Jamita tu Minggu 1 Dung Trinitatis
Tanggal, 25 Mei 2008
Nats : Mateus 4 : 18 - 22
Oleh : Pdt. Mangampu Sipahutar, S.Th
Pendeta HKI Res. Bagan Batu
Gabe Sijala Jolma
1. Tung saluhut do ulaon na pinatupa ni Jesus di namardalan Ibana manopot angka luat nang marsaor dohot angka pangisina pararathon barita haluaon tu ganup jolma asa marhamubaon ni roha laho manjalo haluaon nang hangoluan, ai nunga jonok harajaon ni Debata (ay. 17). Ditopot Jesus do jolma i saluhutna hombar tu angka siulaonna be, ndang marimbar jolma i diadopanNa tarlumobima di adopan ni Debata ai saluhut do jolma i na tinompaNa. Laho pararathon barita taringot tu harajaon ni Debata, naeng pangkeon ni Jesus sian tonga-tonga ni jolma asa i parsidohot gabe sitindangi tu liat portibion. Ro do Jesus manopot jolma i sekaligus laho mamilit jolma i gabe ulaulaNa marhite sian ragam ni profesi manang kegiatan masing-masing, petani, nelayan, pelaku ekonomi, dna. Sandok sude do di rohaNa talup gabe inganan ni hata ni Debata jala parbaritaon taringot tu hata ni Debata ndang tarambati marhite status, tempat, ruang dohot waktu.
2. Pamilliton ni Jesus tu sisean-Na boi do dohonon aneh tapi nyata. Jesus ndang mangharingkothon pamilliton i tu angka kaum elit manang tu angka jolma na mempunyai popularitas. Tung mansai tangkas do taida si Petrus, Jakobus, si Johannes, saluhut do nasida magodang di pardengkean. Toropan do angka sisean i dipillit Jesus sian lingkungan ni halak na so pola masuk hitungan, angka na maringanan di topi ni aek, manang angka nelayan ma i digoari dipartingkian si nuaeng on na tarmasuk tu horong ni masyarakat kecil. Asa pamilliton ni Jesus tu angka sisean pardengke i boi gabe mamboan perobahan tersendiri di ngolu ni jolma uju i nang di hita nuaeng. Panjouon ni Jesus di turpuk on tu angka sisean i ima secara langsung, ai ro do Jesus mandapothon nasida tu ganup ulaon nasida, tingki manampakkon jala, sipauli jala, sandok di ragam ni kesibukan nasida be. Jesus sandiri do manjou nasida tu ulaon panghobasion i, jala ndang pole adong tahap seleksi (audisi) di bahen Jesus, alai secara pasti dipillit Ibana angka nasida marhite huaso na sian Debata. Sada hal na menarik sian hadirion ni angka sisean i ima haunduhon nasida manangihon joujou ni Jesus, ndang adong pola adong tanya jawab di nasida. Ala Jesus do nampuna ulaon i ndang pola adong sihaginjangkonon, sipangasahonon, hasangapon ni na nijou i, asa molo tung pe berhasil nasida mangula ulaon i, Debata do namarsangap di si.
3. Haunduhon di jou jou ni Jesus, i do ummarga sian saluhut. Ditadingkon angka sisean i do saluhut ulaon (aktivitas) nasida, hape nian marhite i do nasida boi patupahon na ringkot di tonga-tonga ni
keluarga, ianggo Jesus ndang adong dijanjihon penghasilan na tumimbo sian na manjala dengke i (secara materi). Keputusan ni sisean i mangoloi panjouon ni Jesus ndada na mandok na so diperhitungkan ngolu ni angka pardengke. Dilehon Jesus do hagogoon di nasida marhite na mandok : “ihuthon hamu ma Ahu : bahenonKu ma hamu gabe si jala jolma”. On ma na patoguhon jala margogoihon roha ni angka sisean i, ummarga do hape ulaon ni Tuhan i.
Panimpuli
1 . Pamilliton ni Jesus to angka sisean i gabe sada hataridaan ni ngolu ni angka jolma na porsea asa mangolu ibana, gabe diarahon torop halak asa tumanda Debata.
2. Ringkot ni namangihuthon Jesus ndang na mandok asa tinggalhonon sude ulaon manang profesi. Mangihuthon Jesus na marlapatan do i mangula di bagasan lasniroha huhut pararathon barita nauli marhite ragam ni angka ulaonta be, asa marhite i saluhutna marsangap ma Ibana na ro manogu hita
3. Adong roha namarhaunduhon dohot semangat kerja. Di bagasan situasi na mangula ulaonna be dijou Jesus angka sisean i nang pe naung loja be dagingna, ala Jesus namarsuru/manjou, las do roha nasida mangulahonsa. Asa i do songon hata ni situa-tua na mandok : baris baris ni gaja di rura pangaloan, molo marsuru raja, dae so oloan.
