manang na taulahon di nabuni. Hape, nangpe malo jolma manabunihon angka na busukna, jala samalomalona hita marpangansi, di sada tingki patar do luhutna. Ndang adong na hungkup, na so ungkap muse (ay.2). Lomoan do roha ni Jesus mida pardosa na jujur mangoku dosana sian halak na pura-pura mangulahon na denggan.

2. Umbiaran Ma Tu Tuhan Sian Tu Portibion.

Godang do ancaman dohot tantangan laho manghatindangkon Jesus Kristus Tuhanta i. Boi do agoan jabatan, arta, ulaon, bahkan sahat tu na tarbunu angka na mangatindangkon manang gabe saksi Kristus. Alani borat dohot godang ni ancaman i, sipata nangpe taboto na sintong jala ingkon hatindangkononta Tuhan, gabe taparsoada Tuhan .

Molo tapaihutihut sian mulana Pansus Angket century, mansai garang angka anggota Pansus i manungkun/ menyelidiki angka pejabat na berhubungan dohot kasus bank Centuryi. Alai ndung ro gertakan reshuffle dohot lan na asing gertakan, mombut do deba peserta i, tarida do sian keputusan akhir ni fraksi-fraksi di Pansus i. Mabiar do deba idaon angka fraksi-fraksi agoan jabatan di pemerintahan. Ndang marsihohot dihadirionna idaon ala ni ragam ni ancaman dohot tantangan na diadopi Pansus i. Laos songoni do nang di parngoluon hakristen on, godang do nuaeng halak Kristen na manadingkon dohot mansoadahon bahkan manggadis Tuhanna. Isarana ala ni hubungan “holong”, mabiar agoan na hinaholonganna i manang ndang gabe milikna, gabe digadis ma Tuhanna alias murtad tu ugamo na asing. Godang do muse do halak Kristen na Murtad alani mangalului karejo dohot kedudukan. Torop do halak Kristen na so barani manghatindangkon Jesus Tuhanta ala mabiar margeser posisi jabatan strategis, manang ala mabiar dihasogohon halak, dohot angka lan na asing dope.

Diajak Tuhanta Jesus do asa unang mabiar hita mangatindangkon Ibana na sintong i. Ai surat ni Kristus do hamu, ninna si Paulus. Lapatanna ingkon patuduhononta do hita paboa si ihuthon Kristus. Ingkon Barani do hita mangatindangkon Jesus Krsistus si palua i di ngolunta on, nangpe borat resikona. Habiari hamu ma Ibana, na marhuaso mabunu huhut mandabuhon tu api na roko, Ibana ma habiari hamu (ay.5). Molo margogope portibion mangago hita, alai holan mangago di pardagingon do i. Anggo Tondinta di Debata do. Jala tu hangoluan salelenglelengna do hita molo satia manghatindanghon Jesus si Palua i. Tutu, marragam ancaman tangtangan dohot rintangan molo naeng sitindangi Kristus, manang molo naeng tigor ngolunta. Alai di lehon Tuhan do bagabagana tu hita, disarihon Tuhan i do hita di ragam ni hamaolon na taadopi. Gari amporik na so mararga i ndang hea lupa sian adopan ni Debata (ay.6). Hape, ummangat do hita sian amporik i. Asa ndang hea lupa Debata manarihon hita di angka hamaolon na taadopi.
Manang ise na mangatindangkon Jesus i laos ido hatindangkononNa di adopan ni ni Debata. Alani tarjou do hita gabe halak Kristen tulen na tongtong gabe sitindangi Kristus nangpe ragam hamaolon taadopi.
3. Dosa Na So tarsesa: Mangaleai Tondi Parbadia
Pandohan ni Tuhanta Jesus taringot tu dosa na so tarsesa on dihatahon berhubungan do tu tingki na dipatupa Jesus ulaon hahomion marhite hagogoon ni Tondi ni Debata, ima pabali sibolis. Marhite pangarupion ni Tondi Parbadia do Jesus patupahon tanda halongangan i, hape halak Parise mandok hagogoon ni si Beelzebul do dipangke Jesus pabali sibolis i. Diida halak Parise do nian na marhite huaso Tondi ni Debata do Jesus patupahon hahomion i, alai pangurupion ni sibolis do didok. Ido na ginoaran na mangaleai Tondi parbadia. Tondi ni Debata do hape didok sibolis.

Molo porsea hita di Tuhanta Jesus Kristus, jala dapot hita haluoan, ala ulaon ni Tondi Porbadia do na mamuhai rohanta. Alani molo taalo manang taleai Tondi Parbadia, marlapatan ndang olo hita muba (bertobat). Gabe tatulak haluaon i, ai ingkon na tarjalo hita Tondi i asa dapot hita haluaon. Ido umbahen na didok dosa na so tarsesa. Manang dohot hatorangan na asing, Mangaleai Tondi Parbadia ima angka naung mananda Kristus dohot haluaon, alai paleahon Tondi Parbadia , ido dosa na so tarsesa. Boasa ndang tarsesa? Tontu molo halak na manulak Tondi Parbadia pasti do ndang mungkin olo martobat. Ai ndang mangula be angka na denggan di dirina. Alani ndang na Debata na so olo manesa, alai dirina do na sai manulak.

4. Urupan ni Tondi Parbadia do Hita di Angka Ragam ni Hamaolon i
Manontong do Tondi Parbadia mangurupi hita ganup tingki. Tondi Parbadia satia mambela nasa parsoalan ni ngolunta. Tingki ro hasusaan, hamaolon, unang tahutan hita, urupan ni Tondi parbadia do hita. Ragam do dalan ni Debata laho mangurupi hita, jala margogo situtu do Debata pamonang hita sian ragam ni hamaolon i. Sipata nunga taetong buntu jalan keluar ala ni maol ni parsoalan na taadopi. Hape na so panagaman sai dilehon Tuhan ido bisuk di hita laho mangalusi angka na maol I (ay. 12).

5. Trinitatis
Sadarion masuk ma hita tu minggu Trinitatis, minggu hasitolusadaon ni Debata. Sada do Debatanta alai tolu hataridaanNa. Na somal taboto Debata si tolu sada ima: Debata Ama, ima panompa nasa na adong di portibion. Debata Anak, ima Jesus Kristus Sipalua angka pardosa. Dohot Debata Tondi Parbadia, ima na mangajari, margogoihon angka na porsea. Asa sada do Tuhanta, alai tolu hataridaanna manang fungsiNa.

Di Minggu Trinitatis on dipaingot do hita asa tahatindangkon Tuhanta i, ima Debata si Tolu Sada i, marhite angka parange na tama jala marhaporseaon na togu di adopan ni Debata. Tangkas do taboto sian turpuk on, ulaon ni Debata sitolu sada i. Nunga mardosa hita tu Debata ama na sailaon, gabe ditongos ma AnakNa na sasada i, ima Jesus i laho paluahon hita sian pardoasaonta. Laos diajarajari huhut dipargogi Tondi Parbadia hita mangadopi hamaolon i. Asa ingkon patar do panghatindangkononta di Jesus si Palua i, asa dihatindangkon Jesus i muse hita di adopan ni Debata Ama. Jala hamolon di na manghatindangkon Jesus i donganan ni Tondi Parbadia do asa margogo hita. Sandok ingkon polin jala satia do hita Manghatindangkon Debata sitolu sada i. Amin