Evangelium Bulan Juli 2010

Jamita Minggu 5 dung Trinitatis

Tgl. 04 Juli 2010

1 Musa 9 : 8 - 17

Pdt. Toljun Lbn.tobing.STh

Pdt. Res. Sibolga

Dipaimbaru Debata PadanNa Bahen Haluaon

Dongan sahaporseaon, dibagasan Jesus Kristus.

Tangkas do taboto jala ta haporseai “ ia jolma na tinompa ni Debata di mulanai tong mansai marmulia do jala sangap, gok las ni roha dohot dame di ngoluna, ale Debata do na patupahonsa. Tarida do i di panompaon ni Debata di jolma i na tudos tu rupaNa jala tudos tu pangalahoNa, jala tangkas dipasupasu Debata jolma i tu lomo ni rohaNa asa, “marpinompar, asa gabe sopar”, laho manggohi tanoon huhut dilehon Debata “huaso” laho patunduk nang mangarajai sude isi ni tanoon, na tinompa ni Debata. Ala Debata na manangkapi dohot na patupahon jala tung mansai denggan saluhutna i; “ai di tilik Debata ma sude na tinompanai, jadi nunga denggan situtu” ( 1 Musa 1: 27-28+ 31 a).

Alai ale ni dosa dohot pangalaosion ni jolmai di patik ni Debata, gabe hona toru ni Debata ma jolmai nang dohot sude na tinompana (1 Musa 3: 17-19). Gabe hona uhum ni Debata ma jolmai marhite na di pabali sian adopanNa, sian inganan na sonang di lambungNa ima haluaon dohot hangoluan i. Gabe sirang ma jolmai sian Debata jala gabe lam dao, laos ima mambonsiri hasesega ni parsaoran ni jolmai dohot jolma nang dohot saluhut isi ni tanoon natinompa ni Debata. Boi ma dohononnta molo sega parsaoran ni jolma dohot donganna jolma nang dohot saluhut na humaliang ibana, ima ala naung sega parsaoranna dohot Debata, naung dao do ngoluna sian adopan ni Debata, nampuna ngolu dohot haluaon i.

Tung pe songon i diloas Debata do jolmai mangolu jala martambatamba di portibion, ala ni pasupasuNai, naung dibagabagahon hian, “marpinompari ma hamu” (1 Musa 1:27), alai laos lam martambatamba muse do dosa dohot hajahaton ni jolmai di adopan ni Debata. Pangalaho ni jolma na songon on, pataridahon hadirion ni jolma na so mananda Debata, ai dirajumi rohana ndang diboto Debata manang aha na niulana, jala jotjot ndang disadari angka na niulanai nunga lam dao manimbil sian adopan ni Debata. Ale angka dongan, unang dirimpu roham na dao Debata sian ho, tung pe di uhum Debata ho ala ni dosa dohot pangalaosionmu, jala lam di padao ho pe dirim sian Debata ndang adong gunana, ai lam tu jorbutna do pardalanan ni ngolum muse disi. Ingot ma tongtong jala unang tung lupahon: “Debata ndang hea dao sian ngolu ni jolma dohot tanoon”, ai Ibana do nampunasa, Ibana do na manompa. Ala ni i ndang adong na buni di adopanNa, jala tangkas do diboto Debata manang songon dia parulaan ni jolmai di portibion. Nda tumagon ma mulak hitaon tu Debata parasi rohai, tatopoti ma dosanta dohot pangalaosion na godang i, asa unang lam susa maon ngoluntaon. Ingot hamumulak ni parjahat ido tumadinghon dalanna asa mangolu ibana di halomohon Debata, ndang gabe lam mandao sian Debata laho mangulahon lomolomo ni roha dohot hagiot ni hajolmaon on. (Hes 33: 11). Jala porlu do adong pengakuan najujur nian sian saluhut jolma na tutu sadar mananda dosana unang lam dao sian Debata, jala asa gabe dijalo Debata, songon isi ni endeta na mandok : Sai jotjot do hutadingkon dalan mi na tigor i, Kristen ahu hape hutondong dalan hamagoan i “ (No; 182: 3). Di na lam martambatamba jala mangimbukbuk dosa ni jolma i di portibion, tung gabe disolsoli Debata do diriNa na manompa jolmai, ala tung mansai deak hajahatonna jala holan na jat tubu di roha dohot pingkiran ni jolmai, gabe pola do tarrimas Debata laho mangaripashon jolmai sian tanoon (1 Musa 6: 5-7), gabe di paro Debata ma aek na sumar pola do 150 ari lelengna laho mangaripashon sude na marhosa di tanoon, jolma, pinahan, binatang dohot pidong namartonga-tonga langit. (1 Musa 7: 21-14).