4. Sada las ni roha hita sude warga HKI, tingki on ari na lehet ma di hita ala dipaloas Debata dope hita saluhut manggulmit tarlumobi ma di hurianta HKI naung boho marumur 81 taon. Marhite turpuk on nang pardalanan ni Huria naung sahat tu 81 taon, hita sude di topot Jesus jala ditogihon hita asa gabe sitindangi jala parsidohot pararathon hata ni Debata tu na humaliang hita nang tu sandok portibion marhite parange, roha, pamingkirion nang gogonta be. HKI terpanggil dan diutus untuk melayani dan bersaksi tentang kehadiran dirinya ditengah-tengah dunia dan masyarakat supaya menjadi terang dan garam yang mampu memberikan perobahan secara khusus ditengah dunia yang semakin berubah. Panjouon ni Debata tu sisean i nang tu hita saluhut warga HKI naeng oloanta Debata tingki on asa parsidohot hita parhobas jala dapotan haluaon ima lasniroha na tahirim i. Naeng tahangoluhon di panggulmiton ni ngolunta, paboa naung dipilit Debata do hita gabe bangsoNa, gabe anak dohot boruNa, asa sude hita ruas ni HKI rap hehe to ulaon panghobasion, marhite gogo, sibahenon nang tangiang. Ala rap tarjou do hita saluhutna patulushon parsuru ni Tuhan i, gabe sijala jolma ma hita. Marhite pangoloionta di panjouon i, sude ruas ni HKI nang halak Kristen saluhutna porsea di Jesus nang tu Debata. Marhite panjouon ni Jesus i naeng gabe sitindangi hita di dirinta, di keluarganta, di nahumaliang hita pe marsadasada. Asa ndada holan angka parhobas di jou jamita on gabe parbarita nauli, alai dohot do hurianta HKI secara khusus marlasniroha di naung boho 81 taon manjunjung baringinna. Selamat ma di hurianta, Tuhan memberkati.
Tanggal, 25 Mei 2008
Nats : Mateus 4 : 18 - 22
Oleh : Pdt. Mangampu Sipahutar, S.Th
Pendeta HKI Res. Bagan Batu
Gabe Sijala Jolma
1. Tung saluhut do ulaon na pinatupa ni Jesus di namardalan Ibana manopot angka luat nang marsaor dohot angka pangisina pararathon barita haluaon tu ganup jolma asa marhamubaon ni roha laho manjalo haluaon nang hangoluan, ai nunga jonok harajaon ni Debata (ay. 17). Ditopot Jesus do jolma i saluhutna hombar tu angka siulaonna be, ndang marimbar jolma i diadopanNa tarlumobima di adopan ni Debata ai saluhut do jolma i na tinompaNa. Laho pararathon barita taringot tu harajaon ni Debata, naeng pangkeon ni Jesus sian tonga-tonga ni jolma asa i parsidohot gabe sitindangi tu liat portibion. Ro do Jesus manopot jolma i sekaligus laho mamilit jolma i gabe ulaulaNa marhite sian ragam ni profesi manang kegiatan masing-masing, petani, nelayan, pelaku ekonomi, dna. Sandok sude do di rohaNa talup gabe inganan ni hata ni Debata jala parbaritaon taringot tu hata ni Debata ndang tarambati marhite status, tempat, ruang dohot waktu.
2. Pamilliton ni Jesus tu sisean-Na boi do dohonon aneh tapi nyata. Jesus ndang mangharingkothon pamilliton i tu angka kaum elit manang tu angka jolma na mempunyai popularitas. Tung mansai tangkas do taida si Petrus, Jakobus, si Johannes, saluhut do nasida magodang di pardengkean. Toropan do angka sisean i dipillit Jesus sian lingkungan ni halak na so pola masuk hitungan, angka na maringanan di topi ni aek, manang angka nelayan ma i digoari dipartingkian si nuaeng on na tarmasuk tu horong ni masyarakat kecil. Asa pamilliton ni Jesus tu angka sisean pardengke i boi gabe mamboan perobahan tersendiri di ngolu ni jolma uju i nang di hita nuaeng. Panjouon ni Jesus di turpuk on tu angka sisean i ima secara langsung, ai ro do Jesus mandapothon nasida tu ganup ulaon nasida, tingki manampakkon jala, sipauli jala, sandok di ragam ni kesibukan nasida be. Jesus sandiri do manjou nasida tu ulaon panghobasion i, jala ndang pole adong tahap seleksi (audisi) di bahen Jesus, alai secara pasti dipillit Ibana angka nasida marhite huaso na sian Debata. Sada hal na menarik sian hadirion ni angka sisean i ima haunduhon nasida manangihon joujou ni Jesus, ndang adong pola adong tanya jawab di nasida. Ala Jesus do nampuna ulaon i ndang pola adong sihaginjangkonon, sipangasahonon, hasangapon ni na nijou i, asa molo tung pe berhasil nasida mangula ulaon i, Debata do namarsangap di si.
