PRNB HKI AJIBATA KUNJUNGAN JEMAAT KE PNB HKI SEMPURNA MEDAN IV
Goarna pe molo halak na imbaru di sadasada situasi, sai lomo do roha molo laho mamerengmereng tu angka na humaliang iba. Didok halak na pistar, “Asa unang songon bojak na dihungkupi dasar” (bagaikan katak di bawah tempurung). Tole muse, asa lam martamba angka na binoto, na niida jala na nihilala. On do alasan parjolo sahali umbahen na lao Punguan Remaja Naposo Bulung (PRNB) HKI Ajibata na niuluhon ni Vic.Pdt.Manamba Tua Pasaribu, STh dohot St. M. Silalahi tumopot PNB HKl Sempurna Resot Medan IV.
Ra ganup do hita mamoto, paboa HKI Ajibata nambura dope jongjong. Tontu, songon halak nambura, sai jotjot dope mambanding-bandinghon perbedaan ni situasi na ni alamanna andorang so masuk dope nasida gabe ruas ni HKI. Jadi asa lam haru umbuk (betah) panghilalaan nasida di na mar-HKI on, gabe binahen ma program ni PRNB i kunjungan jemaat. Laos jemaat na dikunjungi pe, sengaja do pinatudu tu nasida HKI Sempurna Medan on. Alana sarupa panghilalaan do nasida na dua.
Marhite sian na sapanghilalaan nasida, jala dung cerita demi cerita gabe lam solhot ma pardonganon di si. Toho ma tutu na di roha i, gabe masipapuas na di rohana be ma nasida diparjumpaan i. Mansai tabo ma tahe idaon pertemuan i.
Topet di pukul 13.30 Wib ari Sabtu, 09 Februari 2008 na salpu borhat ma PRNB Ajibata sian gareja HKI Ajibata na pinaborhat ni angka na tuatuana be. Laos jolo dibahen inang Nai Harry br Hutapea do tangiang pamborhati sian tonga ni bagas joro i. Dungkon ni i huhut marlaok senyum dompet, naek be ma sude angka na poso i tu bagasan bus Sejahtera Nauli i. Tabo muse antong manumpang bus Sejahtera on, supirna pe angka pamili ni dongan do, lengkap muse fasilitas AC dohot TV, hape mura do i disewa didok ala naposo gareja do sewana sude.
Bangkona ma huroha molo sama-sama naposo laho mardalani, ndang terasa nunga sahat be di Medan, hape panghilalaan hira na satongkin hian dope.Dung sahat di HKI Sempurna, ndang panagaman hape nunga bersiap-siap nasida laho menyambut haroronami. Tung mansai las ma tahe rohanami sude, tole burjuburju do nasida sude angka na hudapot hami di si. Ndang pola be repot hami mangalompai na laho sipanganon, ai nunga dilompai nasida hian. Tole amang Pdt. J. Pasaribu, MTh i pe mansai burju. Hape molo baru binereng kumisna i mabiar iba, ia dung niantoan songon i nama lambok ni rohana di bagasan.
Dung sae hami marsipanganon sude langsung ma acara kebaktian singkat. Kebaktian i na niuluhon ni amanta Vic.Pdt.MT.Pasaribu (Parjamita), St.M.Silalahi (Paragenda), Harry Pasaribu (Pianis), Fitri Sirait (Protokol,’M(.). Dung i masuk ma to acara ramah-tamah, jala perkenalan masing-masing dohot sude angka naposo ni HKI Sempurna i. Ndang terasa, borngin pe nunga bagas, ujungna modom be hami, asa margogo marsogot pagi mandohoti kebaktian saat teduh dohot acara minggu.
Pengalaman nami na menarik, selama mandohoti kebaktian minggu di si, mansai hening, hikmat, pokokna boi ma tarbege madekdek jarum. Tole muse tabo soara ni angka ganup parkoorna. Didok rohanami, aut boi ma nian songon i tabona acara minggu di garejenami. Alai ndang huboto ala terlena nasida mambege jamita ni amanta Vicar Pdt. MT.Pasaribu dah, ujungna gabe hening kebaktian i. Mardomu sipapungu pelean pe deba sian PNB Ajibata do, ima si Dariman Siallagan dohot Delima br Manurung.
Dung simpul ibadah minggu, dipatupa acara manuan dua batang pohon cemara sebagai cendramata ni PRNB Ajibataa di huria Sempurna (lihat di gambar,Kaka Fitri br Sirait sedang menanam bunga Cemaranya). Dohot maksud, atik beha masihol angka dongan PNB Sempurna tu PRNB Ajibata, bah ditatap ma tu bunga na sinuan i.
