Jamita tu Minggu Trinitatis
Tanggal, 18 Mei 2008
Nats : 1 Johannes 5: 18 - 21
Pdt. Helder Purba, S.Th
Pendeta HKI Res. Siantar III
Tanggal, 18 Mei 2008
Nats : 1 Johannes 5: 18 - 21
Pdt. Helder Purba, S.Th
Pendeta HKI Res. Siantar III
Marhiras Niroha ma Hamu, Ala Naung di hamu Ngolu na Salelenglelengna
l. Surat 1 Johannes on ditongos tu tongatonga ni huria dohot angka halak Kristen na ganggu roha dohot haporseaonna, ala ni angka poda haliluon na hehe ditingki i, lumobi ma poda na mangalo inkarnasi ni Jesus. Memang ditingki di surathon surat on hirahira diujung ni abad na parjolo, tubu do sada poda haliluon na digoari “gnosticisme”. Songon i dibahen goar ni poda haliluon i, ala nasida na mangihuthon poda i mangondolhon hinaarga ni “parbinotoan na istimewa” (Junani: gnosis), na dilehon tu halak natontu. Mangihuthon nasida, holan angka halak na dapotan “ gnosis” i do na dapotan haluaon. Jala haluaon mangihuthon nasida ima pembebasan ni tondi sian pamatang pardagingon on, ala sude angka na bersifat materi na jahat do i di nasida. Marojahan di pangantusion i, ndang mungkin Debata na marrumang tondi saor tu hajolmaon manang pardagingon na bersifat materi i, jala ala ni ndang mungkin Debata gabe jolma songon na tarida di bagasan Jesus. Jadi mangihuthon nasida ndang jolma situtu Jesus, alai na “ sai songon” (seolah-olah) jolma do berengon. Poda na songonon digoari do muse dipudian ni ari “ Docetisme”, na marharoroan sian hata Junani “dokein”, na marlapatan sai songon” (seolah-olah). Poda on ma na gumodang di alo si Johannes disuratna, jala marhite surat i dipapos ibana roha dohot haporseaon ni halak Kristen di hinasintong ni Jesus Kristus songon jolma situtu, dohot hatutuon ( kepastian) ni ngolu nasalelengna siteanon ni angka na porsea di Ibana.
2. Turpuk on ima nagabe pangibulan ni surat 1 Johannes, na ditutup dohot tolu pangalaho naung tontu na dimulai dohot pandohan: “ Taboto do”
a. “Na so mardosa nasa naung tubu sian Debata”. Alasan na, ala marsihohot do ibana tu Debata, jala malua do ibana sian usaha ni angka parjahat na manggugai ibana. Ai ndang tarbahen sibolis be rap dohot angka dongan na, termasuk angka parpoda haliluon manegai haporseson ni angka naung tubu sian Debata. Atik pe ingkon mamoto na porsea i, paboa na sai tongtong do diondamondam angka parjahat i ngoluna. Dibahen i ingkon martangiang ganup ari, mandok “ Ale Amanami na dibanuaginjang palua ma hami sian na jahat”. Asa ganup halak naung porsea di Jesus Kristus i, i do naung tubu sian Debata jala na so tupa hahuaon ni parjahat, ai Debata do bertanggungjawab penuh dingolu ni angka naporsea.
b.”Nasian Debata do hita, jala dibagasan hajahaton do nasa portibion”. Sian Debata do hita na marlapatan, Debata do haroroan ni haojahan ni ngolunta. Nasa na diportibion sian portibion do (2:16), jala nasa na mangulahon dosa “sian sibolis do”(3:8). Angka na asing na so sian Debata, ima pargabus (2:21), tondi siulahon hageduhon (4:1-6). Tondi siulahon hasintongan do na sian Debata. Dison ndang adong kompromi di Johannes. Dua do pilihan di ibana, ima sian Debata (ima nampuna ni Debata), manang sian potibion ima naginonggoman ni sibolis dohot hamatean. Jadi dipertentanghon ibana do angka naporsea namarharoroan sian Debata dohot sude portibion namian ginonggoman ni hajahaton dohot haholomon i. Alai nang pe songon i, ndang nagabe adong dua huaso na dos, ima huaso ni Debata di sada pihak dohot huaso ni sibolis di pihak na asing. Sudena i nunga di patunduk tu toru ni huaso ni Jesus. Jala ala sian Debata do ganup naporsea, ndang tarhahua parjahat be nasida.
c. “Naung ro do Anak ni Debata ima dibasasan diri ni Jesus”. Ibana na gabe sipalua portibion, jala Mesias naung dibagabagahon i, ro dibagasan tompa ni jolma di sejarah ni hajolmaon. Ibana do “ mangalehon roha tu hita”, gabe ale ni i adong “ kecerdasan Spritual” di halak Kristen. Manang songon ni dok ni Ap. Paulus, dilehon do tu angka naporsea “ tondi hapistaran dohot pangungkapon mananda Ibana” (Ep.l:l7). Panandaon di Debata, jala pangantusion na sintong di hataNa dohot lomo ni rohaNa ndada holan nampuna ni angka napistar, alai nampuna ni sude angka naporsea do, ima angka namarsitiopan di hata ni angka apostel, na porsea di Jesus Kristus Anak ni Debata, jala na maniop patik ni Debata.