3. Haunduhon di jou jou ni Jesus, i do ummarga sian saluhut. Ditadingkon angka sisean i do saluhut ulaon (aktivitas) nasida, hape nian marhite i do nasida boi patupahon na ringkot di tonga-tonga ni
keluarga, ianggo Jesus ndang adong dijanjihon penghasilan na tumimbo sian na manjala dengke i (secara materi). Keputusan ni sisean i mangoloi panjouon ni Jesus ndada na mandok na so diperhitungkan ngolu ni angka pardengke. Dilehon Jesus do hagogoon di nasida marhite na mandok : “ihuthon hamu ma Ahu : bahenonKu ma hamu gabe si jala jolma”. On ma na patoguhon jala margogoihon roha ni angka sisean i, ummarga do hape ulaon ni Tuhan i.
Panimpuli
1 . Pamilliton ni Jesus to angka sisean i gabe sada hataridaan ni ngolu ni angka jolma na porsea asa mangolu ibana, gabe diarahon torop halak asa tumanda Debata.
2. Ringkot ni namangihuthon Jesus ndang na mandok asa tinggalhonon sude ulaon manang profesi. Mangihuthon Jesus na marlapatan do i mangula di bagasan lasniroha huhut pararathon barita nauli marhite ragam ni angka ulaonta be, asa marhite i saluhutna marsangap ma Ibana na ro manogu hita
3. Adong roha namarhaunduhon dohot semangat kerja. Di bagasan situasi na mangula ulaonna be dijou Jesus angka sisean i nang pe naung loja be dagingna, ala Jesus namarsuru/manjou, las do roha nasida mangulahonsa. Asa i do songon hata ni situa-tua na mandok : baris baris ni gaja di rura pangaloan, molo marsuru raja, dae so oloan.
4. Sada las ni roha hita sude warga HKI, tingki on ari na lehet ma di hita ala dipaloas Debata dope hita saluhut manggulmit tarlumobi ma di hurianta HKI naung boho marumur 81 taon. Marhite turpuk on nang pardalanan ni Huria naung sahat tu 81 taon, hita sude di topot Jesus jala ditogihon hita asa gabe sitindangi jala parsidohot pararathon hata ni Debata tu na humaliang hita nang tu sandok portibion marhite parange, roha, pamingkirion nang gogonta be. HKI terpanggil dan diutus untuk melayani dan bersaksi tentang kehadiran dirinya ditengah-tengah dunia dan masyarakat supaya menjadi terang dan garam yang mampu memberikan perobahan secara khusus ditengah dunia yang semakin berubah. Panjouon ni Debata tu sisean i nang tu hita saluhut warga HKI naeng oloanta Debata tingki on asa parsidohot hita parhobas jala dapotan haluaon ima lasniroha na tahirim i. Naeng tahangoluhon di panggulmiton ni ngolunta, paboa naung dipilit Debata do hita gabe bangsoNa, gabe anak dohot boruNa, asa sude hita ruas ni HKI rap hehe to ulaon panghobasion, marhite gogo, sibahenon nang tangiang. Ala rap tarjou do hita saluhutna patulushon parsuru ni Tuhan i, gabe sijala jolma ma hita. Marhite pangoloionta di panjouon i, sude ruas ni HKI nang halak Kristen saluhutna porsea di Jesus nang tu Debata. Marhite panjouon ni Jesus i naeng gabe sitindangi hita di dirinta, di keluarganta, di nahumaliang hita pe marsadasada. Asa ndada holan angka parhobas di jou jamita on gabe parbarita nauli, alai dohot do hurianta HKI secara khusus marlasniroha di naung boho 81 taon manjunjung baringinna. Selamat ma di hurianta, Tuhan memberkati.