Alai tung pe di uhum ni Debata jolma dohot sude na tinompaNai, naung di parendep marhite aek na sumar i, alai ndang gabe sun siap ngolu ni jolma nang dohot isi ni tanoon na tinompa ni Debata. Ndang gabe i ujung ni hangoluan ni jolma dohot portibion nang isina; ai dipatuduhon Debata dope asi ni rohaNa marhite na porsea di Ibana. Marhitehite si Noak na bonar di adopan ni Debata di patupa Debata do haluaon marguru tu lomo ni rohaNa, nang tu saluhut na tinompanai di tanoon (1 Musa 7:1-3). Tung tangkas do dirajumi si Noak pasu­pasu ni Debata na mangalehon haluaon di ibana dohot sude na dibagasan parau i, ai dibege ibana ma soara ni Debata na manjou ibana dung mahiang tanoi sian aek na sumar i, laho haruar sian parau i. (1 Musa 8: 14-15). Pintor dipatupa si Noak do sada langgatan pamelean laho mamuji dohot Debata sipaluai. Tung mansai lomo do roha ni Debata di pelean na pinasahat ni si Noak jala marhite i marpadan ma Debata sandiri naso tupa be marro rimas Ibana tu saluhut jolma na di tanoon. Pamelean ni si Noak manghorhon pangondian tu saluhut jolma tung pe di bagasan dosa dohot hajahaton, ai sai marpamuati do roha ni Debata di jolma na tinompaNai. Jala hataridaan ni asi ni rohani Debata, gabe di pasupasu ma si Noak dohot pinomparna asa gabe sopar laho manggohi tanoon (1 Musa 8:20-22, 9:1).

Balga ni pasupasu ni Debata dohot asi ni rohaNa, dipatuduhon do marhite na pahothon “PadanNa’ di adopan ni si Noak tu saluhut jolma dohot isi ni tano on, sahat ro di saleleng ni lelengna: Ida ma anggo Ahu ninna Debata : “ pahotonHu padanHu” tu hamu ro di pinomparmu songot.( ayat 9 +11). Padan ni Debata na hot ro disaleleng ni lenengna, padan na binahen- inisyatif ni Debata sandiri, di patolhas tu si Noak. Padan ni Debata ndang padan ni dua belah pihak antara ni Debata dohot si Noak. Padan ni Debata ndang padohot si Noak laho mangido persetujuan, manang sabalikna ala na dipangido si Noak sian hadirionna-manang inisyatifna, asa unang be marrimas nian Debata molo mardosa jolmai.

Padan ni Debata na patuduhon na holan Debata sandiri do na boi patupa ngolu na imbaru di saluhut jolma dohot portibion, jala si Noak nang saluhut jolma holan na manjalo - meng-ya-kan- mangakuhon laho mangoloi, mangulahon manang patupahon, dohot patulushon na sinangkapan ni Debata di padanNai. Tanda padan ni Debata marhite hataridaan ni “ Halibutongan” di ombun (12-16). Didok “HalibutonganHi na Hubahen di ombun “tanda” ni padanhu dohot tanoon- Pataridahon holong dohot asi ni roha ni Debata di ngolu ni jolma dohot sude isi ni tanoon, jala marningot na so rimasan ni Debata be saluhutna songon aek na sumar. Tanda on, ima tanda pardamean, tanda na paimbaruhon parsaoran ni jolma dohot Debata, suang songon padenggan parsaoran ni jolma dohot jolma nang dohot alam sekitar- portibion- tano dohot nasa isina. Tanda on, ima tanda kesadaran ni jolma gabe tutu situtu mananda asi ni roha ni Debata na marpamuati di rimasna naso manguhumi dosa dohot pangalaosion, jala marhite i asa sude jolma- halak Kristen- padaohon dirina sian angka ulaon hajahaton dohot dosa. Tandaon ima tanda “pengampunan” ni Debata laho paimbaruhon ngolu ni jolma na gok dame dohot hasonangan, sihirimon jala sieahan ni saluhut jolma di sude panggulmiton ni ngoluna, marhite ulaon na denggan huhut gabe pujian dohot hamauliateon tu Debata.

Hamu angka dongan sahaporseaon, na ni asian dohot na dihaholongi Tuhanta Jesus Kristus.

Disada sisi ndang boi so ingkon angkuanta “di hadirionta songon sada halak Kristen:” ia Debata Jahowa, ima Debata parasi roha na sumurung. Alai ingkon akuhononta do ia hita - “halak Kristen” - , jolma na sai tongtong meoleol di haporseaon, na olo manghalupahon di ngolunta asi ni roha ni Debata jala sai olo manimbil sian adopan ni Debata. Jotjot tadok di ngolunta siapari : Toho do nian angka na didok hata ni Debata nanaeng si ulahononton asa tutu halak Kristen na denggan. Alai ala jolma dope hita, gabe ndang tarula sude na didok ni Hata ni Debata. Ndang boi tingkos dope nihaholongan Debata sian nasa roha, ateate, nang gogo, jala ndang dope boi iba manghaholongi dongan dohot tingkos, ai sai gumodang dope sogo ni rohai maradophon dongan. Gale dope pardangingon ala gogo ni portibion na sai mangela iba gabe mangulahon angka dosa i. Ima tutu ninna dongan deba laho “membela diri” di angka parulaan na sala, na jahat, na di sangajo manang dang, ala jotjot secara sadar “na so olo do” sasintong na mangoloi hata ni Debata laho mangulahon lomo ni rohaNa. Gabe saihira na adong legitimasi- pembelaan- di angka ulaon na sala i, molo tadok ai jolma dope hita da ! Ise ma na sanggup mangula na didok ni hata ni Debata?! Boha ma tutu ate ! Halak Kristen nina jala ruas ni Huria alai ndang hea mandohoti ulaon di Huria, marmingu partangiangan. Boha do bahenonna mangulahon hata ni Debata, ai so hea di bege, jala holan di ringkotnai do ibana dohot, tubu, tardidi, malua, mangoli ba ujungna mate, asa di layani Huria- jala songon tanda ni halak Kristen ?. Ai molo tumangihon hata ni Debata di parsaoran di Huria ndang adong tingkina ? alai tu angka ulaon na asing godang tingkina ate !.Molo ndang be diula halak Kristen -ruas ni Huria- angka na denggan lomo ni roha ni Debata, jala molo di uhum Huria, aha do na masa ?. Parbadaan do di Huria ? Belaon do angka parulaon na sala, na sangajo - diula Ruas ni Huria- Halak Kristen- na gabe si ihuthon Jesus, dohot mandok, ima da ala di portibion dope hita, jala roha daging dope ? gabe hira na so sala, manang na so na jat tubu di rohana ?.

