Jamita Parningotan Ari Hananaek ni Tuhan Jesus
& HUT 81 Taon HKI
Tanggal, 01 Mei 2008
Nats : Heber 11 : 5 - 6
Pdt. Tony L. Hutagalung, MSc
Ka. Dep. Koinonia
& HUT 81 Taon HKI
Tanggal, 01 Mei 2008
Nats : Heber 11 : 5 - 6
Pdt. Tony L. Hutagalung, MSc
Ka. Dep. Koinonia
Patuduhon ma Haporseaon i
Patujolo
Ia turpuk jamaita on mansai bagas marpardomuan tu epistle na tarsurat 1 Musa 5: 21-24, jala surat Heber bindu sampulu sada on ima sada bagian bolon do on mulai sian mulai ayat 1 sahat tu ayat 40. Di ayat 1 didok do disi taringot tu haporseaon ima pos ni roha di angka sihirimon, jala pamatoan na tontu taringot tu na so niida. Godang tudosan taringot tu parhaposeaon na denggan, jala sada sian i ima si Henok na gabe sipahusorhusoron sian pardalanan ni ngoluna. Ditaringoti surat Heber on do sada halak na porsea na margoar si Henok, na manaek tu banua ginjang, so pola jolo diida hamatean songon na somal di portibi on ima sian angka pinompar ni si Adam. Hape nunga didok Debata, molo mardosa jolma i ingkon do mate, jala saut do tutu mate jolma i alani dosa i. Antong na so mardosa do si Henok? Nian ndang adong didok di turpuk on na so mardosa ibana, alai ibana nunga pinompar ni halak pardosa. Antong boasa tarhinsat ibana tu banua ginjang so pola diida hamatean? On ma na mansai arga naeng idaonta di turpukta on. Mansai ringkot do uhalonta bagas impola na arga sian parngoluon ni si Henok on.
Hatorangan ni turpuk
Di 1 Musa 5:21-24 didok do disi ia si Henok marumur 365 taon jala sai marparange do ibana mardonganhon Debata. Pola dua hali didok disi na sai marparange ibana mardonganhon Debata. Dibagasan umur na sai ganjang i dipatuduhon ibana roha dohot pangalaho na denggan tu Debata. Alai ndada holan alani i, lobi sian i adong sada hal na arga di parngoluon ni ibana ima na nidokna di ayat 5 di turpukta on : “Haporseaon”. Andorang so tarhinsat si Henok tu banua ginjang, dihantindangkon do ibana, halomoan ni Debata. On ma sada rahasia di parngoluon ni si Henok, ai anggo so marhaporseaon ndang tarbahen halomoan (ay. 6). Songon dia huroha haporseaon i? Ia si Henok ndada holan porsea boti, jala porsea holan di ngolu sangombas, alai tung dipatuduhon do i di umur na ganjang, lelengna 365 taon. Godang na arga sipareahan di bagasan haporseaon ima: kesetiaan, serep ni roha, pangoloion dohot pasahathon nasa roha dohot pikkiran tu Debata.
Songon tudosan di bagasan ngolunta siganup ari isarana molo ‘porsea’ hita tu sasahalak jotjot do holan sangombas jala ndang togu. Godang faktor na masa disi, ima bagas ni partinandaanta dohot angka kepentingan. Molo ndang bagas dope tatanda seseorang, tontu sai ragu dope hita marnida ibana. Ala ni angka kapentingan na marragam olo do gabe ragu hita.Alani ima, partinandaan na bagas dohot pansumeahonon ni diri ido impola ni haporseaon i. Si Henok bagas mananda ise do Debata, ndang ragu be ibana disi. Ibana nampuna godang kepentingan di ngoluna tu Debata, alai Debata holan dua do kepentinganna tu si Henok nang tu saluhut jolma, ima mangoloi hataNa dohot mamuji goarNa.
Na mardalan do ngolu ni jolma i di hasiangan on, suang songon si Henok lelengna 365 taon. Ndang ragu ibana di rencana ni Debata dohot na naeng pamasaon ni Debata di ngoluna. Nang pe godang hamaolon, ganjanag ariari siboluson laho manalpuhon hamaolon i, alai ndang ragu si Henok disi, sai marparange do ibana mardonganhon Debata. Alani i dapot ibana do upa sian Debata ima tarhinsat tu banua ginjang so pola diida hamatean.