Adong dope tahe acara na so tarlupahon, ima acara permainan papindahon karet golang tangan sian bibir tu bibir ni angka na berlawanan jenis. Alai pangke dongkrak gigi do dah he... he sotung gabe sala tafsir hamu angka dongan panjaha. Acara on dipatupa dung sae mangan siang mulak minggu, sekalian paimahon bus Sejahtera mangalap asa marhehean nauli. Dungkonni i pintor ro ma bus jemputan, di bagasan borat ni roha laho berpisah dohot angka dongan naposo ni HKI Sempurna, alai terpaksa ma iba holan bertukar no HP, huhut melambaikan tangan “Sampai berjumpa kembali.... ! “. (Rj. G)
Goarna pe molo halak na imbaru di sadasada situasi, sai lomo do roha molo laho mamerengmereng tu angka na humaliang iba. Didok halak na pistar, “Asa unang songon bojak na dihungkupi dasar” (bagaikan katak di bawah tempurung). Tole muse, asa lam martamba angka na binoto, na niida jala na nihilala. On do alasan parjolo sahali umbahen na lao Punguan Remaja Naposo Bulung (PRNB) HKI Ajibata na niuluhon ni Vic.Pdt.Manamba Tua Pasaribu, STh dohot St. M. Silalahi tumopot PNB HKl Sempurna Resot Medan IV.
Ra ganup do hita mamoto, paboa HKI Ajibata nambura dope jongjong. Tontu, songon halak nambura, sai jotjot dope mambanding-bandinghon perbedaan ni situasi na ni alamanna andorang so masuk dope nasida gabe ruas ni HKI. Jadi asa lam haru umbuk (betah) panghilalaan nasida di na mar-HKI on, gabe binahen ma program ni PRNB i kunjungan jemaat. Laos jemaat na dikunjungi pe, sengaja do pinatudu tu nasida HKI Sempurna Medan on. Alana sarupa panghilalaan do nasida na dua.
Marhite sian na sapanghilalaan nasida, jala dung cerita demi cerita gabe lam solhot ma pardonganon di si. Toho ma tutu na di roha i, gabe masipapuas na di rohana be ma nasida diparjumpaan i. Mansai tabo ma tahe idaon pertemuan i.
Topet di pukul 13.30 Wib ari Sabtu, 09 Februari 2008 na salpu borhat ma PRNB Ajibata sian gareja HKI Ajibata na pinaborhat ni angka na tuatuana be. Laos jolo dibahen inang Nai Harry br Hutapea do tangiang pamborhati sian tonga ni bagas joro i. Dungkon ni i huhut marlaok senyum dompet, naek be ma sude angka na poso i tu bagasan bus Sejahtera Nauli i. Tabo muse antong manumpang bus Sejahtera on, supirna pe angka pamili ni dongan do, lengkap muse fasilitas AC dohot TV, hape mura do i disewa didok ala naposo gareja do sewana sude.
Bangkona ma huroha molo sama-sama naposo laho mardalani, ndang terasa nunga sahat be di Medan, hape panghilalaan hira na satongkin hian dope.Dung sahat di HKI Sempurna, ndang panagaman hape nunga bersiap-siap nasida laho menyambut haroronami. Tung mansai las ma tahe rohanami sude, tole burjuburju do nasida sude angka na hudapot hami di si. Ndang pola be repot hami mangalompai na laho sipanganon, ai nunga dilompai nasida hian. Tole amang Pdt. J. Pasaribu, MTh i pe mansai burju. Hape molo baru binereng kumisna i mabiar iba, ia dung niantoan songon i nama lambok ni rohana di bagasan.
Dung sae hami marsipanganon sude langsung ma acara kebaktian singkat. Kebaktian i na niuluhon ni amanta Vic.Pdt.MT.Pasaribu (Parjamita), St.M.Silalahi (Paragenda), Harry Pasaribu (Pianis), Fitri Sirait (Protokol,’M(.). Dung i masuk ma to acara ramah-tamah, jala perkenalan masing-masing dohot sude angka naposo ni HKI Sempurna i. Ndang terasa, borngin pe nunga bagas, ujungna modom be hami, asa margogo marsogot pagi mandohoti kebaktian saat teduh dohot acara minggu.
Pengalaman nami na menarik, selama mandohoti kebaktian minggu di si, mansai hening, hikmat, pokokna boi ma tarbege madekdek jarum. Tole muse tabo soara ni angka ganup parkoorna. Didok rohanami, aut boi ma nian songon i tabona acara minggu di garejenami. Alai ndang huboto ala terlena nasida mambege jamita ni amanta Vicar Pdt. MT.Pasaribu dah, ujungna gabe hening kebaktian i. Mardomu sipapungu pelean pe deba sian PNB Ajibata do, ima si Dariman Siallagan dohot Delima br Manurung.
Dung simpul ibadah minggu, dipatupa acara manuan dua batang pohon cemara sebagai cendramata ni PRNB Ajibataa di huria Sempurna (lihat di gambar,Kaka Fitri br Sirait sedang menanam bunga Cemaranya). Dohot maksud, atik beha masihol angka dongan PNB Sempurna tu PRNB Ajibata, bah ditatap ma tu bunga na sinuan i.
Adong dope tahe acara na so tarlupahon, ima acara permainan papindahon karet golang tangan sian bibir tu bibir ni angka na berlawanan jenis. Alai pangke dongkrak gigi do dah he... he sotung gabe sala tafsir hamu angka dongan panjaha. Acara on dipatupa dung sae mangan siang mulak minggu, sekalian paimahon bus Sejahtera mangalap asa marhehean nauli. Dungkonni i pintor ro ma bus jemputan, di bagasan borat ni roha laho berpisah dohot angka dongan naposo ni HKI Sempurna, alai terpaksa ma iba holan bertukar no HP, huhut melambaikan tangan “Sampai berjumpa kembali.... ! “. (Rj. G)