Boi ma ra dohononta ala ni pamingkirion na songon on ma umbahen :” sahat tu sadarion” ndang dope dapot di ngolu ni jomai :”Hangoluan na singkop di haluaon na sintong, ima hasonangan, dame dohot las ni roha”, na memang disangkapi Debata doi nang sian mulana, jala huhut dihirim jolma di ngoluna. Ala ni aha umbahen so dapot i sude ? Ai holan na naeng mangalului hasonangan tu dirina sandiri nama jolmai, sega pe taho angka na asing dohot nahumaliangsa, ndang parduli ibana disi. Holan na mangalului hasintongan sandiri jolmai laho mampartahanhon ngoluna, jala patubu dohot mangalului hasalaan ni halak na asing, ise pe taho, donganna hian, keluargana, si solhotna, manang nahea manolong/mangurupi ibana, ndang parduli ibana disi, na penting unang digurtik manang di ganggu na laho mangalului dohot menikmati hasonangan dohot hagiot ni rohana.

Hamu angka dongan sahaporseaon.

Di haporseaon ni halak Kristen nuaeng nunga ingkon tangkas akuhononta naung di paimbaru Debata “PadanNai” tu hita, marhite “haroro ni Jesus Kristus” anakNa na sasadai tu portibion ala holong dohot asi ni rohaNa (Joh 3: 16). Ala ni i, nda nunga talu dosa dohot hajahaton i, marhite hamamate, haheheon ni Jesus Kristus na gabe jaminan hamonangan di hita angka na porsea - si ihuthon Ibana ? Boasa lam lumlam nuaeng ngolu ni jolma jala lam jorbut ? Ala ni dosa ni jolma na parjoloi doi, manang jumahat do jolma nuaeng sian jolma na parjoloi ? Boasa ndang dapot hasongan dohot dame di bagasan ngolu ni na markeluarga, mar-Huria, na martetangga, mar-masayarakat nang namarnegara ? Na sai tongtong dope holan dosa dohot hajaton di halomohon jolma/ halak Kristen di tingki nuaeng, jala inama na pasonang rohana? Na so tangkas do nuaeng ditanda jolma i be dirina: “ala asi ni roha ni Debata do saluhut na adong di ngoluna” ? Nunga di lehon Debata ngolu na imbaru ala asi i roha tu ganup hita jolma, ala ni padanNa na gabe jaminan haluaon di hita. Antong padenggan ma parsaoranmu dohot Debata, satia mangoloi HataNa dohot mangulahon lomo ni rohaNa asa tarida parbuaena di denggan ni parsaoranmu dohot jolma nang na humaliang ho. Amen.

Jamita Minggu 6 dung Trinitatis

Tgl. 11 Juli 2010

Jakobus 5 : 1 - 6

Pdt. Amran Simangunsong.STh

Pdt. HKI Res. Ujung Batu-Rokan

Tatiruma Solidaritas ni Kristus

I. PATUJOLO

Tujuan ni turpuk on ima laho manogunogu halak Kristen na pogos dohot na targosagosa; mangapuli angka na pogos na ginosagosa angka namora. Jala angka namora pe na manjaha surat ni Apostel on gabe marhamubaon. Ndang adong sangkap parbadaan nabinoan ni Apostel Jakkobus, tung sangkap hadameon do asa mardame angka namora dohot pangula na sorang di jolona, ima angka halak Kristen na pogos. Boha do poda manang ajaran ni Apostel Jakkobus, maniru holong ni Kristus tu angka napogos? Boi taida di hatorangan ni angka ayat.

II. HATORANGAN

Ayat 1

Ayat on marisi sipaingot tu angka namora. Ndada asal namora nanimaksud dison, alai namora huhut manggosagosa angka namangula di porlakna. Dosa na songgop tu namora dison ndada ro sian hepeng manang artana, alai sian pangalahona do dohot sian rohana. Molo tongon dope pangalahona songoni, songgop nama haporsuhon tu nasida, jala tumatangis ma dohot mangangguhi. Ndada holan tangis biasa, alai anggukangguk, andungandung na bolon songon na somal masa di Israel (Je3s. 13:6; 14:31; 15:2; Jer. 4:8; 47:2).