Sipahusorhusoron di bagasan roha
Molo tapahombar jamita on tu pestanta sadari on ima na marningot hita di ari Hananaek ni Tuhan Jesus tu banua ginjang, na paingothon do turpuk on tu ngolunta marsada-sada ima hasatiaon tu Debata. Hasatiaon dohot haporseaon na marpardomuan do i mansai bagas. Songon naung dipatorang di bagian parjolo ni turpukta on, ala naung porsea situtu do si Henok tu Debata gabe adong pansumeahonon ni diri. Laos jumping hita do i nang di parngoluon i Tuhan Jesus, ai pangoloi do Ibana tu Amana na di banua ginjang i sahat tu ujung ni ngoluna di hasiangan on.
Sebagai halak Kristen hita, nunga bagas tatanda Debata jala tahaporseai Ibana? On ma sungkun-sungkun na sai ingkon pasunggulhononta tu dirinta. Di na mardalan hita di sisik ni tano on, tontu godang do hamaolon. Martamba-tamba angka hamaolon ganup ari na mambahen loja jala holsoan jolma i di ngoluna. Di naung lam torop jolma di hsiangan on, tamba ma persaingan hidup di ekonomi dohot politik. Parbinotoan lam bagas, laos ro do pangangkalion na lam godang. Di naung lam godang halak na mora, laos ro do halak na mangonggop hamoaraonna i. Ndang mardia imbar jolma i ditinggang udan dohot las ni ari di hasiangan on, halak na porsea nang na so porsea. Holan na mambedahon ima, ia halak na porsea adong dope sihirimonna ima surgo hasonangan na pinarade ni Ama i. Tusi do nang si Henok tarhinsat dibahen Debata. Tagamon do ulaning sahat hita tusi?
Molo tapaheba-heba turpuk on, jumpang hita do las ni roha dohot pos ni roha di bagasan ngolunta. Ai nang Tuhanta Jesus pe, godang do hamaolon diadopi Ibana di hasiangan on, sian angka panggomgomi (pamarenta), sian tokoh agama (malim), sian angka pardosa, nang sian angka jolma na mangihuthon ibana (siseanna sandiri). Ndang dihalomohon godang sian nasida hata ni Tuhan Jesus, ai dihatahon Ibana do hata na sintong, dipinsang ibana do halak na sala, ndang olo ibana mangoloi manang mangihuthon halak na sala. Nang hita pe ra, di naung taguhuruhon Hata ni Tuhan i, gabe taboto jala taantusi do na sintong dohot na sala di portibi on. Laho manghatindangkon na sintong i dohot maminsang na sala i, gabe sada hamaolon do i di ngolunta jala jotjot mambahen hita ndang setia dohot ragu haporseaonta tu Debata. On ma na naeng bagas siparungkilhononta. Alai taingot ma, ima ujian i. Di bindu 11 turpuk jamitanta on pe ditaringoti do disi haporseaon ni si Abraham. Ibana pe godang do ujian diadopi ibana, alai ala monang ibana, gabe taruli do ibana di las ni roha, tumpal na na sonang i. Setia ibana, ndang ragu ibana di hata ni Debata.
Suang ma nian songon haporseaon ni si Henok, naeng patuduhon ma di ngolunta, na halomoan ni Debata do hita marhitehite angka parange nang pikkiranta pe. Sada las ni roha nang pos ni roha di angka na marhaporseaon tu Debata ima paboa na di surgo di lambung ni Ama i do smbulonta. Ia portibi on, mulai sian na robi shat tu saonari nunga gok hajahaton dohot halumlamon. Partangisan do ianggo portibi on, surgo i do na tongtong. Antong, pos ma roham di Tuhanta i. Tuhan Jesus pe nunga dilehon jaminan : Nunga hutaluhon portibi on. Alani i, nang pe uju di hasiangan on hita, lehonon ni Debata do huaso dohot gogo di hita berjuang demi haporseaonta tu Tuhan i.