3. Dijamothon do angka naporseai, asa tontong dijaga nasida dirina maradophon debata sileban. Debata sileban ima angka debata na jinadihon manang nigana ni pingkiran ni jolma. Termasuk ma angka pingkiran na sala taringot tu Debata na sintong, angka poda ni guru-guru palsu naboi mamboan nasida mulak tu hasipelebeguon na marsomba tu angka begu dohot angka ganaganaan ni jolma. Nunga diboto nasida hasintongan, jala nunga di tanda nasida Debata nasintong, ala ni i ingkon jaga nasida didirina maradophon angka poda na palsu manang poda na lipe, ro diangka Debata tiruan manang Debata imitasi. Songon hita na boi sipata maol membedahon barang tiruan manang imitasi sian na asli manang na murni so jolo tangkas di uji, songon ido hita dingoluta on boi do maol membedahon poda imitasi sian poda nasintong dohot Debata imitasi sian Debata na sintong, anggo so tangkas hita manguji angka na niulana Jesus Kristus.
2. Turpuk on ima nagabe pangibulan ni surat 1 Johannes, na ditutup dohot tolu pangalaho naung tontu na dimulai dohot pandohan: “ Taboto do”
a. “Na so mardosa nasa naung tubu sian Debata”. Alasan na, ala marsihohot do ibana tu Debata, jala malua do ibana sian usaha ni angka parjahat na manggugai ibana. Ai ndang tarbahen sibolis be rap dohot angka dongan na, termasuk angka parpoda haliluon manegai haporseson ni angka naung tubu sian Debata. Atik pe ingkon mamoto na porsea i, paboa na sai tongtong do diondamondam angka parjahat i ngoluna. Dibahen i ingkon martangiang ganup ari, mandok “ Ale Amanami na dibanuaginjang palua ma hami sian na jahat”. Asa ganup halak naung porsea di Jesus Kristus i, i do naung tubu sian Debata jala na so tupa hahuaon ni parjahat, ai Debata do bertanggungjawab penuh dingolu ni angka naporsea.
b.”Nasian Debata do hita, jala dibagasan hajahaton do nasa portibion”. Sian Debata do hita na marlapatan, Debata do haroroan ni haojahan ni ngolunta. Nasa na diportibion sian portibion do (2:16), jala nasa na mangulahon dosa “sian sibolis do”(3:8). Angka na asing na so sian Debata, ima pargabus (2:21), tondi siulahon hageduhon (4:1-6). Tondi siulahon hasintongan do na sian Debata. Dison ndang adong kompromi di Johannes. Dua do pilihan di ibana, ima sian Debata (ima nampuna ni Debata), manang sian potibion ima naginonggoman ni sibolis dohot hamatean. Jadi dipertentanghon ibana do angka naporsea namarharoroan sian Debata dohot sude portibion namian ginonggoman ni hajahaton dohot haholomon i. Alai nang pe songon i, ndang nagabe adong dua huaso na dos, ima huaso ni Debata di sada pihak dohot huaso ni sibolis di pihak na asing. Sudena i nunga di patunduk tu toru ni huaso ni Jesus. Jala ala sian Debata do ganup naporsea, ndang tarhahua parjahat be nasida.
c. “Naung ro do Anak ni Debata ima dibasasan diri ni Jesus”. Ibana na gabe sipalua portibion, jala Mesias naung dibagabagahon i, ro dibagasan tompa ni jolma di sejarah ni hajolmaon. Ibana do “ mangalehon roha tu hita”, gabe ale ni i adong “ kecerdasan Spritual” di halak Kristen. Manang songon ni dok ni Ap. Paulus, dilehon do tu angka naporsea “ tondi hapistaran dohot pangungkapon mananda Ibana” (Ep.l:l7). Panandaon di Debata, jala pangantusion na sintong di hataNa dohot lomo ni rohaNa ndada holan nampuna ni angka napistar, alai nampuna ni sude angka naporsea do, ima angka namarsitiopan di hata ni angka apostel, na porsea di Jesus Kristus Anak ni Debata, jala na maniop patik ni Debata.
3. Dijamothon do angka naporseai, asa tontong dijaga nasida dirina maradophon debata sileban. Debata sileban ima angka debata na jinadihon manang nigana ni pingkiran ni jolma. Termasuk ma angka pingkiran na sala taringot tu Debata na sintong, angka poda ni guru-guru palsu naboi mamboan nasida mulak tu hasipelebeguon na marsomba tu angka begu dohot angka ganaganaan ni jolma. Nunga diboto nasida hasintongan, jala nunga di tanda nasida Debata nasintong, ala ni i ingkon jaga nasida didirina maradophon angka poda na palsu manang poda na lipe, ro diangka Debata tiruan manang Debata imitasi. Songon hita na boi sipata maol membedahon barang tiruan manang imitasi sian na asli manang na murni so jolo tangkas di uji, songon ido hita dingoluta on boi do maol membedahon poda imitasi sian poda nasintong dohot Debata imitasi sian Debata na sintong, anggo so tangkas hita manguji angka na niulana Jesus Kristus.