Ayat 2

Nunga busuk hamoraonmuna (your riches are corrupted). Busuk nanimaksud dison ima naung sega, ala dieksploitasi namora i angka na pogos lobi ulaonna sian upa na wajar. Ndang na sala nian papunguhon arta alai molo sampe mangae do angka pangula na mangula di porlakna ido na sala. Ulos (garment) di Timur Tengah termasuk do sada simbol hamoraon, halak na mamangke ulos na denggan, i do salah satu tanda jolma namora. Raja Aleksander Agung na borhat tu persepolis marpungu dohot angka namora se-Asia, diboan angka namora i do sere, perak dohot ulos. Jadi, ulos termasuk do simbol hamoraon na jolo.

Ayat 3

Naung tasihon do sere dohot perakmuna. Anggo secara kimiawi memang ndang boi tasihon sere dohot perak, apalagi sere na polin manang emas murni, ndang boi teroksidasi ndang songon baja manang bosi na boi tasikon. Tasikon na nimaksud dison ima perubahan warna ala naung leleng ndang hea dipakke manang saleleng on sai dipeakhon tu inganan na lembab. Mata ni jolma na terbatas ndang boi mamereng sere manang perak na polin dung teroksidasi warnana. Gabe sitindangi dompak namora i ma annon ala terbukti ndang sintong pardalan ni sere manang perak i. ndang sintong arga ni panggararan tu upa ni pangula. Manggagat nama ibana songon api alana hamoraon i do manarihon dagingta, jala di ari parpudi adong do konsekwensi ni ulaon i. Jadi, angka halak namora di zaman nuaeng on ringkot do mamingkiri ari sogot, so tung dipapungu sinamot na parohon uhum.

Ayat 4

Dosa ni namora na dibilangi di ayat 1 ima namanimbun arta, di ayat 4 on dipatorang do dosa napaduahon ima namandobo angka pangula na pogos i. nang pe tu pangula ni gandum hatiha i, alai hata on ditujuhon do tu angka jolma nuaeng on, tu angka namora isarana: angka pengusaha; tu angka pangula, isarana: karyawan, mekanik, nelayan, dna. Eksploitasi na masa ima na mamangke tenaga buruh sagodanggodangna alai dijalo tenaga buruh i ma muse upa na mansai otik. Adong do standarisasi upah songon UMR, ringkot do hita mamparrohahon i ala godang do pangula (karyawan) na so mangantusi taringot tusi. Jadi di angka namangantusi ringkot do mansoarahon dohot mensosialisasihon tu sude unang gabe terjadi eksploitasi. Jala di angka pengusaha sai ungkap ma rohana mambahen upa na layak unang holan mambuat untung sian tenaga ni karyawan. Nunga sahat be panjouon ni angka panabi tu pinggol ni Tuhan i. molo sahat anggukangguk ni jolma tu Debata, ingkon ro do Debata mangurupi (Patud. 2 Musa 22:27). Nunga tangis tutu pangula i, jala ndang adong na boi sipangahsahononna di portibion, naik banding nama alualuna tu Debata, molo dung sahat tu Debata, saut ma tutu uhum sian Ibana.

Ayat 5

Ngolu pargadombusan maralo tu visi ni panompaon naung dipasahat Debata tu jolma. Ia jolma ingkon mangula dohot mengelola, ndada manimbun arta marsonangsonang, hape parkarejona loja papungupunguhon na laho di ibana dohot upa na so patut. Ulaon na songoni sarupa songon gagasan ni pinahan nanaeng sipotongon tu ari pesta. Somalna naummokmok i do naparjolo dipotong. Jadi, molo sai manimbun arta dohot pamokmokhon diri tanpa adong solidaritas sosial tu na pogos sarupa na laho tu pamotongan do ibana disi.

Ayat 6

Nunga adong gagasan Messianis dison. Hata Partigor tujuanna ima Mesias, Kristus. Jadi, ayat on manggombarhon solidaritas Kristus tu angka na pogos, na targosagosa. Jadi molo adong halak namanggosa angka na pogos sarupa na manggosa Kristus do i. ndang dialo Ibana angka na mangulahon pargadombuson i ala nunga gabe jolma Ibana, jolma na gale. Asi ni roha do dipasahat Partigor i tu jolma pardosa, anggo uhum Debata do napadabuhon.

III. SIPAHUSORHUSORON

Parholangan ni namora tu na pogos nunga leleng masa sian najolo. Alani na songoni masa ma panggosagosaan, eksploitasi manusia sian angka namora, alai sian napogos gabe terjadima kriminalitas, perlawanan dna. Ingkon boi do na berwajib mengendalihon i, jala huria pe ingkon olo paingothon situasi na songoni asa unang berlarut. Jakkobus barani do paingothon angka namora, hita pe ingkon barani pasingothon donganta. Debata sandiri do na ro manguhum hajahaton ni jolma na songoni. Antong, padao ma roha manimbun arta dohot pargadombuson. Amen.