Antong, pasada roham jala pahibul pikkiranmu mangoloi Tuhanta i. Marparange ma ho mardonganhon Debata, ai disarihon do ho. Lehononna ma tumpal hangoluan tu angka na satia sahat tu ujungna. “Sai burju ma ho rasirasa mate, dungi helohonku ma tu ho tumpal hangoluan i” (Pangk. 2: 10b). Amen.
Ia turpuk jamaita on mansai bagas marpardomuan tu epistle na tarsurat 1 Musa 5: 21-24, jala surat Heber bindu sampulu sada on ima sada bagian bolon do on mulai sian mulai ayat 1 sahat tu ayat 40. Di ayat 1 didok do disi taringot tu haporseaon ima pos ni roha di angka sihirimon, jala pamatoan na tontu taringot tu na so niida. Godang tudosan taringot tu parhaposeaon na denggan, jala sada sian i ima si Henok na gabe sipahusorhusoron sian pardalanan ni ngoluna. Ditaringoti surat Heber on do sada halak na porsea na margoar si Henok, na manaek tu banua ginjang, so pola jolo diida hamatean songon na somal di portibi on ima sian angka pinompar ni si Adam. Hape nunga didok Debata, molo mardosa jolma i ingkon do mate, jala saut do tutu mate jolma i alani dosa i. Antong na so mardosa do si Henok? Nian ndang adong didok di turpuk on na so mardosa ibana, alai ibana nunga pinompar ni halak pardosa. Antong boasa tarhinsat ibana tu banua ginjang so pola diida hamatean? On ma na mansai arga naeng idaonta di turpukta on. Mansai ringkot do uhalonta bagas impola na arga sian parngoluon ni si Henok on.
Hatorangan ni turpuk
Di 1 Musa 5:21-24 didok do disi ia si Henok marumur 365 taon jala sai marparange do ibana mardonganhon Debata. Pola dua hali didok disi na sai marparange ibana mardonganhon Debata. Dibagasan umur na sai ganjang i dipatuduhon ibana roha dohot pangalaho na denggan tu Debata. Alai ndada holan alani i, lobi sian i adong sada hal na arga di parngoluon ni ibana ima na nidokna di ayat 5 di turpukta on : “Haporseaon”. Andorang so tarhinsat si Henok tu banua ginjang, dihantindangkon do ibana, halomoan ni Debata. On ma sada rahasia di parngoluon ni si Henok, ai anggo so marhaporseaon ndang tarbahen halomoan (ay. 6). Songon dia huroha haporseaon i? Ia si Henok ndada holan porsea boti, jala porsea holan di ngolu sangombas, alai tung dipatuduhon do i di umur na ganjang, lelengna 365 taon. Godang na arga sipareahan di bagasan haporseaon ima: kesetiaan, serep ni roha, pangoloion dohot pasahathon nasa roha dohot pikkiran tu Debata.
Songon tudosan di bagasan ngolunta siganup ari isarana molo ‘porsea’ hita tu sasahalak jotjot do holan sangombas jala ndang togu. Godang faktor na masa disi, ima bagas ni partinandaanta dohot angka kepentingan. Molo ndang bagas dope tatanda seseorang, tontu sai ragu dope hita marnida ibana. Ala ni angka kapentingan na marragam olo do gabe ragu hita.Alani ima, partinandaan na bagas dohot pansumeahonon ni diri ido impola ni haporseaon i. Si Henok bagas mananda ise do Debata, ndang ragu be ibana disi. Ibana nampuna godang kepentingan di ngoluna tu Debata, alai Debata holan dua do kepentinganna tu si Henok nang tu saluhut jolma, ima mangoloi hataNa dohot mamuji goarNa.
Na mardalan do ngolu ni jolma i di hasiangan on, suang songon si Henok lelengna 365 taon. Ndang ragu ibana di rencana ni Debata dohot na naeng pamasaon ni Debata di ngoluna. Nang pe godang hamaolon, ganjanag ariari siboluson laho manalpuhon hamaolon i, alai ndang ragu si Henok disi, sai marparange do ibana mardonganhon Debata. Alani i dapot ibana do upa sian Debata ima tarhinsat tu banua ginjang so pola diida hamatean.