Jamita Minggu 7 dung Trinitatis

Tgl. 18 Juli 2010

Parjamita 6 : 1 - 12

Pdt.Berton Silaban.STh

Pdt. HKI Res. KANDIS

Marsaulihon Pasupasu ni Debata

Patujolo

Di paihut ihut panurat ni buku Parjamita on do sude angka na masa di ngoluna, di parateatehon jala dibahen gabe bahan perenungan dingoluna. Sian perenungan ni Parjamita on dipamanat ibana do angka pangalaho na jorbut (termasuk pengalaman na sandiri), i ma ngolu na dirasuki manang disonggopi tondi materialisme. Jea bolon do di rajumi panurat ni buku on angka na pasarisari ngolu ni angka pardagingon na mangoloi hisaphisap ni daging marhite sikap na ambisius di hamoraon (hepeng). Jala angka i do jotjot di pasarisari jolma di hasiangan on.

Debata do Mual ni Pasupasu (ayat 1-2)

“Molo di lehon Debata hamoraon dohot arta dohot hasangapon….” (ayat 2). Pandohan i pabotohon paboa Debata do mual ni nasa hamoraon, arta dohot hasangapon. Debata sandiri do mual ni pasupasu i. Di tingki pogos sasahalak manang ditingki so mardihadiha hita, sai tahaburjuhon do mangido tu Tuhanta asa di lehon nian hamoraon, dilehon hagabeon (maranak marboru), di lehon angka parkarejoan/pansamotan na denggan, angka pangomoan dohot angka pangkat na timbo asa sangap panghilalaanta. Alai dung dilehon Debata saluhut na tapangido i, i ma angka sinamot, parkarejoan, rongkap, dna, olo laos gabe lalap hita diangka pasupasu naung nilehonNa i. Olo do suda gogo, tingkinta, perhatianta holan pasarisari angka pasupasu naung nilehon Debata i, gabe laos lupa hita disumber manang mual ni angka pasupasu i, i ma Debata sandiri. Ndang di silehonlehon ni Debata i dapot hita hasonangan na manontong alai di Debata i sandiri do (nikmat hidup bukan didapat di dalam pemberian Allah tetapi di dalam persekutuan yang harmonis dengan Sang Pemberi). Jadi unang puas jala so holan dipasupasu i alai ingkon sahat do tu na mangalehon (sumber ni pasupasu i).

Molo so Malo Mamangke Hamoraon i Magopo do Hamoraon i

Di deba jolma dilehon Debata do mansai suksuk sinadongan, haboion dohot hamoraon. Alai nangpe godang jala suksuk hamoraon di jolma i olo do ndang diboto songon dia dalanna mamparhaseang dohot mamangkesa. Hatauonta mamangke, maparhaseang, marsaulihon (menikmati) angka naung tapeop i saguru tu songon dia parsaoranta na rosu dohot Debata. Molo tapasangap do Debata, loasonNa do hita menikmati angka pasupasu naung ta peop i. Alai molo dao do hita sian dalan ni Debata marisuang do saluhut hamoronta i, jala olo do “madabu tu puro na matombuk sude na taomo i”. Baliksa sude arta dohot sinadonganta i boi do tapangke pahembangkon ngolunta, pahinsathon haringgasonta mamuji Debata, pahembanghon hasadaon ni rumatangganta, pamajuhon angka usahanta, paborhathon angka ianakhonta laho marsingkola, patupahon angka pangurupion (ulaon sosial), dna. Sandok molo satia hita tu Debata loasonna do hita marsaulihon hadumaon ni ngolunta on.

Hagabeon dohot Ganjang ni Umur (ayat 3-6)

Tungsura torop pe pinompar ni sasahalak jala leleng ibana mangolu di hasiangan on huhut targoar sari matua situtu, ndang boi i menjamin hasonangan ni ngolunta on. Ndang boi saluhhutna i gabe jaminan laho menikmati angka basabasa ni Debata. Ndang sombu rohana marsaulihon sude angka na denggan i. Didok parjamita on: anggo tongdo mate poso tung marisuang do iba sanga mangolu. Tumagon do mate dibortian unang apala sanga niae harunduton ni ngolu on, unang apala sanga tubu hagiotgiot ni daging (lebih baik mati dalam kandungan sebelum terjebak dalam keinginan-keinginan dalam kepuasan diri). Boasa pola adong angka keinginan-keinginan (hisap ni daging)? Ala i do pangidoan ni pardagingon jala olo do hita di patunduk tu huaso ni i. Molo nunga di rajai hagiot ni daging i hita, dos do i na mangalehon dirinta sandiri dijajah hisaphisapta sandiri (memberi diri di bawah tirani keinginan-keinginan). Hampir sude ngolunta on tersita laho pasarisari hamoraon (hepeng), hape di ujung na so adong parasingan ni parhepeng dohot na so parhepeng. Dipamanat Parjamita on do i, ai na rap mate do na mora dohot na pogos, ndatung adong parasingan parmate ni na mora dohot na pogos. Songon dia pe pogosna dohot songon dia pe hamoraonna, songon dia pe perbedaan ni status sosial dohot latarbelakangna, jala sadia godang pe sinamot napineop tong do na rap mate. Lapatanna ndang boi hepeng mangudut hosanta. Nang di hata ni Debata, dirajumi do ganjang ni umur songon sada hatuaon na sian Debata. Ai didok do: “ditanganNa siamun do ganjang ni umur jala di hambirangNa do hamoraon dohot hamuliaon” (Poda 3:16). Ala di tangan ni Debata do umur na ganjang. Manang ise pe na porsea tu Debata, na marhaposan tu Ibana, gabe sijalo pasupasu ma ibana sian Debata. Ido umbahen na didok: “martua ma ganup na manghabiari Jahowa, na marparange di angka dalanNa sai na panganonmu do na niula ni tanganmu, martuama ho jala sonang. Jala ingkon idaonmu do pahompum tubu ni anakmu” (Psalmen 128:1-2,6). Hasonangan bolon do atikpe pogos hita, manang so marianakhon pe manang sipendek umur pe hita, asal ma dibagasan parsaoran na denggan ngolunta dohot Debata. Songon dia programta mangalului angka arta na di tano on, ingkon lobi sian i do tabahen mangalului hamoraon di hata ni Debata.

Unang suda tingki holan pasarisari hamoraon (ayat 7-11)

Hepeng gumodang marbagabagahon hasonangan na palsu jala pangkilalaan na so marnamahap. Nunga disonggopi materialisme toropan jolma i. Arta/hepeng nunga gabe tujuan ni ngoluna (harta adalah segala-galanya). Tondi materialisme mambahen jolma i sai lalap hurangan jala ndang marnapuas. On ma hamongkuson naluar biasa, na songon lombang na so hajojopan. Ondo umbahen di dok Parjamita on: “Saluhut hangaluton ni Jolma sumarihon pamanganna do, hape ndang sombu anggo rohana binahen ni i” (ayat 7). Godang do jolma mamora diparartaon jala sonang di pardagingon hape tondina harsang (jiwa yang gersang), ala ndang boi di bedahon antara keinginan dohot kebutuhan. Keinginan tidak punya batas selalu menuntut pemuasan, tetapi kebutuhan memberi rasa cukup. Unang suda tingkinta holan pasarisari hamoraon ni daging, alai taparade ma tingkinta manambonambori haporseaon di Tuhan i.

Molo so jumpang roha na bisuk mamangke dohot mamparhaseang angka na nilehon ni Debata olodo gabe mago naung adong hian jala laos dijujui pangalaho nasongoni ma roha na ahut disaluhut, sai tubuan ni rohana dohot pingkiran na i ma ibana mandiori nasa pangomoan na so sian dalanna. Manggogo ma hisap ni daging i mangonjar rohanta patupahon ulaon na maralo tu ngolu ni partondionna. Menghalalkan segala cara pe ulahononna ma, asal ma mangomo manang parohon pangabahan na godang.

Mansai ampit do jamita on mamangkulingi hita di partingkian on, ala lam tudengganna do kesehatan ni hita jolma jala lam tudengganna do perekonomian ni masyarakat. Alani lam tutimbona do hagiot marnampunahon arta, mardomu ma i siala kebutuhan hidup na meningkat do. Songoni muse rasa ingin naeng manikmati kemajuan on, lam tu toropna do jala lam tutimbona. Molo di ari na salpu (najolo) dihasabamhon do asalma dapot kebutuhan primer, alai nuaeng nunga di parsinta angka barang-barang kemewahan (kebutuhan sekunder). Nuaeng nunga lam diparsinta jolma berdarmawisata na so holan di Indonesia be, alai naeng ma nian sahat tu luar negeri. Ndang sala keinginan na songoni, jala ndang sala molo godang artanta, mamora hita. Nang Debata ias do rohaNa molo mamora hita di angka arta, sebalikna ndang lomo roha ni Debata molo sai pogos jala dangol hita. Alai na porlu sipingkiranta, jala i do na naeng dohonon ni jamita on, i ma songon dia do sikapta marnampunahon arta i. Unang alani angka keinginanta i gabe ta ula angka ulaon na maralo tu Debata.

Umbotoan do Debata aha na ringkot dijolma i sian jolma i sandiri (ayat 12)

Ndang hea sala mangalehon Debata jala ndang hea lilu Debata pasahathon pasupasuNa. Di boto Debata aha na ringkot dohot na rumingkot di jolma i. Ala di boto Debata do aha na ringkot dihita, tontu sabam ma rohanta manjalo dohot manghalashon aha naung adong dihita. Sabam ni roha, i do sada apulapul na balga na palumbanghon pingkiran nang rohanta. Ndang adong sipatupaon ni jolma i so holan pajonokhon parsaoranna tu Debata, ai Debata do na tuk sumarihon ngolu ni jolma i. Holan sabam ni roha nama na boi mangintopi angka na pinarhagiot ni daging, jala holan marroha hapantason nama na tuk mangajari rohanta laho patupahahon angka na ummuli di ngolunta mangihuthon panimbangion na torang. I do na margogoihon hita unang gabe holan mangalului arta na di portibion rohanta. Unang holan ngolu na di portibion ta hirim, alai dao tu jolo ngolu na manontong i ma tahirim. Ingkon porsea do hita adong do paruhuman ni Debata sogot patupaonNa di hita, jala ingkon haporseaonta do ndang arta i na paluahon hosanta sian paruhuman i, mudar ni Kristus i do na paluahon hita. Amen

Jamita Minggu 8 dung Trinitatis

Tgl. 25 Juli 2010

1 Timotius 6 : 17 - 19

Redaksi

Menjadi Kaya ?