Sipahusorhusoron di bagasan roha
Molo tapahombar jamita on tu pestanta sadari on ima na marningot hita di ari Hananaek ni Tuhan Jesus tu banua ginjang, na paingothon do turpuk on tu ngolunta marsada-sada ima hasatiaon tu Debata. Hasatiaon dohot haporseaon na marpardomuan do i mansai bagas. Songon naung dipatorang di bagian parjolo ni turpukta on, ala naung porsea situtu do si Henok tu Debata gabe adong pansumeahonon ni diri. Laos jumping hita do i nang di parngoluon i Tuhan Jesus, ai pangoloi do Ibana tu Amana na di banua ginjang i sahat tu ujung ni ngoluna di hasiangan on.
Sebagai halak Kristen hita, nunga bagas tatanda Debata jala tahaporseai Ibana? On ma sungkun-sungkun na sai ingkon pasunggulhononta tu dirinta. Di na mardalan hita di sisik ni tano on, tontu godang do hamaolon. Martamba-tamba angka hamaolon ganup ari na mambahen loja jala holsoan jolma i di ngoluna. Di naung lam torop jolma di hsiangan on, tamba ma persaingan hidup di ekonomi dohot politik. Parbinotoan lam bagas, laos ro do pangangkalion na lam godang. Di naung lam godang halak na mora, laos ro do halak na mangonggop hamoaraonna i. Ndang mardia imbar jolma i ditinggang udan dohot las ni ari di hasiangan on, halak na porsea nang na so porsea. Holan na mambedahon ima, ia halak na porsea adong dope sihirimonna ima surgo hasonangan na pinarade ni Ama i. Tusi do nang si Henok tarhinsat dibahen Debata. Tagamon do ulaning sahat hita tusi?
Molo tapaheba-heba turpuk on, jumpang hita do las ni roha dohot pos ni roha di bagasan ngolunta. Ai nang Tuhanta Jesus pe, godang do hamaolon diadopi Ibana di hasiangan on, sian angka panggomgomi (pamarenta), sian tokoh agama (malim), sian angka pardosa, nang sian angka jolma na mangihuthon ibana (siseanna sandiri). Ndang dihalomohon godang sian nasida hata ni Tuhan Jesus, ai dihatahon Ibana do hata na sintong, dipinsang ibana do halak na sala, ndang olo ibana mangoloi manang mangihuthon halak na sala. Nang hita pe ra, di naung taguhuruhon Hata ni Tuhan i, gabe taboto jala taantusi do na sintong dohot na sala di portibi on. Laho manghatindangkon na sintong i dohot maminsang na sala i, gabe sada hamaolon do i di ngolunta jala jotjot mambahen hita ndang setia dohot ragu haporseaonta tu Debata. On ma na naeng bagas siparungkilhononta. Alai taingot ma, ima ujian i. Di bindu 11 turpuk jamitanta on pe ditaringoti do disi haporseaon ni si Abraham. Ibana pe godang do ujian diadopi ibana, alai ala monang ibana, gabe taruli do ibana di las ni roha, tumpal na na sonang i. Setia ibana, ndang ragu ibana di hata ni Debata.
Suang ma nian songon haporseaon ni si Henok, naeng patuduhon ma di ngolunta, na halomoan ni Debata do hita marhitehite angka parange nang pikkiranta pe. Sada las ni roha nang pos ni roha di angka na marhaporseaon tu Debata ima paboa na di surgo di lambung ni Ama i do smbulonta. Ia portibi on, mulai sian na robi shat tu saonari nunga gok hajahaton dohot halumlamon. Partangisan do ianggo portibi on, surgo i do na tongtong. Antong, pos ma roham di Tuhanta i. Tuhan Jesus pe nunga dilehon jaminan : Nunga hutaluhon portibi on. Alani i, nang pe uju di hasiangan on hita, lehonon ni Debata do huaso dohot gogo di hita berjuang demi haporseaonta tu Tuhan i.
Antong, pasada roham jala pahibul pikkiranmu mangoloi Tuhanta i. Marparange ma ho mardonganhon Debata, ai disarihon do ho. Lehononna ma tumpal hangoluan tu angka na satia sahat tu ujungna. “Sai burju ma ho rasirasa mate, dungi helohonku ma tu ho tumpal hangoluan i” (Pangk. 2: 10b). Amen.