Ada sebuah lagu ”Andai aku jadi orang kaya”, yang dinyanyikan oleh Oppy Andaresta? Membayangkan punya mobil mewah, rumah mewah, bahkan punya pulau…” andai saja itu aku miliki, tapi nggak usah pakai kerja. Siapa yang tidak mau? Tapi apakah kaya, bahkan kaya raya, tanpa kerja itu menyehatkan jiwa? Pasti tidak!

Leo Tolstoy, seorang pengarang Rusia yang terkenal, mengarang sebuah cerita sebagai berikut: Pada suatu hari iblis mencari seseorang yang semula murah hati untuk dijadikan kikir, yang semula berserah akan dijadikan serakah dan cepat marah. Setelah berputar-putar ke sana kemari, akhirnya iblis memilih seorang petani miskin yang pada waktu itu dilihatnya sedang bekerja di ladang. “Nah, petani miskin ini akan kujadikan lebih miskin. Pasti ia akan menjadi kikir dan serakah.”

Sebagai langkah pertama, iblis mencuri bekal makanan milik petani itu. Pada waktu makan siang tiba, petani itu mencari-cari bekalnya, dan ia merasa heran. “Aneh, tadi kutaruh di sini. Kok sekarang tidak ada.” Wah, ia pasti akan merasa lapar sepanjang hari itu. Pikir petani itu. Tetapi petani itu berkata di dalam hatinya, “Nggak apa apa, lah. Mungkin yang mencuri membutuhkan makanan itu daripada diriku.”

Karuan saja iblis merasa heran melihat reaksi petani itu. Makanannya hilang, kok iklas dan damai. Rencana si iblis gagal total. Dengan lesu ia melapor pada iblis lain. Bukannya dikasihani, ia malah ditertawakan teman-temannya itu. “Pantas saja kau gagal,” kata mereka. “Kalau mau membuat seseorang kikir dan serakah, jangan jadikan ia miskin. Jadikan dia kaya.”

Mendapat saran rekan-rekannya, si iblis segera tanpa membuang banyak waktu segera menyusun rencana baru. Ia memberi kesuburan khusus pada ladang petani itu. Ketika para petani lain mengeluh karena mengalami gagal panen, ia malah mengalami kelimpahan panen. Lumbungnya dipenuhi gandum. Petani itu mendadak menjadi kaya.

Lalu si iblis memberi ilham pada petani itu, “Bukankah kelebihan gandum ini dapat dijadikan vodka?” Dan ternyata minuman keras bikinan petani itu laku keras. Amat digemari oleh orang-orang kota. Petani itu menjadi semakin kaya.

Akan tetapi, apa yang terjadi pada dirinya sesudah ia menjadi orang kaya? Sekarang ia suka berfoya-foya dan mabuk-mabukan. Dalam keadaan mabuk ia menagih tetangga-tetangganya untuk mengembalikan gandum yang mereka pinjam. Ia langsung naik pitam ketika mereka belum sanggup melunasi hutang mereka kepadanya. Maklum sedang masa paceklik. Tetapi ia tidak peduli. Ia memaki-maki.

Bukan cuma itu. Keluarga petani yang semula tenang dan damai berubah menjadi ketegangan. Umpamanya, hanya karena istrinya menumpahkan sedikit vodka, petani itu marah bukan kepalang. “Bodoh! Kamu kira ini air hujan? Ini vodka. Mahal harganya!” Misi si iblis terselesaikan dengan baik. si iblis menang.

Alkitab sering berbicara lantang tentang tentang kekayaan. Tuhan Yesus bahkan pernah berkata. “Alangkah sukarnya orang kaya masuk ke dalam kerajaan surga. Lebih mudah seekor unta masuk ke dalam lobang jarum.”

Tetapi walaupun demikian, Alkitab tidak anti kekayaan. Alkitab tidak membenci orang kaya. Tuhan Yesus sendiri mempunyai pengikut yang kaya raya. Misalnya; Yusuf dari Arimatea. Juga para wanita yang melayani rombongan Yesus dengan kekayaan mereka.

Sebenarnya kekayaan itu bersifat netral. Tidak jahat atau baik kepada dirinya. Bahkan bisa amat positif. Kekayaan menjadi baik atau menjadi jahat, ditentukan oleh tiga hal: Pertama, oleh bagaimana kekayaan itu diperoleh. Dengan cara yang halal atau haram. Kedua, oleh apa dampaknya bagi si pemilik. Menyejahterakan atau menghancurkan. Ketiga, oleh bagaimana atau untuk apa kekayaan itu dimanfaatkan. Untuk kebaikan atau untuk kejahatan.

Rasul Paulus menulis. ”Peringatkanlah orang-orang kaya di dunia ini. Agar mereka jangan tinggi hati dan jangan berharap pada sesuatu yang tak tentu seperti kekayaan, melainkan pada Allah yang dalam kekayaan-Nya memberi kepada kita segala sesuatu yang dinikmati. Peringatkanlah agar mereka itu berbuat baik, menjadi kaya dalam kebajikan, suka memberi dan membagi.” (1 Timotius 6:17-18).

Rasul Paulus tidak menuntut orang-orang kaya di dunia agar mereka menjadi miskin. Sama sekali tidak! Ia hanya memperingatkan mereka tiga hal: Pertama, jangan tinggi hati. Kesombongan adalah pencobaan yang paling sering dihadapi oleh orang kaya. Pamer diri dan merendahkan orang lain. Bahkan Malinkundang yang dalam perantauan menjadi kaya, tega tidak mengakui perempuan yang pernah mengandung dan melahirkan sebagai ibu kandungnya. Kedua, jangan berharap pada sesuatu yang tidak tentu seperti kekayaan. Pencuri, karat ngengat dan inflasi dapat melenyapkan kekayaan. Bahkan tidak mustahil terjadi, orang yang tidur sebagai orang kaya, bangun sebagai orang miskin. Ketiga, jadilah seorang yang bermurah hati. Orang kaya dalam perumpamaan Tuhan Yesus yang tercantum dalam Lukas 16: 19-31 mendapati dirinya dalam neraka, bukan disebabkan kekayaannya, melainkan oleh ketidakpeduliannya terhadap Lazarus yang miskin, yang tergeletak di dekat pintu rumahnya.

Ada lagi perumpamaan Tuhan Yesus tentang orang kaya. Itu dapat kita baca dalam Lukas 12:16-20. Diceritakan bahwa ia adalah pengusaha agro-bisnis yang sukses dan kaya luar biasa. Persoalan timbul ketika ia tidak tahu lagi di mana ia bisa menyimpan hasil panennya yang melimpah ruah. Tapi tidak terlalu lama ia terbingung-bingung. Dengan sigap, cepat dan tepat ia memecahkan masalah. “Inilah yang akan aku perbuat, aku akan merombak lumbung-lumbungku dan mendirikan yang lebih besar.” Hebat, bukan? Tetapi Allah menyebut orang ini bodoh. Kenapa? Mengapa?

Ia disebut bodoh bukan karena kekayaannya, bukan karena ia orang kaya. Ia disebut bodoh karena karena tiga hal:Pertama, Ia menganggap sesuatu yang sebenarnya cuma alat sebagai tujuan. Sandang, pangan dan papan itu penting. Siapa berani berkata tidak? Tetapi penting sebatas sebagai alat. Tapi orang kaya ini menganggap sebagai tujuan hidup. “Jiwaku, ada padamu banyak harta, tertimbun untuk bertahun-tahun lamanya. Makanlah, minumlah dan bersenang-senanglah.” Kedua, dalam mabuk rasa berpuas diri ia mengabaikan sesama. Dalam monolognya ia terlalu banyak mengucapkan kata, “aku” atau “ku”. Tak ada lagi tempat baginya untuk orang lain. Ketiga, ia mengabaikan Tuhan. Dalam monolognya itu tak sekalipun ia menyebut nama Tuhan.

Alkitab memang sering berkata lantang tentang kekayaan. Tetapi ia juga tidak kurang sering berbicara tentang kemiskinan dan orang miskin.

Lebih dari satu kali Alkitab mengatakan bahwa Tuhan berpihak pada orang miskin dan tertindas dan menjadi pembela mereka. Walaupun demikian, jangan salah duga, Alkitab tidak mengidealkan kemiskinan. Juga Alkitab tidak mengidentikkan kemiskinan dengan kesalehan.

Kalau Anda sekarang ini orang kaya, perhatikanlah tiga hal: Pertama, mawas diri. Dalam Amsal 6:6-11 dikatakan bahwa kemiskinan tidak mustahil disebabkan oleh kemalasan atau dapat dikatakan bahwa kemalasan dapat menjadikan seseorang itu miskin. Nah, cobalah Anda mawas diri. Apakah Anda selama ini seperti itu? Kalau iya, bertobatlah! Kedua, jangan minder. Jangan rendah diri. Walaupun Anda orang miskin, Anda berhak hadir bersama orang-orang yang jauh lebih kaya daripada Anda. Walaupun sebagai orang miskin mungkin Anda tidak mampu membeli ini dan itu tetapi Anda mempunyai iman kepada Allah, semangat, sukacita, pengharapan dan sebagainya. Jadi, kenapa mesti minder? Jangan! Ketiga, berusahalah untuk meningkatkan taraf hidup ekonomi dengan tetap berpegang pada prinsip-prinsip iman secara konsisten. Belajar dari perumpamaan talenta, kita mesti terpacu untuk mengembangkan talenta yang Tuhan percayakan kepada kita sehingga berlipat.

Dalam 1 Timotius 6:9 Rasul Paulus menulis, “Tetapi mereka yang ingin kaya terjatuh ke dalam keruntuhan dan kebinasaan.” Di sini yang dianggap salah bukanlah keinginan untuk menjadi kaya. Bukan. Ingin kaya sih oke-oke saja. Yang salah adalah kalau ambisi untuk jadi kaya itu menjadikan seseorang lupa diri dan terutama lupa Tuhan, sehingga ia terjatuh ke dalam percobaan, ke dalam jerat dan ke dalam berbagai nafsu yang hampa dan yang mencelakakan. Jadi? Pingin kaya, oke. Bahkan setiap orang harus berjuang untuk meningkatkan taraf hidup ekonominya. Tapi tetaplah berpegang pada prinsip-prinsip iman.